Maꞈtehˬ 4:24 - Akha

²⁴ Yeˬsuˇ-euˬ gaˇ kawˆ Suˇliˆ miˇ kʼahˬ kʼahˬ lah ni gaˬ doe-iˇ-awˇ, pyaˬ-eu tsawˇ haˬ deuˬ, naˇ gawˇ gʼawˬ mya jeˬ pi luꞈ-eu tsawˇ haˬ deuˬ, nehꞈ uˇ-eu tsawˇ haˬ deuˬ, mawˇ bawˬ seu-eu tsawˇ haˬ deuˬ hawˇ-eu, kuiˇ shiˇ laꞈ shiˇ shiˇ-eu tsawˇ haˬ deuˬ-ahˇ aˬ yawꞈ jawˇ gaˇ sheuˬ uiˬ laꞈ-awˇ, aˬ yawꞈ laˆ taˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁴ Aqyawf-euq garkawv Surliv mirkhanq-anr keuvni gaqdoe-ir-euq mae. Khoerngae, nargawr ghawqmya jeq nar-eu tsawrhaq, nargawr yawkhav-aer ya daqluf-eu tsawrhaq, naef ur-eu tsawrhaq, mawrbawq seu-eu tsawrhaq hawr-eu kuirshir lafshir shir-eu tsawrhaq dawqtawv luf-anr, aqcawq, Yeqsur jawr-eu gar sheuqlaf-awr, Yeqsur, aqyawf maf-anr lavtaq naeq-euq mae.

Maꞈtehˬ 4:24 ပူးပေါင်းရင်းမြစ်များ

2 Saˬmeuˬlaˆ 8:6

Aˬ yawꞈ maꞈ-euˬ miˇ kʼahˬ laꞈ kʼoeˇ Daˬbiˇ taˆ tsoˆ-awˇ, aˬ yawꞈ-euˬ yehˇ deuˬ bi jawˇ-euˬ meh. Aˬ yawꞈ maꞈ Daˬbiˇ uˆ lahˇ-eu uˬ moˆ ya jawˇ-awˇ, Daˬbiˇ-ahˇ kawˬ doˆ nehˬ-euˬ meh. Sahˬ paˬ Miˬyehˇ neh Daˬbiˇ-ahˇ yawˬ paw na luꞈ guiˇ bi deuˆ gʼaˬ-euˬ meh.

1 Sahˬpaˬ 10:1

Sawˇlaˬmoˬ tsawˇ myahˇ doˆ-eu gaˇ kawˆ Sheˬba sahˬ paˬ ma ya gaˬ ngeh, naꞈ dui dui-eu dawˬ deuˬ naˇ haˬ-awˇ tsawˇ gahˇ teh haw-eu gʼaˇ duˬ, Yeˬluˇsaˬlehˬ meuˬ-ahˇ le-euˬ meh.

1 Sahˬpaˬ 4:31

Eˇzaˬlahˬ tsawˇ jeuˬ pyeuꞈ-eu Eˇdaˬ hawˇ-eu, Maˬhawˇlaˆ-euˬ aˬ li deuˬ pyeuꞈ-eu Heˬmaˬ, Kaˬlaˬkawˇlaˆ, Daˬdaˬ aˬ ha mehˇ nmˇ naˆ maˬ tseˇ aˬ yawꞈ tsawˇ gahˇ ahˇ-awˇ, tsawˇ haˬ zaˬ dawˬ tawˆ luꞈ kʼoeˇ taˆ aˬ cawˬ naˆ maˬ tseˇ tsawˇ gahˇ ahˇ dzehˬ-eu miˇ neh, aˬ yawꞈ nehˬ-ehˇ miˇ kaˬ taꞈ-eu miˇ kʼahˬ deuˬ laꞈ kʼoeˇ, aˬ yawꞈ tsawˇ myahˇ huiˬ dui dui-eu meh.

