Maꞈtehˬ 8:20 - Akha

²⁰ Tsawˇ haˬ kʼoeˇ gʼaˬ-ahˇ Yeˬsuˇ ehˇ nehˬ-eu, “Byaˬ hiˇ-aˬ bahˬ baw meh. Aˇ jiˇ kʼawꞈ bahˬ baw meh. Ehˇ kʼawꞈ, Tsawˇ haˬ-euˬ Zaˬmaˇ -aˬ, uˬ duˬ baꞈ daˇ-awˇ naˬ kʼaˇ tiˬ gaˇ-iˬ maˬ za-a.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Khoer-anr Yeqsur aernaeq-eu, “Byaqhir-aq, khaeqbanq baw-awr, mqtav zaw-eu arjir khawf banq jav-eu mae. Aerkhawf, Tsawrhaq-euq Zaqyo-aq, uqduq bafdarduq khawf maqjav.”

Maꞈtehˬ 8:20 ပူးပေါင်းရင်းမြစ်များ

Jaceuq 104:12

Lawˇ baˬ gawˆ taw dehꞈ-eu aˇ bawˇ uˬ laꞈ kʼoeˇ taˆ, aˇ jiˇ deuˬ bahˬ bahˬ-awˇ caˇ dawˬ caˇ luꞈ-eu meh.

Jaceuq 104:17

Aˇ bawˇ kʼoeˇ deuˬ-ahˇ aˇ jiˇ bahˬ bahˬ-awˇ, miˬ shuˬ aˇ bawˇ-ahˇ uiˇ dzoeˬ bahˬ bahˬ-eu meh.

Jaceuq 109:22

Ngaˇ-aˬ, shaˬ-eu zahˬ-eu mehꞈ-eu shuꞈ-eu tsawˇ haˬ pyeuꞈ-awˇ, nui ma shaˬ zahˬ naꞈ dui dui-eu ma.

Jaceuq 40:17

Ngaˇshaˬdui zahˬdui dui-eu gaˇ, SahˬpaˬMiˬyehˇhaw mawˇluꞈ-uˇ. Ngaˬ-ahˇka kʼoꞈnehˬ-eu yaw sahˇ, ngaˬ-euˬMiˬyehˇnawˇpyeuꞈ-eu ma. Maˬnyi naˬni ngehˬgʼeh nehˬlaꞈ.

Jaceuq 69:29

Ehˇ kʼawꞈ, ngaˇ shaˬ zahˬ naꞈ-awˇ nui ma cawˆ dui dui nya. Miˬyehˇ-oˇ, ngaˬ-ahˇ ciˬ tuˇ-awˇ, ka kʼoꞈ nehˬ laꞈ-awˬ.

Jaceuq 84:3

Jaˇ tseuˆ yawˬ ha jawˇ duˬ baw-awˇ, jawꞈ jiˇ jawꞈ gʼaꞈ bahˬ baw-eu meh. Ngaˬ-euˬ sahˬ paˬ, ngaˬ-euˬ Miˬyehˇ, Baoˬ huiˬ-eu Sahˬpaˬ Miˬyehˇ-oˇ, nawˬ-euˬ lawˇ duˬ dawˬ peh aˬ yawꞈ maꞈ zaˬ ceuꞈ taˬ-euˬ meh.

Daˬyeˬlaˇ 7:13

Uˬ ciꞈ paw yaw sahˇ laꞈ kʼoeˇ ngaˇ kʼoeˇ loꞈ-ehˇ ya mawˇ luꞈ ngeh, tsawˇ haˬ zaˬ-ahˇ duˇ-eu tiˬ gʼaˬ ngaˇ mawˇ-euˬ ma. Aˬ yawꞈ-euˬ tiˬ jawˬ mˬ dmˇ tsahˇ lahˇ taˬ-awˇ oe-awˇ, mˬ bymˬ miˇ bymˬ bymˬ ngeh neh jawˇ luꞈ-eu gʼaˬ-euˬ mehˬ shi yawꞈ leˇ-euˬ meh.

