Maꞈtehˬ 7:24 - Akha

²⁴ “Ngaˬ neh mehˬ-euˬ dawˬ-ahˇ ya gaˬ-awˇ naˇ haˬ geuꞈ-eu tsawˇ haˬ yawˬ gʼaˬ na luꞈ, kʼaˬ lo kʼoeˇ taˆ nymˇ tsoˆ-eu noeˬ dahˇ doe-eu tsawˇ haˬ-ahˇ duˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁴ “Khoermirnae, ngar maeq-eu dawq heudeuq gaq-awr mrcaw-eu aqsur ghaq maqkaq, khaqlo-euq khoertav zeurdanr danr-awr nymr tsov-euq zaqsiq tsawrganr anr-eu tiq ghaq-anr dur-eu mae.

Maꞈtehˬ 7:24 ပူးပေါင်းရင်းမြစ်များ

Yawˇbaˆ 28:28

“Kʼoeˇ naˇ, Sahˬpaˬ Miˬyehˇ-ahˇ guˆ-eu jeˬ-aˬ, zaˬ siˬ tsawˇ gahˇ pyeuꞈ-awˇ, yaw haiˬ jeˬ-ahˇ gaˇ jaw jaw-eu jeˬ-aˬ, gʼoˆ siˬ gʼoˆ shaw nya-eu jeˬ pyeuꞈ-eu meh lehˇ, tsawˇ haˬ zaˬ-ahˇ Miˬyehˇ ehˇ taˬ-euˬ meh.”

Jaceuq 111:10

Sahˬpaˬ Miˬyehˇ-ahˇ guˆ-eu jeˬ-aˬ, zaˬ siˬ tsawˇ gahˇ-euˬ dawˬ pehˬ duˬ puˇ meh. Aˬ yawꞈ-euˬ dawˬ-ahˇ naˇ haˬ-eu deuˬ-ahˇ, aˬ yawꞈ yaw muiˬ-ehˇ mehˬ nehˬ tsoˆ nehˬ-eu meh. Mˬ maˬ maˬ byaˆ zaˇ ziˇ aˬ yawꞈ-ahˇ ja ceuˬ-eu tsaˬ meh.

Jaceuq 119:130

Nawˇ mehˬ-eu dawˬ yaw shehꞈ biꞈ-eu miˇ neh, maˬ gahˇ-eu deuˬ-ahˇ bi gahˇ laˇ-eu meh.

Jaceuq 119:99

Nawˇ mehˬ nehˬ tsoˆ nehˬ laꞈ-euˬ dawˬ-ahˇ ngaˇ shaˇ sawˇ geuꞈ-eu miˇ neh, ngaˬ-ahˇ mehˬ-eu tsoˆ-eu deuˬ naˆ maˬ tseˇ ngaˇ noeˬ siˬ noeˬ mawˇ nya-eu ma.

Dawqdaq 10:25

Jaˬ lehˇ lehˇ ma oe-awˇ haiˬ-eu deuˬ-ahˇ hehˇ dzaˬ gʼeh kʼawꞈ, yaw tsaˬ yaw dawˇ deuˬ ziꞈ dah ni jawˇ-eu meh.

Dawqdaq 10:8

Tsawˇ gahˇ ahˇ-eu deuˬ dawˬ mehˬ dawˬ tsoˆ-ahˇ naˇ haˬ geuꞈ-eu meh. Ehˇ kʼawꞈ, kʼahˬ sehˇ jehˆ-eu tsawˇ haˬ deuˬ ya cawˆ-iˇ tehꞈ-a.

Dawqdaq 12:7

Haiˬ-eu tsawˇ haˬ-euˬ tsuiꞈ dahˬ-iˇ-awˇ, yaw tsaˬ yaw dawˇ deuˬ zaˬ oeˬ sahˇ le tehꞈ-a.

Dawqdaq 14:8

Nui gahˇ ahˇ-eu deuˬ-euˬ tsawˇ gahˇ, dehꞈ jeˬ dehꞈ kawˆ tseˇ paˆ nya-awˇ, aˬ dzawˬ aˇ gah bym-eu jaˬ myawꞈ mehˇ shuiˇ meh.

Maꞈtehˬ 12:50

Mˬ kʼoeˇ taˆ jawˇ-eu ngaˬ Da bi mˇ mawꞈ-eu jeˬ kʼaˇ mˇ-eu tsawˇ haˬ-aˬ, ngaˬ-euˬ mehˇ nmˇ, ngaˬ-euˬ dmˇ ma, ngaˬ-euˬ aˬ ma pyeuꞈ-eu ma.”

Maꞈtehˬ 16:18

Kʼoeˇ miˇ neh, ngaˇ nawˬ-ahˇ heu loꞈ-ehˇ ehˇ-eu ma. Beˬtuˆluˆ nawˇ-aˬ, kʼaˬ lo meh. Kʼaˬ lo heu kʼoeˇ taˆ dawˬ pehˬ taˬ-awˇ, ngaˬ-euˬ aˇ muˇ ngaˇ gawˇ daˆ leꞈ ma. Shiˇ-eu jeˬ-euˬ baoˬ, aˇ muˇ heu muˇ-ahˇ maˬ gʼa leˇ-a.

