Maꞈtehˬ 27:63 - Akha

⁶³ Aˬ yawꞈ maꞈ sahˬ paˬ Piˇlaˆ-ahˇ ehˇ nehˬ-eu, “Sahˬ paˬ-oˇ, jaꞈ myawꞈ aˬ da kʼoeˇ gʼaˬ maˬ shiˇ mi naˆ-ehˇ, smˬ nah byah laˇ naˇ Miˬyehˇ aˬ yawꞈ-ahˇ paˇ bi gʼoꞈ dehꞈ laˇ meh lehˇ aˬ yawꞈ ehˇ-eu nga maꞈ ya gaˬ taˬ-euˬ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶³ “Sanqpaq-or! Aqcawq-anr sheuqbanq-eu khoerghaq daefluf ngae, aqyawf, ‘Smq nan byanlar nar-aq, ngar ghofdaeflar ma’ laer aer-eu gar nga’maf noeqtaq-euq ma.

Maꞈtehˬ 27:63 ပူးပေါင်းရင်းမြစ်များ

Maꞈtehˬ 16:21

Kʼoeˇ ngeh nah neh aˇ dahˬ beh-awˇ, zaˬ lahˇ deuˬ-ahˇ Yeˬsuˇ heu loꞈ-ehˇ bya cehˆ ni ehˇ nehˬ-euˬ meh. “Yeˬluˇsaˬlehˬ meuˬ-ahˇ ngaˇ le-awˇ, aˬ yuiꞈ aˬ tsu deuˬ, piˇ ma aˬ yuiꞈ deuˬ hawˇ-eu, Zahˇ dawˬ kʼoꞈ dawˬ mehˬ-eu saˬ laˬ deuˬ, ngaˬ-ahˇ gʼawˬ mya jeˬ jahˇ nehˬ laꞈ gaˇ ya daˬ dui dui-eu yaw duˬ baw meh. Aˬ cawˬ ngaˬ-ahˇ sehꞈ tehꞈ-a. Ehˇ kʼawꞈ, smˬ nah byah laˇ naˇ, Miˬyehˇ ngaˬ-ahˇ paˇ bi gʼoꞈ dehꞈ laˇ tehꞈ-a.”

Maꞈtehˬ 17:23

Aˬ cawˬ aˬ yawꞈ-ahˇ sehꞈ tehꞈ-a. Ehˇ kʼawꞈ, smˬ nah keuˆ laˇ naˇ, Miˬ yehˇ aˬ yawꞈ paˇ bi gʼoꞈ dehꞈ laˇ tehꞈ-a.” Kʼoeˇ ngeh, zaˬ lahˇ deuˬ nui ma cawˆ dui dui-eu meh.

Maꞈtehˬ 20:19

Kʼoeˇ naˇ, Miˬyehˇ-ahˇ maˬ siˬ nya-eu aˬ cawˬ tsawˇ jeuˬ-euˬ aˬ laꞈ laꞈ kʼoeˇ a nehˬ-awˇ, aˬ yawꞈ-ahˇ yehˬ bawˬ sehˇ lu-ehˇ bi ehˇ niˇ gʼa-awˇ, yahˬ caˆ neh bi juiꞈ-awˇ, laꞈ yaꞈ kʼoeˇ taˆ bi taꞈ sehꞈ tehꞈ-a. Ehˇ kʼawꞈ, smˬ nah byah laˇ naˇ, Miˬyehˇ aˬ yawꞈ-ahˇ paˇ bi gʼoꞈ dehꞈ laˇ tehꞈ-a.”

Maꞈtehˬ 26:61

Aˬ yawꞈ nyaꞈ ehˇ-eu, “Tsawˇ haˬ teu gʼaˬ, Miˬyehˇ-euˬ Uˬ duˬ tahˬ nymˇ nymˇ ma-ahˇ deh pyaˆ dzeh jiˇ-awˇ, smˬ nah laꞈ kʼoeˇ paˇ tsoˆ kʼoꞈ nya ma lehˇ ehˇ-eu meh.”

