Maꞈtehˬ 9:18 - Akha

¹⁸ Aˬ yawꞈ maꞈ-ahˇ Yeˬsuˇ kʼoeˇ loꞈ-ehˇ ehˇ nehˬ luꞈ ngeh, yaw huiˬ yaw mahˇ tiˬ gʼaˬ Yeˬsuˇ jawˇ gaˇ oe-euˬ meh. Yeˬsuˇ-euˬ mehˬ shi aˬ yawꞈ ga byaˆ-awˇ, “Ngaˬ buˇ uˬ soe shiˇ tsehˆ-euˬ meh. Ehˇ kʼawꞈ, nawˇ oe-awˇ aˬ laꞈ tiˬ poˆ baꞈ daˆ nehˬ laꞈ naˇ, aˬ yawꞈ paˇ dehꞈ poˆ laˇ tehꞈ-a” lehˇ ehˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Yeqsur garkawv khoerdeuq aernaeqluf ngae, zanrdawq khawqnymr-euq aqyuif tiq ghaq lar-awr, aqyawf-anr uqduq tanqtanq-aer aer-eu, “Ngaqbur nymq-mr hawrnae shir-aq siq, nawr, aqyawf-anr aqlaf bafdav naeqle sher-eq. Aqyawf daeflar taef-a.”

Maꞈtehˬ 9:18 ပူးပေါင်းရင်းမြစ်များ

2 Sahˬpaˬ 5:11

Ehˇ kʼawꞈ, Neˬmaˬ nui ma pehˇ-eu laꞈ kʼoeˇ doˆ-iˇ-awˇ, heu loꞈ-ehˇ ehˇ-eu meh. “Aˬ yawꞈ-euˬ gʼawˇ mawˇ ngaˇ jawˇ gaˇ oe doˆ-awˇ, aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guiˬ lahˬ shaˇ-eu laꞈ kʼoeˇ, ngaˬ-euˬ maˇ naˇ kʼoeˇ taˆ aˬ laꞈ cawˬ ja-awˇ, laˆ taˬ nehˬ laꞈ-eu tsaˬ tehꞈ-a.

Maꞈtehˬ 14:33

Kʼoeˇ naˇ, lawˬ laꞈ kʼoeˇ uˇ luꞈ-eu zaˬ lahˇ deuˬ Yeˬsuˇ-ahˇ uˬ duˬ tahˬ-euˬ meh. Aˬ yawꞈ maꞈ ehˇ-eu, “Nawˇ-aˬ, maˇ maˇ ni Miˬyehˇ-euˬ Zaˬmaˇ ngaˇ.”

Maꞈtehˬ 15:25

Kʼoeˇ ngeh jawˇ, zaˬ miˬ zaˬ kʼoeˇ gʼaˬ aˬ yawꞈ-euˬ aˬ kuiˇ dawˬ peh pawˬ tsuiꞈ pawˬ dmˬ dmˬ-awˇ, “Sahˬ paˬ-oˇ, ngaˬ-ahˇ ngehˬ gʼeh nehˬ laꞈ-awˬ” lehˇ ehˇ-eu meh.

Maꞈtehˬ 17:14

Aˬ yawꞈ maꞈ tsawˇ haˬ aˇ maꞈ jawˇ gaˇ gʼoꞈ keuˆ le ngeh, tsawˇ haˬ tiˬ gʼaˬ Yeˬsuˇ mehˬ shi pawˬ tsuiꞈ pawˬ dmˬ dmˬ le-awˇ, heu loꞈ-ehˇ ehˇ-eu meh.

Maꞈtehˬ 20:20

Kʼoeˇ naˇ, Zeˬbeˬdehˇ-euˬ miˬ zaˬ-aˬ, aˬ yawꞈ-euˬ aˬ li nyiˬ li sheuˬ-awˇ, aˬ nyaꞈ nmˇ gʼaˇ duˬ tiˬ jeˬ paˬ shaˇ-eu lehˇ, Yeˬsuˇ-euˬ mehˬ shi pawˬ tsuiꞈ pawˬ dmˬ dmˬ-euˬ meh.

