Kʼoeˇ naˇ, “Aˬ dui maꞈ-euˬ aˇ gʼehˇ-ahˇ duˇ-eu tsawˇ haˬ zaˬ deuˬ-ahˇ beh kaˇ-euˇ. Aˬ yawꞈ maꞈ aˬ dui-ahˇ duˇ-awˇ, ngaˬ shaˬ ngaˬ deˇ deuˬ kʼoeˇ taˆ maˬ ehˇ, bawˇ tsahˬ jeˬ zaˬ hawˇ-eu cu nya-eu jeˬ zaˬ yaw yah deuˬ yaw huiˬ yaw nyiˇ dawˬ tawˆ luꞈ kʼoeˇ taˆ maˬ ehˇ, baoˬ jaˆ tehꞈ-a” lehˇ Miˬyehˇ ehˇ-eu meh.
Maꞈtehˬ 28:19 - Akha19 Kʼoeˇ miˇ neh, miˇ tsaˬ tsawˇ jeuˬ dawˬ tawˆ luꞈ jawˇ gaˇ iˇ doe-awˇ, ngaˬ-euˬ zaˬ lahˇ pyeuꞈ laˇ ni mˇ-iˇ-awˬ. Aˬda Miˬyehˇ, Zaˬmaˇ Miˬyehˇ hawˇ-eu, Muiˬ-eu Shawˇ-eu Yaw sahˇ Miˬyehˇ-euˬ tsawˇ myahˇ uˬ moˆ, aˬ yawꞈ maꞈ-ahˇ iˇ cuꞈ shawˇ nehˬ-awˬ. အခန်းကိုကြည့်ပါ။Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq19 Khoermirnae, nawmaf ir-awr, tsawrjeuq tsawrca dawqtawvluf, ngaq-euq zaqlanr pyeuflarni mr-ir-awq. Aqda, Zaqyo hawr-eu Yawshawr Saflar-euq tsawrmyanr-euq uqmov, aqyawf maf-anr bartirsaq mrnaeq-awq. အခန်းကိုကြည့်ပါ။ |
Maꞈtehˬ 28:19
39 ပူးပေါင်းရင်းမြစ်များ
“Ngaˬ-euˬ dawˬ peh jiˆ tuˆ laˇ-awˇ ngaˇ ehˇ gaˇ naˇ haˬ-awˬ. Aˇ dahˬ beh ngeh neh ngaˇ bya cehˆ ni ehˇ taˬ-euˬ jaˆ-awˇ, ngaˬ neh kʼaˇ ehˇ-euˬ jeˬ bi pyeuꞈ jiˇ laˇ-euˬ ma.” (Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ nymˬ-mˇ ngaˬ-ahˇ aˬ yawꞈ-euˬ baoˬ biꞈ nehˬ laꞈ-awˇ ngaˬ-ahˇ pyehˬ gʼeh leꞈ-euˬ meh.)
Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Ngaˬ-euˬ zaˬ kʼaˆ-oˇ, ngaˇ nawˬ-ahˇ, huiˬ dzehˬ-eu gaˇ paˇ bi mˇ ma. Dzeuˇ-iˇ-euˬ Iˇsaˬleˬlaˆ tsawˇ haˬ-ahˇ sheuˬ kʼoꞈ doˆ-awˇ, aˬ yawꞈ maꞈ dehꞈ doˆ dzaˬ laˇ ni ya mˇ-eu gaˇ tehꞈ-ehˇ maˬ ngeuˇ, mˬ dzeˇ miˇ dzeˇ keuˆ ni ka kʼoꞈ-eu jeˬ za ni, nawˬ-ahˇ miˇ tsaˬ-euˬ yaw shehꞈ paˇ bi geuꞈ-eu ma.”
Aˬ yawꞈ-ahˇ mˬ kʼoeˇ taˆ bi ciˬ daˆ kʼoꞈ gʼeh ngeh nah-ahˇ keuˆ ni boꞈ taˬ-euˬ ma. Aˬ yawꞈ-ahˇ mˬ kʼoeˇ taˆ maˬ bi ciˬ kʼoꞈ daˆ kʼoꞈ leꞈ mi naˆ-ehˇ, aˬ yawꞈ-euˬ gʼaˬ kʼehˇ bi geuꞈ-eu gʼaˇ duˬ aˬ yawꞈ neh tseˇ doˆ-euˬ tsawˇ haˬ deuˬ-ahˇ, Muiˬ-eu shawˇ-eu Yaw sahˇ Miˬyehˇ-euˬ baoˬ-ahˇ gʼoe-eu laꞈ kʼoeˇ aˬ yawꞈ mehˬ yaꞈ tsoˆ yaꞈ-euˬ meh.