1 Laˬsaˬbaˬ 14:17

Daˬbiˇ-euˬ tsawˇ myahˇ yawˬ gaˇ na luꞈ huiˬ keuˆ-iˇ-awˇ, miˇ kʼahˬ yawˬ kʼahˬ na luꞈ Daˬbiˇ-ahˇ guˆ ni Sahˬpaˬ Miˬyehˇ jahˇ-euˬ meh.

1 Laˬsaˬbaˬ 29:2

Ngaˇ leh jeh dui dui-awˇ, Uˬ duˬ tahˬ nymˇ nymˇ ma heu nymˇ tsoˆ-eu gʼaˇ duˬ, pyuˇ shuiˇ myawˬ gahˬ hawˇ-eu, mˇ myawˬ keu ka deuˬ lehˬ hmˬ taˬ-euˬ ma. Shuiˇ, pyuˇ, guiˬ shuiˇ, shmˇ, daˇ kawˬ daˇ laꞈ, aˇ poeˬ kʼaˆ-euˬ kʼaˬ lo sehˇ, aˇ caˇ caˇ kʼawꞈ sehˇ, aˇ boꞈ boꞈ-eu gʼaˇ duˬ haw muiˬ-eu kʼaˬ lo gʼawˬ mya jeˬ hawˇ-eu, muiˬ dui gʼahˇ dui dui-eu kʼaˬ lo gʼawˬ mya jeˬ poˆ uiˬ taˬ gʼaˬ-euˬ ma.

Doˆ-iˇ 15:26

Aˬ yawꞈ ehˇ-eu “Ngaˬ-euˬ dawˬ-ahˇ naw maꞈ tuˆ tehˬ taˬ-awˇ, ngaˬ neh tsaˬ meh lehˇ noeˬ-euˬ jeˬ-ahˇnaw maꞈ mˇ-eu laꞈ kʼoeˇ, ngaˬ-euˬ ehˇ dawˬ-ahˇ naw maꞈ tiˬ byah tiˬ loꞈ naˇ haˬ geuꞈ naˇ, Iˇjiˇtuˆ tsawˇ haˬ kʼoeˇ taˆ bi keuˆ le-euˬ shaˬ zahˬ naˇ gawˇ kʼoeˇ deuˬ naw maꞈ kʼoeˇ taˆ bi keuˆ le-eu laꞈ kʼoeˇ, naw maꞈ-ahˇ kʼehˬ nehˬ kʼaˆ nehˬ-eu jeˬ ngaˇ maˬ mˇ. Ngaˇ-aˬ, naw maꞈ-ahˇ laˆ taˬ nehˬ-eu Sahˬpaˬ Miˬyehˇ pyeuꞈ-eu ma.”

Maꞈtehˬ 12:22

Kʼoeˇ naˇ, nehꞈ uˇ-eu miˇ neh dawˬ maˬ ngehˬ doˆ nya-eu myaˆ behꞈ tiˬ gʼaˬ-ahˇ, Yeˬsuˇ jawˇ gaˇ sheuˬ laꞈ-euˬ meh. Yeˬsuˇ aˬ yawꞈ-ahˇ laˆ taˬ nehˬ ngeh, myaˆ nuiˆ mawˇ laˇ-awˇ, dawˬ kʼawꞈ ngehˬ doˆ nya laˇ-euˬ meh.

Maꞈtehˬ 14:1

Aˇ yamˬ kʼoeˇ yamˬ-ahˇ, Yeˬsuˇ tsawˇ myahˇ doˆ-eu gaˇ kawˆ, Gaˬliˬlehˇ miˇ kʼahˬ-ahˇ uˆ lahˇ-eu sahˬ paˬ Heˬloˆ ya gaˬ-awˇ,

Maꞈtehˬ 15:22

Miˇ kʼahˬ kʼoeˇ kʼahˬ-ahˇ jawˇ-eu Kaˬnaˬ tsawˇ jeuˬ zaˬ miˬ zaˬ tiˬ gʼaˬ aˬ yawꞈ jawˇ gaˇ laˇ-awˇ, “Daˬbiˇ-euˬ Zaˬmaˇ-oˇ, ngaˬ-ahˇ gʼawˬ shaˬ gaˬ nehˬ laꞈ sheˇ. Ngaˬ buˇ-ahˇ nehꞈ uˇ leˇ taˬ-awˇ, uˇ gawˇ laˇ paˬ-ehˇ shaˬ dui dui luꞈ meh” lehˇ guˇ-awˇ ehˇ-eu meh.

