Maꞈtehˬ 5:29 - Akha

²⁹ Nawˬ-euˬ myaˆ nuiˆ aˇ maˇ nuiˆ baˬ da neh nawˇ iˬ baˇ ya mˇ-euˬ ngeuˇ naˇ, myaˆ nuiˆ kʼoeˇ nuiˆ kʼeuꞈ doˆ-awˇ biˬ dzeh-awˬ. Gʼawˇ mawˇ mawˇ lah-ehˇ shiˬ buiˇ lah ma-ahˇ bi biˬ ahˇ-eu naˆ maˬ tseˇ, aˇ sehˇ tiˬ sehˇ ya teˬ-iˇ-eu maˬ gaˇ dzehˬ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁹ Nawq-euq myavnuiv armar nuiv, nawq-anr iqbax bi mrlaf-euq ngeur nar-aq, myavnuiv khoernuiv-anr kheufdov-awr biqdzae-awq. Mawrdo dolan-aer shiqbuir lanma-anr bi bafanr ghae-eu navmaqtser, arsaer tiq saer biteq-ir-eu-aq, muiqdzaeq taef-a.

Maꞈtehˬ 5:29 ပူးပေါင်းရင်းမြစ်များ

Yawˇbaˆ 20:13

kʼoeˇ jeˬ-ahˇ aˬ yawꞈ maˬ meh dzeh mawꞈ-ehˇ, aˬ yawꞈ-euˬ kʼaˬ meh laꞈ kʼoeˇ myuˇ taˬ kʼawꞈ,

Maꞈtehˬ 10:28

Gʼawˇ mawˇ-ahˇ sehꞈ nya kʼawꞈ, saꞈ laˇ-ahˇ maˬ sehꞈ nya-eu tsawˇ haˬ-ahˇ taˬ guˆ. Ehˇ kʼawꞈ, gʼawˇ mawˇ hawˇ-eu saꞈ laˇ heu nyiˬ jeˬ luꞈ-ahˇ, shiˬ buiˇ lah ma laꞈ kʼoeˇ laˆ cawˆ nya-eu gʼaˬ pyeuꞈ-eu Miˬyehˇ-ahˇ guˆ-awˬ.

Maꞈtehˬ 11:6

Ngaˬ-ahˇ jah-eu nui ma poˆ poˆ laˆ laˆ-ehˇ maˬ gʼeh-eu tsawˇ haˬ deuˬ guiˬ lahˬ huiˬ tehꞈ-a.”

Maꞈtehˬ 16:26

Tsawˇ haˬ tiˬ gʼaˬ miˇ tsaˬ tahˬ kʼawˇ heu dawˬ tawˆ luꞈ za jiˇ-euˬ kʼawꞈ, saꞈ laˆ dehꞈ-eu jeˬ smˬ naˇ, aˬ yawꞈ gʼaˇ duˬ aˬ jeˬ jiˇ jeuˬ paˇ ahˇ ta. Aˬ geu jeˬ biꞈ-awˇ zeuˇ kʼoꞈ kʼawꞈ, saꞈ laˇ dehꞈ-eu jeˬ-ahˇ maˬ paˇ zeuˇ kʼoꞈ geuꞈ nya meh.

Maꞈtehˬ 17:27

Ehˇ kʼawꞈ, tsawˇ haˬ heu deuˬ-ahˇ coeˬ leˇ ni aˇ nyaꞈ maˬ jahˇ mawꞈ nya. Kʼoeˇ miˇ neh, lah-ahˇ iˇ-awˇ ngaˬ juiꞈ juiꞈ-iˇ-awˬ. Juiꞈ paꞈ beh beh-euˬ ngaˬ shaˬ kʼoeˇ mawˇ gʼeu doˆ-awˬ. Aˇ nyaꞈ gʼaˇ duˬ Uˬ duˬ tahˬ nymˇ nymˇ ma-euˬ kawˬ doˆ tsehˆ nya ni poeˬ-eu pyuˇ maˇ byaˆ tiˬ byaˆ, ngaˬ shaˬ kʼoeˇ mawˇ-euˬ kʼaˬ meh-ahˇ tsmˬ gaˇ nawˇ ya mawˇ tehꞈ-a. Maˇ byaˆ kʼoeˇ byaˆ yuˇ-awˇ, aˬ yawꞈ maꞈ-ahˇ kawˬ doˆ nehˬ-awˬ.”

