Maꞈtehˬ 6:6 - Akha

⁶ Ehˇ kʼawꞈ, nawˇ guiˬ lahˬ shaˇ ngeh, kuˆ lawˆ laꞈ kʼoeˇ uˇ leˇ-awˇ, laˇ gʼoˆ piˬ tehˬ taˬ-awˇ, maˬ mawˇ laˇ-eu nawˬ-euˬ Aˬda-ahˇ shaˇ-awˬ. Tsawˇ haˬ zaˬ maˬ mawˇ-eu jeˬ-ahˇ mawˇ nya-eu nawˬ-euˬ Aˬda nawˬ-ahˇ guiˬ lahˬ biꞈ laꞈ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Nawr guiqlanqshar ngae, nawq-euq kuvlawv-euq lafkhoer urler-awr, larghov piqtaeq-awr nae, maq mawrlar-eu gar jawr-eu nawq-euq Aqda-anr shar-awq. Tsawrhaqzaq maq mawrnya-eu gar hawmawr nya-eu nawq-euq Aqda, nawq-anr aqcawq-euq maeqshi guiqlanq bifnaeqlaf taef-a.

Maꞈtehˬ 6:6 ပူးပေါင်းရင်းမြစ်များ

2 Sahˬpaˬ 4:33

Kʼoeˇ ngeh, aˬ yawꞈ laˇ gʼoˆ piˬ tehˬ-awˇ, Sahˬpaˬ Miˬyehˇ-ahˇ guiˬ lahˬ shaˇ-euˬ meh.

Jaceuq 34:15

Yaw tsaˬyaw dawˇtsawˇhaˬdeuˬ-ahˇ, SahˬpaˬMiˬyehˇhaw piˇluꞈ-awˇ, aˬyawꞈmaꞈguˇ-eu teˇsaˇ-ahˇ, aˬyawꞈnaˬbawˇciˬkʼmˇ-eu meh.

Dawqdaq 25:22

Iˇ cuꞈ mehꞈ naˇ, iˇ cuꞈ bi dawˇ-awˬ. Kʼoeˇ loꞈ-ehˇ jahˇ nehˬ naˇ, aˬ yawꞈ myaˆ pyawˬ taˬ kʼaˇ maˬ za ni pyeuꞈ-iˇ-awˇ, Sahˬpaˬ Miˬyehˇ nawˬ-ahˇ laꞈ sawˬ biꞈ nehˬ laꞈ tehꞈ-a.

Iˇsaˬyaˇ 26:20

Ngaˬ-euˬ tsawˇ haˬ deuˬ-oˇ, kuˆ lawˆ-ahˇ uˇ leˇ-awˇ laˇ gʼoˆ kaꞈ tehˬ-awˬ. Miˬyehˇ nui ma pehˇ-eu jeˬ iˇ dzeuˇ ngeh keuˆ ni, dzuˇ zaꞈ-awˇ jawˇ tawˬ-awˬ.

Iˇsaˬyaˇ 65:24

Aˬ yawꞈ maꞈ guiˬ lahˬ shaˇ gʼaˬ-euˬ maˬ dah ni, aˬ yawꞈ maꞈ shaˇ-eu jeˬ ngaˇ biꞈ nehˬ ma.

Maꞈtehˬ 14:23

Tsawˇ haˬ aˇ maꞈ-ahˇ bi gʼoꞈ-iˇ gʼaˬ ngeh, gawˬ duˇ-ahˇ guiˬ lahˬ shaˇ leˇ-eu lehˇ, aˬ yawꞈ tehꞈ-ehˇ daˆ leˇ-euˬ meh. Uˬ ciꞈ ciꞈ le ngeh, Yeˬsuˇ tiˬ gʼaˬ tehꞈ-ehˇ kʼoeˇ gaˇ jawˇ luꞈ-eu meh.

Maꞈtehˬ 6:18

Kʼoeˇ loꞈ-ehˇ jahˇ ngeh, naw maꞈ maˬ dzaˬ ni dzahˬ luꞈ-eu gaˇ kawˆ, tsawˇ haˬ zaˬ deuˬ maˬ mawˇ nya kʼawꞈ, tsawˇ haˬ zaˬ maˬ mawˇ nya gaˇ jawˇ-eu naw maꞈ-euˬ Aˬda mawˇ tehꞈ-a. Tsawˇ haˬ zaˬ maˬ mawˇ nya-eu jeˬ-ahˇ mawˇ luꞈ-eu naw maꞈ-euˬ Aˬda, naw maꞈ-ahˇ guiˬ lahˬ biꞈ laꞈ tehꞈ-a.

Maꞈtehˬ 6:4

Nawˇ kʼoeˇ loꞈ-ehˇ jahˇ ngeh, aˬ cawˬ tiˬ gʼaˬ-iˬ maˬ siˬ nya-a. Ehˇ kʼawꞈ, tsawˇ haˬ zaˬ maˬ mawˇ nya-eu jeˬ-ahˇ mawˇ nya-eu nawˬ-euˬ Aˬda nawˬ-ahˇ guiˬ lahˬ biꞈ tehꞈ-a.