Maꞈtehˬ 17:15

“Sahˬ paˬ-oˇ, ngaˬ li-ahˇ gʼawˬ shaˬ tiˬ poˆ gaˬ nehˬ laꞈ-awˬ. Aˬ yawꞈ mawˇ bawˬ coˬ dui dui-eu baˬ da neh, tiˬ kʼehˬ maˬ taˬ ni miˬ dzaˬ hawˇ-eu iˇ cuꞈ-ahˇ coˬ ahˇ-eu meh.

Maꞈtehˬ 17:18

Nehꞈ kʼoeˇ mawˇ-ahˇ Yeˬsuˇ dehˬ ngeh, aˬ li kʼoeˇ li-euˬ gʼawˇ mawˇ laꞈ kʼoeˇ neh doˆ-iˇ-awˇ, aˬ li kʼoeˇ li tiˬ poˆ tehꞈ-ehˇ taˬ leˇ-euˬ meh.

Maꞈtehˬ 4:23

Gaˬliˬlehˇ miˇ kʼahˬ doe ni Yeˬsuˇ cah-awˇ, aˬ yawꞈ maꞈ-euˬ uˬ duˬ tahˬ nymˇ laꞈ kʼoeˇ mehˬ-eu tsoˆ-eu jeˬ mˇ-awˇ, Miˬyehˇ Miˇ kʼahˬ-ahˇ taꞈ leˇ-eu laˬ kʼaˬ cehˇ-eu guiˬ lahˬ dawˬ mehˬ-eu uˬ taꞈ, naˇ gawˇ gʼawˬ mya jeˬ pi luꞈ-eu tsawˇ haˬ deuˬ-ahˇ kʼawꞈ, laˆ taˬ nehˬ-euˬ meh.

Maꞈtehˬ 8:28

Lah kʼoeˇ paw baˬ-ahˇ jaˆ-eu Gaˬliˬlehˇ miˇ kʼahˬ-ahˇ Yeˬsuˇ iˇ keuˆ ngeh, nehꞈ uˇ-eu tsawˇ haˬ nyiˬ gʼaˬ lmˬ bymˇ lo kʼahˬ-ahˇ neh doˇ le-awˇ, Yeˬsuˇ-ahˇ tahˬ puˬ le-euˬ meh. Tsawˇ haˬ kʼoeˇ nyiˬ gʼaˬ kʼaˬ-eu miˇ neh, gaˇ ma kʼoeˇ kahˇ-ahˇ tsawˇ haˬ tiˬ gʼaˬ-iˬ maˬ cah tsehˆ peuˬ-a.

Maꞈtehˬ 8:33

Aˬ zaꞈ bo luꞈ-eu tsawˇ haˬ deuˬ meuˬ-ahˇ cehˆ coeˬ coeˬ kʼoꞈ gʼeh-awˇ, kʼaˇ pyeuꞈ laˇ-euˬ yawˬ jeˬ naˬ luꞈ hawˇ-eu, nehꞈ uˇ-eu tsawˇ haˬ kʼoeˇ nyiˬ gʼaˬ-ahˇ aˬ joˆ-ehˇ jahˇ nehˬ-euˬ gaˇ kawˆ deuˬ dzawˇ mehˬ nehˬ leˇ-euˬ meh.

