Maꞈtehˬ 5:22 - Akha

²² Ehˇ kʼawꞈ, naw maꞈ-ahˇ ngaˇ heu loꞈ-ehˇ ehˇ-eu ma. Yawˬ ha-euˬ mehˇ nmˇ -ahˇ nui ma pehˇ-eu tsawˇ haˬ aˬ geu gʼaˬ maˬ kaˬ, yaˇ kʼaˬ daˇ gaˇ ya daˬ tehꞈ-a. Yawˬ ha-euˬ mehˇ nmˇ-ahˇ yaˬ kʼehˇ yaˬ-eu tsawˇ haˬ-aˬ, yaˇ kʼaˬ daˇ-eu deuˬ-euˬ mehˬ shi bi sheuˬ keuˆ gʼeh tehꞈ-a. Yawˬ ha-euˬ mehˇ nmˇ-ahˇ, ‘Miˬyehˇ-ahˇ maˬ siˬ nya-eu tsawˇ cawˆ’ lehˇ ehˇ-eu tsawˇ haˬ-aˬ, shiˬ buiˇ lah ma-ahˇ ya shaˬ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²² Aerkhawf, ngar, nawmaf-anr aernaeq nyar, tiqjeq-iq garkawv maqjav-eu gar nae nuima kharpaer-eu tsawrhaq-aq, yarkhaq dar-eu gar yadaq taef-a. Aqyuif aqnyir-anr ‘Dawrga’ laer khardaeq-eu tsawrhaq-aq, khavma armur-euq maeqshi yarkhaq dar-eu gar yadaq taef-a. Aqyuif aqnyir-anr ‘Aqdzawq argan’ laer khardaeq-eu tsawrhaq-aq, shiqbuir lanma miqdzaq-euq lafkhoer yadaq taef-a.

Maꞈtehˬ 5:22 ပူးပေါင်းရင်းမြစ်များ

Aˇ dahˬ 37:4

Aˬ da gʼaˬ Yoˇsehˆ-ahˇ gaˬ dzehˬ gaˇ Yoˇsehˆ-euˬ aˇ doˆ deuˬ ya mawˇ ngeh, Yoˇsehˆ-ahˇ bye-awˇ, dawˬ yaw muiˬ paˬ-ehˇ maˬ ngehˬ cawˬ nehˬ ni jawˇ-euˬ meh.

Aˇ dahˬ 37:8

Aˬ yawꞈ-euˬ aˇ doˆ deuˬ ehˇ-eu, “Aˬ kaˇ nga maꞈ kʼoeˇ taˆ nawˇ sahˬ paˬ ya geuꞈ tehꞈ-a lehˇ noeˬ luꞈ te loˇ.” Aˬ yawꞈ yuꞈ maˆ kʼoeˇ loꞈ-ehˇ maˆ-euˬ miˇ neh maˬ ehˇ, yuꞈ maˆ maˆ-euˬ gaˇ kawˆ kʼoeˇ aˬ yawꞈ maꞈ-ahˇ dzawˇ nehˬ leˇ-euˬ miˇ neh maˬ ehˇ, Yoˇsehˆ-ahˇ aˬ yawꞈ maꞈ paˇ bye dzehˬ laˇ-euˬ meh.

2 Saˬmeuˬlaˆ 16:7

Daˬbiˇ-ahˇ Shiˇmiˇ yaˬ kʼehˇ yaˬ-awˇ ehˇ-eu, “Doˆ-iˇ-awˬ. Doˆ-iˇ-awˬ. Aˬ cawˬ-ahˇ sehꞈ-euˬ aˬ dzawˬ aˇ gah nawˇ doˆ-iˇ-awˬ.

2 Saˬmeuˬlaˆ 6:20

Daˬbiˇ aˬ yawꞈ-euˬ miˬ sawˇ zaˬ deuˬ-ahˇ dawˬ ngehˬ gʼeh nehˬ-eu lehˇ iˇ kahˇ gʼoꞈ leˇ ngeh, Miˇkaˬlaˇ doˆ le-awˇ ehˇ-eu, “Iˇsaˬleˬlaˆ sahˬ paˬ iˬ nah kʼahˬ sehˇ jaˆ dui dui ngaˇ. Aˬ yawꞈ-euˬ gaˇ mˇ-eu yaw huiˬ yaw mahˇ deuˬ-euˬ zaˬ miˬ zaˬ zaˬ kʼaˆ deuˬ mehˬ shi tsawˇ uˬ tiˬ gʼaˬ loꞈ-ehˇ teuˆ teuˆ-ehˇ, maˬ gaˇ dui dui ngaˇ.”

1 Sahˬpaˬ 21:4

Aˬhaˆ-aˬ, iˇ kahˇ-ahˇ gʼoꞈ leˇ-awˇ, Naˬboˆ neh aˬ yawꞈ-ahˇ ehˇ nehˬ-euˬ dawˬ-ahˇ nui ma pehˇ-eu laꞈ kʼoeˇ, nui ma tiˬ pawꞈ-iˬ maˬ saˇ ni, yuꞈ zaˇ kʼoeˇ taˆ myaˆ pyawˬ kaˇ pyawˇ paw ciˬ pyawˇ-awˇ yuꞈ-eu laꞈ kʼoeˇ, maˬ dzaˬ maˬ dawˇ ni jawˇ-euˬ meh.

2 Laˬsaˬbaˬ 16:10

Dawˬ kʼoeˇ dawˬ baˬ da neh Aˬsaˬ nui ma pehˇ dui dui laˇ-awˇ, Miˬyehˇ gʼaˇ duˬ ngehˬ dah-eu kʼoeˇ gʼaˬ-ahˇ, tawˬ-ahˇ dawˆ-euˬ meh. Kʼoeˇ ngeh neh aˇ dahˬ beh-awˇ, tsawˇ haˬ tiˬ paˆ na deuˬ-ahˇ Aˬsaˬ yaw kʼaˆ-ehˇ kʼehˬ nehˬ kʼaˆ nehˬ-euˬ meh.