Maꞈtehˬ 24:45

“Saˇ jaˇ ziꞈ-awˇ noeˬ dahˇ doe-eu zaˬ kʼaˆ aˬ geu gʼaˬ-a. Aˬ yawꞈ-aˬ, zaˬ kʼaˆ nui deuˬ-ahˇ aˇ yamˬ tsaˬ tsaˬ ni bi dzaˬ bi dawˇ-awˇ bi haw bi pyaˆ-eu gʼaˇ duˬ, baw leˬ neh kʼehˇ taˬ-euˬ zaˬ kʼaˆ kʼoeˇ gʼaˬ meh.

Maꞈtehˬ 25:2

Aˬ buˇ zaˬ guˬ kʼoeˇ deuˬ-aˬ, yaw laiꞈ ngaˬ gʼaˬ hawˇ-eu noeˬ dahˇ doe-eu ngaˬ gʼaˬ meh.

Maꞈtehˬ 25:4

Noeˬ dahˇ doe-eu kʼoeˇ ngaˬ gʼaˬ-aˬ, tsiˇ kʼmˬ ciˬ gʼeh-awˇ, tsiˇ maˇ tsaꞈ kʼawꞈ ciˬ gʼeh-euˬ meh.

Maꞈtehˬ 25:9

Noeˬ dahˇ doe-eu kʼoeˇ ngaˬ gʼaˬ ehˇ-eu, ‘Nga maꞈ gʼaˇ duˬ maˬ ngeuˇ naˇ maˬ loꞈ leˇ-eu paˬ. Tsiˇ ahˬ gaˇ iˇ-awˇ zeuˇ laˬ-iˇ-awˬ.’

Maꞈtehˬ 7:25

Uˬ yehˇ yehˇ le-awˇ, iˇ jeuˬ jeuˬ le-eu uˬ taꞈ, jaˬ lehˇ lehˇ ma ciˬ tahˬ ciˬ tuˆ laˇ kʼawꞈ, kʼaˬ lo kʼoeˇ taˆ tsoˆ taˬ-euˬ miˇ neh, nymˇ kʼoeˇ nymˇ maˬ coˬ-iˇ-a.

Maꞈtehˬ 7:26

Ngaˬ neh mehˬ-euˬ dawˬ-ahˇ ya gaˬ-awˇ maˬ naˇ haˬ geuꞈ-eu tsawˇ haˬ yawˬ gʼaˬ na luꞈ, kʼaˇ shuiꞈ kʼoeˇ taˆ nymˇ tsoˆ-eu aˬ dzawˬ aˇ gah-ahˇ duˇ-eu meh.

Luˇkaꞈ 11:28

Ehˇ kʼawꞈ, Yeˬsuˇ ehˇ-eu, “Maˇ maˇ ni guiˬ lahˬ huiˬ-eu deuˬ-aˬ, Miˬyehˇ-euˬ dawˬ gaˬ-awˇ naˇ haˬ geuꞈ-eu deuˬ meh.”

Yoˇhaˬ 13:17

Nymˬ-mˇ, gaˇ kawˆ heu deuˬ naw maꞈ ya siˬ gʼaˬ jiˇ-euˬ meh. Siˬ nya-eu loꞈ-ehˇ mˇ naˇ, naw maꞈ aˇ naˆ ni guiˬ lahˬ huiˬ-eu nga.

Yoˇhaˬ 14:15

“Naw maꞈ ngaˬ-ahˇ gaˬ naˇ, ngaˬ neh biꞈ-euˬ dawˬ deuˬ-ahˇ naˇ haˬ geuꞈ tehꞈ-a.

Yoˇhaˬ 15:10

Ngaˬ Da-euˬ dawˬ-ahˇ ngaˇ naˇ haˬ geuꞈ-awˇ, ngaˬ Da-euˬ gʼoeˇ-eu gaˬ-eu jeˬ laꞈ kʼoeˇ ngaˇ jawˇ-eu loꞈ-ehˇ, naw maꞈ ngaˬ-euˬ dawˬ-ahˇ naˇ haˬ geuꞈ naˇ, ngaˬ-euˬ gʼoeˇ-eu gaˬ-eu jeˬ laꞈ kʼoeˇ naw maꞈ jawˇ tehꞈ-a.

Yoˇhaˬ 15:14

Ngaˬ neh dawˬ biꞈ taˬ-euˬ loꞈ-ehˇ naw maꞈ mˇ naˇ, naw maꞈ ngaˬ-euˬ cawˬ ma.

Lormav 2:13

Aˬ jeˬ miˇ neh ehˇ naˇ, tsawˇ haˬ zaˬ-aˬ, Zahˇ dawˬ kʼoꞈ dawˬ-ahˇ ya gaˬ-euˬ baˬ da neh tehꞈ-ehˇ Miˬyehˇ-ahˇ tsaˬ leˇ tsahˇ leˇ-eu maˬ ngeuˇ-a. Zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ loꞈ-ehˇ mˇ-awˇ neh tehꞈ-ehˇ Miˬyehˇ-ahˇ tsaˬ leˇ tsahˇ leˇ nya-eu meh.

1 Yoˇhaˬ 2:3

Miˬyehˇ neh biꞈ taˬ-euˬ dawˬ deuˬ-ahˇ aˬ dui naˇ haˬ geuꞈ naˇ, aˬ dui aˬ yawꞈ-ahˇ siˬ nya-eu yaw duˬ baw meh.