Maꞈtehˬ 28:17

Aˬ yawꞈ maꞈ aˬ yawꞈ-ahˇ mawˇ ngeh, uˬ duˬ tahˬ-euˬ meh. Ehˇ kʼawꞈ, tiˬ paˆ na deuˬ yaw muiˬ-ehˇ maˬ jah-a.

Maꞈtehˬ 8:2

Kʼoeˇ ngeh, coiˬ doi naˇ-eu tsawˇ haˬ tiˬ gʼaˬ aˬ yawꞈ jawˇ gaˇ laˇ-awˇ, pawˬ tsuiꞈ pawˬ dmˬ dmˬ-awˇ, “Sahˬ paˬ-oˇ, nawˇ mˇ mawꞈ naˇ, ngaˇ muiˬ laˇ shawˇ laˇ ni mˇ nya meh” lehˇ ehˇ-eu meh.

Maꞈtehˬ 8:25

Zaˬ lahˇ deuˬ aˬ yawꞈ-ahˇ laˆ noeˬ-awˇ ehˇ-eu, “Sahˬ paˬ-oˇ, nga maꞈ-ahˇ ka kʼoꞈ nehˬ laꞈ-awˬ. Ga nuiꞈ sehꞈ jiˇ shaw-iˬ miˇ-a.”

Maꞈtehˬ 9:17

Kʼoeˇ gaˇ duˇ ni, aˬ gaꞈ dzaˇ uiˇ shehˆ ahˇ-eu shaˬ kʼoˆ iˇ puˬ yaw oeˇ-ahˇ, aˬ gaꞈ dzaˇ uiˇ yaw shuiꞈ maˬ shehˆ ahˇ-aˇ. Kʼoeˇ loꞈ-ehˇ jahˇ naˇ, shaˬ kʼoˆ iˇ puˬ kʼoeˇ puˬ pehꞈ-iˇ-awˇ, aˬ gaꞈ dzaˇ uiˇ yoeˇ kʼaˇ-eu miˇ neh, shaˬ kʼoˆ iˇ puˬ kʼoeˇ cawˆ-iˇ jiˇ tehꞈ-a. Aˬ gaꞈ dzaˇ uiˇ yaw shuiꞈ-ahˇ shaˬ kʼoˆ iˇ puˬ yaw shuiꞈ laꞈ kʼoeˇ ya shehˆ ahˇ-eu meh. Kʼoeˇ loꞈ-ehˇ jahˇ naˇ, nyiˬ jeˬ luꞈ maˬ cawˆ-iˇ ni ya geuꞈ-eu meh.”

Maꞈtehˬ 9:19

Yeˬsuˇ tuˇ laˇ-awˇ, tsawˇ haˬ kʼoeˇ gʼaˬ-euˬ mehˬ nah caw teh gʼeh-euˬ meh. Aˬ yawꞈ-euˬ zaˬ lahˇ deuˬ kʼawꞈ, aˬ yawꞈ nehˬ-ehˇ iˇ-euˬ meh.

Maꞈtehˬ 9:24

“Yawˬ gʼaˬ na luꞈ doˆ-iˇ jiˇ-awˬ. Aˬ buˇ heu gʼaˬ shiˇ-euˬ maˬ ngeuˇ-a. Yuꞈ kʼaˆ luꞈ-eu tehꞈ meh” lehˇ Yeˬsuˇ ehˇ ngeh, aˬ yawꞈ maꞈ dawˬ tawˆ luꞈ aˬ yawꞈ-ahˇ uiˇ-eu meh.

Luˇkaꞈ 13:14

Uˬ duˬ tahˬ nymˇ kʼoeˇ nymˇ-ahˇ uˆ lahˇ-eu aˬ yuiꞈ geuꞈ-eu gʼaˬ, Yeˬsuˇ Jawˇ nah ngeh nah naˇ gawˇ laˆ taˬ nehˬ-euˬ gaˇ nui ma pehˇ-awˇ ehˇ-eu, “Gaˇ mˇ nya-eu aˇ nah koꞈ nah jaˆ meh. Kʼoeˇ koꞈ nah laꞈ kʼoeˇ laˇ-awˇ naˇ gawˇ bi laˆ saˆ laˇ-awˬ. Jawˇ nah-ahˇ teu loꞈ-ehˇ taˬ jahˇ.”