2 Laˬsaˬbaˬ 19:5

Yuˇdaˆ miˇ kʼahˬ-ahˇ jaˆ-eu ziꞈ dah ni tsoˆ taˬ-euˬ meuˬ yawˬ meuˬ na luꞈ laꞈ kʼoeˇ, yaˇ kʼaˬ daˇ-eu deuˬ aˬ yawꞈ tseˇ doˆ-awˇ, yaˇ kʼaˬ bi daˇ-euˬ meh.

Neˬhaˬmiˇ 5:8

heu loꞈ-ehˇ ehˇ nehˬ-euˬ ma. “Maˬ gʼeh nya-ehˇ pyeuꞈ laˇ-awˇ aˬ cawˬ tsawˇ jeuˬ-euˬ laꞈ-ahˇ ahˬ ahˇ nehˬ-eu lehˇ gʼeh-eu Yuˇdaˆ tsawˇ haˬ deuˬ-ahˇ aˬ dui kʼaˇ gʼeh nya-eu loꞈ-ehˇ zeuˇ kʼoꞈ nehˬ-euˬ ma. Nymˬ-mˇ poˆ jawˇ-aˬ, yawˬ ha tsawˇ jeuˬ pyeuꞈ-eu Yuˇdaˆ tsawˇ haˬ-ahˇ yawˬ ha paˇ zeuˇ geuꞈ-eu lehˇ naw maꞈ leh jeh luꞈ-eu nga laˬ.” Aˬ yuiꞈ aˬ tsu kʼoeˇ deuˬ ciˬ cuˇ ni jawˇ-awˇ tiˬ jeˬ-iˬ maˬ ngehˬ maˬ tmˇ nya ni pyeuꞈ-iˇ-euˬ meh.

Jaceuq 109:3

Ngaˬ-euˬ gaˇ kawˆ maˬ muiˬ-eu jeˬ aˬ yawꞈ maꞈ ja-awˇ, gaˇ kawˆ maˬ jaˆ gaˇ dawˬ doeˇ ngehˬ luꞈ-eu meh.

Jaceuq 14:1

Aˬdzawˬaˇgah nui ma laꞈkʼoeˇ, “Miˬyehˇmaˬjawˇ” lehˇehˇ-eu meh. Aˬyawꞈmaꞈneh dehꞈcawˆjiˇ-awˇ, guˆlaˇpaˬ-ehˇ mˇluꞈ-eu meh. Yaw muiˬtiˬgʼaˬ-iˬ maˬmˇ-a.

Jaceuq 25:3

Nawˬ-ahˇnoeˬtmˬluꞈ-eu deuˬ-ahˇ, sm-iˇgaˇnawˇmaˬbi keuˆ-a. Ehˇkʼawꞈ nawˬ-ahˇpuiˬ-eu deuˬ-aˬ, sm-iˇ-awˇ daˬya ga tehꞈ-a.

Jaceuq 35:19

Ngaˬ-ahˇmuiˇ-eu mehˇshuiˇkʼoeˇdeuˬ ngaˇshaˬgaˇlaˬkʼaˬtaˬbi cehˇ. Diˇdaˬ-ehˇngaˬ-ahˇbye-eu deuˬ, myaˆtehˆtehˆ-awˇtaˬbi uiˇlaꞈ.

Jaceuq 37:8

Nui ma pehˇ-eu jeˬbiˬdzeh-awˇ, nui ma huiˬ-eu jeˬlaˆbyoˆ-awˇ, kʼahˬlahˇ-eu jeˬtaˬpaˇbi ahˇ. Nawˬ-ahˇlaˆshaˬ-eu jeˬtehꞈmeh.

Jaceuq 49:10

Aˬ dzawˬ aˇ gah deuˬ ziˇ dehꞈ jiˇ-eu loꞈ-ehˇ, tsawˇ gahˇ ahˇ-eu deuˬ kʼawꞈ ziˇ jiˇ luꞈ gaˇ, yawˬ gʼaˬ na luꞈ ya mawˇ luꞈ meh. Yawˬ gʼaˬ na luꞈ yawˬ ha-eu pyuˇ shuiˇ myawˬ gahˬ-ahˇ, nahˬ zaˬ laꞈ-ahˇ ya taˬ nehˬ yaꞈ-eu meh.

Jaceuq 69:4

Gaˇ kawˆ maˬ jaˆ gaˇ ngaˬ-ahˇ bye-eu tsawˇ haˬ deuˬ, ngaˬ-euˬ uˬ duˬ tsehˇ kahˇ myaˆ maˬ tseˇ myaˬ-eu meh. Ngaˬ-ahˇ muiˇ-eu deuˬ ngaˬ-euˬ gaˇ kawˆ jaˬ myawꞈ myawꞈ-awˇ, aˬ yawꞈ maꞈ gʼaˬ kʼaˆ-eu miˇ neh ngaˬ-ahˇ sehꞈ mawꞈ-eu meh. Ngaˬ neh maˬ kʼoeˬ-euˬ jeˬ, ngaˬ-ahˇ bi tsoeˬ laꞈ-euˬ meh.

Jaceuq 7:4

Ngaˬ-euˬ cawˬtiˬgʼaˬ-euˬkʼoeˇ taˆ, ngaˬneh yaw doeˇjahˇ-euˬjaˆ-awˇ, ngaˬ-ahˇmuiˇ-eu tsawˇhaˬkʼoeˇtaˆ, nawˬdzaˬkʼaˆdzaˬtaˬ-euˬjaˆnaˇ,

Jaceuq 92:6

Maˬ gahˇ-eu tsawˇ haˬ deuˬ gaˇ kʼoeˇ deuˬ-ahˇ maˬ siˬ nya-ehˇ, aˬ dzawˬ aˇ gah deuˬ maˬ noeˬ mawˇ nya-a.

Dawqdaq 14:16

Tsawˇ gahˇ ahˇ-eu deuˬ yaw haiˬ jeˬ yahˇ dzeuˇ nya kʼawꞈ, dawˇ ga deuˬ maˬ noeˬ duˬ mi naˆ-ehˇ aˬ laꞈ keuˆ leˇ-eu meh.