Maꞈtehˬ 27:64

Aˬ yawꞈ-euˬ zaˬ lahˇ deuˬ aˬ yawꞈ-euˬ gʼawˇ mawˇ kʼoeˬ doˆ laˬ-iˇ-awˇ, Miˬyehˇ neh aˬ yawꞈ-ahˇ paˇ bi gʼoꞈ dehꞈ laˇ gʼaˬ-euˬ meh lehˇ aˬ cawˬ-ahˇ maˬ ya bi ehˇ ni, smˬ nah keuˆ ni aˬ yawꞈ-euˬ lmˬ bymˇ-ahˇ yaw muiˬ paˬ-ehˇ bi loꞈ piˇ-eu gʼaˇ duˬ dawˬ biꞈ-awˬ. Aˇ saˬ saˬ-eu heu poˆ kʼoeˇ loꞈ-ehˇ paˇ myawꞈ naˇ, yaw beh poˆ myawꞈ-euˬ naˆ maˬ tseˇ doeˇ dui dui tehꞈ-a.”

Maꞈtehˬ 28:6

Aˬ yawꞈ heu gaˇ maˬ paˇ jawˇ meh. Aˬ yawꞈ neh ehˇ taˬ-euˬ loꞈ-ehˇ, Miˬyehˇ neh aˬ yawꞈ-ahˇ paˇ bi gʼoꞈ dehꞈ laˇ gʼaˬ-euˬ meh. Heu gaˇ laˇ-awˇ, aˬ yawꞈ-ahˇ baꞈ taˬ-euˬ tsahˇ-ahˇ haw laˇ sheˇ.

Maˬkuˆ 10:34

Aˬ cawˬ tsawˇ jeuˬ neh aˬ yawꞈ-ahˇ yehˬ bawˬ sehˇ lu-ehˇ bi ehˇ niˇ gʼa-awˇ, duˬ kʼaˬ bi kʼa daˆ-awˇ, yahˬ caˆ neh bi juiꞈ-awˇ, bi sehꞈ tehꞈ-a. Ehˇ kʼawꞈ, smˬ nah byah laˇ naˇ, Miˬyehˇ aˬ yawꞈ-ahˇ paˇ bi gʼoꞈ dehꞈ laˇ tehꞈ-a.”

Maˬkuˆ 8:31

Kʼoeˇ naˇ, Yeˬsuˇ aˬ yawꞈ-euˬ zaˬ lahˇ deuˬ-ahˇ heu loꞈ-ehˇ mehˬ nehˬ tsoˆ nehˬ-euˬ meh. “Tsawˇhaˬ-euˬ Zaˬmaˇ-aˬ, gʼawˬ mya jeˬ-ahˇ ya daˬ dui dui tehꞈ-a. Tsawˇ mawˬ tsawˇ kʼaˆ deuˬ, piˇ ma aˬ yuiꞈ deuˬ hawˇ-eu, Zahˇ dawˬ kʼoꞈ dawˬ mehˬ-eu saˬ laˬ deuˬ neh byehˇ dzeh nehˬ-euˬ jeˬ-ahˇ ya daˬ tehꞈ-a. Aˬ cawˬ neh bi sehꞈ gaˇ keuˆ ni ya daˬ tehꞈ-a. Ehˇ kʼawꞈ, smˬ nah naˇ, paˇ gʼoꞈ dehꞈ laˇ tehꞈ-a.”

Maˬkuˆ 9:31

Aˬ jeˬ miˇ neh ehˇ naˇ, aˬ yawꞈ-euˬ zaˬ lahˇ deuˬ-ahˇ aˬ yawꞈ heu loꞈ-ehˇ mehˬ nehˬ luꞈ-eu meh. “Tsawˇhaˬ-euˬ Zaˬmaˇ-aˬ, aˬ yawꞈ-ahˇ sehꞈ-eu deuˬ-euˬ aˬ laꞈ laꞈ kʼoeˇ aˬ cawˬ neh bi a nehˬ-awˇ bi sehꞈ tehꞈ-a. Ehˇ kʼawꞈ, smˬ nah byah laˇ naˇ, aˬ yawꞈ paˇ gʼoꞈ dehꞈ laˇ tehꞈ-a.”

Luˇkaꞈ 18:31

Zaˬ lahˇ tseˇ nyiꞈ gʼaˬ-ahˇ Yeˬsuˇ kuˇ doˆ-awˇ, heu loꞈ-ehˇ ehˇ nehˬ-euˬ meh. “Aˬ dui maꞈ Yeˬluˇsaˬlehˬ meuˬ-ahˇ le luꞈ-eu ma. Tsawˇhaˬ-euˬ Zaˬmaˇ gaˇ kawˆ Miˬyehˇ gʼaˇ duˬ ngehˬ dah-eu deuˬ neh kʼaˇ boꞈ taˬ-euˬ yawˬ jeˬ na luꞈ, kʼoeˇ gaˇ byah laˇ jiˇ tehꞈ-a.

