Maꞈtehˬ 5:17 - Akha

¹⁷ “Zahˇ dawˬ kʼoꞈ dawˬ hawˇ-eu Miˬyehˇ gʼaˇ duˬ ngehˬ dah-eu deuˬ neh mehˬ taˬ tsoˆ taˬ yaꞈ-euˬ dawˬ deuˬ-ahˇ laˆ cawˆ le-eu gʼaˇ duˬ ngaˇ oe-euˬ nga lehˇ naw maꞈ taˬ noeˬ. Kʼoeˇ deuˬ-ahˇ laˆ cawˆ-eu gʼaˇ duˬ oe-euˬ maˬ ngeuˇ. Mˇ byah-eu gʼaˇ duˬ oe-euˬ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ “Ngar, zanrdawq hawr-eu Miqyaer gharduq ngaeqdan-eu deuq-euq dawq-anr lavcawv le-euq nga laer taqnoeq. Ngar lavcawv le-euq maqngeur, mrbyan le-euq ma.

Maꞈtehˬ 5:17 ပူးပေါင်းရင်းမြစ်များ

Iˇsaˬyaˇ 42:21

Sahˬpaˬ Miˬyehˇ ka kʼoꞈ-eu nui ma keuˆ-eu miˇ neh, aˬ yawꞈ-euˬ zahˇ dawˬ kʼoꞈ dawˬ deuˬ-ahˇ bi goˇ-awˇ, aˬ yawꞈ-euˬ tsawˇ haˬ deuˬ zahˇ dawˬ kʼoꞈ dawˬ-ahˇ taˬ huiˬ gaˇ, aˬ yawꞈ haw mawꞈ mawˇ mawꞈ-eu meh.

Maꞈtehˬ 3:15

Ehˇ kʼawꞈ, Yeˬsuˇ ehˇ-eu, “Miˬyehˇ-euˬ nui kʼahˇ byah laˇ ni, nymˬ-mˇ aˇ nyaꞈ heu loꞈ-ehˇ ya mˇ meh.” Kʼoeˇ ngeh, Yeˬsuˇ-ahˇ iˇ cuꞈ shawˇ nehˬ-eu gʼaˇ duˬ Yoˇhaˬ nui ma tsaˬ-euˬ meh.

Maꞈtehˬ 7:12

“Aˬ cawˬ neh yawˬ ha-ahˇ kʼaˇ bi mˇ nehˬ mawꞈ-eu loꞈ-ehˇ, aˬ cawˬ-ahˇ mˇ nehˬ-awˬ. Aˬ jeˬ miˇ neh ehˇ naˇ, dawˬ heu dawˬ-aˬ, Moˇseˬ-euˬ Zahˇ dawˬ kʼoꞈ dawˬ hawˇ-eu Miˬyehˇ gʼaˇ duˬ ngehˬ dah-eu deuˬ neh mehˬ taˬ tsoˆ taˬ-euˬ dawˬ deuˬ laꞈ kʼoeˇ, dawˬ ma yaw dzahˇ pyeuꞈ-eu meh.

Luˇkaꞈ 16:17

Ehˇ kʼawꞈ, mˬ hawˇ-eu miˇ byoˆ-iˇ jiˇ kʼawꞈ, Zahˇ dawˬ kʼoꞈ dawˬ laꞈ kʼoeˇ boꞈ taˬ-euˬ aˇ boꞈ boꞈ zaˬ tiˬ boꞈ tehꞈ-ehˇ kʼawꞈ byoˆ-iˇ-eu maˬ awˬ-a.

Yoˇhaˬ 8:5

Heu loꞈ-ehˇ gʼeh-eu zaˬ miˬ zaˬ-ahˇ kʼaˬ lo neh ya biˬ sehꞈ meh lehˇ, aˬ duiˬ-euˬ Zahˇ dawˬ kʼoꞈ dawˬ laꞈ kʼoeˇ Moˇseˬ neh ehˇ taˬ-euˬ jaˆ-eu meh. Nawˇ aˬ joˆ-ehˇ ehˇ nmˇ.”