Dawqdaq 18:6

Aˬ dzawˬ-euˬ mehˬ luˬ iˬ dehˬ iˬ ceh mehˬ kʼehˬ pyeuꞈ-awˇ, aˇ gah-euˬ kʼaˬ meh daˇ cuiˇ shaˇ diˬ-eu meh.

Yeˬlaˬmiˇ 17:11

Maˬ sui maˬ dawˇ-eu gaˇ ma-ahˇ gʼoe-awˇ, pyuˇ shuiˇ laˆ za-eu tsawˇ haˬ-aˬ, yawˬ ha maˬ ka taˬ-euˬ ya uˆ uˆ-eu, aˇ jiˇ tiˬ mawˇ-ahˇ duˇ-eu meh. Gʼaˬ kʼaˆ loˆ jaˆ luꞈ ngeh pyuˇ shuiˇ myawˬ gahˬ byoˆ le jiˇ-awˇ, aˇ saˬ saˬ ngeh aˬ dzawˬ dzawˬ-iˇ tehꞈ-a.

Ngoeˇ dawˬ 3:52

“Nui jaˆ mˇ taˬ-euˬ maˬ jaˆ gaˇ, aˇ jiˇ lahˇ ju kʼmˇ-eu loꞈ-ehˇ, muiˇ-eu deuˬ ngaˬ-ahˇ kʼmˇ-eu meh.

Daˬyeˬlaˇ 3:13

Kʼoeˇ ngeh, sahˬ paˬ nui ma pehˇ laˇ-awˇ, tsawˇ haˬ kʼoeˇ smˇ gʼaˬ-ahˇ aˬ yawꞈ mehˬ shi bi sheuˬ laꞈ-eu gʼaˇ duˬ dawˬ biꞈ-euˬ meh.

Daˬyeˬlaˇ 3:19

Kʼoeˇ ngeh, Shaˬdaˬlaˆ, Meˬshaˆ, Aˬbeˬdaˬneˬgoˬ aˬ ha smˇ gʼaˬ-ahˇ Neˬbuˬkaˬneˬzaˬ nui ma pehˇ dui dui laˇ-awˇ, baˬ ba neˇ tseuˆ ni pyeuꞈ laˇ-euˬ meh. Kʼoeˇ miˇ neh, miˬ dzaˬ tsawˬ bu kʼoeˇ shiꞈ bymˇ lahˇ dzehˬ laˇ ni laˆ nyehˆ-eu gʼaˇ duˬ aˬ yawꞈ dawˬ biꞈ-euˬ meh.

Aaˇbaˬdiˇ 1:10

Nawˬ-euˬ mehˇ nmˇ deuˬ pyeuꞈ luꞈ-eu, Yaˬkoˆ-euˬ zaˬ kʼoeˇ deuˬ-ahˇ nawˇ, tahˇ joe joe-awˇ sehꞈ-euˬ miˇ neh, luˬ-eu seˇ-eu nawˇ ya daˬ-awˇ, mˬ maˬ maˬ byaˆ daˬ ga tehꞈ-a.

Aaˇbaˬdiˇ 1:12

Nawˬ-euˬ aˬ yuiꞈ aˬ nyiˇ pyeuꞈ-eu, Yuˇdaˆ miˇ kʼahˬ shaˬ zahˬ mˇ gaˇ, nawˇ nui kʼahˇ shiˇ-eu maˬ tsaˬ-a. Aˬ yawꞈ maꞈ luˬ-iˇ seˇ-iˇ ngeh, nawˇ laˬ kʼaˬ cehˇ-eu maˬ tsaˬ-a. Aˬ yawꞈ maꞈ noeˬ dui noeˬ duiˇ ngeh, nawˇ uiˇ haw nehˬ-eu maˬ tsaˬ-a.

Maꞈtehˬ 10:17

Yaw kʼaˆ kʼaˆ-ehˇ yahˇ-awˬ. Aˬ jeˬ miˇ neh ehˇ naˇ, naw maꞈ-ahˇ paꞈ-awˇ, yaˇ kʼaˬ daˇ-eu nymˇ-ahˇ tsahˇ gʼeh-eu tsawˇ haˬ jawˇ tehꞈ-a. Yuˇdaˆ tsawˇ haˬ-euˬ uˬ duˬ tahˬ nymˇ laꞈ kʼoeˇ, naw maꞈ-ahˇ aˬ yawꞈ maꞈ yahˬ caˆ neh juiꞈ tehꞈ-a.

Maꞈtehˬ 10:28

Gʼawˇ mawˇ-ahˇ sehꞈ nya kʼawꞈ, saꞈ laˇ-ahˇ maˬ sehꞈ nya-eu tsawˇ haˬ-ahˇ taˬ guˆ. Ehˇ kʼawꞈ, gʼawˇ mawˇ hawˇ-eu saꞈ laˇ heu nyiˬ jeˬ luꞈ-ahˇ, shiˬ buiˇ lah ma laꞈ kʼoeˇ laˆ cawˆ nya-eu gʼaˬ pyeuꞈ-eu Miˬyehˇ-ahˇ guˆ-awˬ.

Maꞈtehˬ 12:24

Kʼoeˇ loꞈ-ehˇ ehˇ gaˇ Paˬliˬsehˇ deuˬ ya gaˬ ngeh, “Tsawˇ haˬ teu gʼaˬ nehꞈ sahˬ paˬ Beˬlaˇzeuˬbuˇlaˆ-euˬ baoˬ-ahˇ gʼoe-awˇ nehꞈ teh doˆ-eu nga” lehˇ ehˇ-eu meh.

Maꞈtehˬ 17:5

Beˬtuˆluˆ kʼoeˇ loꞈ-ehˇ ehˇ luꞈ ngeh, yaw shehꞈ bya-eu mˬ dmˇ aˬ yawꞈ maꞈ kʼoeˇ taˆ zaꞈ le-awˇ, “Heu-aˬ, ngaˇ gaˬ dui dui-awˇ nui kʼahˇ shiˇ dui dui-eu ngaˬ-euˬ zaˬ maˇ ma. Aˬ yawꞈ-euˬ dawˬ-ahˇ naˇ haˬ geuꞈ-awˬ” lehˇ, mˬ dmˇ laꞈ kʼoeˇ dawˬ ngehˬ doˆ laˇ-euˬ meh.