Maꞈtehˬ 19:12

Miˬ zaˬ maˬ sheuˬ-eu gaˇ kawˆ, tiˬ gʼaˬ tiˇ gʼaˬ maˬ duˇ-a. Tiˬ paˆ na deuˬ dehꞈ le ngeh neh kʼoeˇ loꞈ-ehˇ seu le-euˬ meh. Tiˬ paˆ na deuˬ-aˬ, tsawˇ haˬ zaˬ neh jahˇ-euˬ gaˇ kawˆ baˬ da neh maˬ sheuˬ ni jawˇ-eu meh. Tiˬ paˆ na deuˬ-aˬ, Mˬtaˆ Miˇkʼahˬ gʼaˇ duˬ miˬ zaˬ maˬ sheuˬ ni jawˇ-eu meh. Mehˬ taˬ tsoˆ taˬ-euˬ gaˇ kawˆ heu deuˬ-ahˇ ha geuꞈ nya-eu deuˬ ha geuꞈ luꞈ-uˇ.”

Maꞈtehˬ 23:15

Awꞈ-aꞈ tahˬ kʼoˬ-ahˇ duˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu Paˬliˬsehˇ deuˬ-oˇ, naw maꞈ ya noeˬ shaˬ dui dui tehꞈ-a. Aˬ jeˬ miˇ neh ehˇ naˇ, naw maꞈ-euˬ uˬ duˬ tahˬ-eu zahˇ sahˇ kʼoꞈ laꞈ kʼoeˇ tsawˇ haˬ yaw shuiꞈ tiˬ gʼaˬ bi uˇ laˇ-eu gʼaˇ duˬ, miˇ kʼahˬ poˆ laˆ cah paˇ-awˇ, laˆ shaˆ nui baˬ iˇ tsehˆ iˇ tsehˆ-ehˇ naw maꞈ leh jeh-eu meh. Ehˇ kʼawꞈ, tsawˇ haˬ kʼoeˇ gʼaˬ-ahˇ naw maꞈ mehˬ paˇ nehˬ gʼaˬ ngeh jawˇ, naw maꞈ loꞈ-ehˇ shiˬ buiˇ lah ma-ahˇ uˇ leˇ-eu paw, gʼaˬ nyiˬ bymˇ paˇ kʼaˆ dzehˬ laˇ ni jahˇ nehˬ gaˇ duˇ-eu meh.

Maꞈtehˬ 23:33

Aˇ lawˇ uiˇ naˆ-euˬ zaˬ deuˬ-oˇ, shiˬ buiˇ lah ma-ahˇ maˬ ya uˇ-iˇ ni ya dzeuˇ-iˇ ma lehˇ naw maꞈ noeˬ te loˇ.

Maꞈtehˬ 5:22

Ehˇ kʼawꞈ, naw maꞈ-ahˇ ngaˇ heu loꞈ-ehˇ ehˇ-eu ma. Yawˬ ha-euˬ mehˇ nmˇ -ahˇ nui ma pehˇ-eu tsawˇ haˬ aˬ geu gʼaˬ maˬ kaˬ, yaˇ kʼaˬ daˇ gaˇ ya daˬ tehꞈ-a. Yawˬ ha-euˬ mehˇ nmˇ-ahˇ yaˬ kʼehˇ yaˬ-eu tsawˇ haˬ-aˬ, yaˇ kʼaˬ daˇ-eu deuˬ-euˬ mehˬ shi bi sheuˬ keuˆ gʼeh tehꞈ-a. Yawˬ ha-euˬ mehˇ nmˇ-ahˇ, ‘Miˬyehˇ-ahˇ maˬ siˬ nya-eu tsawˇ cawˆ’ lehˇ ehˇ-eu tsawˇ haˬ-aˬ, shiˬ buiˇ lah ma-ahˇ ya shaˬ tehꞈ-a.

Maꞈtehˬ 5:30

Nawˬ-euˬ aˬ laꞈ aˇ maˇ laꞈ baˬ da neh nawˇ iˬ baˇ ya mˇ-euˬ ngeuˇ naˇ, aˬ laꞈ kʼoeˇ laꞈ deuˆ tsehˆ-awˇ biˬ dzeh-awˬ. Gʼawˇ mawˇ mawˇ lah-ehˇ shiˬ buiˇ lah ma-ahˇ bi biˬ ahˇ-eu naˆ maˬ tseˇ, aˇ sehˇ tiˬ sehˇ dahˬ-iˇ-eu maˬ gaˇ dzehˬ tehꞈ-a.