Gʼaˬkʼehˇ 18:13

Aˬ yawꞈ maꞈ ehˇ-eu, “Tsawˇ haˬ heu gʼaˬ-aˬ, zahˇ dawˬ kʼoꞈ dawˬ-ahˇ maˬ tsaˬ ni yawˬ jeˬ yawˬ-ehˇ Miˬyehˇ-ahˇ uˬ duˬ tahˬ-eu gʼaˇ duˬ aˬ cawˬ-ahˇ mehˇ shuiˇ shuiˇ luꞈ meh.”

Gʼaˬkʼehˇ 21:28

Aˬ yawꞈ maꞈ guˇ-awˇ ehˇ-eu, “Iˇsaˬleˬlaˆ tsawˇ haˬ deuˬ-oˇ, caw ba le-awˬ. Tsawˇ haˬ heu gʼaˬ yawˬ gaˇ na luꞈ iˇ doe-awˇ, Iˇsaˬleˬlaˆ tsawˇ haˬ maˬ ehˇ, Moˇseˬ-euˬ Zahˇ dawˬ kʼoꞈ dawˬ maˬ ehˇ, Uˬ duˬ tahˬ nymˇ nymˇ ma heu maˬ ehˇ, maˬ tsaˬ-a lehˇ mehˬ mehˬ-ehˇ cah-eu meh. Nymˬ-mˇ poˆ jawˇ-aˬ, Uˬ duˬ tahˬ nymˇ nymˇ ma laꞈ kʼoeˇ keuˆ ni aˬ cawˬ tsawˇ jeuˬ paˇ sheuˬ ahˇ laꞈ-awˇ, muiˬ-eu shawˇ-eu jawˇ duˬ-ahˇ laˆ jawꞈ laˇ-euˬ ngaˇ.”

Gʼaˬkʼehˇ 6:13

Kʼoeˇ naˇ, jaˬ myawꞈ myawꞈ-eu gʼaˇ duˬ aˬ yawꞈ maꞈ neh mehˬ gahˇ taˬ-euˬ tsawˇ haˬ deuˬ sheuˬ ahˇ laꞈ-awˇ, heu loꞈ-ehˇ bi ehˇ-euˬ meh. “Tsawˇ haˬ heu gʼaˬ-aˬ, aˬ dui-euˬ muiˬ-eu shawˇ-eu Uˬ duˬ tahˬ nymˇ nymˇ ma hawˇ-eu Moˇseˬ-euˬ Zahˇ dawˬ kʼoꞈ dawˬ-ahˇ bahˬ leˇ-eu dawˬ maˬ tsehˆ leˇ ni ngehˬ luꞈ meh.

Lormav 10:4

Jah-eu tsawˇ haˬ yawˬ gʼaˬ na luꞈ Miˬyehˇ-ahˇ tsaˬ leˇ tsahˇ leˇ nya ni, Ka li neh Zahˇ dawˬ kʼoꞈ dawˬ-ahˇ aˇ saˬ bi saˬ-euˬ meh.

Lormav 3:31

Heu loꞈ-ehˇ ehˇ-eu baˬ da neh Zahˇ dawˬ kʼoꞈ dawˬ-ahˇ aˬ dui byehˇ dzeh-eu ma lehˇ ehˇ mawꞈ ta loˇ. Maˬ ngeuˇ. Maˬ byehˇ dzeh-eu uˬ taꞈ, ziꞈ dah ni tuˆ tehˬ taˬ-eu ma.

Lormav 8:4

Shiˬ shaˬ jiˇ nui noeˬ mehˬ nah maˬ caw teh-ehˇ, Yaw sahˇ Miˬyehˇ mehˬ nah caw teh-awˇ dehꞈ luꞈ-eu aˬ dui-euˬ laꞈ kʼoeˇ, Zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ yaw tsaˬ yaw dawˇ jeˬ nui kʼahˇ tiˬ shiˇ byah laˇ nya ni, Miˬyehˇ kʼoeˇ loꞈ-ehˇ mˇ-euˬ meh.