Maꞈtehˬ 9:34 - Akha

³⁴ Ehˇ kʼawꞈ, Paˬliˬsehˇ deuˬ ehˇ-eu, “Nehꞈ Sahˬpaˬ-euˬ baoˬ-ahˇ aˬ yawꞈ gʼoe-awˇ nehꞈ teh doˆ-eu ngaˇ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁴ Aerkhawf, Paqliqsaer deuq aer-eu, “Aqyawf-aq, naef sanqpaq-anr ghoeghoe-aer naef-anr taedov-eu nga.”

Maꞈtehˬ 9:34 ပူးပေါင်းရင်းမြစ်များ

Maꞈtehˬ 10:25

Kʼoeˇ miˇ neh, gʼaˬ kʼehˇ gʼaˬ yawˬ ha-euˬ saˬ laˬ hui ni huiˬ keuˆ leˇ nya naˇ, nui kʼahˇ shiˇ-eu tsaˬ-awˇ, zaˬ kʼaˆ gʼaˬ yawˬ ha-euˬ baw leˬ hui ni huiˬ keuˆ leˇ nya naˇ, nui kʼahˇ shiˇ-eu tsaˬ tehꞈ-a. Nymˇ sahˇ aˬ da gʼaˬ-ahˇ Beˬlaˇzeˬbuˇlaˆ lehˇ kuˇ naˇ, nymˇ kʼahˬ zaˬ deuˬ-ahˇ kʼoeˇ naˆ maˬ tseˇ doeˇ-eu tsawˇ myahˇ kuˇ-eu tsaˬ tehꞈ-a.

Maꞈtehˬ 11:18

Yoˇhaˬ oe ngeh, hawˬ maˬ dzaˬ ni dzahˬ-awˇ aˬ gaꞈ dzaˇ uiˇ maˬ dawˇ-eu miˇ neh, ‘Tsawˇ haˬ heu gʼaˬ nehꞈ uˇ-eu tsawˇ haˬ ngaˇ’ lehˇ, yawˬ gʼaˬ na luꞈ ehˇ-eu meh.

Maꞈtehˬ 12:22

Kʼoeˇ naˇ, nehꞈ uˇ-eu miˇ neh dawˬ maˬ ngehˬ doˆ nya-eu myaˆ behꞈ tiˬ gʼaˬ-ahˇ, Yeˬsuˇ jawˇ gaˇ sheuˬ laꞈ-euˬ meh. Yeˬsuˇ aˬ yawꞈ-ahˇ laˆ taˬ nehˬ ngeh, myaˆ nuiˆ mawˇ laˇ-awˇ, dawˬ kʼawꞈ ngehˬ doˆ nya laˇ-euˬ meh.

Maꞈtehˬ 12:27

Beˬlaˇzeˬbuˇlaˆ-euˬ baoˬ-ahˇ gʼoe-awˇ ngaˇ nehꞈ teh doˆ-eu ngeuˇ naˇ, naw maꞈ-euˬ zaˬ lahˇ deuˬ aˬ suˇ gʼaˬ-euˬ baoˬ-ahˇ gʼoe-awˇ nehꞈ teh doˆ ta. Naw maꞈ ngehˬ-euˬ dawˬ maˬ tsaˬ-eu gaˇ kawˆ, naw maꞈ-euˬ zaˬ lahˇ deuˬ neh mˇ-euˬ gaˇ kʼoeˇ deuˬ, saˇ kiˇ kamˬ luꞈ meh.

Maˬkuˆ 3:22

Yeˬluˇsaˬlehˬ meuˬ-ahˇ neh oe-euˬ Zahˇ dawˬ kʼoꞈ dawˬ mehˬ-eu saˬ laˬ tiˬ paˆ na deuˬ-aˬ, “Aˬ yawꞈ-euˬ laꞈ kʼoeˇ Beˬlaˇzeˬbuˇlaˆ uˇ-eu nga. Nehꞈ sahˬ paˬ neh aˬ yawꞈ-ahˇ nehꞈ teh doˆ nya-eu baoˬ biꞈ taˬ-euˬ nga” lehˇ ehˇ-eu meh.

Luˇkaꞈ 11:15

Ehˇ kʼawꞈ, tsawˇ haˬ tiˬ paˆ na deuˬ ehˇ-eu, “Nehꞈsahˬpaˬ Beˬlaˇzeˬbuˇlaˆ-euˬ baoˬ-ahˇ gʼoe-awˇ, aˬ yawꞈ nehꞈ teh doˆ-euˬ ngaˇ.”

Yoˇhaˬ 3:20

Yaw haiˬ jeˬ mˇ-eu tsawˇ haˬ-aˬ, yaw shehꞈ-ahˇ bye-awˇ, yaw shehꞈ jaˆ gaˇ maˬ laˇ-a. Aˬ jeˬ miˇ neh ehˇ naˇ, aˬ yawꞈ neh mˇ-euˬ yaw haiˬ jeˬ-ahˇ aˬ cawˬ mawˇ gaˇ guˆ-eu meh.

Yoˇhaˬ 7:20

Tsawˇ haˬ aˇ maꞈ ehˇ-eu, “Nawˇ nehꞈ uˇ-eu ngaˇ. Aˬ suˇ gʼaˬ nawˬ-ahˇ sehꞈ-eu gʼeh nga lehˇ ehˇ te.”