Maꞈtehˬ 9:22 - Akha

²² Yeˬsuˇ nahˇ gʼoꞈ gʼoꞈ haw ngeh, aˬ yawꞈ-ahˇ mawˇ-awˇ, “Aˬ buˇ-oˇ, tiˬ jeˬ-iˬ taˬ noeˬ shaˬ. Nawˬ-euˬ jah-eu nui ma neh nawˬ-ahˇ bi taˬ leˇ-euˬ meh” lehˇ ehˇ nehˬ-euˬ meh. Kʼoeˇ loꞈ-ehˇ ehˇ gʼaˬ-eu maˬ dah ni, zaˬ miˬ zaˬ kʼoeˇ gʼaˬ-euˬ naˇ gawˇ taˬ tsehˆ leˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²² Khoerngae, Yeqsur nanrghof ghofhaw-awr, zaqmiq aqbur khoerghaq-anr hawmawr-awr aernaeq-eu, “Zaqmiq-or! Laqkhaq caer-awq. Nawq-euq jan-eu jeq nae, nawq-anr bi taqler-euq mae.” Khoerngae yamq-anr nae, zaqmiq aqbur khoerghaq taqler-euq mae.

Maꞈtehˬ 9:22 ပူးပေါင်းရင်းမြစ်များ

Maꞈtehˬ 15:28

Kʼoeˇ ngeh jawˇ, zaˬ miˬ zaˬ kʼoeˇ gʼaˬ-ahˇ Yeˬsuˇ ehˇ nehˬ-eu, “Nawˇ-aˬ, jah-eu gʼaˬ kʼaˆ dui dui-eu zaˬ miˬ zaˬ tiˬ gʼaˬ law hawˇ nga. Nawˇ kʼaˇ bi pyeuꞈ mawꞈ-eu loꞈ-ehˇ nawˬ-euˬ gʼaˇ duˬ pyeuꞈ laˇ luꞈ-uˇ.” Kʼoeˇ loꞈ-ehˇ ehˇ gʼaˬ ngeh, aˬ yawꞈ-euˬ aˬ buˇ kʼoeˇ gʼaˬ tiˬ poˆ tehꞈ-ehˇ taˬ leˇ-euˬ meh.

Maꞈtehˬ 17:18

Nehꞈ kʼoeˇ mawˇ-ahˇ Yeˬsuˇ dehˬ ngeh, aˬ li kʼoeˇ li-euˬ gʼawˇ mawˇ laꞈ kʼoeˇ neh doˆ-iˇ-awˇ, aˬ li kʼoeˇ li tiˬ poˆ tehꞈ-ehˇ taˬ leˇ-euˬ meh.

Maꞈtehˬ 8:13

Kʼoeˇ naˇ, yaw huiˬ yaw mahˇ kʼoeˇ gʼaˬ-ahˇ, “Gʼoꞈ-iˇ-awˬ. Nawˬ neh kʼaˇ jah-euˬ jeˬ keuˆ le luꞈ-uˇ” lehˇ, Yeˬsuˇ ehˇ nehˬ-euˬ meh. Kʼoeˇ ngeh, zaˬ kʼaˆ kʼoeˇ gʼaˬ tiˬ poˆ tehꞈ-ehˇ jawˇ saˇ doˆ laˇ-euˬ meh.

Maꞈtehˬ 9:2

Kʼoeˇ ngeh, maˬ luˆ nya-ehˇ yuꞈ zaˇ kʼoeˇ taˆ bi yuꞈ taˬ-euˬ kuiˇ shiˇ laꞈ shiˇ shiˇ-euˬ tsawˇ haˬ tiˬ gʼaˬ-ahˇ, aˬ yawꞈ jawˇ gaˇ baꞈ ha le-euˬ meh. Baꞈ ha le-euˬ tsawˇ haˬ kʼoeˇ deuˬ-euˬ jah-eu nui ma-ahˇ Yeˬsuˇ ya mawˇ ngeh, kuiˇ shiˇ laꞈ shiˇ shiˇ-euˬ tsawˇ haˬ kʼoeˇ gʼaˬ-ahˇ, “Aˬ li-oˇ, tiˬjeˬ-iˬ taˬ noeˬ shaˬ. Nawˬ-euˬ iˬ baˇ-ahˇ Miˬyehˇ pyehˬ nehˬ gʼaˬ-euˬ meh lehˇ ngaˇ ehˇ-eu ma” lehˇ ehˇ nehˬ-euˬ meh.

Maꞈtehˬ 9:29

Kʼoeˇ naˇ, aˬ yawꞈ nyaꞈ-euˬ myaˆ nuiˆ-ahˇ Yeˬsuˇ toeˬ ciˆ-awˇ, “Naw nyaꞈ jah-eu loꞈ-ehˇ pyeuꞈ laˇ luꞈ-uˇ” lehˇ ehˇ nehˬ-euˬ meh.

Maˬkuˆ 10:52

Yeˬsuˇ ehˇ-eu, “Gʼoꞈ-iˇ-awˬ. Nawˬ-euˬ jah-eu nui ma neh nawˬ-ahˇ bi taˬ leˇ-euˬ meh.” Tsawˇ haˬ kʼoeˇ gʼaˬ tiˬ poˆ tehꞈ-ehˇ myaˆ nuiˆ mawˇ laˇ-awˇ, Yeˬsuˇ-euˬ mehˬ nah caw teh gʼeh-euˬ meh.