Maꞈtehˬ 18:21

Kʼoeˇ naˇ, Yeˬsuˇ jawˇ gaˇ Beˬtuˆluˆ laˇ-awˇ ehˇ-eu, “Sahˬ paˬ-oˇ, ngaˬ-euˬ mehˇ nmˇ tiˬ gʼaˬ ngaˬ-ahˇ tiˬ poˆ saˇ-iˬ tiˬ poˆ mˇ lehˬ laꞈ naˇ, aˇ myaˆ poˆ keuˆ ni ngaˇ iˬ baˇ ya pyehˬ nehˬ ta. Shiꞈ poˆ keuˆ ni loˇ.”

Maꞈtehˬ 18:35

Kʼoeˇ gaˇ duˇ ni, naw maꞈ yawˬ ha-euˬ mehˇ nmˇ-ahˇ nui ma laꞈ kʼoeˇ keuˆ ni iˬ baˇ maˬ pyehˬ nehˬ naˇ, mˬ kʼoeˇ taˆ jawˇ-eu ngaˬ Da naw maꞈ-ahˇ kʼoeˇ loꞈ-ehˇ jahˇ nehˬ laꞈ tehꞈ-a.”

Maꞈtehˬ 23:15

Awꞈ-aꞈ tahˬ kʼoˬ-ahˇ duˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu Paˬliˬsehˇ deuˬ-oˇ, naw maꞈ ya noeˬ shaˬ dui dui tehꞈ-a. Aˬ jeˬ miˇ neh ehˇ naˇ, naw maꞈ-euˬ uˬ duˬ tahˬ-eu zahˇ sahˇ kʼoꞈ laꞈ kʼoeˇ tsawˇ haˬ yaw shuiꞈ tiˬ gʼaˬ bi uˇ laˇ-eu gʼaˇ duˬ, miˇ kʼahˬ poˆ laˆ cah paˇ-awˇ, laˆ shaˆ nui baˬ iˇ tsehˆ iˇ tsehˆ-ehˇ naw maꞈ leh jeh-eu meh. Ehˇ kʼawꞈ, tsawˇ haˬ kʼoeˇ gʼaˬ-ahˇ naw maꞈ mehˬ paˇ nehˬ gʼaˬ ngeh jawˇ, naw maꞈ loꞈ-ehˇ shiˬ buiˇ lah ma-ahˇ uˇ leˇ-eu paw, gʼaˬ nyiˬ bymˇ paˇ kʼaˆ dzehˬ laˇ ni jahˇ nehˬ gaˇ duˇ-eu meh.

Maꞈtehˬ 23:33

Aˇ lawˇ uiˇ naˆ-euˬ zaˬ deuˬ-oˇ, shiˬ buiˇ lah ma-ahˇ maˬ ya uˇ-iˇ ni ya dzeuˇ-iˇ ma lehˇ naw maꞈ noeˬ te loˇ.

Maꞈtehˬ 25:41

“Kʼoeˇ naˇ, Sahˬ paˬ-euˬ aˇ caˇ paw jawˇ-eu tsawˇ haˬ deuˬ-ahˇ, Sahˬ paˬ heu loꞈ-ehˇ ehˇ nehˬ tehꞈ-a. ‘Miˬyehˇ neh yaˬ kʼehˇ bi yaˬ-euˬ tsawˇ haˬ deuˬ-oˇ, ngaˇ jawˇ gaˇ neh doˆ-iˇ-awˇ, Nehꞈ sahˬ paˬ hawˇ-eu aˬ yawꞈ-euˬ mˬ taˆ gʼaˬ kʼehˇ deuˬ gʼaˇ duˬ lehˬ hmˬ taˬ-euˬ, mˬ maˬ maˬ byaˆ zaˇ ziˇ doꞈ luꞈ-eu miˬ dzaˬ laꞈ kʼoeˇ uˇ-iˇ-awˬ.

Maꞈtehˬ 26:59

Piˇ ma aˬ yuiꞈ deuˬ hawˇ-eu, Baꞈ dzah aˇ muˇ muˇ lah-ehˇ, Yeˬsuˇ-ahˇ yaw lehˬ poˆ doˆ-awˇ sehꞈ-eu lehˇ leh jeh-eu meh.

Maꞈtehˬ 3:17

“Heu-aˬ, ngaˇ gaˬ dui dui-awˇ nui kʼahˇ shiˇ dui dui-eu ngaˬ-euˬ Zaˬmaˇ ma” lehˇ ehˇ-eu teˇ saˇ, mˬ-ahˇ neh gaˬ doˆ le-euˬ meh.

Maꞈtehˬ 5:34

Ehˇ kʼawꞈ, ngaˇ naw maꞈ-ahˇ heu loꞈ-ehˇ ehˇ-eu ma. Kamˬ-eu jeˬ tiˬ pawꞈ-iˬ taˬ mˇ. Mˬ-ahˇ gʼoe-awˇ neh kʼawꞈ taˬ kamˬ. Aˬ jeˬ miˇ neh ehˇ naˇ, kʼoeˇ-aˬ, Miˬyehˇ-euˬ nuiˇ mahˬ meh.

Maꞈtehˬ 5:44

Ehˇ kʼawꞈ, ngaˇ naw maꞈ-ahˇ heu loꞈ-ehˇ ehˇ-eu ma. Naw maꞈ-ahˇ muiˇ-eu tsawˇ haˬ-ahˇ gaˬ-awˇ, naw maꞈ-ahˇ kʼehˬ nehˬ kʼaˆ nehˬ laꞈ-eu tsawˇ haˬ deuˬ gʼaˇ duˬ guiˬ lahˬ shaˇ nehˬ-awˬ.

Maˬkuˆ 14:55

Piˇ ma aˬ yuiꞈ deuˬ hawˇ-eu Baꞈ dzah aˇ muˇ muˇ lah-ehˇ ga uiˬ-awˇ, Yeˬsuˇ-ahˇ yaw lehˬ poˆ doˆ-awˇ sehꞈ-eu lehˇ leh jeh kʼawꞈ, yaw lehˬ tiˬ jeˬ-iˬ maˬ poˆ doˆ nya-a.

