Maꞈtehˬ 5:23 - Akha

²³ Nawˇ lawˇ duˬ kʼoeˇ taˆ tiˬ jeˬ paˬ lawˇ-eu lehˇ gʼeh ngeh, nawˬ-euˬ mehˇ nmˇ nawˬ-ahˇ nui ma maˬ saˇ-eu gaˇ kawˆ tiˬ jeˬ na jaˆ gaˇ noeˬ doˆ laˇ naˇ,

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ Khoermirnae, nawr lawr-eu jeq, lawrduq-anr yurkeuv laf-awr lawr-eu laer ghae ngae, nawq-euq aqyuif aqnyir, nawq-anr nuima maqsar-eu tiqjeqnav jav-eu gar noeqdovlar nar-aq,

Maꞈtehˬ 5:23 ပူးပေါင်းရင်းမြစ်များ

Aˇ dahˬ 41:9

Kʼoeˇ ngeh, sahˬ paˬ dawˇ-eu aˬ gaꞈ dzaˇ uiˇ jahˇ-eu paw aˬ yuiꞈ geuꞈ-eu kʼoeˇ gʼaˬ sahˬ paˬ jawˇ gaˇ le-awˇ, heu loꞈ-ehˇ ehˇ nehˬ leˇ-euˬ meh. “Ngaˬ-euˬ yaw lehˬ iˬ nah ngaˇ noeˬ poˆ-awˇ, nawˬ-euˬ mehˬ shi ehˇ doˆ-eu ma.

1 Sahˬpaˬ 2:44

Ngaˬ da-ahˇ nawˬ neh kʼaˇ mˇ lehˬ taˬ-euˬ jeˬ dawˬ tawˆ luꞈ, nawˇ yaw muiˬ paˬ-ehˇ siˬ nya meh.

Ngoeˇ dawˬ 3:20

Gaˇ kawˆ kʼoeˇ maˬ ngehˇ leˇ coeˇ-ehˇ, nui ma gʼaˬ baˬ dui dui miˇ-a.

Yeˬsaˬgeˬlaˇ 16:63

Nawˬ neh kʼaˇ mˇ kʼaˇ shaˇ lehˬ-euˬ jeˬ-ahˇ ngaˇ iˬ baˇ pyehˬ nehˬ ma. Ehˇ kʼawꞈ nawˬ-euˬ yaw lehˬ-ahˇ nawˇ noeˬ mawˇ-awˇ, kʼaˬ meh maˬ mˇ nga peuˬ ni shaꞈ dawˇ dui dui tehꞈ-a” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Hawˇseˬ 6:6

Lawˇ-eu shehˇ-eu jeˬ ngaˇ maˬ mawꞈ. Ngaˬ-ahˇ aˬ myah luꞈ gaˬ-eu jeˬ, ngaˇ mawꞈ dui dui-eu tiˬ jeˬ ma. Miˬ dzaˬ dzah-awˇ lawˇ gaˇ maˬ mawꞈ. naw maꞈ ngaˬ-ahˇ siˬ nya-eu jeˬ, ngaˇ mawꞈ dui dui-eu tiˬ jeˬ ma.

Maꞈtehˬ 23:19

Naw maꞈ aˇ naˆ naˆ-ehˇ myaˆ behꞈ behꞈ te. Aˬ geu jeˬ huiˬ dzehˬ ta. Lawˇ-euˬ jeˬ huiˬ dzehˬ ta loˇ. Lawˇ-euˬ jeˬ-ahˇ Miˬyehˇ gʼaˇ duˬ bi muiˬ bi shawˇ laˇ-eu lawˇ duˬ kʼoeˇ hmˬ huiˬ dzehˬ ta loˇ.

