Maꞈtehˬ 5:46 - Akha

⁴⁶ Naw maꞈ-ahˇ gaˬ-eu tsawˇ haˬ deuˬ-ahˇ tehꞈ-ehˇ naw maꞈ gaˬ naˇ, naw maꞈ aˬ jeˬ aˇ poeˬ paˇ baw ta. Kawˬ taꞈ-eu tsawˇ haˬ deuˬ kʼawꞈ kʼoeˇ loꞈ-ehˇ gaˬ-eu maˬ ngeuˇ-a loˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁶ Nawmaf, nawmaf-anr gaq-eu tsawrhaq-anr taef-aer gaq nar-aq, aqjeq-euq mrpoeq lafsawq za-eu? Jeq taf-eu tsawrhaq khawf khoerlof-aer janrluf-eu maqngeur-a lor?

Maꞈtehˬ 5:46 ပူးပေါင်းရင်းမြစ်များ

Maꞈtehˬ 11:19

Tsawˇ haˬ-euˬ Zaˬmaˇ oe ngeh jawˇ, dzaˬ-eu dawˇ-eu miˇ neh, ‘Tsawˇ haˬ heu gʼaˬ-ahˇ haw sheˇ. Aˇ dzehˬ dzaˬ dzeuˇ-awˇ aˬ gaꞈ dzaˇ uiˇ aˇ dzehˬ dawˇ dzeuˇ-eu uˬ taꞈ, kawˬ taꞈ-eu tsawˇ haˬ deuˬ hawˇ-eu, iˬ baˇ zaˬ lehˇ sawˇ dzeh taˬ-euˬ deuˬ nehˬ-ehˇ cawˬ cawˬ-eu nga’ lehˇ, aˬ yawꞈ maꞈ ehˇ-eu meh. Ehˇ kʼawꞈ, Miˬyehˇ-euˬ zaˬ siˬ tsawˇ gahˇ tsaˬ-eu gaˇ kawˆ, aˬ yawˆ yawꞈ bya cehˆ ni doˆ laˇ tehꞈ-a.”

Maꞈtehˬ 18:17

Aˬ yawꞈ maꞈ-euˬ ehˇ dawˬ-ahˇ kʼawꞈ aˬ yawꞈ maˬ naˇ haˬ naˇ, gaˇ kawˆ kʼoeˇ dawˬ tawˆ luꞈ Ka li zaˬ aˇ muˇ-ahˇ dzawˇ nehˬ-awˬ. Yaw li uˬ duˬ, Ka li zaˬ aˇ muˇ neh mehˬ nehˬ-euˬ gaˇ kʼawꞈ aˬ yawꞈ maˬ geuꞈ naˇ, lawˇ ciꞈ zaˬ deuˬ hawˇ-eu kawˬ taꞈ-eu tsawˇ haˬ deuˬ-ahˇ sawˇ dzeh-eu loꞈ-ehˇ, aˬ yawꞈ-ahˇ kʼawꞈ sawˇ dzeh nehˬ-awˬ.

Maꞈtehˬ 5:47

Cawˬ yaw gʼoeˇ deuˬ-ahˇ tehꞈ-ehˇ naw maꞈ dawˬ ngehˬ cawˬ naˇ, naw maꞈ aˬ cawˬ taꞈ-ehˇ yaw muiˬ jeˬ mˇ dzehˬ-euˬ aˬ gaˇ paˇ jaˆ nmˇ. Lawˇ ciꞈ zaˬ deuˬ kʼawꞈ kʼoeˇ naˆ ni mˇ byah luꞈ-eu maˬ ngeuˇ-a loˇ.

