Maꞈtehˬ 5:18 - Akha

¹⁸ Ngaˇ naw maꞈ-ahˇ dawˇ coe ni ehˇ nehˬ nyaˇ. Mˬ hawˇ-eu miˇ kʼaˇ ziꞈ kʼoeˇ keuˆ ni maˬ ehˇ, Zahˇ dawˬ kʼoꞈ dawˬ laꞈ kʼoeˇ kʼaˇ ahˇ-eu jeˬ dawˬ tawˆ luꞈ maꞈ byah laˇ kʼoeˇ keuˆ ni maˬ ehˇ, Zahˇ dawˬ kʼoꞈ dawˬ laꞈ kʼoeˇ boꞈ taˬ-euˬ aˇ boꞈ boꞈ zaˬ tiˬ boꞈ tehꞈ-ehˇ kʼawꞈ maˬ byoˆ-iˇ-aˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Ngar, nawmaf-anr aqdirma-aer aernaeq nyar, mq hawr-eu mir byov-ir jir khawf, zanrdawq-euq lafkhoer-euq sanqbof tiq bof, tiq toeq taef-aer khawf maqbyov-ir-ar, dawqtawvluf ya byanlar taef-a.

Maꞈtehˬ 5:18 ပူးပေါင်းရင်းမြစ်များ

Jaceuq 102:26

Mˬ miˇ byoˆ-iˇ jiˇ kʼawꞈ, nawˇ maˬ byoˆ-iˇ nya-a. Kʼoeˇ deuˬ dawˬ tawˆ luꞈ mehˬ tsoeˬ loꞈ-ehˇ peuˬ-iˇ tehꞈ-a. Saˬ paˇ paˇ cehˇ loꞈ-ehˇ biˬ dzeh-awˇ, bi piˬ bi byoˆ-iˇ jiˇ tehꞈ-a.

Jaceuq 111:8

Dawˬ kʼoeˇ deuˬ yaw tsaˬ yaw dawˇ laꞈ kʼoeˇ ziꞈ-awˇ, mˬ maˬ maˬ byaˆ zaˇ ziˇ gmˬ-eu meh.

Jaceuq 119:152

Nawˇ mehˬ-eu tsoˆ-eu dawˬ-ahˇ aˇ hu ba neh ngaˇ ya siˬ-euˬ ma. Dawˬ kʼoeˇ deuˬ mˬ maˬ maˬ byaˆ zaˇ ziˇ maˬ paˇ laˇ-a.

Iˇsaˬyaˇ 40:8

Ngeuˇ meh. Yaˇ moꞈ nyoeˬ-iˇ-awˇ aˇ yehˆ juˬ-iˇ-eu meh. Ehˇ kʼawꞈ, aˬ dui Miˬyehˇ-euˬ dawˬ, mˬ maˬ maˬ byaˆ zaˇ ziˇ gmˬ meh.”

Iˇsaˬyaˇ 44:26

Ehˇ kʼawꞈ, ngaˬ-euˬ zaˬ kʼaˆ aˬ kaˇ pyeuꞈ-eu gaˇ kawˆ mehˬ ngeh, ngaˬ-euˬ gʼaˬ kʼehˇ-ahˇ ngaˇ pyehˬ gʼeh leꞈ-awˇ, ngaˬ neh lehˬ hmˬ taˬ-euˬ gaˇ kawˆ bi ja mehˬ ngeh, aˬ yawꞈ neh kʼaˇ ehˇ-euˬ jeˬ ngaˇ bi pyeuꞈ laˇ ma. Yeˬluˇsaˬlehˬ meuˬ-ahˇ tsawˇ haˬ paˇ jawˇ byah-awˇ, Yuˇdaˆ meuˬ deuˬ paˇ teˬ ziꞈ jiˇ tehꞈ-a lehˇ ehˇ-euˬ ma. Meuˬ meuˬ tsoeˬ kʼoeˇ deuˬ meuˬ shuiꞈ paˇ shuiꞈ laˇ tehꞈ-a.

Iˇsaˬyaˇ 51:6

Mˬ-ahˇ gʼawˇ leuˇ haw-awˇ, miˇ tsaˬ-ahˇ awˆ kʼoꞈ-awˇ haw-awˬ. Uˬ kʼoeˬ loꞈ-ehˇ mˬ byoˆ-iˇ-awˇ, mehˬ tsoeˬ paˇ cehˇ loꞈ-ehˇ miˇ tsaˬ peuˬ-iˇ tehꞈ-a. Miˇ tsaˬ zaˬ deuˬ puˬ saˆ loꞈ-ehˇ shiˇ jiˇ tehꞈ-a. Ehˇ kʼawꞈ, ngaˬ-euˬ ka kʼoꞈ-eu jeˬ mˬ maˬ maˬ byaˆ zaˇ ziˇ ziꞈ-awˇ, ngaˬ neh gʼaˬ leˇ-euˬ jeˬ maˬ poˆ maˬ paˇ laˇ-a.

Maꞈtehˬ 10:15

Ngaˇ naw maꞈ-ahˇ maˇ jawˆ ni ehˇ nehˬ nyaˇ. Yaˇ kʼaˬ daˇ-eu aˇ nah keuˆ le ngeh, Sawˇdoˬ meuˬ hawˇ-eu Gawˇmawˇlaˆ meuˬ -ahˇ kʼehˬ nehˬ-euˬ naˆ maˬ tseˇ, meuˬ kʼoeˇ meuˬ-ahˇ Miˬyehˇ kʼehˬ nehˬ tehꞈ-a.”

Maꞈtehˬ 10:23

Meuˬ tiˬ meuˬ laꞈ kʼoeˇ, aˬ caw naw maꞈ-ahˇ kʼehˬ laˇ naˇ, yawˬ meuˬ yawˬ-ahˇ cehˆ-awˬ. Iˇsaˬleˬlaˆ miˇ kʼahˬ laꞈ kʼoeˇ jaˆ-eu meuˬ yawˬ meuˬ na luꞈ-ahˇ naw maꞈ gaˇ maˬ mˇ jiˇ mi naˆ-ehˇ, Tsawˇhaˬ-euˬ Zaˬmaˇ oe keuˆ tehꞈ-a lehˇ, ngaˇ naw maꞈ-ahˇ maˇ jawˆ ni ehˇ-eu ma.