Maꞈtehˬ 8:6

“Sahˬ paˬ-oˇ, ngaˬ-euˬ zaˬ kʼaˆ naˇ dui dui-eu miˇ neh, maˬ luˆ maˬ laˆ nya ni iˇ kahˇ laꞈ kʼoeˇ yuꞈ luꞈ meh” lehˇ ehˇ nehˬ-euˬ meh.

Maꞈtehˬ 9:26

Gaˇ kawˆ kʼoeˇ miˇ kʼahˬ kʼoeˇ coeˇ coeˇ lah-ehˇ gaˬ doe-iˇ-euˬ meh.

Maꞈtehˬ 9:35

Meuˬ doe ni, pu doe ni Yeˬsuˇ iˇ-awˇ, uˬ duˬ tahˬ nymˇ laꞈ kʼoeˇ dawˬ mehˬ dawˬ tsoˆ tsoˆ-euˬ meh. Miˬyehˇ Miˇkʼahˬ gaˇ kawˆ laˬ kʼaˬ cehˇ-eu guiˬ lahˬ dawˬ mehˬ-awˇ, naˇ gawˇ yawˬ jeˬ na luꞈ-ahˇ laˆ taˬ nehˬ-euˬ meh.

Maˬkuˆ 1:28

Kʼoeˇ ngeh, Yeˬsuˇ-euˬ gaˇ kawˆ kʼoeˇ, tiˬ poꞈ tehꞈ-ehˇ Gaˬliˬlehˇ miˇ kʼahˬ gaˬ doe-iˇ-euˬ meh.

Maˬkuˆ 1:32

Nahˇ ma ga ahˇ-awˇ uˬ ciꞈ ciꞈ le ngeh, naˇ-eu tsawˇ haˬ deuˬ hawˇ-eu nehꞈ uˇ-eu tsawˇ haˬ dawˬ tawˆ luꞈ-ahˇ, Yeˬsuˇ jawˇ gaˇ sheuˬ laꞈ-euˬ meh.

Maˬkuˆ 2:3

Kʼoeˇ ngeh, tsawˇ haˬ oeˬ gʼaˬ kuiˇ shiˇ laꞈ shiˇ shiˇ-euˬ tsawˇ haˬ tiˬ gʼaˬ-ahˇ Yeˬsuˇ jawˇ gaˇ baꞈ ha laˇ-euˬ meh.

Maˬkuˆ 2:4

Tsawˇ haˬ tiˬ teuˇ jawˇ-eu miˇ neh, Yeˬsuˇ jawˇ gaˇ maˬ baꞈ keuˆ gʼeh nya-ehˇ, Yeˬsuˇ-euˬ uˬ duˬ uˬ taˆ nyiˬ paˆ-ehˇ, nymˇ mˬ laˆ pehꞈ-euˬ meh. Nymˇ mˬ laˆ pehꞈ gʼaˬ ngeh, kuiˇ shiˇ laꞈ shiˇ shiˇ-eu tsawˇ haˬ kʼoeˇ gʼaˬ-ahˇ gawˬ pu kʼoeˇ taˆ bi yuꞈ-awˇ, maˇ pehꞈ kʼoeˇ tsahˇ-ahˇ neh aˬ za za-ehˇ pyehˬ ka-euˬ meh.

Maˬkuˆ 2:9

‘Nawˬ-euˬ iˬ baˇ pyehˬ nehˬ gʼaˬ-euˬ meh’ lehˇ ehˇ-eu awˬ dzehˬ ta loˇ. ‘Tuˇ-awˇ, nawˬ-euˬ gawˬ pu baꞈ-awˇ cah-awˬ’ lehˇ ehˇ nehˬ-eu awˬ dzehˬ ta loˇ.

Luˇkaꞈ 2:2

Kʼoeˇ-aˬ, miˇ kʼahˬ zaˬ tsawˇ myahˇ dawˆ beh beh-euˬ poˆ pyeuꞈ-awˇ, Suˇliˆ miˇ kʼahˬ-ahˇ Guˇleˬniˇ uˆ lahˇ luꞈ ngeh yamˬ-ahˇ tsaˬ-eu meh.

