Maꞈtehˬ 28:7 - Akha

⁷ Nymˬ-mˇ aˬ yawꞈ-euˬ zaˬ lahˇ deuˬ jawˇ gaˇ yaw kawˇ-ehˇ iˇ-awˇ, heu loꞈ-ehˇ ehˇ nehˬ-iˇ-awˬ. ‘Aˬ yawꞈ shiˇ-euˬ gʼoꞈ dehꞈ laˇ-awˇ, nymˬ-mˇ naw maꞈ-euˬ mehˬ hu Gaˬliˬlehˇ miˇ kʼahˬ-ahˇ iˇ dzeuˇ-euˬ meh. Naw maꞈ aˬ yawꞈ-ahˇ kʼoeˇ gaˇ ya mawˇ tehꞈ-a’ lehˇ ehˇ nehˬ-iˇ-awˬ. Ngaˬ neh naw maꞈ-ahˇ ehˇ nehˬ-euˬ dawˬ heu deuˬ yaw duˬ duˬ-ehˇ noeˬ taˬ-awˬ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Yawkawr-aer ghofler-awr, aqyawf shir-euq gar nae ghofdaef lar-euq mae laer aqyawf-euq zaqlanr deuq-anr dzawrgaq ler-awq. Khoeruqtaf, aqyawf, nawmaf-euq maeqhu nae Gaqliqlaer mirkhanq-anr leluf-eu mae. Khoergar nawmaf, aqyawf-anr ya’mawr taef-a laer aernaeq-awq. Haeq, heu-aq, ngar, nawnyaf-anr aernaeq-eu ma.”

Maꞈtehˬ 28:7 ပူးပေါင်းရင်းမြစ်များ

Iˇsaˬyaˇ 44:8

Ngaˬ-euˬ tsawˇ haˬ-oˇ, nawˇ taˬ guˆ. Aˇ hu ba neh iˬ nah keuˆ ni kʼaˇ pyeuꞈ laˇ-euˬ jeˬ-ahˇ, ngaˬ neh ehˇ tsehˆ taˬ-euˬ nawˇ siˬ nya-awˇ, nawˇ saˇ kiˇ pyeuꞈ-eu meh. Miˬ yehˇ nui gʼaˬ jawˇ ta siˬ loˇ. Ngaˇ maˬ gaˬ haw-euˬ baoˬ huiˬ-eu miˬ yehˇ nui gʼaˬ paˇ jawˇ ta loˇ.”

Iˇsaˬyaˇ 45:21

Naw maꞈ gaˇ kawˆ ja duˬ laˇ sheˇ. Tiˬ kawˆ loꞈ-ehˇ bawˬ dzaˬ-awˇ ja duˬ sheˇ. Mehˬ hu paw pyeuꞈ laˇ-eu gaˇ kawˆ deuˬ-ahˇ, aˇ hu ba neh ehˇ jiˇ taˬ-euˬ aˬ suˇ gʼaˬ-aˬ. Ngaˬ-euˬ tsawˇ haˬ deuˬ-ahˇ ka kʼoꞈ nehˬ-eu Miˬyehˇ pyeuꞈ-eu, ngaˇ Sahˬpaˬ Miˬyehˇ neh ehˇ jiˇ taˬ-euˬ maˬ ngeuˇ-a loˇ. Miˬ yehˇ nui gʼaˬ aˬ gaˇ jawˇ ta.

Maꞈtehˬ 24:25

Naˇ haˬ-awˬ. Aˇ yamˬ maˬ keuˆ laˇ mi naˇ-ehˇ, gaˇ kawˆ heu deuˬ naw maꞈ-ahˇ ngaˇ ehˇ nehˬ taˬ-eu ma.

Maꞈtehˬ 26:32

Ehˇ kʼawꞈ, ngaˇ shiˇ-euˬ kʼawꞈ, Miˬyehˇ ngaˬ-ahˇ paˇ bi gʼoꞈ dehꞈ laˇ-awˇ, naw maꞈ-euˬ mehˬ hu Gaˬliˬlehˇ miˇ kʼahˬ-ahˇ ngaˇ iˇ tawˬ ma.”

Maꞈtehˬ 28:10

Yeˬsuˇ aˬ yawꞈ nyaꞈ-ahˇ ehˇ nehˬ-eu, “Taˬ guˆ. Ngaˬ-euˬ mehˇ nmˇ loꞈ-ehˇ gʼeh-eu deuˬ jawˇ gaˇ iˇ-awˇ, heu loꞈ-ehˇ ehˇ nehˬ-iˇ-awˬ. ‘Gaˬliˬlehˇ miˇ kʼahˬ-ahˇ iˇ-awˬ. Kʼoeˇ gaˇ ngaˬ-ahˇ ya mawˇ tehꞈ-a’ lehˇ ehˇ nehˬ-iˇ-awˬ.”

Maꞈtehˬ 28:8

Kʼoeˇ ngeh, aˬ yawꞈ nyaꞈ guˆ kʼawꞈ guˆ, laˬ kʼaˬ kʼawꞈ cehˇ-eu laꞈ kʼoeˇ, nyi naˬ nyi naˬ-ehˇ maˬ jawˇ ni, aˬ yawꞈ-euˬ zaˬ lahˇ deuˬ-ahˇ dzawˇ nehˬ-iˇ-eu gʼaˇ duˬ cehˆ coeˬ coeˬ kʼoꞈ gʼeh-euˬ meh.