Ehˇ kʼawꞈ, Muiˬ-eu shawˇ-eu Yaw sahˇ Miˬyehˇ naw maꞈ kʼoeˇ taˆ oe keuˆ ngeh, naw maꞈ baoˬ za-awˇ, Yeˬluˇsaˬlehˬ meuˬ laꞈ kʼoeˇ maˬ ehˇ, Yuˇdaˆ miˇ kʼahˬ hawˇ-eu Saˬmaˬliˆ miˇ kʼahˬ doe ni maˬ ehˇ, mˬ dzeˇ miˇdzeˇ keuˆ ni maˬ ehˇ, naw maꞈ ngaˬ-euˬ gʼaˇ duˬ saˇ kiˇ kamˬ-eu tsawˇ haˬ pyeuꞈ laˇ tehꞈ-a.”
Ehˇ kʼawꞈ, “Aˬ yawꞈ maꞈ Miˬyehˇ dawˬ kawˬ maˬ ya gaˬ-aˬ lehˇ ehˇ-eu ngeuˇ meh loˇ” lehˇ ngaˇ naˇ haˬ mawꞈ-eu ma. Aˬ yawꞈ maꞈ Miˬyehˇ dawˬ kawˬ ya gaˬ-euˬ yaw duˬ baw meh. Aˬ jeˬ miˇ neh ehˇ naˇ, Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ meh. “A yawꞈ maꞈ neh mehˬ nehˬ-euˬ dawˬ, miˇ tsaˬ tahˬ kʼawˇ gaˬ byah-iˇ-awˇ, mˬ dzeˇ miˇ dzeˇ gaˬ keuˆ-euˬ meh.”
Nymˬ-mˇ poˆ jawˇ-aˬ, shiˇ dzeuˇ-euˬ tsawˇ haˬ deuˬ-euˬ dah zaˇ iˇ cuꞈ bi shawˇ-eu deuˬ-euˬ gaˇ kawˆ aˬ joˆ-ehˇ ehˇ nmˇ. Aˬ yawꞈ maꞈ aˬ jeˬ-ahˇ noeˬ tmˬ-awˇ kʼoeˇ loꞈ-ehˇ mˇ ta. Shiˇ-euˬ tsawˇ haˬ-ahˇ maˬ bi gʼoꞈ dehꞈ laˇ nya-aˇ lehˇ tsawˇ haˬ tiˬ paˆ na deuˬ ehˇ-eu kʼoeˇ tsaˬ-eu ngeuˇ naˇ, aˬ jeˬ miˇ neh tsawˇ haˬ kʼoeˇ deuˬ shiˇ dzeuˇ-euˬ deuˬ-euˬ dah zaˇ iˇ cuꞈ bi shawˇ ta.
Naw maꞈ jah-eu jeˬ laꞈ kʼoeˇ ziꞈ dah ni ya dehꞈ daˆ gʼeh-awˇ, Laˬ kʼaˬ cehˇ-eu Guiˬ lahˬ dawˬ ya gaˬ ngeh za taˬ-euˬ noeˬ tmˬ-eu jeˬ poˆ poˆ laˆ laˆ-ehˇ maˬ ya bi gʼeh-a. Ngaˇ Pawˇluˆ zaˬ kʼaˆ geuꞈ luꞈ-eu heu-aˬ, miˇ tsaˬ kʼoeˇ taˆ kʼaˇ jawˇ-eu tsawˇ haˬ yawˬ gʼaˬ na luꞈ-ahˇ mehˬ nehˬ-euˬ Laˬ kʼaˬ cehˇ-eu Guiˬ lahˬ dawˬ heu-euˬ gʼaˇ duˬ ma.
Iˇ cuꞈ-ahˇ bi buˬ-iˇ-euˬ gaˇ kawˆ kʼoeˇ-aˬ, nymˬ-mˇ naw maꞈ ka kʼoꞈ-eu jeˬ za nya ni iˇ cuꞈ shawˇ-euˬ gaˇ kawˆ-ahˇ taꞈ leˇ-eu meh. Iˇ cuꞈ shawˇ-eu kʼoeˇ-aˬ, gʼawˇ mawˇ yaw yehˆ dzuiꞈ shawˇ-eu jeˬ maˬ ngeuˇ-a. Siˬ nya-eu nui ma laꞈ kʼoeˇ Miˬyehˇ-ahˇ saˇ jaˇ dzaˬ-eu jeˬ pyeuꞈ-eu meh. Iˇ cuꞈ shawˇ-eu koeˇ-aˬ, Yeˬsuˇ Ka li-ahˇ Miˬyehˇ neh bi gʼoꞈ dehꞈ laˇ-euˬ gaˇ gʼoe-awˇ naw maꞈ-ahˇ ka kʼoꞈ-eu jeˬ pyeuꞈ-eu meh.
ကြော်ငြာတွေ