Maꞈtehˬ 27:51 - Akha

⁵¹ Kʼoeˇ ngeh, Uˬ duˬ tahˬ nymˇ nymˇ ma laꞈ kʼoeˇ taw taˬ-euˬ saˬ paˇ lawˆ kaˬ kʼoeˇ, uˬ duˬ-ahˇ neh dawˬ dahˬ-ahˇ doˆ ni, nyiˬ paˆ paˆ-iˇ-euˬ meh. Miˇ tsaˬ tahˬ kʼawˇ luˆ laˇ nyeh laˇ-awˇ, lo guˇ deuˬ tsawˬ paˆ-iˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵¹ Khoerngae, hawsher-eq, uqduq tanqnymr nymrma-euq lafkhoer tawtaq-euq lawvkaq saqpar khoer, laftav-anr nae lafov keuvni, nyiq pav-aer pyaqdov ghae-euq mae. Mirluv luvlar-awr, khaqlo loma deuq tsawqpav lar-euq mae.

Maꞈtehˬ 27:51 ပူးပေါင်းရင်းမြစ်များ

2 Laˬsaˬbaˬ 3:14

Muiˬ dui shawˇ dui dui-eu lawˆ-ahˇ taw taˬ-eu saˬ paˇ lawˆ kaˬ-ahˇ, shawˇ jehˆ ni gʼeh-eu saˬ paˇ, saˬ paˇ paˇ puiˇ, neˇ naˆ naˆ-eu saˬ paˇ hawˇ-eu, saˬ paˇ paˇ neˇ neh guꞈ-awˇ, jeˬluˇbeˬ aˇ baˇ aˇ boꞈ boꞈ taˬ-euˬ meh.

Jaceuq 18:15

Sahˬpaˬ Miˬyehˇ-oˇ, muiˇ-eu deuˬ-ahˇnawˇpehˇlaˇ-awˇ, naˇmehˇnaˇsaꞈbaw gʼeh leꞈngeh, laˆshaˆdawˬdah mawˇjiˇlaˇ-awˇ, miˇtsaˬduˬpuˇneˇmyawˆni meh.

Jaceuq 18:7

Aˬyawꞈnui ma pehˇlaˇ-euˬkʼoeˇ, miˇtsaˬtahˬkʼawˇgah nyeh nyeh-awˇ, gawˬjawˬduˬpuˇyaˇlaˇ-euˬmeh.

Doˆ-iˇ 40:21

Kʼoeˇ naˇ, Bahˬ keuˆ-ahˇ Sehˬ gʼawˆ laꞈ kʼoeˇ baꞈ uˇ-awˇ, saˬ paˇ lawˆ kaˬ taw-euˬ meh. Sahˬpaˬ Miˬyehˇ neh dawˬ kʼaˇ biꞈ taˬ-eu loꞈ-ehˇ jahˇ-awˇ, dawˬ ma saˇ jaˇ bahˬ keuˆ-ahˇ taw lahˇ taˬ-euˬ meh.

Iˇsaˬyaˇ 25:7

Gawˬ jawˬ heu jawˬ kʼoeˇ taˆ, tsawˇ jeuˬ dawˬ tawˆ luꞈ-ahˇ ciˬ tehˬ taˬ-euˬ bi noeˬ shaˬ bi noeˬ zahˬ-eu mˬ dmˇ-ahˇ, ja pyuˬ ni aˬ yawꞈ yuˇ dzeh nehˬ tehꞈ-a.

Uˬ duˬ 16:2

Aˬ yawꞈ ehˇ-eu, “Saˬ paˇ paˇ ma lawˆ kaˬ taw paˆ taˬ-euˬ naˇ kʼah paw dzeˇ jaˆ-eu Muiˬ dui Shawˇ dui dui-eu Jawˇ duˬ-ahˇ, aˇ yamˬ tsaˬ ngeh tehꞈ-ehˇ ya uˇ leˇ meh lehˇ nawˬ-euˬ aˇ doˆ Aˬloˬ-ahˇ ehˇ nehˬ-awˬ. Aˬ jeˬ miˇ neh ehˇ naˇ, jawˇ duˬ kʼoeˇ tsahˇ-ahˇ jaˆ-eu Dawˬ ma saˇ jaˇ Bahˬ keuˆ kʼmˬ pymˬ kʼoeˇ taˆ mˬ dmˇ laꞈ kʼoeˇ ngaˇ zaꞈ le-eu ma. Ngaˬ-euˬ ehˇ dawˬ maˬ naˇ haˬ ni, kʼaˇ uˇ leˇ mawꞈ ngeh uˇ leˇ naˇ, aˬ yawꞈ ya shiˇ tehꞈ-a.

