Maꞈtehˬ 27:6 - Akha

⁶ Piˇ ma aˬ yuiꞈ deuˬ pyuˇ kʼoeˇ deuˬ gʼoˆ kʼoꞈ-awˇ ehˇ-eu, “Pyuˇ heu deuˬ-aˬ, shiˬ-euˬ aˇ poeˬ biꞈ-euˬ pyuˇ pyeuꞈ-eu miˇ neh, Uˬ duˬ tahˬ nymˇ nymˇ ma-euˬ pyuˇ nehˬ-ehˇ maˬ dawˆ ahˇ taˬ kʼmˬ-a.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Aerkhawf, Pirma aqyuif deuq, pyur khoer ghovkhof-awr aer-eu, “Pyur heu-aq, shiq-euq arpoeq mirnae, uqduq tanqnymr nymrma-euq pyur naeq-aer maq dawvkeuq khmq-a.”

Maꞈtehˬ 27:6 ပူးပေါင်းရင်းမြစ်များ

Iˇsaˬyaˇ 61:8

Sahˬpaˬ Miˬyehˇ heu loꞈ-ehˇ ehˇ-eu meh. “Yaw tsaˬ yaw dawˇ-ahˇ ngaˇ gaˬ-awˇ, myawꞈ dzaˬ kʼaˆ dzaˬ gaˇ byeh-eu ma. Ngaˬ-euˬ tsawˇ haˬ deuˬ-ahˇ saˇ jaˇ ziꞈ-eu laꞈ kʼoeˇ, aˬ yawꞈ maꞈ-ahˇ geuˇ-eu aˇ poeˬ ngaˇ biꞈ tsoeˬ ma. Mˬ maˬ maˬ byaˆ zaˇ ziˇ ziꞈ-eu saˇ jaˇ, aˬ yawꞈ maꞈ nehˬ-ehˇ ngaˇ dzaˬ ma.

Maꞈtehˬ 23:24

Gaˇ ma mehˬ-eu myaˆ behꞈ deuˬ-oˇ, naw maꞈ aˬ gaꞈ dzaˇ uiˇ dawˇ ngeh, puˬ teˇ muˆ tiˬ mawˇ-iˬ maˬ bi ahˇ ni dzeˇ dzeh-awˇ dawˇ kʼawꞈ, law taw mawˇ lah-ehˇ myoꞈ ahˇ gaˇ duˇ-eu meh.

Maꞈtehˬ 27:5

Yuˇdaˆ-aˬ, pyuˇ maˇ byaˆ kʼoeˇ deuˬ Uˬ duˬ tahˬ nymˇ nymˇ ma laꞈ kʼoeˇ biˬ ahˇ yaꞈ-awˇ doˆ-iˇ-euˬ meh. Kʼoeˇ naˇ, yawˬ haˇ yawˬ ya paꞈ gʼeu sehꞈ-iˇ-euˬ meh.

Maꞈtehˬ 27:7

Kʼoeˇ naˇ, daˬ yah deuˬ shiˇ ngeh duˬ pahˬ-eu lmˬ bymˇ geuꞈ-eu gʼaˇ duˬ, pyuˇ kʼoeˇ neh Oeˬ lahˬ tehˆ-eu tsawˇ haˬ-euˬ Miˇ tsaˬ lehˇ kuˇ-eu miˇ tsaˬ tiˬ tsahˇ zeuˇ-euˬ meh.

Maˬkuˆ 7:11

Ehˇ kʼawꞈ, naw maꞈ heu loꞈ-ehˇ mehˬ nehˬ tsoˆ nehˬ luꞈ-eu meh. Tsawˇ haˬ tiˬ gʼaˬ na yawˬ ha-euˬ aˬ da aˬ ma-ahˇ tiˬ jeˬ paˬ caw ba nehˬ nya-eu jaˆ kʼawꞈ, (‘Heu-aˬ, Miˬyehˇ-ahˇ oꞈ-eu jeˬ meh’ lehˇ dawˬ tsuiꞈ ehˇ mawꞈ-eu laꞈ kʼoeˇ), ‘Heu-aˬ, Gawˬ baˬ meh’ lehˇ ehˇ shaw naˇ,

Yoˇhaˬ 18:28

Yawˬ nah yawˬ uˬ shawˬ yaw naꞈ-ehˇ, Yeˬsuˇ-ahˇ Gaˬyaˬpaˇ-euˬ nymˇ-ahˇ neh sheuˬ doˆ gʼeh-awˇ, sahˬ paˬ-euˬ hawˇ nymˇ-ahˇ sheuˬ gʼeh-euˬ meh. Yuˇdaˆ tsawˇ haˬ aˬ yuiꞈ aˬ tsu deuˬ-aˬ, Baˬsaˬkaˬ Bawˬ-iˬ dzaˬ gaˇ uˇ leˇ-eu gʼaˇ duˬ yawˬ ha-euˬ gʼawˇ mawˇ maˬ bi jawꞈ-iˇ-ehˇ shawˇ jehˆ ni bi jaˆ mawꞈ-eu miˇ neh, sahˬ paˬ-euˬ hawˇ nymˇ laꞈ kʼoeˇ maˬ uˇ keuˆ leˇ ni jawˇ-euˬ meh.

Dawˬmehˬ 23:18

Kʼoeˇ loꞈ-ehˇ mˇ-awˇ za-euˬ pyuˇ kʼoeˇ neh, saˇ jaˇ mˇ byah-eu aˇ poeˬ biꞈ-eu gʼaˇ duˬ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ nymˇ-ahˇ maˬ ya yuˇ laꞈ-a. Muiˬ-eu shawˇ-eu meh maˬ laˇ geuꞈ-eu jeˬ-ahˇ Sahˬpaˬ Miˬyehˇ bye-eu meh.