Maˬkuˆ 5:34

Yeˬsuˇ aˬ yawꞈ-ahˇ ehˇnehˬ-eu, “Ngaˬ buˇ-oˇ. Nawˬ-euˬ jah-eu nui ma nawˬ-ahˇ bi taˬ leˇ-euˬ meh. Nui ma saˇ lehˆ ni gʼoꞈ-iˇ-awˬ. Nawˬ-euˬ naˇ gawˇ teu tiˬ jawˇ-iˬ maˬ paˇ naˇ poˆ laˇ-aˇ.”

Luˇkaꞈ 17:19

Kʼoeˇ naˇ, tsawˇ haˬ kʼoeˇ gʼaˬ-ahˇ Yeˬsuˇ ehˇ nehˬ-eu, “Tuˇ-awˇ gʼoꞈ-iˇ-awˬ. Nawˇ jah-eu jeˬ nawˬ-ahˇ bi taˬ leˇ-euˬ meh.”

Luˇkaꞈ 18:42

Yeˬsuˇ aˬ yawꞈ-ahˇ ehˇ nehˬ-eu, “Myaˇ nuiˆ mawˇ laˇ-awˬ. Nawˬ-euˬ jah-eu nui ma nawˬ-ahˇ bi taˬ leˇ-euˬ meh.”

Luˇkaꞈ 7:50

Kʼoeˇ naˇ, zaˬ miˬ zaˬ kʼoeˇ gʼaˬ-ahˇ Yeˬsuˇ ehˇ nehˬ-eu, “Nawˇ jah-eu jeˬ neh nawˬ-ahˇ ka kʼoꞈ nehˬ-euˬ meh. Nui saˇ oꞈ-eu laꞈ kʼoeˇ gʼoꞈ-iˇ-awˬ.”

Luˇkaꞈ 8:48

“Aˬ buˇ-oˇ, nawˬ-euˬ jah-eu nui ma nawˬ-ahˇ bi taˬ leˇ-euˬ meh. Nui ma saˇ lehˆ ni gʼoꞈ-iˇ-awˬ” lehˇ, zaˬ miˬ zaˬ kʼoeˇ gʼaˬ-ahˇ Yeˬsuˇ ehˇ nehˬ-euˬ meh.

Yoˇhaˬ 4:53

Yeˬ suˇ neh aˬ yawꞈ-ahˇ “Nawˬ li jawˇ saˇ doˆ laˇ gʼaˬ-euˬ meh” lehˇ ehˇ nehˬ-euˬ kʼoeˇ, aˇ yamˬ kʼoeˇ yamˬ nyiˬ paˆ-ehˇ tsaˬ-eu gaˇ kawˆ, aˬ da kʼoeˇ gʼaˬ siˬ duˬ-euˬ meh. Kʼoeˇ miˇ neh, aˬ yawꞈ hawˇ-eu aˬ yawꞈ-euˬ miˬ sawˇ zaˬ dawˬ tawˆ luꞈ, Yeˬsuˇ-ahˇ jah laˇ-euˬ meh.

Gʼaˬkʼehˇ 14:9

Aˬ yawꞈ nuiˇ-awˇ, Pawˇluˆ dawˬ ngehˬ gaˇ naˇ haˬ luꞈ-eu meh. Aˬ yawꞈ-aˬ, taˬ leˇ nya ni jah-eu nui ma ahˇ luꞈ gaˇ Pawˇluˆ ya mawˇ-euˬ miˇ neh, aˬ yawꞈ-ahˇ haw tsoˆ-awˇ,

Gʼaˬkʼehˇ 16:18

Aˬ yawꞈ kʼoeˇ loꞈ-ehˇ guˇ guˇ-ehˇ caw teh-eu gʼawˬ mya nah byah laˇ-euˬ miˇ neh, Pawˇluˆ maˬ oˇ oꞈ coeˇ laˇ-ehˇ, naˇ kʼah paw zeuˆ pyawˇ-awˇ, nehꞈ kʼoeˇ mawˇ-ahˇ “Aˬ yawꞈ-euˬ laꞈ kʼoeˇ neh doˆ-iˇ-awˬ lehˇ, Yeˬsuˇ Ka li-euˬ tsawˇ myahˇ uˬ moˆ ngaˇ nawˬ-ahˇ dawˬ biꞈ-eu ma” lehˇ ehˇ nehˬ ngeh, nehꞈ kʼoeˇ mawˇ aˬ buˇ kʼoeˇ buˇ-euˬ laꞈ kʼoeˇ neh tiˬ poˆ tehꞈ-ehˇ doˆ-iˇ-euˬ meh.

HeˬByehˇ 4:2

Aˬ jeˬ miˇ neh ehˇ naˇ, Laˬ kʼaˬ cehˇ-eu Guiˬlahˬ dawˬ-ahˇ aˬ yawꞈ maꞈ ya gaˬ-euˬ loꞈ-ehˇ, aˬ dui kʼawꞈ ya gaˬ gʼaˬ-euˬ ma. Guiˬ lahˬ dawˬ kʼoeˇ-ahˇ aˬ yawꞈ maꞈ ya gaˬ-euˬ kʼawꞈ, jah-eu laꞈ kʼoeˇ maˬ ha geuꞈ-euˬ miˇ neh aˬ yawꞈ maꞈ gʼaˇ duˬ tiˬ jeˬ-iˬ gaˇ dahˇ maˬ tsoeˬ-a.