Maꞈtehˬ 10:42

Ngaˬ-euˬ mehˬ nah caw teh-eu tsawˇ haˬ deuˬ laꞈ kʼoeˇ, aˬ cawˬ naˆ maˬ tseˇ nyiˇ teˬ dzehˬ-eu tiˬ gʼaˬ-ahˇ kʼawꞈ, ngaˬ-euˬ mehˬ nah caw teh-eu tsawˇ haˬ pyeuꞈ-eu miˇ neh bi dawˇ-eu ma lehˇ noeˬ siˬ nya-awˇ, iˇ cuꞈ iˇ tsehꞈ tiˬ kʼmˬ tehꞈ-ehˇ bi dawˇ-euˬ kʼawꞈ, kʼoeˇ loꞈ-ehˇ kʼaˇ bi dawˇ-eu tsawˇ haˬ aˬ geu gʼaˬ maˬ kaˬ, aˬ diˇ aˬ maˇ guiˬ lahˬ za tehꞈ-a lehˇ, ngaˇ naw maꞈ-ahˇ maˇ jawˆ ni ehˇ-eu ma.”

Maꞈtehˬ 11:11

Ngaˇ naw maꞈ-ahˇ maˇ jawˆ ni ehˇ nehˬ nyaˇ. Zaˬ miˬ zaˬ-euˬ uˬ maˆ laꞈ kʼoeˇ neh kʼaˇ dehꞈ doˆ le-euˬ tsawˇ haˬ zaˬ dawˬ tawˆ luꞈ laꞈ kʼoeˇ, Iˇ cuꞈ shawˇ-eu Yoˇhaˬ naˆ maˬ tseˇ huiˬ dzehˬ mahˇ dzehˬ-eu tiˬ gʼaˬ-iˬ maˬ jawˇ-a. Ehˇ kʼawꞈ, mˬ taˆ Miˇkʼahˬ laꞈ kʼoeˇ aˬ cawˬ taꞈ-ehˇ teˬ dui dui-eu gʼaˬ kʼawꞈ, Yoˇhaˬ naˆ maˬ tseˇ huiˬ dzehˬ mahˇ dzehˬ-eu meh.

Maꞈtehˬ 13:17

Ngaˇ naw maꞈ-ahˇ maˇ jawˆ ni ehˇ nehˬ nyaˇ. Miˬyehˇ gʼaˇ duˬ ngehˬ dah-eu tsawˇ haˬ hawˇ-eu Miˬyehˇ-euˬ tsawˇ haˬ deuˬ, naw maꞈ ya mawˇ-euˬ jeˬ-ahˇ mawˇ mawꞈ dui dui-euˬ kʼawꞈ, ma ya mawˇ haw-ehˇ, naw maꞈ ya gaˬ-euˬ jeˬ-ahˇ gaˬ mawꞈ dui dui-euˬ kʼawꞈ, maˬ ya gaˬ haw-aˬ.

Maꞈtehˬ 16:28

Heu gaˇ jawˇ luꞈ-eu tsawˇ haˬ tiˬ paˆ na deuˬ maˬ shiˇ dzeuˇ mi naˆ-ehˇ, Tsawˇhaˬ-euˬ Zaˬmaˇ sahˬ paˬ geuꞈ-awˇ oe gaˇ ya mawˇ tehꞈ-a lehˇ, ngaˇ naw maꞈ-ahˇ maˇ jawˆ ni ehˇ-eu ma.”

Maꞈtehˬ 17:20

Yeˬsuˇ ehˇ-eu, “Naw maꞈ jah-eu maˬ loꞈ-eu miˇ neh meh. Ngaˇ naw maꞈ-ahˇ maˇ jawˆ ni ehˇ nehˬ nyaˇ. Naw maꞈ jah-eu jeˬ gʼawˬ paꞈ aˇ nuiˆ hui ni ahˇ naˇ, gawˬ jawˬ heu jawˬ-ahˇ kʼoeˇ paw dzeˇ jiˆ-iˇ-awˬ lehˇ ehˇ nehˬ ngeh, jiˆ-iˇ tehꞈ-a. Naw maꞈ maˬ jahˇ nya-eu tiˬ jeˬ-iˬ maˬ baw-aˇ.”

Maꞈtehˬ 18:18

“Naw maꞈ dawˬ tawˆ luꞈ-ahˇ ngaˇ heu loꞈ-ehˇ ehˇ-eu ma. Miˇ tsaˬ kʼoeˇ taˆ naw maꞈ neh kʼaˇ laˆ tsoeˬ-euˬ jeˬ, mˬ kʼoeˇ taˆ kʼawꞈ laˆ tsoeˬ-awˇ, miˇ tsaˬ kʼoeˇ taˆ naw maꞈ neh kʼaˇ bi mˇ-euˬ jeˬ, mˬ kʼoeˇ taˆ kʼawꞈ bi mˇ tehꞈ-a.

Maꞈtehˬ 18:3

Kʼoeˇ naˇ, aˬ yawꞈ maꞈ-ahˇ heu loꞈ-ehˇ ehˇ nehˬ-euˬ meh. “Ngaˇ naw maꞈ-ahˇ maˇ jawˆ ni ehˇ nehˬ nyaˇ. Naw maꞈ nui ma paˇ-awˇ, zaˬ yaw nyiˇ tiˬ gʼaˬ loꞈ-ehˇ maˬ pyeuꞈ laˇ kʼoeˇ keuˆ ni, Mˬtaˆ Miˇkʼahˬ laꞈ kʼoeˇ naw maꞈ maˬ ya uˇ leˇ-a.

Maꞈtehˬ 19:23

Kʼoeˇ ngeh, zaˬ lahˇ deuˬ-ahˇ Yeˬsuˇ heu loꞈ-ehˇ ehˇ nehˬ-euˬ meh. “Ngaˇ naw maꞈ-ahˇ maˇ jawˆ ni ehˇ-eu ma. Smˇ muiˬ smˇ baw deuˬ Mˬtaˆ Miˇkʼahˬ-ahˇ uˇ leˇ-eu shaˬ dui dui meh.