Maꞈtehˬ 5:24

lawˇ-eu shehˇ-eu jeˬ-ahˇ lawˇ duˬ mehˬ shi bi jaˆ yaꞈ-awˇ, nawˬ-euˬ mehˇ nmˇ nehˬ-ehˇ jahˇ tsaˬ geuꞈ gʼaˬ miˇ tsa paˇ gʼoꞈ poˆ laˇ-awˇ, lawˇ-eu shehˇ-eu jeˬ mˇ-awˬ.

Maꞈtehˬ 8:4

Kʼoeˇ naˇ, aˬ yawꞈ-ahˇ Yeˬsuˇ heu loꞈ-ehˇ ehˇ nehˬ-euˬ meh. “Gaˇ kawˆ heu tsawˇ haˬ tiˬ gʼaˬ-ahˇ-iˬ maˬ ja mehˬ ni yahˇ-awˬ. Ehˇ kʼawꞈ, piˇ ma jawˇ gaˇ iˇ-awˇ, nawˬ-euˬ gʼawˇ mawˇ-ahˇ bi pyehˆ tseˇ duˬ-awˬ. Kʼoeˇ naˇ, nawˬ-euˬ naˇ gawˇ taˬ leˇ-euˬ gaˇ kawˆ aˬ cawˬ bi siˬ duˬ-eu gʼaˇ duˬ, Moˇseˬ-euˬ Zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ loꞈ-ehˇ lawˇ-eu shehˇ-eu jeˬ mˇ-iˇ-awˬ.”

Maˬkuˆ 11:25

Naw maꞈ gawˬ yawꞈ yawꞈ-awˇ guiˬ lahˬ kʼaˇ shaˇ ngeh, tsawˇ haˬ tiˬ gʼa na-ahˇ iˬ baˇ taˬ luꞈ-eu jeˬ jaˆ naˇ, iˬ baˇ pyehˬ nehˬ-awˬ. Kʼoeˇ loꞈ-ehˇ jahˇ naˇ, mˬ kʼoeˇ taˆ jawˇ-eu naw maꞈ-euˬ Aˬda kʼawꞈ, naw maꞈ neh mˇ bahˬ laˆ bahˬ-euˬ jeˬ-ahˇ iˬ baˇ pyehˬ nehˬ laꞈ tehꞈ-a.”

Luˇkaꞈ 19:8

Saˬgehˇ tuˇ-awˇ, Sahˬpaˬ Yeˬsuˇ-ahˇ ehˇ nehˬ-eu, “Sahˬpaˬ-oˇ, ngaˬ-euˬ pyuˇ shuiˇ myawˬ gahˬ tiˬ paˆ, shaˬ-eu zahˬ-eu tsawˇ haˬ deuˬ-ahˇ biꞈ ma. Ngaˬ neh tsawˇ haˬ tiˬ gʼaˬ na-ahˇ tiˬ jeˬ paˬ myawꞈ dzaˬ taˬ-euˬ jaˆ naˇ, oeˬ bymˇ tsoeˬ kʼoꞈ nehˬ ma.”

1 Saˬmeuˬlaˆ 15:22

Saˬmeuˬlaˆ ehˇ-eu, “Sahˬpaˬ Miˬyehˇ aˬ geu jeˬ-ahˇ geuꞈ mawꞈ dzehˬ ta. Aˬ yawꞈ-euˬ ehˇ dawˬ naˇ haˬ geuꞈ-eu jeˬ-ahˇ geuꞈ mawꞈ dzehˬ ta loˇ. Maˬ ngeuˇ naˇ, aˬ yawꞈ-ahˇ damˬ nehˬ-eu jeˬ hawˇ-eu lawˇ nehˬ shehˇ nehˬ-eu jeˬ-ahˇ geuꞈ mawꞈ dzehˬ ta loˇ. Aˬ yawꞈ-euˬ dawˬ-ahˇ naˇ haˬ geuꞈ-eu jeˬ-aˬ, muiˬ dui dui-eu yawˇ lawˇ nehˬ-eu naˆ maˬ tseˇ muiˬ dzehˬ-eu meh.