Maꞈtehˬ 4:23 - Akha

²³ Gaˬliˬlehˇ miˇ kʼahˬ doe ni Yeˬsuˇ cah-awˇ, aˬ yawꞈ maꞈ-euˬ uˬ duˬ tahˬ nymˇ laꞈ kʼoeˇ mehˬ-eu tsoˆ-eu jeˬ mˇ-awˇ, Miˬyehˇ Miˇ kʼahˬ-ahˇ taꞈ leˇ-eu laˬ kʼaˬ cehˇ-eu guiˬ lahˬ dawˬ mehˬ-eu uˬ taꞈ, naˇ gawˇ gʼawˬ mya jeˬ pi luꞈ-eu tsawˇ haˬ deuˬ-ahˇ kʼawꞈ, laˆ taˬ nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ Yeqsur, Gaqliqlaer mirkhanq doeni cancan-aer, zanrdawq khawqnymr-euq lafkhoer maeqnaeq tsovnaeq-awr, mqtav mirkhanq-euq guiqlanqdawq maeqnaeq-euq uqtaf, tsawrhaq khoerdeuq kharnar khargawr-eu jeq hawr-eu nargawr yawqjeq navluf-anr lavtaq naeq-euq mae.

Maꞈtehˬ 4:23 ပူးပေါင်းရင်းမြစ်များ

Jaceuq 103:3

Ngaˬ-euˬ iˬ baˇ dawˬ tawˆ luꞈ aˬ yawꞈ pyehˬ nehˬ laꞈ-awˇ ngaˬ-euˬ naˇ gawˇ dawˬ tawˆ luꞈ aˬ yawꞈ laˆ taˬ nehˬ laꞈ-eu meh.

Jaceuq 74:8

Geuꞈ-eu jeˬ maˬ ahˇ-ehˇ pyeuꞈ-iˇ gaˇ keuˆ ni, nga maꞈ-ahˇ aˬ yawꞈ maꞈ laˆ cawˆ mawꞈ-awˇ, miˇ kʼahˬ laꞈ kʼoeˇ kʼaˇ jaˆ-eu muiˬ-eu shawˇ-eu jawˇ duˬ dawˬ tawˆ luꞈ-ahˇ, miˬ dzaˬ dzah puiˆ dzeh yaꞈ-euˬ meh.

Maꞈtehˬ 11:5

Myaˆ behꞈ mawˇ nya laˇ-euˬ, kuiˇ kuˆ cah nya laˇ-euˬ, coiˬ doi shawˇ laˇ-euˬ naˬ bawˬ gaˬ nya laˇ-euˬ, tsawˇ shiˇ gʼoꞈ dehꞈ laˇ-euˬ, shaˬ zaˬ zahˬ zaˬ deuˬ Laˬ kʼaˬ cehˇ-eu Guiˬ lahˬ dawˬ ya gaˬ-euˬ, gaˇ kawˆ heu deuˬ dzawˇ nehˬ-iˇ-awˬ.

Maꞈtehˬ 12:9

Yeˬsuˇ kʼoeˇ gaˇ neh doˆ-iˇ-awˇ, Yuˇdaˆ tsawˇ haˬ-euˬ uˬ duˬ tahˬ nymˇ-ahˇ le-euˬ meh.

Maꞈtehˬ 13:19

Gaˇ ma-ahˇ ga-iˇ-euˬ siˬ yoeˬ lehˇ ehˇ-eu-aˬ, Miˬyehˇ Miˇkʼahˬ gaˇ kawˆ mehˬ gaˇ ya gaˬ-euˬ kʼawꞈ, maˬ gʼoˆ shaw nya-eu tsawˇ haˬ deuˬ-ahˇ ehˇ mawꞈ-eu meh. Haiˬ-eu yaw sahˇ laˇ-awˇ, aˬ yawꞈ maꞈ-euˬ nui ma laꞈ kʼoeˇ sehˬ ahˇ taˬ-euˬ jeˬ-ahˇ ja tawˆ ni yuˇ byoˆ gʼeh-eu meh.