Maꞈtehˬ 19:28

Aˬ yawꞈ maꞈ-ahˇ Yeˬsuˇ ehˇ nehˬ-eu, “Miˇ tsaˬ tahˬ kʼawˇ yaw shuiꞈ paˇ laˇ-awˇ, yaw shehꞈ kʼahˬ sehˇ huiˬ-eu dzoeˬ dzaˬ nuiˇ mahˬ kʼoeˇ taˆ Tsawˇhaˬ-euˬ Zaˬmaˇ nuiˇ le ngeh, ngaˬ-euˬ mehˬ nah caw teh-eu naw maꞈ tseˇ nyiꞈ gʼaˬ kʼawꞈ, dzoeˬ dzaˬ nuiˇ mahˬ kʼoeˇ taˆ nuiˇ-awˇ, Iˇsaˬleˬlaˆ tsawˇ jeuˬ tseˇ nyiꞈ jeuˬ kʼoeˇ taˆ ya uˆ lahˇ tehꞈ-a.

Maꞈtehˬ 21:21

Yeˬsuˇ ehˇ-eu, “Ngaˇ naw maꞈ-ahˇ maˇ jawˆ ni ehˇ nehˬ nyaˇ. Naw maꞈ jah-eu nui ma ahˇ-awˇ, poˆ poˆ laˆ laˆ-ehˇ maˬ noeˬ naˇ, ngaˬ neh siˬ guˬ aˇ bawˇ heu bawˇ-ahˇ jahˇ nehˬ-euˬ loꞈ-ehˇ, naw maꞈ kʼawꞈ jahˇ nya tehꞈ-a. Kʼoeˇ naˆ tehꞈ-ehˇ maˬ ngeuˇ-a siˬ. Gawˬ jawˬ heu jawˬ-ahˇ ‘Teuˆ diˇ laˇ-awˇ iˬ ma laˆ shaˆ-ahˇ ga puꞈ-iˇ-awˬ’ lehˇ naw maꞈ ehˇ nehˬ ngeh, gawˬ jawˬ heu jawˬ iˬ ma laˆ shaˆ-ahˇ ga puꞈ-iˇ tehꞈ-a.

Maꞈtehˬ 21:31

Aˬ li kʼoeˇ nyiˬ li, aˬ geu gʼaˬ aˬ da-euˬ nui kʼahˇ mˇ-euˬ nga.” Aˬ yawꞈ maꞈ ehˇ-eu, “Aˬ yuiꞈ gʼaˬ meh.” Aˬ yawꞈ maꞈ-ahˇ Yeˬsuˇ ehˇ nehˬ-eu, “Ngaˇ naw maꞈ-ahˇ maˇ jawˆ ni ehˇ nehˬ nyaˇ. Kawˬ taꞈ-eu tsawˇ haˬ deuˬ hawˇ-eu meh maˬ laˇ deuˬ, naw maꞈ-euˬ aˬ hu Miˬyehˇ Miˇkʼahˬ-ahˇ ya uˇ leˇ meh.

Maꞈtehˬ 23:36

Ngaˇ naw maꞈ-ahˇ maˇ jawˆ ni ehˇ nehˬ nyaˇ. Tsawˇ haˬ kʼoeˇ deuˬ-ahˇ sehꞈ-euˬ iˬ baˇ baˬ da neh kʼehˬ-eu kʼaˆ-eu kʼoeˇ, heu ziˇ-ahˇ keuˆ le tehꞈ-a.

Maꞈtehˬ 24:2

Aˬ yawꞈ maꞈ-ahˇ Yeˬsuˇ ehˇ nehˬ-eu, “Nymˇ heu deuˬ-ahˇ naw maꞈ mawˇ luꞈ meh. Ngaˇ naw maꞈ-ahˇ maˇ jawˆ ni ehˇ nehˬ nyaˇ. Nymˇ kʼaˇ gawˬ taˬ-euˬ kʼaˬ lo heu deuˬ tiˬ siˬ kʼoeˇ taˆ tiˬ siˬ maˬ jaˆ ziꞈ nya ni byaˆ-iˇ jiˇ gaˇ keuˆ tehꞈ-a.”

Maꞈtehˬ 24:47

Baw leˬ kʼoeˇ gʼaˬ zaˬ kʼaˆ kʼoeˇ gʼaˬ-ahˇ, aˬ yawꞈ-euˬ pyuˇ shuiˇ myawˬ gahˬ dawˬ tawˆ luꞈ kʼoeˇ taˆ haw-eu pyaˆ-eu gʼaˬ bi geuꞈ-eu yaw duˬ baw tehꞈ-a lehˇ, naw maꞈ-ahˇ ngaˇ ehˇ-eu ma.

Maꞈtehˬ 25:12

Oeˇ mˇ baˇ le-euˬ gʼaˬ ehˇ kʼoꞈ nehˬ-eu, ‘Ngaˇ maˇ jawˆ ni ehˇ-eu ma. Naw maꞈ-ahˇ ngaˇ maˬ siˬ’

Maꞈtehˬ 25:40

Kʼoeˇ ngeh, aˬ yawꞈ maꞈ-ahˇ Sahˬ paˬ heu loꞈ-ehˇ ehˇ nehˬ tehꞈ-a. ‘Ngaˬ-euˬ aˬ yuiꞈ aˬ nyiˇ heu deuˬ laꞈ kʼoeˇ, aˬ cawˬ naˆ maˬ tseˇ nyiˇ teˬ-eu gʼaˬ-ahˇ naw maꞈ neh ngehˬ gʼeh nehˬ-euˬ jeˬ-aˬ, ngaˬ-ahˇ ngehˬ gʼeh nehˬ laꞈ gaˇ duˇ-eu meh lehˇ, ngaˇ naw maꞈ-ahˇ maˇ jawˆ ni ehˇ-eu ma.’

Maꞈtehˬ 25:45

“Sahˬ paˬ ehˇ-eu, ‘Ngaˇ naw maꞈ-ahˇ ehˇ nehˬ nyaˇ. Tsawˇ haˬ heu deuˬ laꞈ kʼoeˇ aˬ cawˬ naˆ maˬ tseˇ nyiˇ teˬ-eu gʼaˬ-ahˇ naw maꞈ ngehˬ maˬ gʼeh nehˬ ni byehˇ naˇ, ngaˬ-ahˇ ngehˬ maˬ gʼeh nehˬ laꞈ gaˇ duˇ-eu meh.’

