Maꞈtehˬ 4:25 - Akha

²⁵ Gaˬliˬlehˇ miˇ kʼahˬ, Meuˬ tseˇ meuˬ-euˬ miˇ kʼahˬ, Yeˬluˇsaˬlehˬ meuˬ, Yuˇdaˆ miˇ kʼahˬ, Yawˇdaˬ lawˇ baˬ nui baˬ paw jaˆ-eu miˇ kʼahˬ, heu deuˬ laꞈ kʼoeˇ jawˇ-eu tsawˇ haˬ deuˬ aˬ yawꞈ mehˬ nah caw teh-euˬ meh. Aˬ yawꞈ mehˬ nah caw teh-eu tsawˇ haˬ aˇ maꞈ kʼoeˇ maꞈ myaˬ dui dui-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁵ Khoerngae, Gaqliqlaer mirkhanq, Deqgaqborlir mirkhanq, Yeqlursaqlaeq, Yurdav mirkhanq, Yawrdaq lawrbaq-euq nanrma dovkhaeq paw nae tsawrhaq armaf mafma tiq maf lar-awr, aqyawf-euq maeqnan cantae luf-eu mae.

Maꞈtehˬ 4:25 ပူးပေါင်းရင်းမြစ်များ

Maꞈtehˬ 12:15

Aˬ cawˬ aˬ yawꞈ-ahˇ sehꞈ-eu lehˇ bawˬ kʼoeˬ luꞈ-eu gaˇ kawˆ Yeˬsuˇ ya siˬ ngeh, jawˇ duˬ kʼoeˇ tsahˇ-ahˇ neh yahˇ doˆ-euˬ meh. Tsawˇ haˬ gʼawˬ mya ni aˬ yawꞈ-euˬ mehˬ nah caw teh-awˇ, naˇ-eu tsawˇ haˬ dawˬ tawˆ luꞈ-ahˇ aˬ yawꞈ laˆ taˬ nehˬ-euˬ meh.

Maꞈtehˬ 19:2

Tsawˇ haˬ aˇ maꞈ gʼawˬ mya ni aˬ yawꞈ-euˬ mehˬ nah caw teh-awˇ, kʼoeˇ gaˇ aˬ yawꞈ maꞈ-ahˇ naˇ gawˇ laˆ taˬ nehˬ-euˬ meh.

Maꞈtehˬ 4:15

“Yawˇdaˬ lawˇ baˬ-euˬ nui baˬ paw, Gaˬliˬlehˇ lah-ahˇ jaˆ tawꞈ-eu, Zeˬbuˬloˬ-euˬ miˇ kʼahˬ hawˇ-eu, Naˬtaˬliˇ-euˬ miˇ kʼahˬ pyeuꞈ-eu, aˬ cawˬ tsawˇ jeuˬ jawˇ-eu jawˇ duˬ, Gaˬliˬlehˇ miˇ kʼahˬ kʼoeˇ tsahˇ-ahˇ,

Maꞈtehˬ 5:1

Yeˬsuˇ tsawˇ haˬ aˇ maꞈ maꞈ ma-ahˇ ya mawˇ ngeh, gawˬ jawˬ uˬ du daˆ leˇ-awˇ nuiˇ-awˇ, aˬ yawꞈ-euˬ zaˬ lahˇ deuˬ aˬ yawꞈ-euˬ dawˬ peh uiˬ laˇ-euˬ meh.

Maꞈtehˬ 8:1

Yeˬsuˇ gawˬ jawˬ kʼoeˇ taˆ neh zaꞈ ka le ngeh, aˬ yawꞈ-euˬ mehˬ nah tsawˇ haˬ aˇ maꞈ maꞈ ma caw teh-euˬ meh.

