Maꞈtehˬ 27:66 - Akha

⁶⁶ Kʼoeˇ naˇ, aˬ yawꞈ maꞈ gʼoꞈ-iˇ-awˇ, lmˬ bymˇ-ahˇ ngawˬ tsoeˬ taˬ-euˬ kʼaˬ lo lo ma-ahˇ jmˬ diˬ-awˇ, yaw muiˬ-ehˇ bi loꞈ piˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶⁶ Khoernar-aq, aqyawfmaf lofpir-eu deuq sheuq-awr ir-awr, khaqlo-anr zifdanni laefghoeq-awr, lmqbymr-anr yawmuiq-aer bi lofpir-euq mae.

Maꞈtehˬ 27:66 ပူးပေါင်းရင်းမြစ်များ

Daˬyeˬlaˇ 6:17

Aˇ laˬ jaˬ shiˇ kuˆ-euˬ duˬ kʼahˬ mehˬ kʼehˬ-ahˇ, sahˬ paˬ-euˬ jmˬ hawˇ-eu sahˬ paˬ-euˬ gaˇ mˇ-euˬ sahˬ paˬ sahˬ ma deuˬ-euˬ jmˬ diˬ taˬ-euˬ kʼaˬ lo tiˬ siˬ baꞈ taˬ-euˬ meh. Daˬyeˬlaˇ-ahˇ tsawˇ haˬ tiˬ gʼaˬ-iˬ maˬ bi ka kʼoꞈ-euˬ gʼaˇ duˬ, kʼoeˇ loꞈ-ehˇ baꞈ taˬ-euˬ jeˬ pyeuꞈ-eu meh.

Maꞈtehˬ 27:60

Kʼoeˇ naˇ, shuiꞈ teˇ poˬ ni gʼeh-eu aˬ yawꞈ-euˬ lmˬ bymˇ lo kʼahˬ-ahˇ baꞈ ahˇ-awˇ, lmˬ bymˇ mehˬ kʼehˬ-ahˇ kʼaˬ lo lo ma ngawˬ tsoeˬ yaꞈ-awˇ gʼoꞈ leˇ-euˬ meh. Lmˬ bymˇ kʼoeˇ-aˬ, aˬ yawꞈ neh lo guˇ-ahˇ taꞈ byoe-awˇ jahˇ taˬ-euˬ meh.

Maꞈtehˬ 27:65

Sahˬ paˬ Piˇlaˆ ehˇ-eu, “Naw maꞈ loꞈ piˇ-eu yehˇ jawˇ-eu maˬ ngeuˇ loˇ. Gʼoꞈ-iˇ-awˇ, kʼaˇ gʼeh nya-eu loꞈ-ehˇ bi loꞈ piˇ-awˬ.”

Maꞈtehˬ 28:11

Zaˬ miˬ zaˬ kʼoeˇ nyiˬ gʼaˬ gʼoꞈ-iˇ luꞈ ngeh, lmˬ bymˇ-ahˇ loꞈ luꞈ-eu yehˇ tiˬ deuˬ meuˬ-ahˇ gʼoꞈ-iˇ-awˇ, kʼaˇ pyeuꞈ laˇ-euˬ jeˬ dawˬ tawˆ luꞈ, piˇ ma aˬ yuiꞈ deuˬ-ahˇ dzawˇ nehˬ-euˬ meh.

Maꞈtehˬ 28:2

Ja pyuˬ ni miˇ luˆ yaw kʼaˆ-ehˇ luˆ laˇ-awˇ, SahˬpaˬMiˬyehˇ-euˬ mˬ taˆ gʼaˬ kʼehˇ tiˬ gʼaˬ mˬ kʼoeˇ taˆ neh zaꞈ le-awˇ, kʼaˬ lo lo ma kʼoeˇ siˬ ngawˬ dzeh-awˇ, kʼaˬ lo kʼoeˇ siˬ kʼoeˇ taˆ nuiˇ le-euˬ meh.

Maˬkuˆ 16:4

Ehˇ kʼawꞈ, aˬ yawꞈ maꞈ haw gʼeh leꞈ ngeh, huiˬ dui dui-eu kʼaˬ lo kʼoeˇ siˬ ngawˬ dzeh taˬ-euˬ gaˇ ya mawˇ-euˬ meh.

Yoˇhaˬ 20:1

Tiˬ jaw laꞈ kʼoeˇ aˇ dahˬ beh-eu nah uˬ shawˬ paw uˬ bya maˬ bya laˇ mi naˆ-ehˇ, Maˬgaˬdaˬlaˇ meuˬ-ahˇ jawˇ-eu Maˬliˇ kʼoeˇ gʼaˬ lmˬ bymˇ-ahˇ iˇ haw ngeh, lmˬ bymˇ mehˬ kʼehˬ-ahˇ jaˆ-eu kʼaˬ lo ngawˬ dzeh-awˇ jaˆ gaˇ ya mawˇ-euˬ meh.

2 Tiˆmoˇseˬ 2:19

Ehˇ kʼawꞈ, Miˬyehˇ neh dawˬ pehˬ ziꞈ dah ni gawˬ taˬ-euˬ jeˬ-ahˇ aˬ yawꞈ maꞈ maˬ laˆ luˆ nya-a. Dawˬ pehˬ kʼoeˇ-euˬ kʼoeˇ taˆ, “Yawˬ ha-euˬ tsawˇ haˬ deuˬ-ahˇ Sahˬpaˬ Miˬyehˇ siˬ nya meh” lehˇ boꞈ taˬ-awˇ, “Sahˬpaˬ Miˬyehˇ-euˬ tsawˇ haˬ ma lehˇ kʼaˇ ehˇ-eu deuˬ maˬ tsaˬ maˬ dawˇ-eu jeˬ maˬ mˇ ni ya byehˇ dzeh meh” lehˇ boꞈ taˬ-euˬ meh.

Yawˇshuˆ 10:18

Yawˇshuˆ ehˇ-eu, “Lo kʼahˬ-euˬ gʼoˆ kʼehˬ-ahˇ kʼaˬ lo lo ma ngawˬ tsoeˬ uiˬ taˬ-awˇ, tiˬ deuˬ bi loꞈ yaꞈ-awˬ.

Panmaeq 20:3

Tiˬ heˇ kʼoꞈ aˇ yamˬ laꞈ kʼoeˇ miˇ kʼahˬ tsawˇ jeuˬ dawˬ tawˆ luꞈ-ahˇ aˬ yawꞈ mehˇ shuiˇ maˬ bi shuiˇ nya ni, mˬ taˆ gʼaˬ kʼehˇ kʼoeˇ gʼaˬ aˬ yawꞈ-ahˇ yaw li maˬ baw-eu duˬ kʼahˬ-ahˇ baꞈ ahˇ-awˇ, mahˬ tawꞈ tawꞈ tehˬ-awˇ jmˬ diˬ gʼoeˬ taˬ-euˬ meh. Kʼoeˇ dzeuˇ naˇ, aˬ yawꞈ-ahˇ tiˬ kʼehˬ tiˬ yamˬ pyehˬ nehˬ tehꞈ-a.