Maꞈtehˬ 5:26

Ngaˇ nawˬ-ahˇ maˇ jawˆ ni ehˇ nehˬ nyaˇ. Doˆ paˬ-ehˇ gʼeh-eu pyuˇ tiˬ pehˆ maˬ doˆ jiˇ kʼoeˇ keuˆ ni, paꞈ kuˆ laꞈ kʼoeˇ nawˇ ya uˇ tehꞈ-a.

Maꞈtehˬ 6:16

“Naw maꞈ maˬ dzaˬ-eu zahˇ jahˇ ngeh, aˬ cawˬ bi mawˇ-eu gʼaˇ duˬ jahˇ-eu tsawˇ haˬ deuˬ loꞈ-ehˇ, myaˆ pyawˬ nyoeˬ kʼeuˇ ni taˬ gʼeh. Aˬ yawꞈ maꞈ maˬ dzaˬ ni dzahˬ luꞈ gaˇ aˬ cawˬ haw siˬ nya ni, myaˆ pyawˬ ciˇ jawꞈ ni jawˇ-eu meh. Ngaˇ maˇ jawˆ ni ehˇ nehˬ nyaˇ. Aˬ yawꞈ maꞈ-aˬ, yawˬ ha kʼaˇ za paˬ-ehˇ gʼeh-eu guiˬ lahˬ za gʼaˬ jiˇ-euˬ gaˇ duˇ-eu meh.

Maꞈtehˬ 6:2

“Shaˬ-eu zahˬ-eu tsawˇ haˬ deuˬ-ahˇ gamꞈ nehˬ ngeh, awꞈ-aꞈ tahˬ kʼoˬ-ahˇ duˇ-eu tsawˇ haˬ deuˬ loꞈ-ehˇ, daˇ heh baw baw-ehˇ gamꞈ-eu jeˬ taˬ jahˇ. Aˬ yawꞈ maꞈ-aˬ, aˬ cawˬ bi ciˬ poeˬ-eu gʼaˇ duˬ, uˬ duˬ tahˬ nymˇ laꞈ kʼoeˇ maˬ ehˇ, gaˇ ma doe ni maˬ ehˇ, daˇ heh baw-awˇ gamꞈ nehˬ-eu meh. Ngaˇ dawˇ coe ni ehˇ nehˬ nyaˇ. Aˬ yawꞈ maꞈ-aˬ, yawˬ ha kʼaˇ za paˬ-ehˇ gʼeh-eu guiˬ lahˬ za gʼaˬ jiˇ-euˬ gaˇ duˇ meh.

Maꞈtehˬ 8:10

Yaw huiˬ yaw mahˇ kʼoeˇ gʼaˬ kʼoeˇ loꞈ-ehˇ ehˇ gaˇ Yeˬsuˇ ya gaˬ ngeh, zahˬ leˇ-awˇ, aˬ yawꞈ-euˬ mehˬ nah caw teh luꞈ-eu tsawˇ haˬ deuˬ-ahˇ heu loꞈ-ehˇ ehˇ nehˬ-euˬ meh. “Ngaˇ naw maꞈ-ahˇ maˇ jawˆ ni ehˇ nehˬ nyaˇ. Iˇsaˬleˬlaˆ tsawˇ haˬ deuˬ laꞈ kʼoeˇ kʼawꞈ, heu naˆ naˆ-ehˇ jah-eu tsawˇ haˬ ngaˇ maˬ mawˇ haw-aˬ.

Maˬkuˆ 10:15

Zaˬ yaw nyiˇ tiˬ gʼaˬ loꞈ-ehˇ Miˬyehˇ Miˇkʼahˬ-ahˇ maˬ ha geuꞈ-eu tsawˇ haˬ aˬ geu gʼaˬ maˬ kaˬ, kʼoeˇ gaˇ maˬ ya uˇ leˇ-aˇ lehˇ, naw maꞈ-ahˇ ngaˇ maˇ jawˆ ni ehˇ-eu ma.”

Maˬkuˆ 10:29

Yeˬsuˇ aˬ yawꞈ maꞈ-ahˇ ehˇ nehˬ-eu, “Ngaˇ naw maꞈ-ahˇ maˇ jawˆ ni heu loꞈ-ehˇ ehˇ-eu ma. Ngaˬ-euˬ gʼaˇ duˬ hawˇ-eu Laˬ kʼaˬ cehˇ-eu Guiˬ lahˬ dawˬ gʼaˇ duˬ, yawˬ ha-euˬ nymˇ, mehˇ nmˇ, dmˇ ma, aˬ da, aˬ ma, aˬ buˇ aˬ li, myawˬ dahˬ yaˇ dahˬ, heu deuˬ-ahˇ byehˇ dzeh yaꞈ-euˬ tsawˇ haˬ aˬ geu gʼaˬ maˬ kaˬ,

Maˬkuˆ 11:23

Tsawˇ haˬ aˬ geu gʼaˬ maˬ kaˬ, nui ma poˆ poˆ laˆ laˆ-ehˇ maˬ gʼeh ni, yawˬ ha neh kʼaˇ ehˇ-euˬ loꞈ-ehˇ pyeuꞈ laˇ tehꞈ-a lehˇ maˇ maˇ ni jah-eu laꞈ kʼoeˇ, gawˬ jawˬ heu jawˬ-ahˇ ‘Tsawˬ diˇ leˇ-awˇ iˬ ma laˆ shaˆ-ahˇ ga puꞈ-iˇ-awˬ’ lehˇ ehˇ nehˬ naˇ, aˬ yawꞈ neh kʼaˇ ehˇ-euˬ loꞈ-ehˇ pyeuꞈ laˇ tehꞈ-a lehˇ, naw maꞈ-ahˇ ngaˇ maˇ jawˆ ni ehˇ-eu ma.

