Maꞈtehˬ 5:39 - Akha

³⁹ Ehˇ kʼawꞈ, ngaˇ naw maꞈ-ahˇ heu loꞈ-ehˇ ehˇ-eu ma. Aˬ cawˬ yaw doeˇ jahˇ laˇ gaˇ yaw doeˇ taˬ jahˇ kʼoꞈ nehˬ. Tsawˇ haˬ tiˬ gʼaˬ na nawˬ-euˬ baˬ ba aˇ maˇ paw pyawˬ-ahˇ tehˆ laˇ naˇ, aˇ caˇ pyawˬ paˇ ciˬ daˬ nehˬ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁹ Aerkhawf, ngar, nawmaf-anr aernaeq nyar, tsawrdoer-anr taq caekhof. Aqcawq, nawq-euq baqba armar paw taevlar nar-aq, yawqpyawqyawq ciqdaq naeq-awr bitaev-awq.

Maꞈtehˬ 5:39 ပူးပေါင်းရင်းမြစ်များ

1 Sahˬpaˬ 22:24

Kʼoeˇ naˇ, Miˬyehˇ gʼaˇ duˬ ngehˬ dah-eu Zeˬdaˬkiˇ gʼaˬ Miˇkaˬyaˇ jawˇ gaˇ le-awˇ, Miˇkaˬyaˇ-euˬ baˬ ba-ahˇ tehˆ-awˇ ehˇ-eu, “Sahˬpaˬ Miˬyehˇ-euˬ yaw sahˇ ngaˇ jawˇ gaˇ neh aˬ myah paˇ doˆ-iˇ-awˇ, nawˬ-ahˇ dawˬ paˇ ngehˬ cawˬ le taˬ.”

Yawˇbaˆ 16:10

Aˬ cawˬ ngaˬ-ahˇ naˬ gʼa-eu jeˬ-ehˇ uiˇ cawˬ laˇ-eu meh. Aˬ yawꞈ maꞈ ngaˬ-euˬ tiˬ jawˬ oe-awˇ ngaˬ-euˬ baˬ ba-ahˇ tehˆ laˇ-eu meh.

Dawqdaq 20:22

Laꞈ poˆ poˆ-eu dawˬ taˬ ngehˬ, Sahˬpaˬ Miˬyehˇ jahˇ jiˇ gaˇ dawˬ keuˆ-awˬ.

Dawqdaq 24:29

“Ngaˬ-ahˇ jahˇ nehˬ laꞈ-euˬ loꞈ-ehˇ aˬ yawꞈ-ahˇ jahˇ kʼoꞈ nehˬ ma. Aˬ yawꞈ-ahˇ kʼaˇ geuˇ-eu loꞈ-ehˇ jahˇ coeˬ nehˬ ma” lehˇ taˬ ehˇ.

Iˇsaˬyaˇ 50:6

Ngaˬ-ahˇ diˬ-eu deuˬ-ahˇ ngaˇ dahˇ teˇ ciˬ daˬ nehˬ-euˬ ma. Aˬ yawꞈ maꞈ ngaˬ-euˬ mehˬ mahˬ tseuˆ doˆ niˇ gʼa ngeh, ngaˬ-euˬ baˬ ba maˬ gʼawˇ pyawˇ-aˬ. Aˬ yawꞈ maꞈ cehꞈ lehꞈ ka-awˇ duˬ kʼaˬ kʼa daˆ nehˬ laꞈ ngeh, ngaˬ-euˬ myaˆ pyawˬ maˬ ciˬ zaꞈ-aˬ.

Ngoeˇ dawˬ 3:30

Naˬ tehˆ tehˆ-awˇ kʼehˬ nehˬ laꞈ kʼawꞈ, dawˬ gʼoꞈ maˬ doˆ ni ciˬ daˬ-awˬ.

Uˬ duˬ 19:18

Aˬ cawˬ-ahˇ jahˇ kʼoꞈ nehˬ mawꞈ-eu nui ma taˬ bi ahˇ. Aˬ cawˬ-ahˇ bye-eu nui ma taˬ bi jaˆ. Ehˇ kʼawꞈ, yawˬ haˇ yawˬ ha gaˬ-eu loꞈ-ehˇ, yawˬ ha dawˬ peh jawˇ-eu tsawˇ haˬ-ahˇ gaˬ-awˬ. Ngaˇ-aˬ, Sahˬpaˬ Miˬyehˇ ma.

Miˇkaˬ 5:1

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, naw maꞈ-euˬ guiˇ maꞈ deuˬ kuˇ uiˬ-awˬ. Aˬ dui maꞈ-ahˇ aˬ cawˬ jawˬ lahˇ taˬ-euˬ meh. Iˇsaˬleˬlaˆ tsawˇ haˬ aˬ yuiꞈ aˬ tsu deuˬ-euˬ baˬ ba-ahˇ aˬ yawꞈ maꞈ daˇ cuiˇ neh juiꞈ-eu lehˇ gʼeh luꞈ meh.