Maˬkuˆ 14:28

Ehˇ kʼawꞈ, Miˬyehˇ ngaˬ-ahˇ paˇ bi gʼoꞈ dehꞈ laˇ gʼaˬ ngeh, naw maꞈ-euˬ mehˬ hu Gaˬliˬlehˇ miˇ kʼahˬ-ahˇ ngaˇ iˇ tawˬ ma.”

Maˬkuˆ 16:10

Yeˬsuˇ nehˬ-ehˇ jawˇ-euˬ tsawˇ haˬ deuˬ tsawˇ ngoeˇ ngoeˇ ngoeˇ-ehˇ jawˇ gaˇ, gaˇ kawˆ kʼoeˇ Maˬliˇ ehˇ gaˬ nehˬ-iˇ-euˬ meh. Kʼoeˇ naˇ, mˬ maˬ maˬ byaˆ zaˇ ziˇ ka kʼoꞈ-eu jeˬ-ahˇ taꞈ-eu dehꞈ luꞈ-eu muiˬ-eu shawˇ-eu dawˬ kawˬ kʼoeˇ, nahˇ ma doˆ kʼehˬ ga kʼehˬ doe ni bi gaˬ keuˆ-iˇ-eu gʼaˇ duˬ, zaˬ lahˇ deuˬ-ahˇ Yeˬsuˇ kʼehˇ gʼeh-euˬ meh. .)

Maˬkuˆ 16:13

Aˬ yawꞈ nyaꞈ gʼoꞈ leˇ-awˇ, nui deuˬ-ahˇ dzawˇ mehˬ-euˬ meh. Ehˇ kʼawꞈ, aˬ yawꞈ maꞈ maˬ jah-a.

Luˇkaꞈ 24:34

“Sahˬpaˬ Yeˬsuˇ gʼoꞈ dehꞈ laˇ-euˬ yaw duˬ baw meh. Aˬ yawꞈ-euˬ gʼawˇ mawˇ Siˇmoˬ-ahˇ bi mawˇ le-euˬ meh” lehˇ, aˬ yawꞈ maꞈ ehˇ luꞈ-eu meh.

Yoˇhaˬ 14:29

Aˇ yamˬ kʼoeˇ keuˆ le ngeh naw maꞈ jah ziꞈ ni, aˇ yamˬ maˬ keuˆ le mi naˆ-ehˇ naw maꞈ-ahˇ ngaˇ nymˬ-mˇ neh ehˇ kʼmˬ taˬ-eu ma.

Yoˇhaˬ 16:4

Ehˇ kʼawꞈ, tsawˇ haˬ kʼoeˇ deuˬ naw maꞈ-ahˇ kʼoeˇ loꞈ-ehˇ kʼehˬ nehˬ kʼaˆ nehˬ laꞈ-eu aˇ yamˬ keuˆ le ngeh, kʼoeˇ loꞈ-ehˇ keuˆ le tehꞈ-a lehˇ ngaˬ neh naw maꞈ-ahˇ ehˇ taˬ-euˬ gaˇ naw maꞈ bi noeˬ mawˇ-eu gʼaˇ duˬ, ngaˇ naw maꞈ-ahˇ naꞈ ngeh neh heu loꞈ-ehˇ ehˇ nehˬ-eu ma.” Naw maꞈ ngaˬ-euˬ zaˬ lahˇ pyeuꞈ laˇ beh beh ngeh, gaˇ kawˆ heu naw maꞈ-ahˇ ngaˇ maˬ ehˇ nehˬ-aˬ. Aˬ jeˬ miˇ neh ehˇ naˇ, naw maꞈ nehˬ-ehˇ ngaˬ-euˬ gʼawˇ mawˇ jawˇ-euˬ ma.

1 Gawˇliˬtu 15:4

Jaˇliꞈ laꞈ kʼoeˇ boꞈ taˬ-euˬ loꞈ-ehˇ aˬ yawꞈ shiˇ-awˇ baꞈ pahˬ gʼaˬ ngeh, smˬ nah keuˆ laˇ naˇ Miˬyehˇ neh paˇ bi gʼoꞈ dehꞈ laˇ-euˬ gaˇ kawˆ hawˇ-eu,

1 Gawˇliˬtu 15:6

Kʼoeˇ naˇ, aˬ yawꞈ mehˬ nah caw teh-eu tsawˇ haˬ ngaˬ heˇ gʼaˬ dzehˬ ni-ahˇ, aˬ yawꞈ tiˬ yamˬ-ahˇ tehꞈ-ehˇ tsaˬ ni bi mawˇ le-euˬ meh. Tsawˇ haˬ kʼoeˇ deuˬ tiˬ paˆ na deuˬ shiˇ dzeuˇ-euˬ kʼawꞈ, myaˬ tiˬ paˆ iˬ nah keuˆ ni dehꞈ luꞈ-a siˬ.