Maꞈtehˬ 5:21 - Akha

²¹ “Aˇ hu tsawˇ haˬ deuˬ-ahˇ ehˇ taˬ-euˬ dawˬ naw maꞈ ya gaˬ-euˬ meh. ‘Tsawˇ haˬ maˬ ya sehꞈ-a. Tsawˇ haˬ sehꞈ-eu tsawˇ haˬ-aˬ, yaˇ kʼaˬ daˇ gaˇ ya daˬ meh’ lehˇ ehˇ taˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ “‘Tsawrhaq-anr taqsaef. Tsawrhaq-anr saef-eu tsawrhaq-aq, yarkhaq dar-eu gar yadaq mae,’ (Di 20:13; Dm 5:17) laer arhuba-euq tsawrhaq deuq-anr aernaeq taq-euq dawq, nawmaf yagaq-euq mae.

Maꞈtehˬ 5:21 ပူးပေါင်းရင်းမြစ်များ

2 Saˬmeuˬlaˆ 20:18

Zaˬ miˬ zaˬ kʼoeˇ gʼaˬ ehˇ-eu, “Gaˇ yaw kʼaˆ doˆ laˇ naˇ, Aˬbeˬlaˆ meuˬ-ahˇ iˇ-awˇ naˇ haˬ-iˇ-awˬ lehˇ, aˇ hu ba neh dawˬ daˬ daˬ taˬ-euˬ jaˆ-eu loꞈ-ehˇ, kʼoeˇ loꞈ-ehˇ naˇ haˬ naˇ haˬ-ehˇ dehꞈ ka leꞈ-euˬ meh.

2 Laˬsaˬbaˬ 19:5

Yuˇdaˆ miˇ kʼahˬ-ahˇ jaˆ-eu ziꞈ dah ni tsoˆ taˬ-euˬ meuˬ yawˬ meuˬ na luꞈ laꞈ kʼoeˇ, yaˇ kʼaˬ daˇ-eu deuˬ aˬ yawꞈ tseˇ doˆ-awˇ, yaˇ kʼaˬ bi daˇ-euˬ meh.

Doˆ-iˇ 20:13

“Aˬ cawˬ-ahˇ nawˇ maˬ ya sehꞈ-a.

Bawˇtsahˬ 35:12

Kʼoeˇ gaˇ aˬ yawꞈ cehˆ uˇ-iˇ-awˇ, shiˇ-euˬ gʼaˬ-euˬ aˬ yuiꞈ aˬ nyiˇ deuˬ neh laꞈ poˆ bi poˆ-eu jeˬ-ahˇ aˬ yawꞈ ya buˬ-iˇ tehꞈ-a. Tsawˇ haˬ tiˬ gʼaˬ aˬ cawˬ-ahˇ sehꞈ-euˬ meh lehˇ ehˇ-eu kʼawꞈ, tsawˇ haˬ aˇ maꞈ aˇ muˇ mehˬ shi yaˇ kʼaˬ maˬ daˇ tsehˆ gʼaˬ kʼoeˇ keuˆ ni, aˬ yawꞈ-ahˇ maˬ ya sehꞈ-a.

Maꞈtehˬ 5:27

“ ‘Aˬ cawˬ-euˬ miˬ zaˬ yo zaˬ-ahˇ maˬ ya bahˬ maˬ ya muˆ-a’ lehˇ ehˇ-eu dawˬ naw maꞈ ya gaˬ gʼaˬ-euˬ meh.

Maꞈtehˬ 5:33

“ ‘Nawˇ maˬ mˇ nya-eu jeˬ taˬ kamˬ. Nawˬ neh mˇ ma lehˇ SahˬpaˬMiˬyehˇ-ahˇ kamˬ taˬ-euˬ jeˬ-ahˇ, kamˬ-euˬ loꞈ-ehˇ mˇ byah-awˬ’ lehˇ, aˇ hu tsawˇ haˬ deuˬ-ahˇ ehˇ nehˬ taˬ-euˬ dawˬ kʼoeˇ dawˬ kʼawꞈ, naw maꞈ ya gaˬ gʼaˬ-euˬ meh.

Maꞈtehˬ 5:38

“ ‘Myaˆ nuiˆ-euˬ poeˬ myaˆ nuiˆ, seuˬ-euˬ poeˬ seuˬ’ lehˇ ehˇ taˬ-euˬ dawˬ naw maꞈ ya gaˬ-euˬ meh.

Maꞈtehˬ 5:43

“ ‘Yawˬ ha dawˬ peh jawˇ-eu tsawˇ haˬ-ahˇ gaˬ-awˇ, yawˬ ha-ahˇ muiˇ-eu tsawˇ haˬ-ahˇ muiˇ-awˬ’ lehˇ ehˇ taˬ-euˬ dawˬ naw maꞈ ya gaˬ-euˬ meh.

Dawˬmehˬ 16:18

“Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh naw maꞈ-ahˇ biꞈ-euˬ meuˬ yawˬ meuˬ na luꞈ laꞈ kʼoeˇ, yaˇ kʼaˬ daˇ-eu tsawˇ haˬ deuˬ hawˇ-eu yaw huiˬ yaw mahˇ geuꞈ-eu deuˬ ya tseˇ doˆ meh. Tsawˇ haˬ kʼoeˇ deuˬ-aˬ, myaˆ pyawˬ huiˬ nyiˇ maˬ tseˇ ni yaˇ kʼaˬ ya daˇ meh.

Dawˬmehˬ 5:17

“Aˬ cawˬ-ahˇ nawˇ maˬ ya sehꞈ-a.

1 Yoˇhaˬ 3:15

Yawˬ ha-euˬ cawˬ pyeuꞈ-eu Ka li zaˬ deuˬ-ahˇ bye-eu tsawˇ haˬ-aˬ, aˬ cawˬ-ahˇ sehꞈ gaˇ duˇ-eu meh. Aˬ cawˬ-ahˇ sehꞈ-eu tsawˇ haˬ-aˬ, yawˬ ha laꞈ kʼoeˇ mˬ maˬ maˬ byaˆ zaˇ ziˆ dehꞈ-eu jeˬ-ahˇ maˬ za nya-a lehˇ naw maꞈ siˬ nya meh.