Luˇkaꞈ 18:33

Aˬ yawꞈ maꞈ aˬ yawꞈ-ahˇ yahˬ caˆ neh juiꞈ-awˇ sehꞈ tehꞈ-a. Ehˇ kʼawꞈ, smˬ nah byah laˇ naˇ, Miˬyehˇ aˬ yawꞈ-ahˇ paˇ bi gʼoꞈ dehꞈ laˇ tehꞈ-a.”

Luˇkaꞈ 23:2

Aˬ yawꞈ maꞈ Yeˬsuˇ-ahˇ iˬ baˇ poˆ-awˇ ehˇ-eu, “Tsawˇ haˬ heu gʼaˬ nga maꞈ-euˬ tsawˇ jeuˬ-ahˇ gaˇ ma sheuˬ bahˬ-awˇ, sahˬ paˬ Gehˇsaˬ-ahˇ kawˬ taˬ doˆ nehˬ lehˇ nga maꞈ-ahˇ laˆ tsoeˬ-eu uˬ taꞈ, yawˬ haˇ yawˬ ha Ka li lehˇ kuˇ-eu sahˬ paˬ ma lehˇ ehˇ-eu nga maꞈ mawˇ-euˬ ma.”

Luˇkaꞈ 9:22

Aˬ yawꞈ ehˇ-eu, “Tsawˇhaˬ-euˬ Zaˬmaˇ-aˬ, gʼawˬ mya jeˬ-ahˇ ya daˬ dui dui-awˇ, tsawˇ mawˬ tsawˇ kʼaˆ deuˬ, piˇ ma aˬ yuiꞈ deuˬ hawˇ-eu, Zahˇ dawˬ kʼoꞈ dawˬ mehˬ-eu saˬ laˬ deuˬ neh bi byehˇ dzeh tehꞈ-a. Aˬ cawˬ neh bi sehꞈ gaˇ keuˆ ni ya daˬ tehꞈ-a. Ehˇ kʼawꞈ, smˬ nah byah laˇ naˇ, Miˬyehˇ neh aˬ yawꞈ-ahˇ paˇ bi gʼoꞈ dehꞈ laˇ tehꞈ-a.”

Yoˇhaˬ 2:19

Yeˬsuˇ eh-eu, “Uˬ duˬ tahˬ nymˇ nymˇ ma heu pyaˆ dzeh jiˇ-awˬ. Smˬ nah laꞈ kʼoeˇ ngaˇ paˇ tsoˆ gʼaˬ nya ma.”

Yoˇhaˬ 7:12

Tsawˇ haˬ aˇ maꞈ laꞈ kʼoeˇ, aˬ yawꞈ-euˬ gaˇ kawˆ gʼawˬ mya jeˬ ja kʼoeˬ luꞈ-eu meh. Tiˬ paˆ na deuˬ-aˬ, aˬ yawꞈ muiˬ-eu gaˇ kawˆ ja-eu meh. Tiˬ paˆ na deuˬ-aˬ, kʼoeˇ loꞈ-ehˇ maˬ ja ni, aˬ yawꞈ aˬ cawˬ-ahˇ gaˇ ma sheuˬ bahˬ-eu tsawˇ haˬ meh lehˇ ja-eu meh.

Yoˇhaˬ 7:47

Paˬliˬsehˇ deuˬ ehˇ-eu, “Naw maꞈ gʼeh aˬ yawꞈ neh paˇ bi laˆ jah teˬ loˇ.

2 Gawˇliˬtu 6:8

Yaw zeu baw nehˬ laꞈ-euˬ jeˬ-ahˇ maˬ ehˇ, daˬ laˆ ga nehˬ laꞈ-euˬ jeˬ-ahˇ maˬ ehˇ, yehˬ bawˬ sehˇ lu-ehˇ ehˇ nehˬ laꞈ-euˬ jeˬ-ahˇ maˬ ehˇ, ja ceuˬ nehˬ laꞈ-euˬ jeˬ-ahˇ maˬ ehˇ, nga maꞈ ya daˬ-euˬ ma. Nga maꞈ yaw tsaˬ yaw dawˇ jeˬ ngehˬ-euˬ kʼawꞈ, jaˬ myawꞈ myawꞈ-eu tsawˇ haˬ ngaˇ lehˇ ehˇ laˇ gaˇ ya daˬ-euˬ ma.