Maꞈtehˬ 5:45 - Akha

⁴⁵ Kʼoeˇ loꞈ-ehˇ jahˇ naˇ, naw maꞈ-aˬ, mˬ kʼoeˇ taˆ jawˇ-eu naw maꞈ-euˬ Aˬ da-euˬ zaˬ pyeuꞈ laˇ tehꞈ-a. Aˬ jeˬ miˇ neh ehˇ naˇ, aˬ yawꞈ-aˬ, tsawˇ muiˬ tsawˇ doeˇ maˬ tseˇ ni, dawˬ tawˆ luꞈ kʼoeˇ taˆ aˬ yawꞈ-euˬ nahˇ ma bi doˆ laˇ-awˇ, yaw tsaˬ yaw dawˇ tsawˇ haˬ hawˇ-eu maˬ tsaˬ maˬ dawˇ-eu tsawˇ haˬ maˬ tseˇ paˆ ni, dawˬ tawˆ luꞈ kʼoeˇ taˆ uˬ yehˇ bi yehˇ le-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁵ Khoerlof-aer mr nar-aq, nawmaf-aq, mq-euq khoertav jawr-eu Aqda-euq zaqdeuq pyeuf-eu mae. Aqjeq mirnae aernar-aq, aqyawf-aq, tsawrmuiq-euq gharduq khawf tsawrdoer-euq gharduq khawf nanrma bi dovlar-awr, tsaq-awr dawr-eu tsawrhaq-euq khoertav khawf, maqtsaq maqdawr-eu tsawrhaq-euq khoertav khawf uqyaer bi yaerle-eu mae.

Maꞈtehˬ 5:45 ပူးပေါင်းရင်းမြစ်များ

Yawˇbaˆ 25:3

Aˬ yawꞈ-euˬ gaˇ mˇ-eu mˬ taˆ gʼaˬ kʼehˇ aˇ myaˆ gʼaˬ byah-eu aˬ suˇ gʼaˬ gui jiˇ coeˇ ta. Miˬyehˇ-euˬ yaw shehꞈ maˬ bya keuˆ-eu jawˇ duˬ aˬ geu gaˇ jaˆ ta.

Jaceuq 145:9

Aˬ yawꞈ-aˬ, yawˬ gʼaˬ na luꞈ kʼoeˇ taˆ muiˬ-awˇ, aˬ yawꞈ neh kʼaˇ beh taˬ-euˬ jeˬ dawˬ tawˆ luꞈ kʼoeˇ taˆ, gʼawˬ shaˬ gaˬ-eu nui ma jaˆ-eu meh.

Yeˬlaˬmiˇ 5:24

Tsahˬ gaˆ uˬ yehˇ hawˇ-eu jawˇ la uˬ yehˇ biꞈ-awˇ, naw maꞈ-ahˇ ngaˇ aˬ yawꞈ kʼoꞈ yawꞈ cehˇ bi yehˬ dzaˬ-euˬ kʼawꞈ, ngaˬ-ahˇ taˬ huiˬ ma lehˇ naw maꞈ tiˬ pawꞈ-iˬ maˬ noeˬ-a.

Maꞈtehˬ 5:9

“Tsaˬ leˇ dzoeˇ leˇ ni mˇ-eu tsawˇ haˬ deuˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, aˬ yawꞈ maꞈ-ahˇ Miˬyehˇ-euˬ zaˬ lehˇ kuˇ tehꞈ-a.

