Maꞈtehˬ 5:26 - Akha

²⁶ Ngaˇ nawˬ-ahˇ maˇ jawˆ ni ehˇ nehˬ nyaˇ. Doˆ paˬ-ehˇ gʼeh-eu pyuˇ tiˬ pehˆ maˬ doˆ jiˇ kʼoeˇ keuˆ ni, paꞈ kuˆ laꞈ kʼoeˇ nawˇ ya uˇ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁶ Ngar, nawq-anr aqdirma-aer aernaeq nyar, maq tsoeqtsaev-euq pyur tiq paev khardzer-eu khoer-aq, nawr, kuv-anr nae tiqjeq ghaenae-iq maqya dovle-ar.

Maꞈtehˬ 5:26 ပူးပေါင်းရင်းမြစ်များ

Maꞈtehˬ 10:29

Jaˆ tseuˆ nyiˬ mawˇ-euˬ pehˆ saˬ tiˬ pehˆ taꞈ-ehˇ maˬ poeˬ kʼawꞈ, naw maꞈ-euˬ Aˬda pyeuꞈ-eu Miˬyehˇ nui ma maˬ tsaˬ naˇ, jaˇ tseuˆ kʼoeˇ tiˬ mawˇ-iˬ miˇ tsa ga le-awˇ shiˇ gaˇ maˬ keuˆ-a.

Maꞈtehˬ 18:34

Sahˬ paˬ kʼoeˇ gʼaˬ aˬ yawꞈ-ahˇ nui ma pehˇ dui dui laˇ-awˇ, dziˇ dzoˆ maˬ tsoeˬ tsehˆ jiˇ kʼoeˇ keuˆ ni bi kʼehˬ bi kʼaˆ-eu gʼaˇ duˬ, tawˬ-ahˇ bi nyehꞈ uˇ-euˬ meh.

Maꞈtehˬ 25:41

“Kʼoeˇ naˇ, Sahˬ paˬ-euˬ aˇ caˇ paw jawˇ-eu tsawˇ haˬ deuˬ-ahˇ, Sahˬ paˬ heu loꞈ-ehˇ ehˇ nehˬ tehꞈ-a. ‘Miˬyehˇ neh yaˬ kʼehˇ bi yaˬ-euˬ tsawˇ haˬ deuˬ-oˇ, ngaˇ jawˇ gaˇ neh doˆ-iˇ-awˇ, Nehꞈ sahˬ paˬ hawˇ-eu aˬ yawꞈ-euˬ mˬ taˆ gʼaˬ kʼehˇ deuˬ gʼaˇ duˬ lehˬ hmˬ taˬ-euˬ, mˬ maˬ maˬ byaˆ zaˇ ziˇ doꞈ luꞈ-eu miˬ dzaˬ laꞈ kʼoeˇ uˇ-iˇ-awˬ.

Maꞈtehˬ 25:46

Aˬ yawꞈ maꞈ-aˬ, mˬ maˬ maˬ byaˆ zaˇ ziˇ kʼehˬ-eu kʼaˆ-eu jeˬ-ahˇ ya daˬ-awˇ, yaw tsaˬ yaw dawˇ tsawˇ haˬ deuˬ-aˬ, mˬ maˬ maˬ byaˆ zaˇ ziˇ dehꞈ-eu jeˬ za tehꞈ-a.”

Maˬkuˆ 12:42

Kʼoeˇ naˇ, shaˬ dui dui-eu miˬ coeˬ miˬ ma tiˬ gʼaˬ laˇ-awˇ, tiˬ pehˆ poeˬ-eu guiˬ shuiˇ mehˇ byaˆ nyiˬ byaˆ damˬ-euˬ meh.

Luˇkaꞈ 12:58

Nawˬ-ahˇ yaˇ kʼaˬ ja luꞈ-eu tsawˇ haˬ nehˬ-ehˇ yaˇ kʼaˬ daˇ-eu gʼaˬ jawˇ gaˇ le luꞈ ngeh, gaˇ pehˇ-ahˇ naw nyaꞈ yaw kaˬ leh jeh-awˇ jahˇ tsaˬ geuꞈ-awˬ. Maˬ ngeuˇ naˇ, aˬ yawꞈ nawˬ-ahˇ yaˇ kʼaˬ daˇ-eu gʼaˬ jawˇ gaˇ gʼeu gʼeh-awˇ, yaˇ kʼaˬ daˇ-eu gʼaˬ neh aˬ yawꞈ-euˬ laꞈ oˆ gaˇ mˇ-eu deuˬ-ahˇ a nehˬ-awˇ, nawˬ-ahˇ paꞈ kuˆ-ahˇ bi nyehꞈ ahˇ tehꞈ-a.

Luˇkaꞈ 12:59

Ngaˇ nawˬ-ahˇ ehˇ nehˬ nyaˇ. Pehˆ saˬ tiˬ pehˆ maˬ doˆ jiˇ-ehˇ kʼaˇ dzeˇ kʼoeˇ keuˆ ni, nawˇ paꞈ kuˆ-ahˇ neh maˬ paˇ ya gʼoꞈ doˆ-iˇ-aˇ.”

Luˇkaꞈ 16:26

Kʼoeˇ uˬ taꞈ, nga maꞈ jawˇ gaˇ neh naw maꞈ jawˇ gaˇ maˬ iˇ maˬ laˇ tawꞈ nya ni, naꞈ dui dui-eu kuˬ kaˬ kaˬ ma bi jaˆ tsoeˬ taˬ-euˬ meh.’

2 Teˇsaˬloˇni 1:9

Aˬ yawꞈ oe ngeh nah, mˬ maˬ maˬ byaˆ zaˇ ziˇ luˬ-iˇ seˇ-iˇ-eu kʼehˬ-eu kʼaˆ-eu jeˬ-ahˇ aˬ yawꞈ maꞈ ya daˬ-awˇ, Sahˬpaˬ Yeˬsuˇ hawˇ-eu aˬ yawꞈ-euˬ yaw shehꞈ kʼahˬ sehˇ huiˬ-eu baoˬ-ahˇ aˬ yawꞈ maꞈ gʼawˬ tsehˆ ya tsehˆ tehꞈ-a.

Yaˬkoˆ 2:13

Aˬ cawˬ-ahˇ gʼawˬ shaˬ maˬ gaˬ nehˬ-eu tsawˇ haˬ-ahˇ Miˬyehˇ gʼawˬ shaˬ maˬ gaˬ ni yaˇ kʼaˬ daˇ tehꞈ-a. Ehˇ kʼawꞈ, gʼawˬ shaˬ gaˬ-eu jeˬ-aˬ, yaˇ kʼaˬ daˇ-eu jeˬ-ahˇ gʼaˬ leˇ nya-eu meh.