Maꞈtehˬ 5:31 - Akha

³¹ “ ‘Tsawˇ haˬ aˬ geu gʼaˬ maˬ kaˬ, miˬ zaˬ kʼoꞈ naˇ, kʼoꞈ-euˬ gaˇ kawˆ yaw duˬ yaw ciˇ baw ni, miˬ zaˬ gʼaˬ-ahˇ sahˬ boꞈ tiˬ dzeh ya biꞈ meh’ lehˇ ehˇ taˬ-euˬ jaˆ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³¹ “ ‘Yawqha-euq miqzaq-anr khof nar-aq, aqyawf-anr khof-euq sanqbof tiq jae yabif-eu mae’ (Dm 24:1) laer khawf aertaq-euq mae.

Maꞈtehˬ 5:31 ပူးပေါင်းရင်းမြစ်များ

Yeˬlaˬmiˇ 3:1

Sahˬpaˬ Miˬyehˇ heu loꞈ-ehˇ ehˇ-eu meh. “Tsawˇ haˬ tiˬ gʼaˬ miˬ zaˬ kʼoꞈ-awˇ, aˬ cawˬ-ahˇ paˇ mˇ dzaˬ-iˇ gʼaˬ-euˬ gaˇ, sheuˬ kʼoꞈ geuꞈ nya ta loˇ. Kʼoeˇ loꞈ-ehˇ jahˇ-eu jeˬ miˇ tsaˬ tahˬ kʼawˇ-ahˇ bahˬ-eu meh. Ehˇ kʼawꞈ Iˇsaˬleˬlaˆ nawˇ-aˬ, miˇ kʼahˬ doe ni meh maˬ laˇ geuꞈ doe-awˇ, ngaˇ jawˇ gaˇ paˇ gʼoꞈ poˆ laˇ mawꞈ-eu meh.

Maˬlaˬkiˇ 2:16

“Nymˇ dahˬ gʼawˬ gaˇ ngaˇ bye dui dui nya” lehˇ, Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ ehˇ-eu meh. “Naw maꞈ tiˬ gʼaˬ na yawˬ ha-euˬ miˬ zaˬ-ahˇ kʼehˬ-eu zuiˆ-eu jeˬ mˇ gaˇ ngaˇ maˬ haw nahˇ nya. Yawˬ ha-euˬ miˬ zaˬ-ahˇ saˇ jaˇ maˬ ya puiˬ-a lehˇ, maˬ shiˇ tiˬ ziˇ noeˬ taˬ-awˬ” lehˇ ehˇ-eu meh.

Maꞈtehˬ 19:3

Paˬliˬsehˇ tiˬ paˆ na deuˬ aˬ yawꞈ jawˇ gaˇ laˇ-awˇ, aˬ yawꞈ-ahˇ lahˇ ju kʼmˇ mawꞈ-eu miˇ neh heu loꞈ-ehˇ naˇ haˬ-euˬ meh. “Aˬ jeˬ gaˇ kawˆ baˬ da neh maˬ kaˬ, kʼaˬ dzeˇ zaˬ tiˬ gʼaˬ yawˬ ha-euˬ miˬ zaˬ-ahˇ kʼoꞈ naˇ, Zahˇ dawˬ kʼoꞈ dawˬ-ahˇ tsaˬ meh loˇ.”

Maꞈtehˬ 19:7

Paˬliˬsehˇ deuˬ ehˇ-eu, “Toˆ-ehˇ ngeuˇ naˇ, kʼaˬ dzeˇ zaˬ tiˬ gʼaˬ miˬ zaˬ kʼoꞈ-eu sahˬ boꞈ tiˬ dzeh biꞈ-awˇ, yawˬ ha-euˬ miˬ zaˬ-ahˇ teh gʼoꞈ nya meh lehˇ, Moˇseˬ-euˬ zahˇ dawˬ kʼoꞈ dawˬ laꞈ kʼoeˇ aˬ jeˬ miˇ neh ehˇ taˬ ta.”