Maꞈtehˬ 8:30 - Akha

³⁰ Aˬ yawꞈ maꞈ jawˇ gaˇ neh yaw kʼaˆ-ehˇ maˬ kaˬ gaˇ, aˬ zaꞈ tiˬ maꞈ gaˆ dzaˬ luꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁰ Aqyawfmaf jawr-eu gar nae ardzaeq-aer maqkaq-eu gar aqzaf ghawqmya’ni gavdzaq luf-eu mae.

Maꞈtehˬ 8:30 ပူးပေါင်းရင်းမြစ်များ

Iˇsaˬyaˇ 66:3

“Tsawˇ haˬ zaˬ deuˬ yawˬ ha kʼaˇ noeˬ doˆ-euˬ jeˬ mˇ-eu meh. mawˇ neˇ sehꞈ-awˇ lawˇ-eu hawˇ-eu tsawˇ haˬ sehꞈ-awˇ lawˇ-eu, aˬ yawꞈ maꞈ gʼaˇ duˬ tiˬ kawˆ meh. Yawˇ zaˬ lawˇ-eu hawˇ-eu aˬ kuiˬ-euˬ kawˬ lahˇ ngawˬ kʼehꞈ-eu, aˬ yawꞈ maꞈ gʼaˇ duˬ tiˬ kawˆ meh. Dzaˬ la gʼo cehˇ lawˇ-eu hawˇ-eu aˬ zaꞈ-euˬ shiˬ lawˇ-eu, aˬ yawꞈ maꞈ gʼaˇ duˬ tiˬ kawˆ meh. Tsiˇ yaw saw jeˬ lawˇ-eu hawˇ-eu tahˬ pahˬ aˬ ma mawˇ kawˇ-ahˇ guiˬ lahˬ shaˇ-eu jeˬ, aˬ yawꞈ maꞈ-euˬ gʼaˇ duˬ maˬ beu gaˇ-a. Nui daˆ daˆ laˇ paˬ-ehˇ gʼeh-eu uˬ duˬ tahˬ-eu jeˬ-ahˇ, aˬ yawꞈ maꞈ cehˇ gʼa luꞈ-eu meh.

Uˬ duˬ 11:7

Aˬzaꞈ-aˬ, kuiˇ sehˬ nyiˬ paˆ baw kʼawꞈ, dzaˇ jiˆ maˬ jiˆ-eu miˇ neh, naw maꞈ gʼaˇ duˬ maˬ shawˇ-a.

Maꞈtehˬ 7:6

“Aˬ kuiˬ-ahˇ yaw muiˬ yaw shawˇ jeˬ taˬ biꞈ. Aˬ kuiˬ kʼoeˇ naw maꞈ-ahˇ kawꞈ laˇ tehꞈ-a. Aˬ zaꞈ-ahˇ aˇ caˇ caˇ kʼawꞈ sehˇ taˬ dzeh nehˬ. Aˬ zaꞈ kʼoeˇ aˇ caˇ caˇ kʼawꞈ sehˇ-ahˇ nawˬ pahˬ tehꞈ-a.

Maꞈtehˬ 8:29

Aˬ yawꞈ nyaꞈ Yeˬsuˇ-ahˇ ya mawˇ-eu nehˬ-ehˇ, “Miˬyehˇ-euˬ Zaˬmaˇ-oˇ, nawˇ nga nyaꞈ-ahˇ a jeˬ taꞈ te. Aˇ yamˬ maˬ keuˆ laˇ mi naˆ-ehˇ nga nyaꞈ-ahˇ kʼehˬ nehˬ kʼaˆ nehˬ le-eu lehˇ oe teˬ loˇ” lehˇ, guˇ guˇ-ehˇ ehˇ-eu meh.

Maꞈtehˬ 8:31

“Nawˇ nga maꞈ-ahˇ teh dzeh ma lehˇ ngeuˇ naˇ, aˬ zaꞈ kʼoeˇ maꞈ laꞈ kʼoeˇ bi uˇ-iˇ laꞈ” lehˇ, nehꞈ kʼoeˇ deuˬ Yeˬsuˇ-ahˇ shaˇ-eu meh.

Maˬkuˆ 5:11

Aˬ yawꞈ maꞈ jawˇ-eu gawˬ jawˬ baˬ gʼa-ahˇ, myaˬ dui dui-eu aˬ zaꞈ tiˬ maꞈ gaˆ luꞈ-eu meh.

Luˇkaꞈ 8:32

Aˬ yawꞈ maꞈ jawˇ-eu dawˬ peh gawˬ jawˬ baˬ gʼa-ahˇ, myaˬ dui dui-eu aˬ zaꞈ tiˬ maꞈ gaˆ luꞈ-eu meh. Aˬ zaꞈ kʼoeˇ maꞈ-euˬ laꞈ kʼoeˇ bi uˇ-iˇ laꞈ lehˇ, nehꞈ kʼoeˇ deuˬ Yeˬsuˇ-ahˇ shaˇ ngeh, aˬ yawꞈ maꞈ-ahˇ aˬ zaꞈ kʼoeˇ deuˬ laꞈ kʼoeˇ bi uˇ-iˇ-euˬ meh.

Dawˬmehˬ 14:8

Aˬ zaꞈ shaˬ jiˇ maˬ dzaˬ kʼmˬ-a. Aˬ zaꞈ-aˬ, kuiˇ sehˬ nyiˬ paˆ baw kʼawꞈ, dzaˇ jiˆ maˬ jiˆ-eu miˇ neh, maˬ shawˇ-eu jeˬ zaˬ lehˇ ya sawˇ meh. Jeˬ zaˬ kʼoeˇ deuˬ-euˬ shaˬ jiˇ maˬ dzaˬ kʼmˬ-eu uˬ taꞈ, shiˇ taˬ-euˬ gaˇ kʼawꞈ, maˬ toeˬ ciˆ kʼmˬ-a.