Maˬkuˆ 15:1

Uˬ bya bya laˇ-euˬ nehˬ-ehˇ, piˇ ma aˬ yuiꞈ deuˬ, tsawˇ mawˬ tsawˇ kʼaˆ deuˬ, Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu, Baꞈdzah aˇ muˇ-ahˇ kʼaˇ uˇ-eu tsawˇ haˬ dawˬ tawˆ luꞈ, yaw kawˇ-ehˇ tahˬ dzoeˇ-awˇ, mehˬ bawˬ mˇ-euˬ meh. Aˬ yawꞈ maꞈ aˬ yawꞈ-ahˇ shmˇ caˆ paꞈ-awˇ, sahˬ paˬ Piˇlaˆ jawˇ gaˇ bi tsahˇ ha-iˇ-euˬ meh.

Luˇkaꞈ 12:5

Aˬ suˇ gʼaˬ-ahˇ guˆ-eu tsaˬ ta lehˇ, naw maꞈ-ahˇ ngaˇ mehˬ nehˬ nyaˇ. Gʼawˇ mawˇ-ahˇ sehꞈ-eu uˬ taꞈ, shiˬ buiˇ lah ma-ahˇ biˬ ahˇ nya-eu baoˬ jaˆ-eu Miˬyehˇ-ahˇ guˆ-awˬ. Ngaˇ ehˇ gaˇ jah-awˬ. Naw maꞈ aˬ yawꞈ-ahˇ ya guˆ meh.

Luˇkaꞈ 22:66

Uˬ bya bya laˇ ngeh, tsawˇ mawˬ tsawˇ kʼaˆ deuˬ, piˇ ma aˬ yuiꞈ deuˬ hawˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ tiˬ gaˇ uiˬ leˇ-awˇ, Yeˬ suˇ-ahˇ Baꞈ dzah -euˬ mehˬ shi bi sheuˬ laꞈ-euˬ meh.

Yoˇhaˬ 11:47

Kʼoeˇ ngeh, Paˬliˬsehˇ deuˬ hawˇ-eu piˇ ma aˬ yuiꞈ deuˬ Baꞈdzah aˇ muˇ-ahˇ tahˬ puˬ-awˇ, heu loꞈ-ehˇ ehˇ-eu meh. “Aˬ dui aˬ joˆ-ehˇ jahˇ nmˇ. Tsawˇ haˬ kʼoeˇ gʼaˬ zahˬ leˇ paˬ-ehˇ gʼeh-eu gʼawˬ mya jeˬ mˇ luꞈ meh.

Yoˇhaˬ 15:25

Aˬ yawꞈ maꞈ-euˬ Zahˇ dawˬ kʼoꞈ dawˬ laꞈ kʼoeˇ, ‘Gaˇ kawˆ tiˬ jeˬ-iˬ maˬ jaˆ gaˇ aˬ yawꞈ maꞈ ngaˬ-ahˇ muiˇ-eu meh’ lehˇ ehˇ taˬ-euˬ jaˆ-eu miˇ neh, kʼoeˇ loꞈ-ehˇ maˬ pyeuꞈ laˇ-ehˇ maˬ gʼeh nya-a.

Yoˇhaˬ 7:20

Tsawˇ haˬ aˇ maꞈ ehˇ-eu, “Nawˇ nehꞈ uˇ-eu ngaˇ. Aˬ suˇ gʼaˬ nawˬ-ahˇ sehꞈ-eu gʼeh nga lehˇ ehˇ te.”

Yoˇhaˬ 8:48

Aˬ yawꞈ maꞈ Yeˬsuˇ-ahˇ ehˇ-eu, “Nawˇ-aˬ, Saˬmaˬliˆ tsawˇ haˬ pyeuꞈ-awˇ, nawˬ-euˬ laꞈ kʼoeˇ nehꞈ uˇ ngaˇ lehˇ nga maꞈ ehˇ-eu maˬ tsaˬ nya loˇ.”

Gʼaˬkʼehˇ 17:18

Iˇbiˇguˇlu zahˇ mehˬ-eu saˬ laˬ deuˬ hawˇ-eu, Saˬdawˇiˇ zahˇ mehˬ-eu saˬ laˬ deuˬ kʼawꞈ, aˬ yawꞈ nehˬ-ehˇ ja sawˇ haw-euˬ meh. Aˬ yawꞈ maꞈ tiˬ paˆ na deuˬ ehˇ-eu, “Yaw gahˇ jahˇ geuꞈ-eu dawˇ ga teu gʼaˬ aˬ jeˬ ehˇ-eu nga teu.” Tiˬ paˆ na deuˬ-aˬ, “Yawˬ kʼahˬ yaw miˇ yawˬ-ahˇ-euˬ miˬ yehˇ deuˬ-euˬ gaˇ kawˆ mehˬ-eu tsawˇ haˬ ngeuˇ-eu jeˬ nga” lehˇ ehˇ-eu meh. Yeˬsuˇ-euˬ gaˇ kawˆ hawˇ-eu gʼoꞈ dehꞈ laˇ-eu jeˬ gaˇ kawˆ Pawˇluˆ dawˬ mehˬ mehˬ-eu miˇ neh, aˬ yawꞈ maꞈ kʼoeˇ loꞈ-ehˇ ehˇ-eu meh.

Gʼaˬkʼehˇ 22:30

Yuˇdaˆ tsawˇ haˬ deuˬ Pawˇluˆ-ahˇ aˬ joˆ-ehˇ iˬ baˇ taˬ luꞈ-eu gaˇ kawˆ, Loˇmaˆ guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ kʼoeˇ gʼaˬ siˬ duˬ mawꞈ-eu meh. Kʼoeˇ miˇ neh, yawˬ nah yawˬ Pawˇluˆ-ahˇ paꞈ taˬ-euˬ shmˇ caˆ bi puiˇ-awˇ, piˇ ma aˬ yuiꞈ deuˬ hawˇ-eu Baꞈ dzah-ahˇ uˇ-eu tsawˇ haˬ dawˬ tawˆ luꞈ uiˬ laˇ-eu gʼaˇ duˬ dawˬ biꞈ-euˬ meh. Kʼoeˇ naˇ, Pawˇluˆ-ahˇ sheuˬ laꞈ-awˇ, aˬ yawꞈ maꞈ-euˬ mehˬ shi bi yawꞈ-euˬ meh.