Yoˇhaˬ 1:48

Naˬdaˬneˬlaˇ ehˇ-eu, “Nawˇ ngaˬ-ahˇ aˬ joˆ-ehˇ siˬ nya te.” Yeˬsuˇ ehˇ-eu, “Piˇliˇpuˆ nawˬ-ahˇ maˬ kuˇ le mi naˆ-ehˇ, nawˇ siˬ guˬ aˇ bawˇ dawˬ pehˬ-ahˇ nuiˇ luꞈ ngeh neh nawˬ-ahˇ ngaˇ mawˇ-euˬ ma.”

Yoˇhaˬ 20:17

Yeˬsuˇ aˬ yawꞈ-ahˇ ehˇ nehˬ-eu, “Ngaˬ-ahˇ taˬ nyehꞈ tehˬ. Aˬ jeˬ miˇ neh ehˇ naˇ, ngaˇ Aˬda jawˇ gaˇ maˬ gʼoꞈ leˇ-aˬ siˬ. Ngaˬ-euˬ zaˬ lahˇ deuˬ jawˇ gaˇ iˇ-awˇ, ngaˬ-euˬ Aˬda hawˇ-eu aˬ yawꞈ maꞈ-euˬ Aˬda pyeuꞈ-eu, ngaˬ-euˬ Miˬyehˇ hawˇ-eu aˬ yawꞈ maꞈ-euˬ Miˬyehˇ jawˇ gaˇ ngaˇ gʼoꞈ leˇ ma lehˇ ehˇ-eu meh lehˇ ehˇ nehˬ-iˇ-awˬ.”

Gʼaˬkʼehˇ 10:30

Gawˬneˬliˇ ehˇ-eu, “Dzeuˇ yaꞈ-euˬ smˬ nah-ahˇ, nymˬ-mˇ loꞈ-ehˇ uˬ ciꞈ uˬ taw naˬ liˬ smˇ laꞈ kʼoeˇ kaˬ-ahˇ, ngaˬ-euˬ nymˇ laꞈ kʼoeˇ ngaˇ guiˬ lahˬ shaˇ luꞈ-eu ma. Ja pyuˬ ni, yaw shehꞈ bya-eu mehˬ tsoeˬ dm luꞈ-eu tsawˇ haˬ tiˬ gʼaˬ ngaˬ-euˬ mehˬ shi yawꞈ le-euˬ meh.

Gʼaˬkʼehˇ 10:9

Yawˬ nah yawˬ aˬ ha smˇ gʼaˬ Yuˇbeˬ meuˬ dawˬ peh iˇ keuˆ ngeh, Beˬtuˆluˆ-aˬ, nah loˆ ceh laˇ-euˬ miˇ neh guiˬ lahˬ shaˇ leˇ-eu lehˇ, nymˇ mˬ -ahˇ daˆ leˇ-euˬ meh.

Gʼaˬkʼehˇ 9:40

Beˬtuˆluˆ-aˬ, aˬ yawꞈ maꞈ dawˬ tawˆ luꞈ-ahˇ laꞈ nyiˇ bi doˆ-iˇ jiˇ-awˇ, pawˬ tsuiꞈ pawˬ dmˬ dmˬ-awˇ guiˬ lahˬ shaˇ-euˬ meh. Kʼoeˇ naˇ, shiˇ taˬ-euˬ gʼawˇ mawˇ jaˆ gaˇ ciˬ pyawˇ-awˇ, “Daˬbiˇtaˆ-oˇ, tuˇ-awˬ”lehˇ ehˇ nehˬ-euˬ meh. Aˬ yawꞈ myaˆ nuiˆ byeh haw laˇ-awˇ, Beˬtuˆluˆ-ahˇ mawˇ ngeh, tuˇ-awˇ nuiˇ-euˬ meh.

Lormav 8:5

Shiˬ shaˬ jiˇ-euˬ nui noeˬ neh kʼaˇ bi dehꞈ-euˬ loꞈ-ehˇ dehꞈ-eu tsawˇ haˬ deuˬ-aˬ, shiˬ shaˬ jiˇ-euˬ nui kʼahˇ neh bi uˆ lahˇ-euˬ tsawˇ haˬ deuˬ pyeuꞈ-eu meh. Yaw sahˇ Miˬyehˇ neh kʼaˇ bi dehꞈ-euˬ loꞈ-ehˇ dehꞈ-eu tsawˇ haˬ deuˬ-aˬ, Yaw sahˇ Miˬyehˇ-euˬ nui kʼahˇ neh bi uˆ lahˇ-euˬ tsawˇ haˬ deuˬ pyeuꞈ-eu meh.

Eˇpeˇsu 3:14

Kʼoeˇ baˬ da neh, Aˬda-euˬ mehˬ shi ngaˇ pawˬ tsuiꞈ pawˬ dmˬ dmˬ-awˇ guiˬ lahˬ shaˇ-eu ma.