Maˬkuˆ 12:43

Kʼoeˇ ngeh, aˬ yawꞈ-euˬ zaˬ lahˇ deuˬ-ahˇ aˬ yawꞈ kuˇ uiˬ-awˇ, heu loꞈ-ehˇ ehˇ nehˬ-euˬ meh. “Ngaˇ naw maꞈ-ahˇ maˇ jawˆ ni ehˇ nehˬ nyaˇ. Shaˬ dui dui-eu miˬ coeˬ miˬ ma heu gʼaˬ-aˬ, pyuˇ daˬ kʼaˇ dawˆ laˇ-euˬ tsawˇ haˬ dawˬ tawˆ luꞈ laꞈ kʼoeˇ, aˬ cawˬ myaˆ maˬ tseˇ damˬ-euˬ gʼaˬ pyeuꞈ-eu meh.

Maˬkuˆ 13:30

Nymˬ-mˇ dehꞈ luꞈ-eu tsawˇ haˬ heu deuˬ maˬ shiˇ jiˇ mi naˆ-ehˇ, kʼoeˇ deuˬ dawˬ tawˆ luꞈ pyeuꞈ laˇ tehꞈ-a lehˇ, naw maꞈ-ahˇ ngaˇ maˇ jawˆ ni ehˇ-eu ma.

Maˬkuˆ 14:18

Aˬ yawꞈ maꞈ hawˬ jeh-ahˇ jawˬ leˇ-awˇ dzaˬ luꞈ ngeh, Yeˬsuˇ ehˇ-eu, “Naw maꞈ laꞈ kʼoeˇ tiˬ gʼaˬ ngaˬ-ahˇ ahˬ dzaˬ tehꞈ-a. Ngaˬ nehˬ-ehˇ tiˬ gaˇ dzaˬ luꞈ-eu gʼaˬ ngaˬ-ahˇ ahˬ dzaˬ tehꞈ-a lehˇ, ngaˇ maˇ maˇ ni ehˇ-eu ma.”

Maˬkuˆ 14:25

Miˬyehˇ Miˇkʼahˬ laꞈ kʼoeˇ aˬ gaꞈ dzaˇ uiˇ yaw shuiꞈ-ahˇ ngaˇ ya dawˇ-eu aˇ nah maˬ keuˆ laˇ kʼoeˇ keuˆ ni, aˬ gaꞈ dzaˇ uiˇ heu ngaˇ maˬ paˇ dawˇ ma lehˇ, naw maꞈ-ahˇ ngaˇ ehˇ-eu ma.”

Maˬkuˆ 14:30

Yeˬsuˇ Beˬtuˆluˆ-ahˇ ehˇ nehˬ-eu, “Nymˇ ciꞈ ya poeˇ nyiˬ tahˬ maˬ doeˇ laˇ mi naˆ-ehˇ, nawˇ ngaˬ-ahˇ maˬ siˬ lehˇ smˬ poˆ keuˆ ni pyehˇ tehꞈ-a lehˇ, ngaˇ nawˬ-ahˇ maˇ jawˆ ni ehˇ-eu ma.”

Maˬkuˆ 14:9

Miˇ tsaˬ tahˬ kʼawˇ heu doe ni, Laˬ kʼaˬ cehˇ-eu Guiˬ lahˬ dawˬ heu kʼaˇ mehˬ keuˆ gaˇ, zaˬ miˬ zaˬ heu gʼaˬ neh mˇ-euˬ gaˇ kawˆ heu ja-awˇ, aˬ yawꞈ-ahˇ noeˬ keuˆ tehꞈ-a lehˇ, naw maꞈ-ahˇngaˇ maˇ jawˆ ni ehˇ-eu ma.”

Maˬkuˆ 3:28

“Ngaˇ naw maꞈ-ahˇ maˇ maˇ ni ehˇ nehˬ nyaˇ. Tsawˇ haˬ zaˬ neh mˇ-euˬ iˬ baˇ dawˬ tawˆ luꞈ hawˇ-eu, yehˬ bawˬ sehˇ lu-ehˇ kʼaˇ ehˇ-euˬ yawˬ jeˬ na luꞈ-ahˇ Miˬ yehˇ iˬ baˇ pyehˬ nehˬ nya tehꞈ-a.

Maˬkuˆ 6:11

Naw maꞈ-ahˇ maˬ ha geuꞈ-ehˇ, naw maꞈ mehˬ gaˇ maˬ naˇ haˬ mawꞈ-eu jawˇ duˬ-ahˇ naw maꞈ iˇ zaˬ naˇ, naw maꞈ doˆ-iˇ ngeh, aˬ kuiˇ pehˬ zaˬ-ahˇ lehꞈ-eu kʼaˬ lehˇ sawˆ kʼaˇ nehˬ yaꞈ-awˬ. Kʼoeˇ-aˬ, aˬ yawꞈ maꞈ-euˬ yaw lehˬ siˬ leˇ ni mˇ-eu saˇ kiˇ meh.”

Maˬkuˆ 8:12

Ehˇ kʼawꞈ, Yeˬsuˇ saꞈ saꞈ ma gʼawˇ ka-awˇ ehˇ-eu, “Heu ziˇ-euˬ tsawˇ haˬ deuˬ aˬ jeˬ miˇ neh zahˬ leˇ paˬ-ehˇ gʼeh jeˬ-ahˇ mawˇ mawꞈ-eu maˬ siˬ. Ngaˇ naw maꞈ-ahˇ maˇ jawˆ ni ehˇ nehˬ nyaˇ. Heu ziˇ-ahˇ dehꞈ luꞈ-eu tsawˇ haˬ deuˬ-ahˇ zahˬ leˇ paˬ-ehˇ gʼeh-eu jeˬ maˬ bi mawˇ lehˇ ngaˇ ehˇ-eu ma.”

Maˬkuˆ 9:1

Aˬ yawꞈ paˇ ehˇ-eu, “Ngaˇ naw maꞈ-ahˇ maˇ jawˆ ni ehˇ nehˬ nyaˇ. Heu gaˇ jawˇ luꞈ-eu tsawˇ haˬ tiˬ paˆ na deuˬ maˬ shiˇ dzeuˇ mi naˆ-ehˇ, Miˬyehˇ Miˇkʼahˬ baoˬ tiˬ byah ni keuˆ le gaˇ ya mawˇ tehꞈ-a.”

