Maꞈtehˬ 27:53 - Akha

⁵³ Aˬ yawꞈ maꞈ lmˬ bymˇ laꞈ kʼoeˇ neh doˆ laˇ-awˇ, Yeˬsuˇ shiˇ-euˬ paˇ gʼoꞈ dehꞈ laˇ gʼaˬ ngeh, aˬ yawꞈ maꞈ Muiˬ-eu shawˇ-eu Meuˬ-ahˇ uˇ laˇ gaˇ, aˬ cawˬ gʼawˬ mya ni mawˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵³ Yeqsur ghofdaeflar ghaq-euq nar-aq, aqyawfmaf lmqbymr-anr nae dovlar-awr, shawr-eu meuq-anr urlar-eu gar, tsawrhaq ghawqmya’ni aqyawf maf-anr ya’mawr-euq mae.

Maꞈtehˬ 27:53 ပူးပေါင်းရင်းမြစ်များ

Neˬhaˬmiˇ 11:1

Miˇ kʼahˬ-ahˇ uˆ lahˇ-eu aˬ yuiꞈ aˬ tsu deuˬ Yeˬluˇsaˬlehˬ meuˬ-ahˇ jawˇ-euˬ meh. Miˇ kʼahˬ zaˬ deuˬ laꞈ kʼoeˇ, muiˬ-eu shawˇ-eu Yeˬluˇsaˬlehˬ meuˬ-ahˇ bi jawˇ-eu gʼaˇ duˬ tseˇ zawꞈ-ahˇ tiˬ zawꞈ mehˇ beuˬ-awˇ tseˇ doˆ-euˬ meh. Kʼaˇ dzeˇ laˇ-euˬ deuˬ dawˬ tawˆ luꞈ meuˬ nui deuˬ-ahˇ jawˇ-euˬ meh.

Iˇsaˬyaˇ 48:2

Ehˇ kʼawꞈ, nawˇ kʼahˬ sehˇ jehˆ-eu laꞈ kʼoeˇ, muiˬ-eu shawˇ-eu meuˬ-ahˇ jawˇ-eu tsawˇ haˬ pyeuꞈ-awˇ, Baoˬ huiˬ-eu Sahˬpaˬ Miˬyehˇ lehˇ myahˇ taˬ-euˬ, Iˇsaˬleˬlaˆ Miˬyehˇ-ahˇ gʼoe luꞈ ma lehˇ ehˇ-eu meh.

Daˬyeˬlaˇ 9:24

“Shiꞈ tseˇ kʼoꞈ, shiꞈ poˆ lehˇ ehˇ-euˬ-aˬ, nawˬ-euˬ tsawˇ jeuˬ hawˇ-eu naw maꞈ-euˬ muiˬ-eu shawˇ-eu meuˬ-ahˇ iˬ baˇ hawˇ-eu yaw haiˬ jeˬ laꞈ kʼoeˇ ka kʼoꞈ nehˬ-eu gʼaˇ duˬ, Miˬyehˇ neh dza taˬ-euˬ aˇ yamˬ-ahˇ ehˇ-eu meh. Yaw sahˇ laꞈ kʼoeˇ kʼaˇ ya siˬ kʼaˇ ya mawˇ-euˬ loꞈ-ehˇ aˬ diˇ aˬ maˇ keuˆ le-awˇ, muiˬ-eu shawˇ-eu Uˬ duˬ tahˬ nymˇ nymˇ ma paˇ ya a nehˬ-eu aˇ nah bi keuˆ le-eu gʼaˇ duˬ, iˬ baˇ mˇ-eu jeˬ aˇ saˬ bi saˬ le-awˇ, mˬ maˬ maˬ byaˆ zaˇ ziˇ ziꞈ-eu yaw tsaˬ yaw dawˇ jeˬ ziꞈ dah ni bi jaˆ le tehꞈ-a.

Maꞈtehˬ 4:5

Kʼoeˇ naˇ, Nehꞈ sahˬ paˬ kʼoeˇ gʼaˬ Yeˬsuˇ-ahˇ Muiˬ-eu shawˇ-eu Meuˬ pyeuꞈ-eu Yeˬluˇsaˬlehˬ meuˬ-ahˇ sheuˬ gʼeh-awˇ, Uˬ duˬ tahˬ nymˇ nymˇ ma-euˬ kʼaˬ boeˬ goˇ dui dui-eu tsahˇ-ahˇ sheuˬ taˬ-euˬ meh.

Panmaeq 11:2

Ehˇ kʼawꞈ, uˬ duˬ tahˬ nymˇ-euˬ laꞈ nyiˇ pu ka guiˇ ga ceuˬ-ahˇ maˬ dza haw ni bi jaˆ-awˬ. Aˬ jeˬ miˇ neh ehˇ naˇ, kʼoeˇ-aˬ, Muiˬ-eu shawˇ-eu Meuˬ-ahˇ ba la oeˬ tseˇ nyiꞈ siˬ byah ni tsawˬ nawˬ nawˬ le-eu aˬ cawˬ tsawˇ jeuˬ deuˬ gʼaˇ duˬ taˬ taˬ-euˬ jawˇ duˬ pyeuꞈ-eu meh.

Panmaeq 21:2

Kʼoeˇ ngeh, Muiˬ-eu shawˇ-eu Meuˬ pyeuꞈ-eu Yeˬluˇsaˬlehˬ meuˬ-aˬ, smˇ miˇ iˇ-eu lehˇ gʼeh-eu zaˬ miˬ zaˬ tiˬ gʼaˬ yawˬ ha-euˬ kʼaˬ dzeˇ zaˬ jawˇ gaˇ iˇ-eu lehˇ dm gʼaˬ dm lmˇ tiˬ kuꞈ dm-awˇ lehˬ hmˬ taˬ-euˬ loꞈ-ehˇ, mˬ-ahˇ Miˬyehˇ jawˇ gaˇ neh zaꞈ ka le-euˬ meh.

Panmaeq 22:19

Tsawˇ haˬ tiˬ gʼaˬ na, mehˬ hu paw pyeuꞈ laˇ-eu gaˇ kawˆ ehˇ taˬ-euˬ sahˬ boꞈ heu taꞈ laꞈ kʼoeˇ ahˇ-eu dawˬ tiˬ dawˬ na yuˇ dzeh naˇ, sahˬ boꞈ heu taꞈ laꞈ kʼoeˇ ehˇ taˬ-euˬ saꞈ laˇ bi dehꞈ-eu aˇ bawˇ-euˬ aˇ siˬ hawˇ-eu Muiˬ-eu shawˇ-eu Meuˬ-ahˇ jaˆ-eu aˬ yawꞈ-ahˇ oꞈ-eu jeˬ, Miˬyehˇ neh bi yuˇ kʼoꞈ jiˇ tehꞈ-a.