Luˇkaꞈ 4:14

Kʼoeˇ naˇ, Gaˬliˬlehˇ miˇ kʼahˬ-ahˇ Yeˬsuˇ gʼoꞈ leˇ-euˬ meh. Muiˬ-eu shawˇ-eu Yaw sahˇ Miˬyehˇ-euˬ baoˬ aˬ yawꞈ kʼoeˇ taˆ jaˆ-euˬ meh. Aˬ yawꞈ-euˬ gaˇ kawˆ miˇ kʼahˬ kʼoeˇ kʼahˬ gaˬ doe-iˇ-euˬ meh.

Luˇkaꞈ 4:38

Yeˬsuˇ uˬ duˬ tahˬ nymˇ-ahˇ neh doˆ-iˇ-awˇ, Siˇmoˬ-euˬ nymˇ-ahˇ iˇ-euˬ meh. Siˇmoˬ-euˬ tsawˇ mawˬ zaˬ miˬ zaˬ gʼaˬ pyaˬ dui dui-eu meh.Aˬ yawꞈ-ahˇ tiˬ poˆ haw nehˬ-eu gʼaˇ duˬ, aˬ yawꞈ maꞈ Yeˬsuˇ-ahˇ shaˇ-eu meh.

Luˇkaꞈ 5:15

Ehˇ kʼawꞈ, Yeˬsuˇ-euˬgaˇ kawˆ yaw beh naˆ maˬ tseˇ paˇ gaˬ doeˇ-iˇ-awˇ, aˬ yawꞈ dawˬ mehˬ mehˬ gaˇ naˇ haˬ-eu gʼaˇ duˬ hawˇ-eu, naˇ gawˇ bi laˆ taˬ-eu gʼaˇ duˬ, tsawˇ haˬ aˇ maꞈ deuˬ aˬ yawꞈ jawˇ gaˇ laˇ-euˬ meh.

Luˇkaꞈ 5:24

Tsawˇhaˬ-euˬ Zaˬmaˇ-aˬ, miˇ tsaˬ heu kʼoeˇ taˆ iˬ baˇ pyehˬ nehˬ nya-eu baoˬ jaˆ-eu gaˇ kawˆ, ngaˇ naw maꞈ-ahˇ bi siˬ bi mawˇ ma.” Kʼoeˇ naˇ, kuiˇ shiˇ laꞈ shiˇ shiˇ-euˬ tsawˇ haˬ kʼoeˇ gʼaˬ-ahˇ Yeˬsuˇ ehˇ nehˬ-eu, “Tuˇ-awˇ, nawˬ-euˬ yuꞈ zaˇ baꞈ-awˇ gʼoꞈ-iˇ-awˬ lehˇ, ngaˇ nawˬ-ahˇ ehˇ-eu ma.”

Luˇkaꞈ 7:17

Yeˬsuˇ kʼoeˇ loꞈ-ehˇ mˇ-euˬ gaˇ kawˆ kʼoeˇ, Yuˇdaˆ miˇ kʼahˬ gaˬ byah-iˇ-awˇ, dawˬ peh jaˆ-eu miˇ kʼahˬ deuˬ-ahˇ gaˬ doe-iˇ-euˬ meh.

Yoˇhaˬ 10:21

Ehˇ kʼawꞈ, yawˬ deuˬ yawˬ ehˇ-eu, “Nehꞈ uˇ-eu tsawˇ haˬ tiˬ gʼaˬ teu loꞈ-ehˇ gʼeh-eu dawˬ aˬ joˆ-ehˇ ngehˬ nya ta. Myaˆ behꞈ behꞈ-eu tsawˇ haˬ myaˆ nuiˆ mawˇ laˇ nya ni nehꞈ jahˇ nya ta loˇ.”