Maꞈtehˬ 13:54

aˬ yawꞈ jawˇ-eu meuˬ-ahˇ gʼoꞈ leˇ-euˬ meh. Aˬ yawꞈ uˬ duˬ tahˬ nymˇ laꞈ kʼoeˇ mehˬ nehˬ tsoˆ nehˬ gʼaˬ ngeh, ya gaˬ-euˬ tsawˇ haˬ deuˬ zahˬ leˇ-awˇ, heu loꞈ-ehˇ ehˇ-eu meh. “Heu loꞈ-ehˇ gʼeh-eu zaˬ siˬ tsawˇ gahˇ deuˬ aˬ yawꞈ aˬ gaˇ neh za-euˬ nga. Zahˬ leˇ paˬ-ehˇ gʼeh-eu gaˇ heu deuˬ aˬ yawꞈ aˬ joˆ-ehˇ mˇ nya-eu nga.

Maꞈtehˬ 14:14

Yeˬsuˇ lawˬ laꞈ kʼoeˇ neh doˆ laˇ-awˇ, tsawˇ haˬ aˇ maꞈ maꞈ ma-ahˇ ya mawˇ ngeh, aˬ yawꞈ maꞈ-ahˇ gʼawˬ shaˬ haw gaˬ dui dui-awˇ, naˇ-eu tsawˇ haˬ deuˬ-ahˇ laˆ taˬ nehˬ-euˬ meh.

Maꞈtehˬ 24:14

Kʼoeˇ naˇ, miˇ tsaˬ tahˬ kʼawˇ heu doe ni, Miˬyehˇ Miˇkʼahˬ gaˇ kawˆ laˬ kʼaˬ cehˇ-eu guiˬ lahˬ dawˬ mehˬ doe tehꞈ-a. Kʼoeˇ dzeuˇ ngeh, aˇ saˬ saˬ-eu aˇ yamˬ keuˆ le tehꞈ-a.

Maꞈtehˬ 3:2

“Mˬ taˆ miˇ kʼahˬ keuˆ le shaw-iˬ meh. Iˬ baˇ noeˬ poˆ-awˬ.”

Maꞈtehˬ 9:35

Meuˬ doe ni, pu doe ni Yeˬsuˇ iˇ-awˇ, uˬ duˬ tahˬ nymˇ laꞈ kʼoeˇ dawˬ mehˬ dawˬ tsoˆ tsoˆ-euˬ meh. Miˬyehˇ Miˇkʼahˬ gaˇ kawˆ laˬ kʼaˬ cehˇ-eu guiˬ lahˬ dawˬ mehˬ-awˇ, naˇ gawˇ yawˬ jeˬ na luꞈ-ahˇ laˆ taˬ nehˬ-euˬ meh.

Maˬkuˆ 1:14

Yoˇhaˬ-ahˇ aˬ cawˬ neh tawˬ laꞈ kʼoeˇ bi nyehꞈ uˇ gʼaˬ ngeh, Gaˬliˬlehˇ miˇ kʼahˬ-ahˇ Yeˬsuˇ iˇ-awˇ, Miˬyehˇ-euˬ Laˬ kʼaˬ cehˇ-eu Guiˬ lahˬ dawˬ mehˬ-iˇ-euˬ meh.

Maˬkuˆ 1:21

Yeˬsuˇ hawˇ-eu aˬ yawꞈ-euˬ zaˬ lahˇ deuˬ Gaˬbeˬneˬoˬ meuˬ-ahˇ iˇ-awˇ, Jawˇ nah keuˆ laˇ ngeh, uˬ duˬ tahˬ nymˇ -ahˇ Yeˬsuˇ le-awˇ, mehˬ nehˬ tsoˆ nehˬ-euˬ meh.

Maˬkuˆ 1:39

Kʼoeˇ naˇ, Gaˬliˬlehˇ miˇ kʼahˬ doe ni aˬ yawꞈ iˇ-awˇ, uˬ duˬ tahˬ nymˇ laꞈ kʼoeˇ dawˬ mehˬ mehˬ mehˬ-ehˇ cah-awˇ, nehꞈ uˇ-eu tsawˇ haˬ deuˬ-ahˇ nehꞈ teh doˆ nehˬ-euˬ meh.

Maˬkuˆ 3:10

Aˬ jeˬ miˇ neh ehˇ naˇ, tsawˇ haˬ gʼawˬ mya ni-ahˇ aˬ yawꞈ naˇ gawˇ laˆ taˬ nehˬ haw-euˬ miˇ neh, naˇ-eu tsawˇ haˬ dawˬ tawˆ luꞈ, aˬ yawꞈ-ahˇ toeˬ ciˆ-eu lehˇ tahˬ tahˬ-ehˇ oe luꞈ-eu meh.

