Miˇkaˬ 1:12 - Akha

¹² Luˬ-iˇ seˇ-iˇ-eu jeˬ Sahˬpaˬ Miˬyehˇ neh Yeˬluˇsaˬlehˬ meuˬ-euˬ lahˇ kʼehˬ-ahˇ tehˬ ni bi keuˆ le taˬ-euˬ miˇ neh, Maˬyawˆ meuˬ-ahˇ jawˇ-eu tsawˇ haˬ deuˬ noeˬ shaˬ dui dui-eu laꞈ kʼoeˇ saꞈ gʼawˇ daˆ-awˇ, buˬ-iˇ-eu gaˇ ma dahˇ-eu maˬ siˬ lehˇ noeˬ kʼoeˬ-awˇ gʼaˬ doeˇ doeˇ dui dui luꞈ meh.

Miˇkaˬ 1:12 ပူးပေါင်းရင်းမြစ်များ

Yawˇbaˆ 30:26

Laˬ kʼaˬ cehˇ-eu jeˬ hawˇ-eu yaw shehꞈ-ahˇ ngaˇ noeˬ tmˬ-euˬ kʼawꞈ, noeˬ shaˬ noeˬ zahˬ-eu jeˬ hawˇ-eu yaw zahˇ jeˬ keuˆ le-euˬ meh.

Iˇsaˬyaˇ 45:7

Yaw shehꞈ hawˇ-eu yaw zahˇ nyiˬ jeˬ luꞈ-ahˇ, ngaˬ neh beh taˬ-euˬ ma. Lahˬ hawˇ-eu dawˇ nyiˬ jeˬ luꞈ-ahˇ, ngaˇ bi keuˆ le-eu ma. Sahˬpaˬ Miˬyehˇ pyeuꞈ-eu ngaˇ-aˬ, heu dawˬ tawˆ luꞈ mˇ jiˇ-eu yaw sahˇ ma.

Yeˬlaˬmiˇ 14:19

Sahˬpaˬ Miˬyehˇ nawˇ Yuˇdaˆ tsawˇ haˬ-ahˇ, byehˇ tsehˆ tsehˆ nehˬ laꞈ-euˬ ma loˇ. Ziˇoˬ meuˬ-ahˇ nawˇ maˬ haw nahˇ te loˇ. Nga maꞈ jaˆ gʼaˬ maˬ yaˇ taˬ nya gaˇ keuˆ, aˬ jeˬ miˇ neh nawˇ laˆ naˇ nehˬ laꞈ te. Nui saˇ oꞈ-eu jeˬ-ahˇ nga maꞈ poˆ kʼawꞈ, yaw muiˬ tiˬ jeˬ-iˬ maˬ baw-a. Naˇ gawˇ taˬ leˇ gaˇ nga maꞈ noeˬ tmˬ kʼawꞈ, guˆ-eu gaˆ-eu jeˬ paˇ keuˆ le-euˬ meh.

Yeˬlaˬmiˇ 8:15

Jawˇ saˇ doˆ-awˇ nui saˇ oꞈ gaˇ aˬ dui noeˬ tmˬ-euˬ kʼawꞈ, guˆ-eu gaˆ-eu jeˬ bi keuˆ le-euˬ meh.

Aˬmoˆ 3:6

Tsawˇ haˬ maˬ bi tsawˬ guˆ-iˇ ni meuˬ laꞈ kʼoeˇ guiˇ deuˆ-eu daˇ heh baw mahˇ nya meh loˇ. Sahˬpaˬ Miˬyehˇ neh maˬ jahˇ-euˬ gaˇ, luˬ-iˇ seˇ-iˇ-eu jeˬ meuˬ kʼoeˇ taˆ keuˆ le nya meh loˇ.

Miˇkaˬ 1:9

Saˬmaˬliˆ meuˬ-euˬ naˇ gawˇ maˬ paˇ laˆ saˆ nya-ehˇ, Yuˇdaˆ miˇ kʼahˬ kʼawꞈ kʼoeˇ loꞈ-ehˇ duˇ ni ya naˇ ya gawˇ-eu keuˆ le taˬ-euˬ meh. Ngaˬ-euˬ tsawˇ haˬ deuˬ jawˇ-eu Yeˬluˇsaˬlehˬ meuˬ-euˬ lahˇ kʼehˬ-ahˇ, luˬ-iˇ seˇ-iˇ-eu jeˬ keuˆ le taˬ-euˬ meh.”

Luˇta 1:20

Kʼoeˇ ngeh, zaˬ miˬ zaˬ kʼoeˇ deuˬ-ahˇ Nawˇmi ehˇ nehˬ-eu, “Ngaˬ-ahˇ Nawˇmi‘Nawˇmi’ lehˇ ehˇ-eu Heˬbyehˇ dawˬ-euˬ dawˬ tsuiꞈ-aˬ, ‘laˬ kʼaˬ cehˇ-eu’ lehˇ ehˇ mawꞈ-eu meh.* lehˇ taˬ paˇ kuˇ. Maˬlahˬ‘Maˬlahˬ’, lehˇ ehˇ-eu Heˬbyehˇ dawˬ-euˬ dawˬ tsuiꞈ-aˬ, ‘shaˬ zahˬ’ naꞈ-eu lehˇ ehˇ mawꞈ-eu meh.* lehˇ kuˇ-awˬ. Aˬ jeˬ miˇ neh ehˇ naˇ, Baoˬ huiˬ-eu Miˬyehˇ ngaˬ-ahˇ shaˬ zahˬ bi keuˆ le-euˬ meh.

1 Saˬmeuˬlaˆ 4:13

Dawˬ ma saˇ jaˇ Bahˬ keuˆ gaˇ kawˆ kʼahˬ lahˇ dui dui luꞈ-eu Eˇliˆ-aˬ, gaˇ ma gaˇ dzeˇ nuiˇ duˬ tiˬ tsahˇ-ahˇ nuiˇ-awˇ loꞈ luꞈ-eu meh. Tsawˇ haˬ kʼoeˇ gʼaˬ, kʼaˇ pyeuꞈ laˇ-euˬ gaˇ kawˆ meuˬ-ahˇ tsaꞈ gaˬ doe ngeh, meuˬ meuˬ lah-ehˇ ngoeˇ-eu meh.