Maꞈtehˬ 5:14 - Akha

¹⁴ “Naw maꞈ-aˬ, miˇ tsaˬ dawˬ tawˆ luꞈ gʼaˇ duˬ yaw shehꞈ pyeuꞈ-eu meh. Gawˬ jawˬ uˬ du jaˆ-eu meuˬ-ahˇ maˬ dehˬ kaˬ zaꞈ nya-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ “Nawmaf-aq, mirtsaq-euq yawshaef mae. Gawqjawq-euq uqdu jav-eu meuq-anr maq daeqkaqzaf nya-a.

Maꞈtehˬ 5:14 ပူးပေါင်းရင်းမြစ်များ

Dawqdaq 4:18

Yaw tsaˬ yaw dawˇ tsawˇ haˬ-euˬ gaˇ ma-aˬ, uˬ shawˬ paw bya-eu nahˇ ma yaw shehꞈ-ahˇ duˇ-awˇ, nah loˆ ceh laˇ ngeh keuˆ ni, ngehˬ jawˇ ngehˬ bya-eu meh.

Yeˬsaˬgeˬlaˇ 5:5

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu, “Yeˬluˇsaˬlehˬ meuˬ-ahˇ haw sheˇ. Aˬ yawꞈ-ahˇ ngaˇ miˇ tsaˬ-euˬ gʼahˇ ceh bi jaˆ-awˇ, aˬ cawˬ miˇ kʼahˬ deuˬ aˬ yawꞈ-euˬ tiˬ jawˬ bi jaˆ-euˬ ma.

Yoˇhaˬ 12:36

Yaw shehꞈ-ahˇ jah-awˬ. Naw maꞈ yaw shehꞈ za ngeh jawˇ, yaw shehꞈ-euˬ zaˬ pyeuꞈ laˇ tehꞈ-a.” Yeˬsuˇ kʼoeˇ loꞈ-ehˇ ehˇ gʼaˬ ngeh, aˬ yawꞈ maꞈ maˬ mawˇ gaˇ iˇ doˆ-awˇ jawˇ-iˇ-euˬ meh.

Yoˇhaˬ 5:35

Yoˇhaˬ neh ehˇ-euˬ dawˬ-aˬ, bya cehˆ ni doꞈ luꞈ-eu tsiˇ kʼmˬ-ahˇ duˇ-awˇ, naw maꞈ-ahˇ laˬ kʼaˬ bi cehˇ-eu meh. Naw maꞈ-ahˇ laˬ kʼaˬ bi cehˇ-eu yaw shehꞈ-ahˇ duˇ-eu aˬ yawꞈ-euˬ dawˬ kʼoeˇ-ahˇ, naw maꞈ tiˬ kʼehˬ tiˬ yamˬ ha geuꞈ-euˬ meh.

Yoˇhaˬ 8:12

Kʼoeˇ naˇ, Paˬliˬsehˇ deuˬ-ahˇ Yeˬsuˇ heu loꞈ-ehˇ ehˇ nehˬ-euˬ meh. “Ngaˇ-aˬ, miˇ tsaˬ-euˬ yaw shehꞈ ma. Ngaˬ-euˬ mehˬ nah kʼaˇ caw teh-eu tsawˇ haˬ-aˬ, dehꞈ-eu saꞈ laˇ yaw shehꞈ za-awˇ, yaw zahˇ laꞈ kʼoeˇ maˬ paˇ cah-aˇ.”

Yoˇhaˬ 9:5

Ngaˇ miˇ tsaˬ kʼoeˇ taˆ kʼaˇ jawˇ kʼoeˇ keuˆ ni, miˇ tsaˬ-euˬ yaw shehꞈ pyeuꞈ-eu ma.”

2 Gawˇliˬtu 6:14

Ka li-ahˇ maˬ jah-eu tsawˇ haˬ deuˬ nehˬ-ehˇ nui ma tiˬ gaˇ taꞈ-awˇ taˬ dehꞈ. Kʼoeˇ loꞈ-ehˇ maˬ geuꞈ nya-a. Yaw tsaˬ yaw dawˇ jeˬ hawˇ-eu maˬ tsaˬ maˬ dawˇ-eu jeˬ aˬ joˆ-ehˇ tiˬ gaˇ taꞈ nya nmˇ. Yaw shehꞈ hawˇ-eu yaw zahˇ aˬ joˇ-ehˇ tiˬ gaˇ jawˇ nya nmˇ.

Piˇliˇpiˆ 2:15

Kʼoeˇ loꞈ-ehˇ mˇ naˇ, iˬ baˇ mˇ-awˇ bahˬ-eu muˆ-eu tsawˇ haˬ deuˬ jawˇ-eu miˇ tsaˬ heu kʼoeˇ taˆ, naw maꞈ-aˬ, iˬ baˇ taˬ kʼaˇ maˬ za ni muiˬ dui dui-eu Miˬyehˇ-euˬ zaˬ deuˬ pyeuꞈ laˇ tehꞈ-a. Mˬ kʼoeˇ taˆ tsehˬ-eu aˬ guiˇ loꞈ-ehˇ aˬ yawꞈ maꞈ-ahˇ yaw shehꞈ bya nehˬ-awˬ.

1 Teˇsaˬloˇni 5:5

Aˬ jeˬ miˇ neh ehˇ naˇ, naw maꞈ dawˬ tawˆ luꞈ yaw shehꞈ-euˬ zaˬ meh. Nah gʼahˇ-euˬ zaˬ meh. Aˬ dui-aˬ, uˬ ciꞈ-euˬ zaˬ maˬ ngeuˇ. Yaw zahˇ-euˬ zaˬ maˬ ngeuˇ.

Panmaeq 1:20

Ngaˬ-euˬ aˇ maˇ laꞈ-ahˇ tuˆ tehˬ taˬ-euˬ nawˇ mawˇ-euˬ aˬ guiˇ shiꞈ siˬ hawˇ-eu shuiˇ neh jahˇ taˬ-euˬ tsiˇ kʼmˬ doꞈ taˬ duˬ shiꞈ hmˬ-ahˇ taꞈ leˇ-awˇ, zaꞈ taˬ-euˬ dawˬ tsuiꞈ heu loꞈ-ehˇ meh. Aˬ guiˇ shiꞈ siˬ kʼoeˇ-aˬ, Ka li zaˬ aˇ muˇ kʼoeˇ shiꞈ muˇ-euˬ mˬ taˆ gʼaˬ kʼehˇ deuˬ pyeuꞈ-awˇ, tsiˇ kʼmˬ doꞈ taˬ duˬ shiꞈ hmˬ kʼoeˇ-aˬ, Ka li zaˬ aˇ muˇ kʼoeˇ shiꞈ muˇ pyeuꞈ-eu meh.

Panmaeq 2:5

Nawˇ aˇ naˆ ni awˆ gaˇ ga keuˆ-iˇ taˬ-euˬ gaˇ kawˆ shaˇ noeˬ haw sheˇ. Iˬ baˇ-ahˇ byehˇ dzeh yaꞈ-awˇ, yaw beh nawˬ neh mˇ-euˬ jeˬ-ahˇ paˇ mˇ poˆ-awˬ. Nawˬ-euˬ iˬ baˇ-ahˇ nawˇ maˬ byehˇ dzeh naˇ, nawˇ jawˇ gaˇ ngaˇ oe-awˇ, nawˬ-euˬ tsiˇ kʼmˬ doꞈ taˬ duˬ yuˇ kʼoꞈ ma. Ehˇ kʼawꞈ, nawˇ yaw muiˬ tiˬ jeˬ mˇ luꞈ nga siˬ.