Maꞈtehˬ 12:32

Tsawˇhaˬ-euˬ Zaˬmaˇ-ahˇ ngehˬ bahˬ tmˇ bahˬ-euˬ tsawˇ haˬ-ahˇ, Miˬ yehˇ iˬ baˇ pyehˬ nehˬ nya tehꞈ-a. Ehˇ kʼawꞈ, Muiˬ-eu shawˇ-eu Yaw sahˇ Miˬyehˇ-ahˇ ngehˬ bahˬ tmˇ bahˬ-euˬ tsawˇ haˬ-ahˇ, mˬ maˬ maˬ byaˆ zaˇ ziˇ iˬ baˇ maˬ pyehˬ nehˬ nya-a.

Maꞈtehˬ 12:40

Ngaˬ shaˬ shaˬ ma-euˬ uˬ maˆ laꞈ kʼoeˇ Yawˇnaˆ smˬ nah smˬ miˇ uˇ-euˬ loꞈ-ehˇ, Tsawˇhaˬ-euˬ Zaˬmaˇ kʼawꞈ, miˇ tsaˬ dawˬ dah smˬ nah smˬ miˇ ya uˇ tehꞈ-a.

Maꞈtehˬ 12:8

Aˬ jeˬ miˇ neh ehˇ naˇ, Tsawˇhaˬ-euˬ Zaˬmaˇ-aˬ, Jawˇ nah-ahˇ uˆ lahˇ-eu Sahˬpaˬ meh.”

Maꞈtehˬ 13:37

Yeˬsuˇ ehˇ-eu, “Siˬ yoeˬ yaw muiˬ sehˬ-eu gʼaˬ lehˇ ehˇ-eu-aˬ, Tsawˇhaˬ-euˬ Zaˬmaˇ-ahˇ ehˇ-eu meh.

Maꞈtehˬ 16:13

Gehˇsaˬliˇ Piˇliˇpuˆ meuˬ dawˬ peh Yeˬsuˇ iˇ keuˆ ngeh, zaˬ lahˇ deuˬ-ahˇ aˬ yawꞈ naˇ haˬ-eu, “Tsawˇhaˬ-euˬ Zaˬmaˇ-ahˇ aˬ suˇ gʼaˬ nga lehˇ aˬ cawˬ ehˇ luꞈ ta.”

Maꞈtehˬ 16:27

Tsawˇhaˬ-euˬ Zaˬmaˇ-aˬ, aˬ yawꞈ Aˬda-euˬ yaw shehꞈ kʼahˬ sehˇ dm-awˇ, aˬ yawꞈ-euˬ mˬ taˆ gʼaˬ kʼehˇ deuˬ nehˬ-ehˇ zaꞈ le-awˇ, tsawˇ haˬ yawˬ gʼaˬ yawˬ na luꞈ-ahˇ, yawˬ ha neh kʼaˇ mˇ taˬ-euˬ loꞈ-ehˇ tsoeˬ kʼoꞈ nehˬ le tehꞈ-a.

Maꞈtehˬ 17:9

Aˬ yawꞈ maꞈ gawˬ jawˬ-ahˇ neh zaꞈ ka le luꞈ ngeh, aˬ ha smˇ gʼaˬ-ahˇ Yeˬsuˇ ehˇ nehˬ-eu, “Tsawˇhaˬ-euˬ Zaˬmaˇ shiˇ-awˇ, Miˬyehˇ neh maˬ bi gʼoꞈ dehꞈ laˇ kʼoeˇ keuˆ ni, naw maꞈ neh yaw sahˇ laꞈ kʼoeˇ ya mawˇ-euˬ gaˇ kawˆ heu, aˬ cawˬ tiˬ gʼahˬ-ahˇ-iˬ taˬ ja nehˬ.”

Maꞈtehˬ 19:28

Aˬ yawꞈ maꞈ-ahˇ Yeˬsuˇ ehˇ nehˬ-eu, “Miˇ tsaˬ tahˬ kʼawˇ yaw shuiꞈ paˇ laˇ-awˇ, yaw shehꞈ kʼahˬ sehˇ huiˬ-eu dzoeˬ dzaˬ nuiˇ mahˬ kʼoeˇ taˆ Tsawˇhaˬ-euˬ Zaˬmaˇ nuiˇ le ngeh, ngaˬ-euˬ mehˬ nah caw teh-eu naw maꞈ tseˇ nyiꞈ gʼaˬ kʼawꞈ, dzoeˬ dzaˬ nuiˇ mahˬ kʼoeˇ taˆ nuiˇ-awˇ, Iˇsaˬleˬlaˆ tsawˇ jeuˬ tseˇ nyiꞈ jeuˬ kʼoeˇ taˆ ya uˆ lahˇ tehꞈ-a.