Maˬkuˆ 8:36

Tsawˇ haˬ tiˬ gʼaˬ miˇ tsaˬ tahˬ kʼawˇ heu dawˬ tawˆ luꞈ-ahˇ za jiˇ-euˬ kʼawꞈ, saꞈ laˇ dehꞈ-eu jeˬ smˬ naˇ, aˬ yawꞈ gʼaˇ duˬ aˬ jeˬ jiˇ jeuˬ paˇ ahˇ ta.

Luˇkaꞈ 12:5

Aˬ suˇ gʼaˬ-ahˇ guˆ-eu tsaˬ ta lehˇ, naw maꞈ-ahˇ ngaˇ mehˬ nehˬ nyaˇ. Gʼawˇ mawˇ-ahˇ sehꞈ-eu uˬ taꞈ, shiˬ buiˇ lah ma-ahˇ biˬ ahˇ nya-eu baoˬ jaˆ-eu Miˬyehˇ-ahˇ guˆ-awˬ. Ngaˇ ehˇ gaˇ jah-awˬ. Naw maꞈ aˬ yawꞈ-ahˇ ya guˆ meh.

Lormav 6:6

Aˬ dui-euˬ iˬ baˇ mˇ-eu nui ma yaw oeˇ siˬ-euˬ baoˬ-ahˇ laˆ cawˆ-awˇ, iˬ baˇ-euˬ zaˬ kʼaˆ maˬ paˇ ya geuꞈ-eu gʼaˇ duˬ aˬ dui yaw dehꞈ dehꞈ-eu yaw oeˇ hmˬ Ka li nehˬ-ehˇ laꞈ yaꞈ kʼoeˇ taˆ kamˇ shiˇ gʼaˬ-euˬ ma lehˇ aˬ dui siˬ nya ma.

Lormav 8:13

Aˬ jeˬ miˇ neh ehˇ naˇ, shiˬ shaˬ jiˇ nui noeˬ mehˬ nah naw maꞈ dehꞈ gʼeh naˇ, ya shiˇ tehꞈ-a. Ehˇ kʼawꞈ, Yaw sahˇ miˬyehˇ-ahˇ gʼoe-eu laꞈ kʼoeˇ iˬ baˇ mˇ-eu nui ma-ahˇ laˆ sehꞈ naˇ, ya dehꞈ tehꞈ-a.

1 Gawˇliˬtu 9:27

Aˬ cawˬ-ahˇ dawˬ mehˬ mehˬ-eu gʼaˬ geuꞈ-eu kʼawꞈ, yawˬ ha gʼaˬ Miˬyehˇ mehˬ shi smˬ-iˇ-euˬ tsawˇ haˬ maˬ ya pyeuꞈ-eu gʼaˇ duˬ, ngaˬ-euˬ gʼawˇ mawˇ gʼahˇ laˇ ni yawˬ haˇ yawˬ ha teˇ teˇ-ehˇ zuiˆ luꞈ-eu ma.

Gaˬlaˬtiˆ 5:24

Yeˬsuˇ Ka li-ahˇ taꞈ-eu tsawˇ haˬ deuˬ-aˬ, shiˬ shaˬ jiˇ nui kʼahˇ hawˇ-eu shiˬ shaˬ jiˇ-euˬ nui noeˬ nui loˆ dawˬ tawˆ luꞈ-ahˇ laˆ sehꞈ jiˇ-euˬ meh.

Gawˇlawˇsehˇ 3:5

Naw maꞈ laꞈ kʼoeˇ gaˇ mˇ luꞈ-eu jeˬ pyeuꞈ-eu, miˇ tsaˬ shiˬ shaˬ jiˇ-ahˇ nui kʼahˇ jaˆ-eu laꞈ kʼoeˇ jawꞈ dui dui-eu kʼaˬ miˬ sheu-eu gʼawˬ mya jeˬ mˇ-eu, yaw haiˬ jeˬ mˇ-eu, nui kʼahˇ huiˬ-eu, heu deuˬ-ahˇ naw maꞈ ya laˆ sehꞈ jiˇ meh. (Nui kʼahˇ huiˬ-eu jeˬ-aˬ, tahˬ pahˬ aˬ ma mawˇ kawˇ-ahˇ uˬ duˬ tahˬ gaˇ duˇ-eu meh.)