Maˬkuˆ 5:20

Kʼoeˇ naˇ, tsawˇ haˬ kʼoeˇ gʼaˬ Meuˬ tseˇ meuˬ miˇ kʼahˬ lehˇ kuˇ-eu miˇ kʼahˬ doe ni iˇ-awˇ, aˬ yawꞈ gʼaˇ duˬ Yeˬsuˇ aˇ naˆ ni mˇ nehˬ-euˬ gaˇ kawˆ ja mehˬ-iˇ-euˬ meh. Gaˇ kawˆ kʼoeˇ kʼaˇ yaˬ gaˬ-euˬ tsawˇ haˬ dawˬ tawˆ luꞈ zahˬ dui dui leˇ-euˬ meh.

Maˬkuˆ 6:2

Jawˇ nah ngeh nah, uˬ duˬ tahˬ nymˇ laꞈ kʼoeˇ aˬ yawꞈ mehˬ-euˬ tsoˆ-euˬ meh. Aˬ yawꞈ mehˬ gaˇ tsoˆ gaˇ ya gaˬ-euˬ tsawˇhaˬ gʼawˬ mya ni zahˬ dui dui leˇ-awˇ, heu loꞈ-ehˇ ehˇ-eu meh. “Tsawˇ ha heu gʼaˬ teu loꞈ-ehˇ gʼeh-eu jeˬ aˬ gaˇ laˬ-iˇ-euˬ nga. Aˬ yawꞈ-ahˇ biꞈ taˬ-euˬ zaˬ siˬ tsawˇ gahˇ teu, aˬ geu jeˬ-euˬ zaˬ siˬ tsawˇ gahˇ nga. Aˇ naˆ naˆ-ehˇ gʼeh-eu zahˬ leˇ paˬ-ehˇ gʼeh-eu jeˬ aˬ yawꞈ mˇ doˆ laꞈ nya-eu nga.

Maˬkuˆ 7:31

Kʼoeˇ naˇ, Duˇlu gahˬ kaˬ-ahˇ neh Yeˬsuˇ doˆ-iˇ-awˇ, Siˇdoˬ meuˬ-ahˇ neh Meuˬ tseˇ meuˬ miˇ kʼahˬ lehˇ kuˇ-eu paw iˇ gʼeh-awˇ, Gaˬliˬlehˇ lah-ahˇ iˇ doˆ-euˬ meh.

Luˇkaꞈ 6:17

Yeˬsuˇ aˬ yawꞈ-euˬ gʼaˬ kʼehˇ deuˬ nehˬ-ehˇ gawˬ jawˬ-ahˇ neh zaꞈ ka le-awˇ, myaˬ dui dui-eu zaˬ lahˇ deuˬ nehˬ-ehˇ deh ga-ahˇ yawꞈ luꞈ-eu meh. Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ, iˬ ma laˆ shaˆ lawˇ deh-ahˇ jaˆ-eu Duˇlu meuˬ hawˇ-eu Siˇdoˬ meuˬ-ahˇ jawˇ-eu tsawˇ haˬ deuˬ uˬ taꞈ, Yuˇdaˆ miˇ kʼahˬ kʼahˬ lah ni jawˇ-eu tsawˇ haˬ deuˬ uiˬ laˇ-awˇ, tsawˇ haˬ myaˬ dui dui-eu meh. Aˬ yawꞈ mehˬ nehˬ tsoˆ nehˬ gaˇ naˇ haˬ-eu gʼaˇ duˬ hawˇ-eu, aˬ yawꞈ neh naˇ gawˇ bi laˆ taˬ-eu gʼaˇ duˬ, aˬ yawꞈ maꞈ uiˬ laˇ taˬ-euˬ meh.

Luˇkaꞈ 6:19

Tsawˇ haˬ aˇ maꞈ dawˬ tawˆ luꞈ, aˬ yawꞈ-ahˇ ya toeˬ tuˆ ni leh jeh-eu meh. Aˬ jeˬ miˇ neh ehˇ naˇ, aˬ yawꞈ-euˬ laꞈ kʼoeˇ baoˬ doˆ le-awˇ, aˬ yawꞈ maꞈ dawˬ tawˆ luꞈ-ahˇ naˇ gawˇ bi taˬ leˇ-eu meh.