Luˇkaꞈ 6:35

Ehˇ kʼawꞈ, naw maꞈ-ahˇ muiˇ-eu deuˬ-ahˇ gaˬ-awˬ. Yaw muiˬ jeˬ mˇ-awˬ. Biꞈ kʼoꞈ nehˬ laꞈ gaˇ maˬ noeˬ tmˬ ni ngaˬ nehˬ paˇ nehˬ-awˬ. Kʼoeˇ loꞈ-ehˇ jahˇ naˇ, naw maꞈ gʼaˇ duˬ laꞈ sawˬ huiˬ dui dui-awˇ, Huiˬ dui Mahˇ dui dui-eu Gʼaˬ-euˬ zaˬ naw maꞈ pyeuꞈ laˇ tehꞈ-a. Aˬ jeˬ miˇ neh ehˇ naˇ, guiˬ lahˬ-ahˇ maˬ noeˬ mawˇ nya-eu tsawˇ haˬ hawˇ-eu haiˬ-eu tsawˇ haˬ deuˬ-ahˇ, aˬ yawꞈ gʼawˬ shaˬ gaˬ-eu meh.

Yoˇhaˬ 13:35

Naw maꞈ tiˬ gʼaˬ tiˇ gʼaˬ gaˬ-eu jeˬ ahˇ naˇ, naw maꞈ ngaˬ-euˬ zaˬ lahˇ ngaˇ lehˇ tsawˇ haˬ dawˬ tawˆ luꞈ siˬ nya tehꞈ-a.”

Gʼaˬkʼehˇ 14:17

Ehˇ kʼawꞈ, aˬ yawꞈ neh mˇ-euˬ yaw muiˬ jeˬ laꞈ kʼoeˇ, aˬ yawꞈ dehꞈ luꞈ jawˇ luꞈ-eu gaˇ kawˆ aˬ myah luꞈ bi siˬ bi mawˇ-euˬ meh. Aˬ yawꞈ naw maꞈ-ahˇ mˬ kʼoeˇ taˆ neh uˬ yehˇ bi yehˇ le-awˇ, aˇ yamˬ tsaˬ ngeh dzaˬ la gʼo cehˇ bi keuˆ le-euˬ meh. Naw maꞈ-ahˇ dzaˬ dzaˬ dawˇ dawˇ biꞈ-awˇ, naw maꞈ-euˬ nui ma laꞈ kʼoeˇ laˬ kʼaˬ cehˇ-eu jeˬ bi byah laˇ-euˬ meh.”

Eˇpeˇsu 5:1

Naw maꞈ-aˬ, Miˬyehˇ gaˬ dui dui-eu zaˬ deuˬ pyeuꞈ-eu loꞈ-ehˇ, aˬ yawꞈ-ahˇ duˇ laˇ ni leh jeh-awˬ.

Piˇliˇpiˆ 2:15

Kʼoeˇ loꞈ-ehˇ mˇ naˇ, iˬ baˇ mˇ-awˇ bahˬ-eu muˆ-eu tsawˇ haˬ deuˬ jawˇ-eu miˇ tsaˬ heu kʼoeˇ taˆ, naw maꞈ-aˬ, iˬ baˇ taˬ kʼaˇ maˬ za ni muiˬ dui dui-eu Miˬyehˇ-euˬ zaˬ deuˬ pyeuꞈ laˇ tehꞈ-a. Mˬ kʼoeˇ taˆ tsehˬ-eu aˬ guiˇ loꞈ-ehˇ aˬ yawꞈ maꞈ-ahˇ yaw shehꞈ bya nehˬ-awˬ.

1 Yoˇhaˬ 3:9

Miˬyehˇ-euˬ zaˬ pyeuꞈ laˇ-euˬ tsawˇ haˬ aˬ geuˬ gʼaˬ maˬ kaˬ, iˬ baˇ maˬ paˇ mˇ meh. Aˬ jeˬ miˇ neh ehˇ naˇ, Miˬyehˇ-euˬ seuˆ dzeuꞈ aˬ yawꞈ-euˬ laꞈ kʼoeˇ ahˇ-eu meh. Miˬyehˇ-aˬ, aˬ yawꞈ-euˬ aˬ da pyeuꞈ-eu baˬ da neh, aˬ yawꞈ iˬ baˇ maˬ paˇ mˇ daˆ leꞈ nya meh.