Maꞈtehˬ 8:14 - Akha

¹⁴ Beˬtuˆluˆ-euˬ nymˇ-ahˇ Yeˬsuˇ iˇ ngeh, Beˬtuˆluˆ-euˬ aˬ mawˬ zaˬ miˬ zaˬ gʼaˬ pyaˬ-awˇ ga luꞈ gaˇ ya mawˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Yeqsur, Beqtuvluv-euq irkanr ur-ir ngae, Beqtuvluv-euq tsawrmawq aqbur ghaq pyaqpyaq-aer galuf-eu gar ya’mawr-euq mae.

Maꞈtehˬ 8:14 ပူးပေါင်းရင်းမြစ်များ

Maꞈtehˬ 17:25

“Doˆ meh” lehˇ, Beˬtuˆluˆ ehˇ kʼoꞈ nehˬ-euˬ meh. Beˬtuˆluˆ iˇ kahˇ laꞈ kʼoeˇ uˇ leˇ ngeh, aˬ yawꞈ-ahˇ Yeˬsuˇ jeˬ huˬ ngehˬ cawˬ-awˇ ehˇ-eu, “Siˇmoˬ-oˇ, nawˇ aˬ joˆ-ehˇ noeˬ-eu nya. Sahˬ paˬ geuꞈ-awˇ miˇ kʼahˬ-ahˇ uˆ lahˇ-eu deuˬ aˬ suˇ gʼaˬ-ahˇ kawˬ taꞈ ta. Yawˬ ha-euˬ miˇ kʼahˬ zaˬ deuˬ-ahˇ taꞈ ta loˇ. Aˬ cawˬ miˇ kʼahˬ-ahˇ neh jawˇ le-euˬ tsawˇ haˬ deuˬ-ahˇ taꞈ ta loˇ.”

Maꞈtehˬ 8:15

Aˬ yawꞈ-euˬ aˬ laꞈ-ahˇ Yeˬsuˇ toeˬ ciˆ ngeh, pyaˬ-eu taˬ leˇ-awˇ, tuˇ laˇ-awˇ, Yeˬsuˇ gʼaˇ duˬ dzaˬ dzaˬ dawˇ dawˇ laˆ dawˆ nehˬ-euˬ meh.

Maꞈtehˬ 8:20

Tsawˇ haˬ kʼoeˇ gʼaˬ-ahˇ Yeˬsuˇ ehˇ nehˬ-eu, “Byaˬ hiˇ-aˬ bahˬ baw meh. Aˇ jiˇ kʼawꞈ bahˬ baw meh. Ehˇ kʼawꞈ, Tsawˇ haˬ-euˬ Zaˬmaˇ -aˬ, uˬ duˬ baꞈ daˇ-awˇ naˬ kʼaˇ tiˬ gaˇ-iˬ maˬ za-a.”

1 Gawˇliˬtu 9:5

Gʼaˬ kʼehˇ nui deuˬ pyeuꞈ-eu Sahˬpaˬ Yeˬsuˇ-euˬ mehˇ nmˇ deuˬ hawˇ-eu Beˬtuˆluˆ maꞈ loꞈ-ehˇ, ngaˇ gʼeh Ka li-ahˇ jah-eu miˬ zaˬ tiˬ gʼaˬ sheuˬ-awˇ cah-eu aˬ kawˬ-aˬ maˬ jaˆ ta loˇ.

1 Tiˆmoˇseˬ 3:2

Ka li zaˬ aˇ muˇ-ahˇ sheuˬ gʼeh-eu tsawˇ haˬ-aˬ, iˬ baˇ taˬ kʼaˇ maˬ za-eu, miˬ zaˬ tiˬ gʼaˬ tehꞈ-ehˇ baw-eu, noeˬ dahˇ doe-eu, yawˬ ha-euˬ nui ma-ahˇ gʼaˬ leˇ-eu, gaˇ yaw luiˆ luiˆ-ehˇ mˇ nya-eu, daˬ yah-ahˇ yaw muiˬ paˬ-ehˇ ha-eu, aˬ cawˬ-ahˇ mehˬ nehˬ tsoˆ nehˬ nya-eu tsawˇ haˬ ya bi pyeuꞈ meh.

1 Tiˆmoˇseˬ 4:3

Sheuˬ dahˬ dzaˬ taꞈ-eu maˬ tsaˬ-a lehˇ mehˬ-eu uˬ taꞈ, dzaˬ dzaˬ dawˇ dawˇ tiˬ paˆ na deuˬ-ahˇ maˬ dzaˬ kʼmˬ-a lehˇ aˬ yawꞈ maꞈ mehˬ-eu meh. Ehˇ kʼawꞈ, dzaˬ dzaˬ dawˇ dawˇ kʼoeˇ deuˬ-aˬ, yaw tsaˬ yaw dawˇ jeˬ-ahˇ siˬ nya laˇ-euˬ tsawˇ haˬ deuˬ Miˬyehˇ-euˬ guiˬ lahˬ-ahˇ ja ceuˬ gʼaˬ-awˇ bi dzaˬ-eu gʼaˇ duˬ Miˬyehˇ neh beh taˬ-euˬ meh.

HeˬByehˇ 13:4

Sheuˬ dahˬ dzaˬ taꞈ-eu jeˬ-ahˇ tsawˇ haˬ yawˬ gʼaˬ na luꞈ ya taˬ huiˬ-awˇ, miˬ zaˬ yo zaˬ tiˬ gʼaˬ tiˇ gʼaˬ saˇ jaˇ ya ziꞈ meh. Maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu tsawˇ haˬ deuˬ hawˇ-eu, aˬ cawˬ nehˬ-ehˇ joe-eu tsawˇ ha deuˬ-ahˇ Miˬyehˇ yaˇ kʼaˬ daˇ tehꞈ-a.