Maˬkuˆ 8:38

Bahˬ dui muˆ dui dui-awˇ iˬ baˇ myaˬ dui dui-eu ziˇ heu ziˇ laꞈ kʼoeˇ, tsawˇ haˬ tiˬ gʼaˬ na, ngaˬ-ahˇ maˬ ehˇ, ngaˬ neh mehˬ nehˬ tsoˆ nehˬ-euˬ jeˬ-ahˇ maˬ ehˇ, shaꞈ dawˇ naˇ, Tsawˇhaˬ-euˬ Zaˬ maˇ kʼawꞈ, aˬ yawꞈ Aˬda-euˬ yaw shehꞈ kʼahˬ sehˇ dm-awˇ muiˬ-eu shawˇ-eu mˬ taˆ gʼaˬ kʼehˇ deuˬ nehˬ-ehˇ zaꞈ le ngeh, tsawˇ haˬ kʼoeˇ gʼaˬ-ahˇ shaꞈ dawˇ tehꞈ-a.”

Luˇkaꞈ 12:8

“Tsawˇ haˬ tiˬ gʼaˬ na ngaˬ-aˇ taꞈ ma lehˇ aˬ cawˬ mehˬ shi ehˇ naˇ, ‘Tsawˇ haˬ kʼoeˇ gʼaˬ ngaˬ-ahˇ taꞈ meh’ lehˇ, Miˬyehˇ-euˬ mˬ taˆ gʼaˬ kʼehˇ deuˬ mehˬ shi Tsawˇhaˬ-euˬ Zaˬmaˇ ehˇ tehꞈ-a.

Luˇkaꞈ 18:8

Aˬ yawꞈ maꞈ-euˬ gʼaˇ duˬ aˬ yawꞈ yaw kawˇ-ehˇ yaˇ kʼaˬ daˇ tehꞈ-a lehˇ, naw maꞈ-ahˇ ngaˇ ehˇ-eu ma. Ehˇ kʼawꞈ, Tsawˇhaˬ-euˬ Zaˬmaˇ zaꞈ le ngeh, miˇ tsaˬ kʼoeˇ taˆ jah-eu jeˬ jaˆ luꞈ gaˇ ya mawˇ tehꞈ-a loˇ.”

Luˇkaꞈ 2:12

Aˬ yawꞈ dehꞈ le-euˬ saˇ kiˇ heu loꞈ-ehˇ jaˆ tehꞈ-a. Zaˬ nahˬ-ahˇ bui loˬ loˬ-awˇ, mawˇ neˇ kʼawˇ lawˬ laꞈ kʼoeˇ ciˬ yuꞈ taˬ-euˬ gaˇ naw maꞈ ya mawˇ tehꞈ-a.”

Luˇkaꞈ 2:16

Kʼoeˇ naˇ, aˬ yawꞈ maꞈ yaw kawˇ-ehˇ iˇ-awˇ, Maˬliˇ hawˇ-eu Yoˇsehˆ aˬ nyaꞈ-ahˇ mawˇ-awˇ, zaˬ nahˬ-ahˇ mawˇ neˇ kʼawˇ lawˬ laꞈ kʼoeˇ ciˬ yuꞈ taˬ-euˬ gaˇ ya mawˇ-euˬ meh.

Luˇkaꞈ 2:7

Kʼoeˇ ngeh, aˬ yawꞈ zaˬ ciˬ-awˇ, dehꞈ le beh beh-euˬ aˬ li-ahˇ bui loˬ loˬ-awˇ, mawˇ neˇ kʼawˇ lawˬ laꞈ kʼoeˇ ciˬ yuꞈ taˬ-euˬ meh. Aˬ jeˬ miˇ neh ehˇ naˇ, daˬ yah yaꞈ-eu nymˇ laꞈ kʼoeˇ, aˬ yawꞈ nyaꞈ yaꞈ kʼaˇ maˬ za-a.