Maˬkuˆ 6:2

Jawˇ nah ngeh nah, uˬ duˬ tahˬ nymˇ laꞈ kʼoeˇ aˬ yawꞈ mehˬ-euˬ tsoˆ-euˬ meh. Aˬ yawꞈ mehˬ gaˇ tsoˆ gaˇ ya gaˬ-euˬ tsawˇhaˬ gʼawˬ mya ni zahˬ dui dui leˇ-awˇ, heu loꞈ-ehˇ ehˇ-eu meh. “Tsawˇ ha heu gʼaˬ teu loꞈ-ehˇ gʼeh-eu jeˬ aˬ gaˇ laˬ-iˇ-euˬ nga. Aˬ yawꞈ-ahˇ biꞈ taˬ-euˬ zaˬ siˬ tsawˇ gahˇ teu, aˬ geu jeˬ-euˬ zaˬ siˬ tsawˇ gahˇ nga. Aˇ naˆ naˆ-ehˇ gʼeh-eu zahˬ leˇ paˬ-ehˇ gʼeh-eu jeˬ aˬ yawꞈ mˇ doˆ laꞈ nya-eu nga.

Maˬkuˆ 6:6

Tsawˇ ha koeˇ deuˬ jah-eu nui ma maˬ ahˇ gaˇ aˬ yawꞈ zahˬ dui dui leˇ-euˬ meh. Kʼoeˇ naˇ, kʼoeˇ gaˇ jaˆ-eu pu deuˬ-ahˇ Yeˬsuˇ iˇ-awˇ mehˬ nehˬ tsoˆ nehˬ-euˬ meh.

Luˇkaꞈ 10:9

Kʼoeˇ gaˇ jawˇ-eu naˇ-eu gawˇ-eu tsawˇ haˬ deuˬ-ahˇ laˆ taˬ nehˬ-awˇ, ‘Miˬyehˇ Miˇkʼahˬ naw maꞈ jawˇ gaˇ keuˆ le-eu dawˬ peh peh laˇ-euˬ meh’ lehˇ ehˇ nehˬ-awˬ.

Luˇkaꞈ 13:10

Jawˇ nah ngeh nah, Yuˇdaˆ tsawˇ haˬ-euˬ uˬ duˬ tahˬ nymˇ laꞈ kʼoeˇ Yeˬsuˇ mehˬ nehˬ tsoˆ nehˬ luꞈ-eu meh.

Luˇkaꞈ 16:16

Zahˇ dawˬ kʼoꞈ dawˬ hawˇ-eu Miˬyehˇ gʼaˇ duˬ ngehˬ dah-eu deuˬ-euˬ sahˬ boꞈ laꞈ kʼoeˇ boꞈ taˬ-euˬ deuˬ-aˬ, Iˇ cuꞈ shawˇ-eu Yoˇhaˬ maˬ doˆ le mi naˆ-ehˇ keuˆ ni-euˬ gʼaˇ duˬ meh. Yoˇhaˬ-euˬ ziˇ-ahˇ neh dahˬ beh-awˇ Miˬyehˇ Miˇkʼahˬ gaˇ kawˆ Laˬ kʼaˬ cehˇ-eu Guiˬ lahˬ dawˬ mehˬ-awˇ, tsawˇ haˬ yawˬ gʼaˬ na luꞈ tahˬ ceh ceh-awˇ kʼoeˇ gaˇ uˇ leˇ-eu leh jeh luꞈ meh.