Maꞈtehˬ 6:1

“Uˬ duˬ tahˬ-eu zahˇ sahˇ kʼoꞈ-ahˇ taꞈ leˇ-eu muiˬ-eu jaˬ-eu gaˇ deuˬ-ahˇ naw maꞈ mˇ ngeh, aˬ cawˬ mawˇ ni mˇ-eu jeˬ taˬ bi pyeuꞈ. Kʼoeˇ loꞈ-ehˇ jahˇ naˇ, mˬ kʼoeˇ taˆ jawˇ-eu naw maꞈ-euˬ Aˬda naw maꞈ-ahˇ guiˬ lahˬ maˬ biꞈ-a.

Maˬkuˆ 2:15

Kʼoeˇ naˇ, Leˬbiˇ-euˬ nymˇ-ahˇ Yeˬsuˇ hawˬ dzaˬ-euˬ meh. Kawˬ taꞈ-eu tsawˇ haˬ deuˬ hawˇ-eu iˬ baˇ zaˬ deuˬ gʼawˬ mya ni, Yeˬsuˇ mehˬ nah caw teh luꞈ-eu meh. Aˬ yawꞈ maꞈ gʼawˬ mya ni, Yeˬsuˇ hawˇ-eu aˬ yawꞈ-euˬ zaˬ lahˇ deuˬ nehˬ-ehˇ hawˬ jawˬ jawˬ-awˇ dzaˬ-euˬ meh.

Maˬkuˆ 2:16

Aˬ caw neh iˬ baˇ zaˬ lehˇ myahˇ-awˇ bi sawˇ dzeh taˬ-euˬ tsawˇ haˬ deuˬ hawˇ-eu kawˬ taꞈ-eu tsawˇ haˬ deuˬ nehˬ-ehˇ Yeˬsuˇ hawˬ dzaˬ taꞈ gaˇ, Zahˇ dawˬ kʼoꞈ dawˬ mehˬ-eu saˬ laˬ deuˬ pyeuꞈ-eu Paˬliˬsehˇ deuˬ ya mawˇ ngeh, “Aˬ jeˬ miˇ neh kʼoeˇ loꞈ-ehˇ gʼeh-eu tsawˇ haˬ deuˬ nehˬ-ehˇ aˬ yawꞈ dzaˬ taꞈ dawˇ taꞈ ta” lehˇ, Yeˬsuˇ-euˬ zaˬ lahˇ deuˬ-ahˇ aˬ yawꞈ maꞈ naˇ haˬ-euˬ meh.

Luˇkaꞈ 15:1

Tiˬ nah-aˬ, kawˬ taꞈ-eu tsawˇ haˬ deuˬ hawˇ-eu, iˬ baˇ zaˬ lehˇ sawˇ dzeh taˬ-euˬ tsawˇ haˬ deuˬ, Yeˬsuˇ dawˬ mehˬ mehˬ gaˇ naˇ haˬ-eu lehˇ, aˬ yawꞈ-euˬ dawˬ peh jiˆ uˇ laˇ luꞈ-eu meh.

Luˇkaꞈ 18:13

Ehˇ kʼawꞈ, kawˬ taꞈ-eu tsawˇ haˬ kʼoeˇ gʼaˬ-aˬ, ui cuiˆ yaw taw yawꞈ-awˇ, myaˆ pyawˬ mˬ paw maˬ ciˬ diˇ peuˬ ni, noeˬ shaˬ dui dui-eu miˇ neh kʼahˬ-ahˇ teˇ teˇ-ehˇ, ‘Miˬyehˇ-oˇ, ngaˇ iˬ baˇ zaˬ ma. Gʼawˬ shaˬ gaˬ nehˬ laꞈ-awˬ’ lehˇ shaˇ-euˬ meh.

Luˇkaꞈ 19:2

Saˬgehˇ lehˇ myahˇ-euˬ tsawˇ haˬ tiˬ gʼaˬ kʼoeˇ gaˇ jawˇ-eu meh. Aˬ yawꞈ-aˬ, kawˬ taꞈ-eu paw yaw huiˬ keuˆ leˇ taˬ-euˬ tiˬ gʼaˬ pyeuꞈ-awˇ, smˇ muiˬ muiˬ-eu meh.