Gʼaˬkʼehˇ 23:1

Kʼoeˇ ngeh, Baꞈ dzah-ahˇ Pawˇluˆ haw tsoˆ taˬ-awˇ ehˇ-eu, “Aˬ yuiꞈ aˬ nyiˇ deuˬ-oˇ, iˬ nah keuˆ ni Miˬyehˇ mehˬ shi ngaˇ aˬ joˆ-ehˇ dehꞈ dzeuˇ jawˇ dzeuˇ laꞈ-euˬ gaˇ kawˆ ngaˬ-euˬ nui ma laꞈ kʼoeˇ shawˇ jehˆ ni jaˆ luꞈ ma.”

Gʼaˬkʼehˇ 24:20

Maˬ ngeuˇ naˇ, Baꞈdzah mehˬ shi ngaˇ yawꞈ leˇ ngeh, ngaˬ-euˬ yaw lehˬ aˬ geu jeˬ mawˇ taˬ-euˬ jaˆ te lehˇ, heu gaˇ oe taˬ-euˬ tsawˇ haˬ teu deuˬ-ahˇ bi ehˇ haw sheˇ.

Gʼaˬkʼehˇ 4:15

Kʼoeˇ ngeh, aˬ yawꞈ nyaꞈ-ahˇ Baꞈ dzah dzah luꞈ-eu nymˇ laꞈ nyiˇ bi doˆ-iˇ-awˇ, aˬ yawꞈ maꞈ tehꞈ-ehˇ bawˬ dzaˬ-euˬ meh.

Gʼaˬkʼehˇ 5:21

Dawˬ kʼoeˇ dawˬ-ahˇ gʼaˬ kʼehˇ deuˬ naˇ haˬ-awˇ, uˬ bya bya laˇ ngeh Uˬ duˬ tahˬ nymˇ nymˇ ma laꞈ kʼoeˇ uˇ leˇ-awˇ, gaˇ kawˆ kʼoeˇ mehˬ nehˬ tsoˆ nehˬ-euˬ meh. Piˇ ma Yaw huiˬ gʼaˬ hawˇ-eu aˬ yawꞈ-euˬ tsawˇ haˬ deuˬ neh, Yuˇdaˆ tsawˇ haˬ tsawˇ mawˬ tsawˇ kʼaˆ dawˬ tawˆ luꞈ kuˇ ymˬ jiˇ-awˇ, Baꞈ dzah dzah ma dzah-euˬ meh. Kʼoeˇ naˇ, gʼaˬ kʼehˇ deuˬ-ahˇ aˬ yawꞈ maꞈ-euˬ mehˬ shi bi sheuˬ laꞈ-eu gʼaˇ duˬ dawˬ biꞈ-euˬ meh.

Gʼaˬkʼehˇ 5:27

Gʼaˬ kʼehˇ deuˬ-ahˇ sheuˬ uˇ laꞈ-awˇ, Baꞈ dzah-euˬ mehˬ shi bi yawꞈ-awˇ, Piˇ ma Yaw huiˬ gʼaˬ aˬ yawꞈ maꞈ-ahˇ naˇ haˬ-eu laꞈ kʼoeˇ, heu loꞈ-ehˇ ehˇ-eu meh.

Gʼaˬkʼehˇ 6:12

Kʼoeˇ loꞈ-ehˇ jahˇ-eu laꞈ kʼoeˇ, miˇ kʼahˬ zaˬ deuˬ, tsawˇ mawˬ tsawˇ kʼaˆ deuˬ hawˇ-eu, Zahˇ dawˬ kʼoꞈ dawˬ mehˬ-eu saˬ laˬ deuˬ nui ma pehˇ laˇ ni kawˆ-euˬ meh. Aˬ yawꞈ maꞈ Saˬteˬpaˬ-ahˇ nyehꞈ-awˇ, Baꞈ dzah mehˬ shi sheuˬ gʼeh-euˬ meh.

Gʼaˬkʼehˇ 6:15

Baꞈ dzah-ahˇ kʼaˇ nuiˇ luꞈ-eu tsawˇ haˬ dawˬ tawˆ luꞈ, Saˬteˬpaˬ-ahˇ haw tsoˆ taˬ-euˬ meh. Kʼoeˇ ngeh, aˬ yawꞈ-euˬ myaˆ pyawˬ kʼoeˇ, mˬ taˆ gʼaˬ kʼehˇ-euˬ myaˆ pyawˬ-ahˇ duˇ gaˇ aˬ yawꞈ maꞈ ya mawˇ-euˬ meh.

Gʼaˬkʼehˇ 7:37

‘Ngaˬ-ahˇ kʼehˇ gʼeh leꞈ-euˬ loꞈ-ehˇ, Miˬyehˇ gʼaˇ duˬ ngehˬ dah-eu tiˬ gʼaˬ naw maꞈ jawˇ gaˇ Miˬyehˇ paˇ kʼehˇ gʼeh leꞈ tehꞈ-a. Aˬ yawꞈ-aˬ, naw maꞈ-euˬ aˇ jeuˬ aˇ ca pyeuꞈ tehꞈ-a’ lehˇ, Iˇsaˬleˬlaˆ tsawˇ haˬ deuˬ-ahˇ ehˇ nehˬ-euˬ gʼaˬ-aˬ, Moˇseˬ meh.

Lormav 12:10

Ka li laꞈ kʼoeˇ aˬ yuiꞈ aˬ nyiˇ loꞈ-ehˇ tiˬ gʼaˬ tiˇ gʼaˬ gaˬ-awˇ, tiˬ gʼaˬ tiˇ gʼaˬ yaw zeu baw-eu nui ma ahˇ-awˬ.