Maˬkuˆ 9:41

Ngaˇ naw maꞈ-ahˇ maˇ jawˆ ni ehˇ nehˬ nyaˇ. Naw maꞈ Ka li-euˬ tsawˇ haˬ pyeuꞈ-eu nga lehˇ siˬ nya-awˇ, naw maꞈ-ahˇ iˇ cuꞈ tiˬ kʼmˬ kʼaˇ bi dawˇ laꞈ-eu tsawˇ haˬ aˬ geu gʼaˬ maˬ kaˬ, aˬ diˇ aˬ maˇ guiˬ lahˬ za tehꞈ-a.

Luˇkaꞈ 11:51

Muiˬ-eu shawˇ-eu Jawˇ duˬ hawˇ-eu lawˇ duˬ-euˬ yaw kaˬ-ahˇ Zaˬkaˬliˇ bi sehꞈ-euˬ gaˇ kawˆ-ahˇ keuˆ ni, aˬ yawꞈ maꞈ-ahˇ ciˬ pi nehˬ tehꞈ-a. Kʼoeˇ deuˬ dawˬ tawˆ luꞈ aˇ poeˬ, heu ziˇ-euˬ tsawˇ haˬ deuˬ-ahˇ kʼehˬ nehˬ kʼaˆ nehˬ tehꞈ-a lehˇ, naw maꞈ-ahˇ ngaˇ ehˇ-eu ma.

Luˇkaꞈ 12:37

Baw leˬ gʼaˬ gʼoꞈ laˇ ngeh, maˬ yuꞈ kʼaˆ ni loꞈ luꞈ-eu zaˬ kʼaˆ deuˬ guiˬ lahˬ huiˬ tehꞈ-a. Ngaˇ naw maꞈ-ahˇ maˇ jawˆ ni ehˇ nehˬ nyaˇ. Baw leˬ gʼaˬ joꞈ paꞈ paꞈ-awˇ, aˬ yawꞈ-euˬ gʼawˇ mawˇ hawˬ byawˇ laˆ dawˆ nehˬ-awˇ, aˬ yawꞈ maꞈ-ahˇ hawˬ jeh-ahˇ nuiˇ-awˇ bi dzaˬ tehꞈ-a.

Luˇkaꞈ 13:35

Haw taˬ-awˬ. Nawˬ-euˬ Uˬ duˬ tahˬ nymˇ nymˇ ma-ahˇ Miˬyehˇ byehˇ dzeh nehˬ laꞈ tehꞈ-a. ‘Sahˬpaˬ Miˬyehˇ-euˬ tsawˇ myahˇ uˬ moˆ oe-euˬ gʼaˬ guiˬ lahˬ huiˬ luꞈ-uˇ’ lehˇ naw maꞈ ya ehˇ-eu aˇ yamˬ maˬ keuˆ laˇ kʼoeˇ keuˆ ni, naw maꞈ ngaˬ-ahˇ maˬ paˇ ya mawˇ meh.”

Luˇkaꞈ 16:17

Ehˇ kʼawꞈ, mˬ hawˇ-eu miˇ byoˆ-iˇ jiˇ kʼawꞈ, Zahˇ dawˬ kʼoꞈ dawˬ laꞈ kʼoeˇ boꞈ taˬ-euˬ aˇ boꞈ boꞈ zaˬ tiˬ boꞈ tehꞈ-ehˇ kʼawꞈ byoˆ-iˇ-eu maˬ awˬ-a.

Luˇkaꞈ 18:17

Zaˬ yaw nyiˇ tiˬ gʼaˬ loꞈ-ehˇ nui ma taˬ-awˇ Miˬyehˇ Miˇkʼahˬ-ahˇ maˬ ha geuꞈ-eu tsawˇ haˬ aˬ geu gʼaˬ maˬ kaˬ, kʼoeˇ gaˇ maˬ ya uˇ leˇ-aˇ lehˇ, naw maꞈ-ahˇ ngaˇ maˇ jawˆ ni ehˇ-eu ma.”

Luˇkaꞈ 18:29

Yeˬsuˇ aˬ yawꞈ maꞈ-ahˇ ehˇ kʼoꞈ nehˬ-eu, “Ngaˇ naw maꞈ-ahˇ maˇ jawˆ ni ehˇ-eu ma. Miˬyehˇ Miˇkʼahˬ gʼaˇ duˬ yawˬ ha-euˬ nymˇ, miˬ zaˬ, mehˇ nmˇ, aˬ buˇ aˬ li, heu deuˬ-ahˇ byehˇ dzeh yaꞈ-euˬ tsawˇ haˬ aˬ geu gʼaˬ maˬ kaˬ,

Luˇkaꞈ 23:43

Yeˬsuˇ aˬ yawꞈ-ahˇ ehˇ nehˬ-eu, “Iˬ nah nawˇ ngaˬ nehˬ-ehˇ Baˬlaˬdiˇsuˆ -ahˇ ya jawˇ tehꞈ-a lehˇ, ngaˇ nawˬ-ahˇ maˇ jawˆ ni ehˇ-eu ma.”

Luˇkaꞈ 4:24

Ngaˇ naw maꞈ-ahˇ dawˇ coe ni ehˇ nehˬ nyaˇ. Miˬyehˇ gʼaˇ duˬ ngehˬ dah-eu tsawˇ haˬ-ahˇ, aˬ yawꞈ-euˬ jawˇ kʼahˬ laꞈ kʼoeˇ aˬ cawˬ maˬ taˬ huiˬ nehˬ-a.

Yoˇhaˬ 1:51

Kʼoeˇ naˇ, aˬ ha maꞈ-ahˇ aˬ yawꞈ ehˇ nehˬ-eu, “Ngaˇ naw maꞈ-ahˇ maˇ jawˆ ni ehˇ nehˬ nyaˇ. Mˬ pah le-awˇ, Miˬyehˇ-euˬ mˬ taˆ gʼaˬ kʼehˇ deuˬ Tsawˇ haˬ-euˬ Zaˬ maˇ kʼoeˇ taˆ tsawˬ toeˬ tsawˬ daˆ-ehˇ yaˇ gaˇ gaˇ tawꞈ le gaˇ naw maꞈ ya mawˇ tehꞈ-a.”