Luˇkaꞈ 20:1

Tiˬ nah-aˬ, Yeˬsuˇ Uˬ duˬ tahˬ nymˇ nymˇ ma laꞈ kʼoeˇ mehˬ-awˇ tsoˆ-awˇ, Laˬ kʼaˬ cehˇ-eu Guiˬ lahˬ dawˬ mehˬ luꞈ ngeh, piˇ ma aˬ yuiꞈ deuˬ, Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu, aˬ yuiꞈ aˬ tsu deuˬ aˬ yawꞈ jawˇ gaˇ laˇ-awˇ ehˇ-eu,

Luˇkaꞈ 4:14

Kʼoeˇ naˇ, Gaˬliˬlehˇ miˇ kʼahˬ-ahˇ Yeˬsuˇ gʼoꞈ leˇ-euˬ meh. Muiˬ-eu shawˇ-eu Yaw sahˇ Miˬyehˇ-euˬ baoˬ aˬ yawꞈ kʼoeˇ taˆ jaˆ-euˬ meh. Aˬ yawꞈ-euˬ gaˇ kawˆ miˇ kʼahˬ kʼoeˇ kʼahˬ gaˬ doe-iˇ-euˬ meh.

Luˇkaꞈ 5:17

Tiˬ nah-aˬ, Yeˬsuˇ mehˬ nehˬ tsoˆ nehˬ luꞈ ngeh, Paˬliˬsehˇ tiˬ paˆ na deuˬ hawˇ-eu, Zahˇ dawˬ kʼoꞈ dawˬ mehˬ-eu saˬ laˬ tiˬ paˆ na deuˬ kʼawꞈ, nuiˇ luꞈ-eu meh. Aˬ yawꞈ maꞈ-aˬ, Gaˬliˬlehˇ miˇ kʼahˬ hawˇ-eu Yuˇdaˆ miˇ kʼahˬ-ahˇ jaˆ-eu meuˬ yawˬ meuˬ na luꞈ hawˇ-eu, Yeˬluˇsaˬlehˬ meuˬ-ahˇ jawˇ-eu oe-euˬ meh. Naˇ-eu gawˇ-eu tsawˇ haˬ deuˬ-ahˇ Yeˬsuˇ laˆ taˬ nehˬ nya ni, Sahˬpaˬ Miˬyehˇ-euˬ baoˬ aˬ yawꞈ nehˬ-ehˇ jawˇ luꞈ-eu meh.

Luˇkaꞈ 6:17

Yeˬsuˇ aˬ yawꞈ-euˬ gʼaˬ kʼehˇ deuˬ nehˬ-ehˇ gawˬ jawˬ-ahˇ neh zaꞈ ka le-awˇ, myaˬ dui dui-eu zaˬ lahˇ deuˬ nehˬ-ehˇ deh ga-ahˇ yawꞈ luꞈ-eu meh. Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ, iˬ ma laˆ shaˆ lawˇ deh-ahˇ jaˆ-eu Duˇlu meuˬ hawˇ-eu Siˇdoˬ meuˬ-ahˇ jawˇ-eu tsawˇ haˬ deuˬ uˬ taꞈ, Yuˇdaˆ miˇ kʼahˬ kʼahˬ lah ni jawˇ-eu tsawˇ haˬ deuˬ uiˬ laˇ-awˇ, tsawˇ haˬ myaˬ dui dui-eu meh. Aˬ yawꞈ mehˬ nehˬ tsoˆ nehˬ gaˇ naˇ haˬ-eu gʼaˇ duˬ hawˇ-eu, aˬ yawꞈ neh naˇ gawˇ bi laˆ taˬ-eu gʼaˇ duˬ, aˬ yawꞈ maꞈ uiˬ laˇ taˬ-euˬ meh.

Luˇkaꞈ 6:6

Jawˇ nah yawˬ nah yawˬ-ahˇ, Yuˇdaˆ tsawˇ haˬ-euˬ uˬ duˬ tahˬ nymˇ-ahˇ Yeˬsuˇ uˇ leˇ-awˇ, mehˬ nehˬ tsoˆ nehˬ-euˬ meh. Aˬ laꞈ aˇ maˇ pyawˬ shiˇ-euˬ tsawˇ haˬ tiˬ gʼaˬ kʼoeˇ gaˇ jawˇ-eu meh.

Luˇkaꞈ 7:21

Kʼoeˇ ngeh kʼeh tseuˆ ni, naˇ-eu gawˇ-eu tsawˇ haˬ deuˬ, yaw jaw pyaˬ-eu tsawˇ haˬ deuˬ hawˇ-eu, nehꞈ yaw jawꞈ uˇ-eu tsawˇ haˬ gʼawˬ mya ni-ahˇ Yeˬsuˇ laˆ taˬ nehˬ-awˇ, myaˆ behꞈ gʼawˬ mya gʼaˬ-ahˇ myaˆ nuiˆ bi mawˇ laˇ-euˬ tiˬ dehˬ pyeuꞈ-eu meh.