Maꞈtehˬ 5:40

Tsawˇ haˬ tiˬ gʼaˬ na nawˬ-euˬ pehˇ kʼahˬ laꞈ kʼoeˇ kahˇ ja za geuꞈ mawꞈ naˇ, laꞈ nyiˇ kahˇ kʼawꞈ lehˆ caw nehˬ-awˬ.

Luˇkaꞈ 22:64

Kʼoeˇ naˇ aˬ yawꞈ-euˬ myaˆ nuiˆ kaꞈ kaˬ nehˬ-awˇ , “Nawˇ Miˬ yehˇ gʼaˇ duˬ ngehˬ dah nya-eu jeˬ maˇ-iˬ, nawˬ-ahˇ naˬ tehˆ tehˆ-euˬ aˬ suˇ gʼaˬ nga lehˇ ehˇ haw sheˇ” lehˇ ehˇ nehˬ-euˬ meh.

Luˇkaꞈ 6:7

Paˬliˬsehˇ deuˬ hawˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ Yeˬsuˇ-ahˇ yaw lehˬ poˆ mawꞈ-eu miˇ neh, Jawˇ nah ngeh nah aˬ yawꞈ naˇ gawˇ laˆ taˬ nehˬ nga loˇ lehˇ haw luꞈ-eu meh.

Yoˇhaˬ 18:23

Piˇma Yaw huiˬ gʼaˬ-ahˇ Yeˬsuˇ ehˇ-eu, “Ngaˬ neh ngehˬ-euˬ maˬ ngeuˇ naˇ, maˬ ngeuˇ-a lehˇ heu gaˇ jawˇ-eu tsawˇ haˬ yawˬ gʼaˬ na luꞈ mehˬ shi ehˇ duˬ-awˬ. Ehˇ kʼawꞈ, ngaˬ neh ngehˬ-euˬ ngeuˇ naˇ, aˬ jeˬ miˇ neh ngaˬ-euˬ baˬ ba-ahˇ bi tehˆ te.”

1 Gawˇliˬtu 6:7

Naw maꞈ yaw kaˬ yaˇ kʼaˬ mehˬ dzaˬ laˆ doˆ-eu lehˇ ehˇ-eu teu-aˬ, naw maꞈ gʼaˇ duˬ smˬ dui dui-eu jeˬ pyeuꞈ-eu meh. Aˬ cawˬ neh yaw doeˇ bi jahˇ-eu-aˬ, kʼoeˇ naˆ maˬ tseˇ maˬ gaˇ dzehˬ tehꞈ-a. Aˬ cawˬ neh tahˇ joe bi joe-eu kʼawꞈ, kʼoeˇ naˆ maˬ tseˇ maˬ gaˇ dzehˬ tehꞈ-a.

1 Teˇsaˬloˇni 5:15

Naw maꞈ tiˬ gʼaˬ-iˬ aˬ cawˬ yaw doeˇ jahˇ laˇ gaˇ yaw doeˇ maˬ ya jahˇ kʼoꞈ nehˬ ni yahˇ-awˬ. Ehˇ kʼawꞈ, tiˬ gʼaˬ tiˇ gʼaˬ yaw muiˬ jeˬ mˇ nehˬ-eu uˬ taꞈ, tsawˇ haˬ dawˬ tawˆ luꞈ-ahˇ yaw muiˬ jeˬ mˇ nehˬ-eu gʼaˇ duˬ, aˬ myah luꞈ noeˬ gahˇ taˬ-awˬ.

HeˬByehˇ 12:4

Aˬ jeˬ miˇ neh ehˇ naˇ, naw maꞈ iˬ baˇ-ahˇ deuˆ ceh ceh-eu kʼoeˇ-aˬ, shiˇ-eu aˇ tiˆ-ahˇ maˬ keuˆ-a siˬ.

Yaˬkoˆ 5:6

Maˬ lehˬ maˬ ca-eu tsawˇ haˬ deuˬ-ahˇ naw maꞈ yaˇ kʼaˬ daˇ-awˇ sehꞈ-euˬ meh. Aˬ yawꞈ maꞈ laꞈ poˆ maˬ poˆ ni daˬ-euˬ meh.

1 Beˬtuˆluˆ 3:9

Aˬ cawˬ yaw doeˇ jahˇ laˇ gaˇ yaw doeˇ taˬ jahˇ kʼoꞈ nehˬ. Aˬ cawˬ yaˬ kʼehˇ yaˬ laˇ gaˇ yaˬ kʼehˇ maˬ yaˬ kʼoꞈ nehˬ-ehˇ, Miˬyehˇ guiˬ lahˬ biꞈ nehˬ ni dawˬ ngehˬ gʼeh nehˬ-awˬ. Aˬ jeˬ miˇ neh ehˇ naˇ, Miˬyehˇ naw maꞈ-ahˇ kuˇ ngeh, guiˬ lahˬ biꞈ ma lehˇ saˇ jaˬ dzaˬ-awˇ kuˇ-euˬ meh.