Yoˇhaˬ 10:1

Yeˬsuˇ ehˇ-eu, “Ngaˇ naw maꞈ-ahˇ maˇ jawˆ ni ehˇ-eu ma. Yawˇ yawˇ kuˆ laꞈ kʼoeˇ gʼoˆ kʼehˬ-ahˇ neh maˬ uˇ laˇ-ehˇ, yawˬ gaˇ yawˬ neh daˆ uˇ laˇ-eu tsawˇ haˬ-aˬ, smˇ kʼoeˬ tahˇ joe meh.

Yoˇhaˬ 10:7

Kʼoeˇ miˇ neh, Yeˬsuˇ aˬ yawꞈ maꞈ-ahˇ paˇ ehˇ nehˬ-eu, “Ngaˇ-aˬ, yawˇ deuˬ gʼaˇ duˬ gʼoˆ kʼehˬ pyeuꞈ-eu ma.

Yoˇhaˬ 12:24

Ngaˇ naw nyaꞈ-ahˇ maˇ jawˆ ni ehˇ-eu ma. Cehˇ cehˇ nuiˆ tiˬ nuiˆ-aˬ, miˇ tsaˬ-ahˇ ga-iˇ-awˇ maˬ shiˇ kʼoeˇ keuˆ ni, cehˇ cehˇ nuiˆ tiˬ nuiˆ tehꞈ meh. Ehˇ kʼawꞈ, cehˇ cehˇ nuiˆ kʼoeˇ nuiˆ shiˇ ngeh, cehˇ cehˇ nuiˆ gʼawˬ mya ni paˇ myaˬ laˇ-eu meh.

Yoˇhaˬ 13:16

Ngaˇ naw maꞈ-ahˇ maˇ jawˆ ni ehˇ nehˬ nyaˇ. Zaˬ kʼaˆ-aˬ baw leˬ naˆ maˬ tseˇ maˬ huiˬ dzehˬ-aˇ. Myawˬ kʼehˇ gʼoˆ le-euˬ gʼaˬ-aˬ, aˬ yawꞈ-ahˇ kʼehˇ gʼeh leꞈ-euˬ gʼaˬ naˆ maˬ tseˇ maˬ huiˬ dzehˬ-aˇ.

Yoˇhaˬ 13:38

Yeˬsuˇ ehˇ-eu, “Nawˇ ngaˬ-euˬ gʼaˇ duˬ aˬ diˇ aˬ maˇ shiˇ dah peuˬ ma loˇ. Ngaˇ nawˬ-ahˇ maˇ jawˆ ni ehˇ-eu ma. Ya poeˇ maˬ doeˇ laˇ mi naˆ-ehˇ, ngaˬ-ahˇ maˬ siˬ lehˇ smˬ poˆ keuˆ ni nawˇ pyehˇ tehꞈ-a.”

Yoˇhaˬ 14:12

Ngaˇ naw maꞈ-ahˇ maˇ jawˆ ni ehˇ nehˬ nyaˇ. Ngaˬ-ahˇ kʼaˇ jah-eu tsawˇ haˬ-aˬ, ngaˬ neh mˇ-euˬ zahˬ leˇ paˬ-ehˇ gʼeh-eu gaˇ deuˬ mˇ tehꞈ-a. Ngaˬ neh mˇ-euˬ gaˇ deuˬ myaˆ maˬ tseˇ aˬ yawꞈ mˇ huiˬ gʼeh tehꞈ-a. Aˬ jeˬ miˇ neh ehˇ naˇ, ngaˇ-aˬ, Aˬda jawˇ gaˇ ya gʼoꞈ leˇ meh.

Yoˇhaˬ 16:20

Ngaˇ naw maꞈ-ahˇ dawˇ coe ni ehˇ-eu ma. Naw maꞈ myaˆ biˇ doˆ le-eu uˬ taꞈ, tsawˇ ngoeˇ kʼawꞈ ya ngoeˇ tehꞈ-a. Ehˇ kʼawꞈ, miˇ kʼahˬ zaˬ deuˬ laˬ kʼaˬ cehˇ tehꞈ-a. Naw maꞈ nui ma shaˬ zahˬ ya mˇ tehꞈ-a. Ehˇ kʼawꞈ, naw maꞈ neh noeˬ shaˬ-euˬ jeˬ kʼoeˇ, laˬ kʼaˬ cehˇ-eu jeˬ paˇ pyeuꞈ laˇ tehꞈ-a.

Yoˇhaˬ 16:23

“Aˇ nah kʼoeˇ nah keuˆ le ngeh, naw maꞈ ngaˬ-ahˇ tiˬ jeˬ-iˬ maˬ paˇ shaˇ-aˇ. Ngaˇ naw maꞈ-ahˇ maˇ jawˆ ni ehˇ nehˬ nyaˇ. Ngaˬ-euˬ tsawˇ myahˇ laꞈ kʼoeˇ naw maꞈ kʼaˇ shaˇ-eu jeˬ-ahˇ, Aˬda biꞈ nehˬ laꞈ tehꞈ-a.

Yoˇhaˬ 21:18

Ngaˇ nawˬ-ahˇ maˇ jawˆ ni ehˇ nehˬ nyaˇ. Nawˇ zaˬ guˬ pyeuꞈ ngeh, yawˬ haˇ yawˬ ha joꞈ paꞈ paꞈ deuˇ-awˇ, yawˬ ha kʼaˇ iˇ mawꞈ gaˇ iˇ-euˬ meh. Ehˇ kʼawꞈ, nawˇ tsawˇ mawˬ mawˬ le ngeh, nawˬ-euˬ aˬ laꞈ cawˬ diˇ nehˬ-awˇ, aˬ cawˬ neh joꞈ paꞈ bi paꞈ-awˇ, yawˬ ha maˬ iˇ mawꞈ gaˇ bi tsahˇ gʼeh tehꞈ-a.”

Yoˇhaˬ 3:11

Ngaˇ nawˬ-ahˇ aˬ diˇ aˬ maˇ ngeuˇ-eu jeˬ ehˇ nehˬ luꞈ-eu ma. Nga maꞈ ya siˬ-euˬ jeˬ ja mehˬ-awˇ, nga maꞈ ya mawˇ-euˬ jeˬ dzawˇ mehˬ-eu kʼawꞈ, naw maꞈ tiˬ gʼaˬ-iˬ nga maꞈ neh ehˇ-euˬ jeˬ-ahˇ maˬ ha geuꞈ mawꞈ-a.