Gʼaˬkʼehˇ 10:38

Naˬzaˬlehˇ tsawˇ haˬ Yeˬsuˇ gaˇ kawˆ maˬ ehˇ, aˬ yawꞈ-euˬ kʼoeˇ taˆ Miˬyehˇ neh Muiˬ-eu shawˇ-eu Yaw sahˇ Miˬyehˇ hawˇ-eu baoˬ aˬ joˆ-ehˇ shehˆ daˆ nehˬ-euˬ gaˇ kawˆ maˬ ehˇ, naw maꞈ siˬ luꞈ meh. Miˬyehˇ aˬ yawꞈ nehˬ-ehˇ jawˇ-eu miˇ neh, aˬ yawꞈ yawˬ gaˇ na luꞈ iˇ doe-awˇ, yaw muiˬ jeˬ mˇ mˇ-ehˇ, Nehꞈ-euˬ baoˬ uˬ moˆ shaˬ luꞈ-eu tsawˇ haˬ deuˬ-ahˇ naˇ gawˇ laˆ taˬ nehˬ-euˬ meh.

Gʼaˬkʼehˇ 15:23

sahˬ boꞈ heu taꞈ aˬ yawꞈ nyaꞈ nehˬ-ehˇ dawˆ caw gʼeh-euˬ meh. “Aˬdiˇawˬ meuˬ, Suˇliˆ miˇ kʼahˬ hawˇ-eu, Giˇliˇciˆ miˇ kʼahˬ heu deuˬ-ahˇ jawˇ-eu Yuˇdaˆ tsawˇ haˬ maˬ ngeuˇ-eu aˬ yuiꞈ aˬ nyiˇ deuˬ jawˇ gaˇ, naw maꞈ-euˬ aˬ yuiꞈ aˬ nyiˇ pyeuꞈ-eu nga maꞈ gʼaˬ kʼehˇ deuˬ hawˇ-eu aˬ yuiꞈ aˬ tsu deuˬ, sahˬ boꞈ boꞈ-awˇ dawˬ cawˬ puˬ ahˇ leꞈ-eu ma.

Gʼaˬkʼehˇ 15:41

Suˇliˆ miˇ kʼahˬ hawˇ-eu Giˇliˇciˆ miˇ kʼahˬ-ahˇ cah-iˇ-awˇ, Ka li zaˬ aˇ muˇ deuˬ ziꞈ laˇ ni gʼaˬ biꞈ nehˬ-iˇ-euˬ meh.

Gʼaˬkʼehˇ 28:9

Kʼoeˇ loꞈ-ehˇ pyeuꞈ laˇ-euˬ gaˇ ya mawˇ ngeh, iˇ jaw lahˇ kʼoeˇ lahˇ laꞈ kʼoeˇ kʼaˇ jawˇ-eu naˇ-eu tsawˇ haˬ dawˬ tawˆ luꞈ oe-awˇ, naˇ gawˇ bi laˆ taˬ jiˇ-euˬ meh.

Gʼaˬkʼehˇ 8:7

Tsawˇ haˬ gʼawˬ mya gʼaˬ laꞈ kʼoeˇ uˇ-eu nehꞈ yaw jawꞈ deuˬ guˇ guˇ-ehˇ doˆ-iˇ-awˇ, kuiˇ shiˇ laꞈ shiˇ shiˇ-eu tsawˇ haˬ gʼawˬ mya ni taˬ leˇ-euˬ meh.

Yawˇshuˆ 6:27

Kʼoeˇ naˇ, Yawˇshuˆ nehˬ-ehˇ Sahˬpaˬ Miˬyehˇ jawˇ-awˇ, Yawˇshuˆ tsawˇ myahˇ doˆ-eu gaˇ kawˆ miˇ kʼahˬ kʼoeˇ kʼahˬ doe ni Yawˇshuˆ tsawˇ myahˇ doˆ-euˬ meh.