Luˇkaꞈ 19:7

Kʼoeˇ gaˇ kʼaˇ mawˇ-euˬ tsawˇ haˬ dawˬ tawˆ luꞈ Yeˬsuˇ-ahˇ mahˇ mahˇ-ehˇ ehˇ-eu, “Tsawˇ haˬ teu gʼaˬ aˬ joˆ-ehˇ iˬ baˇ zaˬ-euˬ nymˇ-ahˇ daˬ yah geuꞈ-iˇ-eu nga.”

Luˇkaꞈ 3:12

Kawˬ taꞈ-eu tsawˇ haˬ deuˬ kʼawꞈ, aˬ yawꞈ neh iˇ cuꞈ bi shawˇ nehˬ-eu lehˇ, aˬ yawꞈ jawˇ gaˇ oe-awˇ ehˇ-eu, “Saˬ laˬ-oˇ, nga maꞈ aˬ joˆ-ehˇ ya jahˇ ta.”

Luˇkaꞈ 5:29

Kʼoeˇ naˇ, Leˬbiˇ-aˬ, aˬ yawꞈ-euˬ nymˇ laꞈ kʼoeˇ Yeˬsuˇ-ahˇ huiˬ-eu hawˬ byawˇ tiˬ byawˇ lawˇ-euˬ meh. Kawˬ taꞈ-eu tsawˇ haˬ gʼawˬ mya ni hawˇ-eu tsawˇ haˬ nui deuˬ kʼawꞈ, aˬ yawꞈ maꞈ nehˬ-ehˇ hawˬ jeh-ahˇ hawˬ jawˬ jawˬ luꞈ-eu meh.

Luˇkaꞈ 5:30

Paˬliˬsehˇ deuˬ hawˇ-eu aˬ yawꞈ maꞈ-euˬ aˇ muˇ-ahˇ taꞈ-eu Zahˇ dawˬ kʼoꞈ dawˬ mehˬ-eu saˬ laˬ deuˬ, Yeˬsuˇ-euˬ zaˬ lahˇ deuˬ-ahˇ ehˇ nehˬ-eu, “Aˬ jeˬ miˇ neh kawˬ taꞈ-eu tsawˇ haˬ deuˬ hawˇ-eu iˬ baˇ zaˬ deuˬ nehˬ-ehˇ naw maꞈ dzaˬ taꞈ dawˇ taꞈ te.”

Luˇkaꞈ 7:29

Tsawˇ haˬ dawˬ tawˆ luꞈ, Yoˇhaˬ dawˬ mehˬ mehˬ gaˇ ya gaˬ-euˬ meh. Aˬ yawꞈ maꞈ hawˇ-eu kawˬ taꞈ-eu tsawˇ haˬ deuˬ-aˬ, Miˬyehˇ neh dawˬ biꞈ taˬ-euˬ yaw tsaˬ yaw dawˇ jeˬ-ahˇ ha geuꞈ-awˇ, Yoˇhaˬ neh iˇ cuꞈ bi shawˇ-euˬ meh.

Luˇkaꞈ 7:34

Tsawˇ haˬ-euˬ zaˬ maˇ oe ngeh jawˇ, dzaˬ-eu jeˬ dzaˬ-awˇ, aˬ gaꞈ dzaˇ uiˇ gʼeh dawˇ-eu miˇneh, naw maꞈ heu loꞈ-ehˇ ehˇ-eu meh. ‘Tsawˇ haˬ heu gʼaˬ-ahˇ haw sheˇ. Baw tsoꞈ loꞈ-ehˇ dzaˬ-awˇ dawˇ-awˇ, kawˬ taꞈ-eu tsawˇ haˬ deuˬ hawˇ-eu iˬ baˇ zaˬ lehˇ sawˇ dzeh taˬ-euˬ deuˬ nehˬ-ehˇ cawˬ cawˬ taꞈ-eu nga.’