Luˇkaꞈ 21:36

Keuˆ le teuˇ le-eu gaˇ kawˆ kʼoeˇ deuˬ dawˬ tawˆ luꞈ-ahˇ, naw maꞈ dehꞈ dzeuˇ jawˇ dzeuˇ nya ni gʼaˬ tiˬ byah ahˇ-awˇ, Tsawˇhaˬ-euˬ Zaˬmaˇ mehˬ shi ya yawꞈ gaˇ dehꞈ keuˆ nya ni, aˬ myah luꞈ yaw beuˇ beuˇ-ehˇ jawˇ-awˇ guiˬ lahˬ shaˇ-awˬ.”

Luˇkaꞈ 8:3

Heˬloˆ-euˬ saˇ naˇ-ahˇ gaˇ mˇ-eu Kuˇzaˬ-euˬ nymˇ dahˬ Yoˇaˬnaˆ tiˬ gʼaˬ, Suˬsaˇnaˬ tiˬ gʼaˬ hawˇ-eu, nui deuˬ gʼawˬ mya gʼaˬ meh. Zaˬ miˬ zaˬ kʼoeˇ deuˬ-aˬ, yawˬ ha kʼaˇ jaˆ-eu jeˬ yuˇ doˆ-awˇ, Yeˬsuˇ hawˇ-eu aˬ yawꞈ-euˬ zaˬ lahˇ deuˬ-ahˇ caw ba nehˬ-euˬ meh.

Luˇkaꞈ 9:58

Yeˬsuˇ aˬ yawꞈ-ahˇ ehˇ nehˬ-eu, “Byaˬ hiˇ-aˬ, bahˬ baw meh. Aˇ jiˇ kʼawꞈ bahˬ baw meh. Ehˇ kʼawꞈ, Tsawˇhaˬ-euˬ Zaˬmaˇ-aˬ, uˬ duˬ baꞈ daˇ-awˇ naˬ kʼaˇ tiˬ gaˇ-iˬ maˬ za-a.”

Yoˇhaˬ 1:51

Kʼoeˇ naˇ, aˬ ha maꞈ-ahˇ aˬ yawꞈ ehˇ nehˬ-eu, “Ngaˇ naw maꞈ-ahˇ maˇ jawˆ ni ehˇ nehˬ nyaˇ. Mˬ pah le-awˇ, Miˬyehˇ-euˬ mˬ taˆ gʼaˬ kʼehˇ deuˬ Tsawˇ haˬ-euˬ Zaˬ maˇ kʼoeˇ taˆ tsawˬ toeˬ tsawˬ daˆ-ehˇ yaˇ gaˇ gaˇ tawꞈ le gaˇ naw maꞈ ya mawˇ tehꞈ-a.”

Yoˇhaˬ 12:34

Tsawˇ haˬ aˇ maꞈ ehˇ-eu, “Nga maꞈ-euˬ Zahˇ dawˬ kʼoꞈ dawˬ laꞈ kʼoeˇ, Meˬsiˇya mˬ maˬ maˬ byaˆ zaˇ ziˇ dehꞈ meh lehˇ ehˇ taˬ-euˬ meh. Tsawˇ haˬ-euˬ Zaˬmaˇ-ahˇ bi kʼahˬ tuˇ tehꞈ-a lehˇ nawˇ aˬ joˆ-ehˇ ehˇ nya te. Tsawˇ haˬ-euˬ Zaˬmaˇ kʼoeˇ aˬ suˇ gʼaˬ-a.”

Yoˇhaˬ 13:31

Yuˇdaˆ doˆ-iˇ dzeuˇ ngeh, Yeˬsuˇ heu loꞈ-ehˇ ehˇ-eu meh. “Nymˬ-mˇ poˆ jawˇ-aˬ, Tsawˇhaˬ-euˬ Zaˬmaˇ-euˬ yaw shehꞈ kʼahˬ sehˇ-ahˇ ya mawˇ tehꞈ-a. Zaˬmaˇ-euˬ laꞈ kʼoeˇ, Miˬyehˇ-euˬ yaw shehꞈ kʼahˬ sehˇ-ahˇ ya mawˇ tehꞈ-a.