Luˇkaꞈ 18:18

Myaˆ pyawˬ naˇ mehˇ jaˆ-eu aˬ yuiꞈ aˬ tsu tiˬ gʼaˬ Yeˬsuˇ-ahˇ naˇ haˬ-eu, “Muiˬ-eu saˬ laˬ-oˇ, mˬ maˬ maˬ byaˆ zaˇ ziˇ dehꞈ-eu jeˬ-ahˇ za nya ni, ngaˇ aˬ geu jeˬ ya mˇ ta.”

Luˇkaꞈ 7:2

Kʼoeˇ gaˇ jawˇ-eu Loˇmaˆ guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ tiˬ gʼaˬ, aˬ yawꞈ gaˬ dui dui-eu zaˬ kʼaˆ shiˇ taw tehˬ ni naˇ luꞈ-eu meh.

Yoˇhaˬ 11:25

Yeˬsuˇ ehˇ-eu, “Ngaˇ-aˬ, gʼoꞈ dehꞈ laˇ-eu jeˬ hawˇ-eu saꞈ laˇ dehꞈ-eu jeˬ pyeuꞈ-eu ma. Ngaˬ-ahˇ kʼaˇ jah-eu tsawˇ haˬ-aˬ, shiˇ-euˬ kʼawꞈ, dehꞈ tehꞈ-a.

Yoˇhaˬ 11:32

Maˬliˇ Yeˬsuˇ jawˇ gaˇ iˇ keuˆ-awˇ, aˬ yawꞈ-ahˇ ya tahˬ puˬ-euˬ nehˬ- ehˇ tiˬ poˆ tehꞈ-ehˇ, “Sahˬpaˬ-oˇ, nawˇ heu gaˇ jawˇ-euˬ law nmˇ-aˬ, ngaˬ-euˬ aˬ mahˇ aˬ da maˬ shiˇ-aˇ” lehˇ ehˇ nehˬ-euˬ meh.

Gʼaˬkʼehˇ 13:15

Moˇseˬ-euˬ Zahˇ dawˬ kʼoꞈ dawˬ sahˬ boꞈ hawˇ-eu Miˬyehˇ gʼaˇ duˬ ngehˬ dah-eu deuˬ neh boꞈ-euˬ sahˬ boꞈ deuˬ-ahˇ gui gʼaˬ ngeh, uˬ duˬ tahˬ nymˇ-ahˇ aˬ yuiꞈ geuꞈ-eu deuˬ aˬ yawꞈ nyaꞈ-ahˇ heu loꞈ-ehˇ bi tsaꞈ gaˬ-iˇ-euˬ meh. “Tsawˇ haˬ heu deuˬ-ahˇ gʼaˬ biꞈ mawꞈ-eu jeˬ jaˆ naˇ, naw nyaꞈ-ahˇ dawˬ ngehˬ-eu aˇ yamˬ biꞈ mawꞈ miˇ-a.”

Gʼaˬkʼehˇ 28:8

Buˬbaˬliˇ-euˬ aˬ da-aˬ, pyaˬ-awˇ uˬ maˆ uˬ neˇ iˇ iˇ-ehˇ yuꞈ zaˇ kʼoeˇ taˆ ga-eu meh. Pawˇluˆ-aˬ, aˬ yawꞈ yuꞈ-eu kuˆ lawˆ-ahˇ uˇ leˇ-awˇ, guiˬ lahˬ shaˇ nehˬ-eu laꞈ kʼoeˇ, aˬ yawꞈ-euˬ kʼoeˇ taˆ aˬ laꞈ baꞈ daˆ-awˇ naˇ gawˇ laˆ taˬ nehˬ-euˬ meh.