Luˇkaꞈ 7:22

Yoˇhaˬ-euˬ gʼaˬ kʼehˇ kʼoeˇ nyiˬ gʼaˬ-ahˇ aˬ yawꞈ ehˇ nehˬ-eu,“Naw nyaꞈ gʼoꞈ-iˇ-awˇ, naw nyaꞈ neh kʼaˇ ya gaˬ kʼaˇ ya mawˇ-euˬ jeˬ, Yoˇhaˬ-ahˇ dzawˇ nehˬ-iˇ-awˬ. Myaˆ behꞈ mawˇ nya laˇ-euˬ, kuiˇ kuˆ cah nya laˇ-euˬ, coi doi shawˇ laˇ-euˬ , tsawˇ shiˇ gʼoꞈ dehꞈ laˇ-euˬ, shaˬ zaˬ zahˬ zaˬ deuˬ Laˬ kʼaˬ cehˇ-eu Guiˬ lahˬ dawˬ ya gaˬ-euˬ, gaˇ kawˆ heu deuˬ dzawˇ nehˬ-iˇ-awˬ.

Luˇkaꞈ 8:1

Kʼoeˇ naˇ, gʼawˬ myahˇ maˬ gʼeh-ehˇ, tiˬ meuˬ saˇ-iˬ tiˬ meuˬ, tiˬ pu saˇ-iˬ tiˬ pu, Yeˬsuˇ iˇ-awˇ, Miˬyehˇ Miˇkʼahˬ gaˇ kawˆ Laˬ kʼaˬ cehˇ-eu Guiˬ lahˬ dawˬ mehˬ mehˬ-ehˇ cah-euˬ meh. Zaˬ lahˇ tseˇ nyiꞈ gʼaˬ kʼawꞈ, aˬ yawꞈ nehˬ-ehˇ iˇ-euˬ meh.

Luˇkaꞈ 9:11

Gaˇ kawˆ kʼoeˇ tsawˇ haˬ aˇ maꞈ maꞈ ma ya siˬ ngeh, aˬ yawꞈ-euˬ mehˬ nah caw teh gʼeh-euˬ meh. Tsawˇ haˬ aˇ maꞈ maꞈ ma-ahˇ aˬ yawꞈ ha geuꞈ-awˇ, Miˬyehˇ Miˇkʼahˬ gaˇ kawˆ ja mehˬ-awˇ, naˇ gawˇ laˆ taˬ nehˬ paˬ-ehˇ gʼeh-eu tsawˇ haˬ deuˬ-ahˇ laˆ taˬ nehˬ-euˬ meh.

Luˇkaꞈ 9:60

Yeˬsuˇ aˬ yawꞈ-ahˇ ehˇ nehˬ-eu, “Shiˇ-euˬ tsawˇ haˬ deuˬ-ahˇ shiˇ-euˬ deuˬ neh bi baꞈ pahˬ luꞈ-uˇ. Ehˇ kʼawꞈ, nawˇ-aˬ, Miˬyehˇ Miˬkʼahˬ gaˇ kawˆ mehˬ-iˇ-awˬ.”

Yoˇhaˬ 18:20

Yeˬsuˇ ehˇ-eu, “Ngaˇ aˬ cawˬ-ahˇ dawˬ kʼaˇ ngehˬ cawˬ ngeh, tsawˇ haˬ gʼawˬ mya ni jawˇ-eu mehˬ shi bya cehˆ ni ngehˬ cawˬ-euˬ ma. Tsawˇ haˬ dawˬ tawˆ luꞈ uiˬ laˇ-eu jawˇ duˬ pyeuꞈ-eu uˬ duˬ tahˬ nymˇ deuˬ hawˇ-eu, Uˬ duˬ tahˬ nymˇ nymˇ ma laꞈ kʼoeˇ tehꞈ-ehˇ ngaˇ mehˬ-euˬ tsoˆ-euˬ ma. Yaw zaꞈ-ahˇ ngehˬ kʼoeˬ tmˇ kʼoeˬ-euˬ tiˬ jeˬ-iˬ maˬ jaˆ.

