Maꞈtehˬ 28:15 - Akha

¹⁵ Lmˬ bymˇ-ahˇ loꞈ piˇ-euˬ yehˇ kʼoeˇ deuˬ pyuˇ yuˇ dzaˬ-awˇ, aˬ yawꞈ maꞈ-ahˇ mehˬ gahˇ nehˬ taˬ-euˬ loꞈ-ehˇ ja byah-euˬ meh. Kʼoeˇ miˇ neh, iˬ nah keuˆ ni Yuˇdaˆ tsawˇ haˬ deuˬ gaˇ kawˆ kʼoeˇ ja byah luꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ Guirzaq khoerdeuq pyur yur-awr, aqyawf maf-anr kharbi ngaeq-euq lof-aer taef-aer ngaeq-euq mae. Yurdav tsawrhaq-euq lafkhoer, dawq khoerdawq iqnan keuvni jaluf-a siq.

Maꞈtehˬ 28:15 ပူးပေါင်းရင်းမြစ်များ

Maꞈtehˬ 26:15

“Yeˬsuˇ-ahˇ naw maꞈ-euˬ aˬ laꞈ laꞈ kʼoeˇ a nehˬ naˇ, naw maꞈ ngaˬ-ahˇ aˬ jeˬ biꞈ te” lehˇ, piˇ ma aˬ yuiꞈ kʼoeˇ deuˬ-ahˇ aˬ yawꞈ naˇ haˬ ngeh, aˬ yawꞈ maꞈ aˬ yawꞈ-ahˇ pyuˇ maˇ byaˆ smˬ tseˇ byaˆ biꞈ nehˬ-euˬ meh.

Maꞈtehˬ 27:8

Kʼoeˇ miˇ neh, jawˇ duˬ kʼoeˇ tsahˇ-ahˇ iˬ nah keuˆ ni “Shiˬ-euˬ Miˇ tsaˬ” lehˇ kuˇ-eu meh.

Maꞈtehˬ 9:31

Ehˇ kʼawꞈ, aˬ yawꞈ nyaꞈ gʼoꞈ-iˇ-awˇ, Yeˬsuˇ neh mˇ-euˬ gaˇ kawˆ kʼoeˇ miˇ kʼahˬ kʼoeˇ coeˇ coeˇ lah ni ja byah jiˇ-euˬ meh.

Maˬkuˆ 1:45

Ehˇ kʼawꞈ, tsawˇ haˬ kʼoeˇ gʼaˬ gʼoꞈ-iˇ-awˇ, gaˇ kawˆ kʼoeˇ yawˬ gaˇ na luꞈ ja doe-iˇ-euˬ meh. Aˬ yawꞈ neh aˇ dzehˬ ja byah dzeuˇ-euˬ miˇ neh, Yeˬsuˇ aˬ cawˬ mawˇ mawˇ-ehˇ meuˬ laꞈ kʼoeˇ maˬ iˇ nya ni pyeuꞈ-iˇ-euˬ meh. Meuˬ-euˬ laꞈ nyiˇ paw ciˬ cuˇ ni gʼeh gaˇ tehꞈ-ehˇ aˬ yawꞈ jawˇ-awˇ, yawˬ paw na luꞈ jawˇ-eu tsawˇ haˬ deuˬ aˬ yawꞈ jawˇ gaˇ laˇ-euˬ meh.

1 Tiˆmoˇseˬ 6:10

Aˬ jeˬ miˇ neh ehˇ naˇ, pyuˇ-ahˇ mehˇ juiˇ juiˇ-eu nui ma-aˬ, yaw haiˬ jeˬ dawˬ tawˆ luꞈ-euˬ dawˬ pehˬ duˬ puˇ pyeuꞈ-eu meh. Tiˬ paˆ na deuˬ-aˬ, pyuˇ-ahˇ nui kʼahˇ jaˆ-eu miˇ neh jah-eu jeˬ-ahˇ gaˇ mahˇ kaˬ dui dui-iˇ-awˇ, noeˬ shaˬ-eu gʼawˬ mya jeˬ ciˬ tehˬ-eu baˬ da neh nui ma tsawˬ paˆ gaˇ keuˆ-eu meh.