1 Gawˇliˬtu 6:10

smˇ kʼoeˬ kʼoeˬ-eu tsawˇ haˬ, nui kʼahˇ huiˬ-eu tsawˇ haˬ, jiˇ baˬ dawˇ yehꞈ-eu tsawˇ haˬ, aˬ cawˬ-ahˇ yehˬ bawˬ sehˇ lu-ehˇ ehˇ-eu tsawˇ haˬ, tahˇ joe joe-eu tsawˇ haˬ, heu deuˬ-aˬ, Miˬyehˇ Miˇkʼahˬ laꞈ kʼoeˇ tiˬ gʼaˬ-iˬ maˬ ya uˇ leˇ-a.

1 Gawˇliˬtu 6:6

Ehˇ kʼawꞈ, naw maꞈ Ka li zaˬ yaw kaˬ tiˬ gʼaˬ tiˇ gʼaˬ yaˇ kʼaˬ daˇ-eu nymˇ-ahˇ daˬ keuˆ leˇ-awˇ, Ka li-ahˇ maˬ jah-eu tsawˇ haˬ deuˬ neh yaˇ kʼaˬ bi daˇ-eu la.

Dawˬmehˬ 15:11

Iˇsaˬleˬlaˆ tsawˇ haˬ laꞈ kʼoeˇ, iˇ shaˬ shaˬ-awˇ, loˬ-eu tsawˇ haˬ aˬ myah luꞈ jawˇ tehꞈ-a. Kʼoeˇ miˇ neh, kʼoeˇ loꞈ-ehˇ gʼeh-eu tsawˇ haˬ deuˬ-ahˇ tsawˇ tsiˇ maˬ tsiˇ ni caw ba-eu gʼaˇ duˬ, naw maꞈ-ahˇ ngaˇ dawˬ biꞈ-eu ma.

Dawˬmehˬ 16:18

“Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh naw maꞈ-ahˇ biꞈ-euˬ meuˬ yawˬ meuˬ na luꞈ laꞈ kʼoeˇ, yaˇ kʼaˬ daˇ-eu tsawˇ haˬ deuˬ hawˇ-eu yaw huiˬ yaw mahˇ geuꞈ-eu deuˬ ya tseˇ doˆ meh. Tsawˇ haˬ kʼoeˇ deuˬ-aˬ, myaˆ pyawˬ huiˬ nyiˇ maˬ tseˇ ni yaˇ kʼaˬ ya daˇ meh.

1 Teˇsaˬloˇni 4:6

Gaˇ kawˆ heu hmˬ-ahˇ taꞈ leˇ-awˇ, tsawˇ haˬ tiˬ gʼaˬ-iˬ aˬ yuiꞈ aˬ nyiˇ Ka li zaˬ-euˬ nymˇ jiˇ-ahˇ coeˬ-eu ciˆ-eu bahˬ-eu muˆ-eu jeˬ maˬ mˇ kʼmˬ-a. Gaˇ Kawˆ heu naw maꞈ-ahˇ nga maꞈ mehˬ nehˬ dzeuˇ gʼaˬ-euˬ ma. Kʼoeˇ loꞈ-ehˇ gʼeh-eu tsawˇ haˬ-ahˇ Sahˬpaˬ Yeˬsuˇ kʼehˬ nehˬ kʼaˆ nehˬ tehꞈ-a lehˇ, nga maꞈ yaw kʼaˆ kʼaˆ-ehˇ ehˇ-euˬ ma.

Tiˇtuˆ 3:2

Aˬ cawˬ-ahˇ ja bu ja doeˇ-eu jeˬ maˬ mˇ-ehˇ, tsaˬ leˇ dzoeˇ leˇ-eu laꞈ kʼoeˇ cawˬ cawˬ taꞈ-eu uˬ taꞈ, tsawˇ haˬ yawˬ gʼaˬ na luꞈ kʼoeˇ taˆ nui ma nahˬ yu ni taˬ-awˬ lehˇ aˬ yawꞈ maꞈ-ahˇ ehˇ nehˬ-awˬ.

HeˬByehˇ 12:25

Naw maꞈ-ahˇ ngehˬ cawˬ luꞈ-eu gʼaˬ-euˬ dawˬ-ahˇ maˬ naˇ haˬ-ehˇ maˬ ya gʼeh ni yahˇ-awˬ. Miˇ tsaˬ heu kʼoeˇ taˆ Miˬyehˇ-euˬ dawˬ bi ngehˬ le-euˬ gʼaˬ-ahˇ maˬ naˇ haˬ geuꞈ-euˬ tsawˇ haˬ deuˬ kʼawꞈ maˬ dzeuˇ-iˇ nya-euˬ-aˬ, mˬ taˆ neh dawˬ ngehˬ leꞈ-euˬ gʼaˬ-euˬ dawˬ-ahˇ aˬ dui maˬ naˇ haˬ geuꞈ naˇ, aˬ joˆ-ehˇ paˇ dzeuˇ-iˇ nya nmˇ.

HeˬByehˇ 5:9

Aˬ yawꞈ laꞈ kʼoeˇ byah laˇ paˬ-ehˇ gʼeh-eu jeˬ bi byah laˇ gʼaˬ jiˇ ngeh, aˬ yawꞈ-euˬ dawˬ-ahˇ kʼaˇ naˇ haˬ geuꞈ-eu tsawˇ haˬ deuˬ-ahˇ mˬ maˬ maˬ byaˆ zaˇ ziˇ ka kʼoꞈ-eu jeˬ maˬ tsehˆ leˇ ni biꞈ-eu gʼaˬ pyeuꞈ laˇ-euˬ meh.

Yaˬkoˆ 2:20

A dzawˬ aˇ gah deuˬ-oˇ, mˇ-eu shaˇ-eu jeˬ maˬ ahˇ-eu jah-eu jeˬ-aˬ yawꞈ ngehꞈ meh lehˇ bi mehˬ duˬ mawꞈ-eu nya loˇ.