Yoˇhaˬ 6:59

Gaˬbeˬneˬoˬ meuˬ-ahˇ jaˆ-eu Yuˇdaˆ tsawˇ haˬ-euˬ uˬ duˬ tahˬ nymˇ laꞈ kʼoeˇ Yeˬsuˇ mehˬ nehˬ tsoˆ nehˬ ngeh, kʼoeˇ loꞈ-ehˇ ehˇ-euˬ meh.

Yoˇhaˬ 7:1

Kʼoeˇ naˇ, Gaˬliˬlehˇ miˇ kʼahˬ-ahˇ Yeˬsuˇ cah-euˬ meh. Yuˇdaˆ miˇ kʼahˬ-ahˇ aˬ yawꞈ maˬ cah mawꞈ-a. Aˬ jeˬ miˇ neh ehˇ naˇ, Yuˇdaˆ tsawˇ haˬ aˬ yuiꞈ aˬ tsu deuˬ aˬ yawꞈ-ahˇ sehꞈ mawꞈ-eu meh.

Gʼaˬkʼehˇ 10:38

Naˬzaˬlehˇ tsawˇ haˬ Yeˬsuˇ gaˇ kawˆ maˬ ehˇ, aˬ yawꞈ-euˬ kʼoeˇ taˆ Miˬyehˇ neh Muiˬ-eu shawˇ-eu Yaw sahˇ Miˬyehˇ hawˇ-eu baoˬ aˬ joˆ-ehˇ shehˆ daˆ nehˬ-euˬ gaˇ kawˆ maˬ ehˇ, naw maꞈ siˬ luꞈ meh. Miˬyehˇ aˬ yawꞈ nehˬ-ehˇ jawˇ-eu miˇ neh, aˬ yawꞈ yawˬ gaˇ na luꞈ iˇ doe-awˇ, yaw muiˬ jeˬ mˇ mˇ-ehˇ, Nehꞈ-euˬ baoˬ uˬ moˆ shaˬ luꞈ-eu tsawˇ haˬ deuˬ-ahˇ naˇ gawˇ laˆ taˬ nehˬ-euˬ meh.

Gʼaˬkʼehˇ 18:4

Yuˇdaˆ tsawˇ haˬ maˬ ehˇ, c tsawˇ haˬ maˬ ehˇ, jah-eu tsawˇ haˬ pyeuꞈ laˇ ni, Jawˇ nah aˬ yawꞈ nah yawꞈ uˬ duˬ tahˬ nymˇ laꞈ kʼoeˇ Pawˇluˆ ja sawˇ-euˬ meh.

Gʼaˬkʼehˇ 20:25

“Naw maꞈ dawˬ tawˆ luꞈ jawˇ gaˇ ngaˇ cah doe-awˇ, Miˬyehˇ Miˇkʼahˬ gaˇ kawˆ mehˬ yaꞈ-euˬ ma. Aˬ kaˇ naˇ, naw maꞈ ngaˬ-ahˇ tiˬ jawˇ-iˬ maˬ paˇ ya mawˇ-aˇ lehˇ ngaˇ siˬ duˬ-eu ma.

Gʼaˬkʼehˇ 28:31

Miˬyehˇ Miˇkʼahˬ gaˇ kawˆ dawˬ mehˬ mehˬ-awˇ, Sahˬpaˬ Yeˬsuˇ Ka li gaˇ kawˆ mehˬ nehˬ tsoˆ nehˬ-euˬ meh. Laˆ tsoeˬ-eu tiˬ jeˬ-iˬ maˬ jaˆ ni, kʼaˬ duˬ ni kʼoeˇ loꞈ-ehˇ mˇ-euˬ meh.

Lormav 10:15

Mehˬ nehˬ-iˇ-eu tsawˇ haˬ maˬ kʼehˇ gʼeh naˇ, aˬ joˆ-ehˇ bi mehˬ nehˬ-iˇ nmˇ. Kʼoeˇ miˇ neh, “Laˬ kʼaˬ cehˇ-eu Guiˬ lahˬ dawˬ mehˬ-eu tsawˇ haˬ deuˬ-euˬ kuiˇ toꞈ aˇ naˆ ni haw muiˬ-eu nga” lehˇ, Jaˇliꞈ laꞈ kʼoeˇ ehˇ taˬ-euˬ meh.