Yoˇhaˬ 3:13

Mˬ kʼoeˇ taˆ neh zaꞈ ka le-euˬ gʼaˬ pyeuꞈ-eu Tsawˇ haˬ-euˬ Zaˬmaˇ maˬ ngeuˇ naˇ, tsawˇ haˬ tiˬ gʼaˬ-iˬ mˬ kʼoeˇ taˆ maˬ le keuˆ haw-aˬ.”

Yoˇhaˬ 3:14

Moˇseˬ neh bawˇ tsahˬ-ahˇ guiˬ shuiˇ aˇ lawˇ mawˇ kawˇ kʼoeˇ kawˇ ka tuˇ-euˬ loꞈ-ehˇ, Tsawˇ haˬ-euˬ Zaˬmaˇ-ahˇ aˬ cawˬ kʼoeˇ loꞈ-ehˇ ka tuˇ tehꞈ-a.

Yoˇhaˬ 6:27

Buꞈ-iˇ cehˇ-iˇ nya-eu dzaˬ dzaˬ dawˇ dawˇ gʼaˇ duˬ maˬ leh jeh ni, mˬ maˬ maˬ byaˆ zaˇ ziˇ bi dehꞈ-eu dzaˬ dzaˬ dawˇ dawˇ gʼaˇ duˬ leh jeh-awˬ. Tsawˇ haˬ-euˬ Zaˬmaˇ pyeuꞈ-eu ngaˇ naw maꞈ-ahˇ dzaˬ dzaˬ dawˇ dawˇ kʼoeˇ jeˬ biꞈ ma. Aˬ jeˬ miˇ neh ehˇ naˇ, Aˬda Miˬyehˇ ngaˬ-ahˇ nui ma tsaˬ-awˇ juˬ diˬ taˬ-euˬ meh.”

Yoˇhaˬ 6:53

Yeˬsuˇ aˬ yawꞈ maꞈ-ahˇ ehˇ nehˬ-eu, “Ngaˇ naw maꞈ-ahˇ maˇ jawˆ ni ehˇ nehˬ nyaˇ. Naw maꞈ Tsawˇhaˬ-euˬ Zaˬmaˇ-euˬ shaˬ jiˇ maˬ dzaˬ-ehˇ, aˬ yawꞈ-euˬ shiˬ maˬ dawˇ naˇ, dehꞈ-eu saꞈ laˇ maˬ za nya-a.

Yoˇhaˬ 6:62

Toˆ-ehˇ maˇ-iˬ, Tsawˇhaˬ-euˬ Zaˬmaˇ aˬ yawꞈ-euˬ jawˇ duˬ-ahˇ paˇ daˆ gʼoꞈ leˇ naˇ, naw maꞈ aˬ joˆ-ehˇ jahˇ nmˇ.

Gʼaˬkʼehˇ 7:56

“Haw sheˇ. Mˬ pah taˬ-awˇ, Tsawˇhaˬ-euˬ Zaˬmaˇ kʼoeˇ gʼaˬ Miˬyehˇ-euˬ aˇ maˇ paw yawꞈ luꞈ-eu mawˇ laˇ ngaˇ” lehˇ aˬ yawꞈ ehˇ-eu meh.

2 Gawˇliˬtu 8:9

Aˬ dui-euˬ Sahˬpaˬ Yeˬsuˇ Ka li neh mˇ nehˬ laꞈ-euˬ guiˬ lahˬ-ahˇ naw maꞈ siˬ nya luꞈ meh. Aˬ yawꞈ smˇ muiˬ muiˬ dui dui-eu kʼawꞈ, naw maꞈ gʼaˇ duˬ iˇ shaˬ zaˬ pyeuꞈ le-euˬ meh. Aˬ yawꞈ iˇ shaˬ shaˬ-euˬ baˬ da neh naw maꞈ smˇ muiˬ bi muiˬ laˇ-eu gʼaˇ duˬ, kʼoeˇ loꞈ-ehˇ mˇ le-euˬ meh.