Yaˬkoˆ 3:6

Mehˬ laˇ-aˬ, miˬ dzaˬ-ahˇ duˇ-eu meh. Mehˬ laˇ kʼoeˇ-aˬ, aˬ dui-euˬ gʼawˇ mawˇ laꞈ kʼoeˇ jaˆ-eu haiˬ-eu miˇ kʼahˬ tiˬ kʼahˬ pyeuꞈ-awˇ, aˬ dui-euˬ nui ma gʼawˇ mawˇ dawˬ tawˆ luꞈ laꞈ kʼoeˇ yaw haiˬ jeˬ bi byah laˇ-eu meh. Mehˬ laˇ kʼoeˇ-aˬ, shiˬ buiˇ lah ma-ahˇ doꞈ-eu miˬ dzaˬ yuˇ-awˇ, aˬ dui yaw dehꞈ dehꞈ-eu jeˬ dawˬ tawˆ luꞈ-ahˇ bi puiˆ dzaˬ-eu meh.

1 Beˬtuˆluˆ 2:23

Aˬ cawˬ aˬ yawꞈ-ahˇ dawˬ doeˇ ngehˬ daˆ nehˬ-euˬ kʼawꞈ, aˬ yawꞈ yaw doeˇ maˬ ehˇ kʼoꞈ nehˬ haw-aˬ. Aˬ cawˬ kʼehˬ nehˬ kʼaˆ nehˬ gaˇ aˬ yawꞈ ya daˬ ngeh, aˬ cawˬ-ahˇ guˆ tsiˬ nyehꞈ-eu dawˬ aˬ yawꞈ maˬ ngehˬ-ehˇ, dawˇ coe ni yaˇ kʼaˬ daˇ-eu gʼaˬ pyeuꞈ-eu Miˬyehˇ-euˬ aˬ laꞈ laꞈ kʼoeˇ aˬ yawꞈ-euˬ gʼawˇ mawˇ a nehˬ-euˬ meh.

1 Beˬtuˆluˆ 3:9

Aˬ cawˬ yaw doeˇ jahˇ laˇ gaˇ yaw doeˇ taˬ jahˇ kʼoꞈ nehˬ. Aˬ cawˬ yaˬ kʼehˇ yaˬ laˇ gaˇ yaˬ kʼehˇ maˬ yaˬ kʼoꞈ nehˬ-ehˇ, Miˬyehˇ guiˬ lahˬ biꞈ nehˬ ni dawˬ ngehˬ gʼeh nehˬ-awˬ. Aˬ jeˬ miˇ neh ehˇ naˇ, Miˬyehˇ naw maꞈ-ahˇ kuˇ ngeh, guiˬ lahˬ biꞈ ma lehˇ saˇ jaˬ dzaˬ-awˇ kuˇ-euˬ meh.

1 Yoˇhaˬ 2:9

Tsawˇ haˬ tiˬ gʼaˬ na yaw shehꞈ laꞈ kʼoeˇ jawˇ luꞈ ma lehˇ ehˇ kʼawꞈ, Ka li zaˬ cawˬ cawˬ bye naˇ, yaw zahˇ laꞈ kʼoeˇ jawˇ luꞈ-a siˬ.

1 Yoˇhaˬ 3:10

Miˬyehˇ-euˬ zaˬ hawˇ-eu Nehꞈ sahˬ paˬ-euˬ zaˬ yaw kaˬ kʼoeˇ naˆ ni beu gaˇ-eu meh. Yaw tsaˬ yaw dawˇ jeˬ maˬ mˇ-ehˇ, Ka li zaˬ cawˬ cawˬ maˬ gaˬ-eu tsawˇ haˬ-aˬ, Miˬyehˇ-euˬ zaˬ maˬ ngeuˇ-a.

1 Yoˇhaˬ 5:16

Yawˬ ha-euˬ cawˬ Ka li zaˬ tiˬ gʼaˬ na shiˇ gaˇ maˬ keuˆ-eu iˬ baˇ mˇ-euˬ ya mawˇ naˇ, Miˬyehˇ-ahˇ guiˬ lahˬ shaˇ-eu tsaˬ meh. Miˬyehˇ aˬ yawꞈ-ahˇ dehꞈ-eu saꞈ laˇ biꞈ nehˬ tehꞈ-a. Heu-aˬ, shiˇ gaˇ maˬ keuˆ-eu iˬ baˇ mˇ-euˬ jeˬ-ahˇ ehˇ-eu ma. Shiˇ gaˇ keuˆ-eu iˬ baˇ mˇ-euˬ jeˬ kʼawꞈ jaˆ-eu meh. Kʼoeˇ-euˬ gʼaˇ duˬ naw maꞈ Miˬyehˇ-ahˇ guiˬ lahˬ shaˇ-awˬ lehˇ ngaˇ maˬ ehˇ.

Yuˇdaˆ 1:9

Mˬ taˆ gʼaˬ kʼehˇ deuˬ laꞈ kʼoeˇ, aˬ cawˬ naˆ maˬ tseˇ huiˬ dzehˬ mahˇ dzehˬ-eu gʼaˬ pyeuꞈ-eu Miˇkeˬlaˇ kʼawꞈ kʼoeˇ loꞈ-ehˇ maˬ ehˇ-a. Moˇseˬ-euˬ gʼawˇ mawˇ-ahˇ aˬ geu gʼaˬ geuꞈ-eu tsaˬ-eu gaˇ kawˆ-ahˇ taꞈ leˇ-awˇ, Nehꞈ sahˬ paˬ nehˬ-ehˇ aˬ yawꞈ ceh dzaˬ ngeh, Miˇkeˬlaˇ aˬ yawꞈ Nehꞈsahˬpaˬ-ahˇ dawˬ doeˇ maˬ ngehˬ nehˬ peuˬ ni, “Sahˬpaˬ Miˬyehˇ neh bi dehˬ luꞈ-uˇ” lehˇ tehꞈ-ehˇ ehˇ nehˬ-euˬ meh.

Panmaeq 20:14

Shiˇ-eu jeˬ hawˇ-eu shiˇ-eu miˇ kʼahˬ kʼoeˇ nyiˬ jeˬ-ahˇ-aˬ, miˬ dzaˬ lah-ahˇ biˬ puꞈ nehˬ-euˬ meh. (Miˬ dzaˬ lah kʼoeˇ lah-aˬ, nyiˬ poˆ tiˬ poˆ shiˇ-eu jeˬ pyeuꞈ-eu meh.)