Yoˇhaˬ 3:3

Yeˬsuˇ ehˇ-eu, “Ngaˇ nawˬ-ahˇ maˇ jawˆ ni ehˇ-eu ma. Tsawˇ haˬ tiˬ gʼaˬ-iˬ nyiˬ poˆ tiˬ poˆ maˬ dehꞈ paˇ naˇ, Miˬyehˇ miˇ kʼahˬ-ahˇ maˬ ya mawˇ-aˇ.”

Yoˇhaˬ 3:5

Yeˬsuˇ ehˇ-eu, “Ngaˇ nawˬ-ahˇ maˇ jawˆ ni ehˇ-eu ma. Iˇ cuꞈ laꞈ kʼoeˇ hawˇ-eu Yaw sahˇ Miˬyehˇ laꞈ kʼoeˇ maˬ dehꞈ le-euˬ tsawˇ haˬ-aˬ, Miˬyehˇ Miˇ kʼahˬ laꞈ kʼoeˇ maˬ ya uˇ leˇ-a.

Yoˇhaˬ 5:19

Kʼoeˇ miˇ neh, aˬ yawꞈ maꞈ-ahˇ Yeˬsuˇ heu loꞈ-ehˇ ehˇ kʼoꞈ nehˬ-euˬ meh. “Ngaˇ naw maꞈ-ahˇ maˇ jawˆ ni ehˇ-eu ma. Aˬda kʼaˇ mˇ-eu jeˬ Zaˬmaˇ mˇ nya-eu meh.

Yoˇhaˬ 6:26

Yeˬ suˇ aˬ yawꞈ maꞈ-ahˇ ehˇ nehˬ-eu, “Ngaˇ naw maꞈ-ahˇ maˇ jawˆ ni ehˇ nehˬ nyaˇ. Naw maꞈ kaˬ muˇ tiˬ dehˆ ya dzaˬ-euˬ miˇ neh ngaˬ-ahˇ poˆ-eu meh. Ngaˬ neh mˇ-euˬ zahˬ leˇ paˬ-ehˇ gʼeh-eu jeˬ-euˬ dawˬ tsuiꞈ gʼoˆ shaw-euˬ miˇ neh poˆ-eu maˬ ngeuˇ-a.

Yoˇhaˬ 6:32

Yeˬsuˇ ehˇ-eu, “Ngaˇ naw maꞈ-ahˇ maˇ jawˆ ni ehˇ nehˬ nyaˇ. Moˇseˬ neh naw maꞈ-ahˇ bi dzaˬ-euˬ kʼoeˇ-aˬ, mˬ taˆ-euˬ kaˬ muˇ maˬ ngeuˇ-a. Naw maꞈ-ahˇ maˇ maˇ ni gʼeh-eu mˬ taˆ kaˬ muˇ biꞈ-eu gʼaˬ-aˬ, ngaˬ Da meh.

Yoˇhaˬ 6:47

Ngaˇ naw maꞈ-ahˇ maˇ jawˆ ni ehˇ nehˬ nyaˇ. Jah-eu tsawˇ haˬ mˬ maˬ maˬ byaˆ zaˇ ziˇ dehꞈ-eu jeˬ za-eu meh.

Yoˇhaˬ 6:53

Yeˬsuˇ aˬ yawꞈ maꞈ-ahˇ ehˇ nehˬ-eu, “Ngaˇ naw maꞈ-ahˇ maˇ jawˆ ni ehˇ nehˬ nyaˇ. Naw maꞈ Tsawˇhaˬ-euˬ Zaˬmaˇ-euˬ shaˬ jiˇ maˬ dzaˬ-ehˇ, aˬ yawꞈ-euˬ shiˬ maˬ dawˇ naˇ, dehꞈ-eu saꞈ laˇ maˬ za nya-a.

Yoˇhaˬ 8:34

Yeˬsuˇ ehˇ-eu, “Ngaˇ naw maꞈ-ahˇ maˇ jawˆ ni ehˇ nehˬ nyaˇ. Iˬ baˇ kʼaˇ mˇ-eu tsawˇ haˬ-aˬ, iˬ baˇ-euˬ zaˬ kʼaˆ meh.

Yoˇhaˬ 8:51

Ngaˇ naw maꞈ-ahˇ maˇ jawˆ ni ehˇ nehˬ nyaˇ. Ngaˬ neh mehˬ nehˬ tsoˆ nehˬ-euˬ gaˇ kʼaˇ naˇ haˬ-eu tsawˇ haˬ-aˬ, tiˬ jawˇ-iˬ maˬ shiˇ-aˇ.”

Yoˇhaˬ 8:58

Yeˬsuˇ ehˇ-eu, “Ngaˇ naw maꞈ-ahˇ maˇ jawˆ ni ehˇ nehˬ nyaˇ. Aˬbyaˬhaˬ maˬ dehꞈ le mi naˆ-ehˇ ngaˇ jawˇ-euˬ ma.”

1 Beˬtuˆluˆ 1:25

Ehˇ kʼawꞈ, Sahˬpaˬ Miˬyehˇ-euˬ dawˬ, mˬ maˬ maˬ byaˆ zaˇ ziˇ ziꞈ meh.” Sahˬpaˬ Miˬyehˇ-euˬ dawˬ lehˇ ehˇ-eu kʼoeˇ-aˬ, naw maꞈ-ahˇ mehˬ laˇ-euˬ Laˬ kʼaˬ cehˇ-eu Guiˬ lahˬ dawˬ-ahˇ ehˇ-eu meh.

Panmaeq 20:11

Kʼoeˇ naˇ, pyuˇ deuˬ ni gʼeh-eu huiˬ dui dui-eu dzoeˬ dzaˬ nuiˇ mahˬ hawˇ-eu kʼoeˇ gaˇ nuiˇ luꞈ-eu gʼaˬ-ahˇ ngaˇ ya mawˇ-euˬ ma. Mˬ hawˇ-eu miˇ tsaˬ aˬ yawꞈ-euˬ mehˬ shi cehˆ byoˆ-awˇ, tiˬ jawˇ-iˬ maˬ paˇ ya mawˇ ni byoˆ-iˇ-euˬ meh.