Uˬ duˬ 21:23

Ehˇ kʼawꞈ, aˬ yawꞈ maꞈ-euˬ gʼawˇ mawˇ aˇ sehˇ iˬ baˇ taˬ kʼaˇ za-eu miˇ neh, muiˬ-eu shawˇ-eu saˬ paˇ lawˆ kaˬ dawˬ peh maˬ ehˇ, lawˇ duˬ dawˬ peh maˬ ehˇ, maˬ ya le-a. Kʼoeˇ loꞈ-ehˇ jahˇ-awˇ, muiˬ-eu shawˇ-eu jeˬ-ahˇ aˬ yawꞈ maꞈ maˬ ya laˆ jawꞈ-a. Aˬ jeˬ miˇ neh ehˇ naˇ, ngaˇ-aˬ, aˬ yawꞈ maꞈ-ahˇ bi muiˬ bi shawˇ laˇ-eu Sahˬpaˬ Miˬyehˇ pyeuꞈ-eu ma.”

Haˬbaˬkuˆ 3:10

Gawˬ jawˬ deuˬ nawˬ-ahˇ ya mawˇ ngeh, guˆ dui dui-awˇ yaw dzuˬ dzuˬ meh. Mˬ-ahˇ iˇ cuꞈ shehˆ dzeh leꞈ-awˇ, miˇ oˆ iˇ cuꞈ teˇ saˇ mahˇ-awˇ, iˇ luˆ dzeh goˇ daˆ leꞈ-eu meh.

Haˬbaˬkuˆ 3:13

Nawˬ-euˬ tsawˇ haˬ kʼoeˇ deuˬ hawˇ-eu, nawˬ neh tseˇ doˆ-euˬ sahˬpaˬ-ahˇ, ka kʼoꞈ-eu lehˇ nawˇ iˇ-euˬ meh. Haiˬ-eu sahˬ paˬ-ahˇ kʼoˆ coˬ-awˇ, gʼaˬ zaˬ gʼaˬ kʼehˇ dawˬ tawˆ luꞈ-ahˇ, nawˇ laˆ piˬ laˆ byoˆ nehˬ-euˬ meh.

Bawˇtsahˬ 4:5

Moˇseˬ-ahˇ Sahˬpaˬ Miˬyehˇ heu loꞈ-ehˇ mehˬ nehˬ tsoˆ nehˬ-euˬ meh. Mehˬ hu paw doˆ-iˇ-eu aˇ yamˬ keuˆ laˇ ngeh, Aˬloˬ hawˇ-eu aˬ yawꞈ-euˬ aˬ li deuˬ Sehˬ gʼawˆ laꞈ kʼoeˇ uˇ leˇ-awˇ, Dawˬ ma saˇ jaˇ Bahˬ keuˆ mehˬ shi taw taˬ-euˬ saˬ paˇ ya yuˇ ka-awˇ, Dawˬ ma saˇ jaˇ Bahˬ keuˆ-ahˇ saˬ paˇ kʼoeˇ yuˇ-awˇ ya dehˬ kaˬ meh.

Maꞈtehˬ 27:54

Yeˬsuˇ-ahˇ loꞈ luꞈ-eu yehˇ kʼoeˇ deuˬ hawˇ-eu yehˇ kʼoeˇ deuˬ-ahˇ uˆ lahˇ-eu yaw huiˬ gʼaˬ, miˇ luˆ luˆ-eu hawˇ-eu kʼaˇ pyeuꞈ laˇ-euˬ yawˬ jeˬ na luꞈ-ahˇ ya mawˇ ngeh, guˆ dui dui laˇ-awˇ, “Tsawˇ haˬ heu gʼaˬ maˇ maˇ ni Miˬyehˇ-euˬ Zaˬmaˇ ngaˇ” lehˇ ehˇ-eu meh.

Maꞈtehˬ 28:2

Ja pyuˬ ni miˇ luˆ yaw kʼaˆ-ehˇ luˆ laˇ-awˇ, SahˬpaˬMiˬyehˇ-euˬ mˬ taˆ gʼaˬ kʼehˇ tiˬ gʼaˬ mˬ kʼoeˇ taˆ neh zaꞈ le-awˇ, kʼaˬ lo lo ma kʼoeˇ siˬ ngawˬ dzeh-awˇ, kʼaˬ lo kʼoeˇ siˬ kʼoeˇ taˆ nuiˇ le-euˬ meh.

Maˬkuˆ 15:38

Uˬ duˬ tahˬ nymˇ nymˇ ma laꞈ kʼoeˇ taw taˬ-euˬ saˬ paˇ lawˆ kaˬ kʼoeˇ, uˬ duˬ-ahˇ neh dawˬ dahˬ-ahˇ doˆ ni, nyiˬ paˆ paˆ-iˇ-euˬ meh.

Luˇkaꞈ 23:45

Aˬ jeˬ miˇ neh ehˇ naˇ, nahˇ ma yaw shehꞈ maˬ bya ni naˬ leˇ-euˬ meh. Uˬ duˬ tahˬ nymˇ nymˇ ma laꞈ kʼoeˇ taw taˬ-euˬ saˬ paˇ lawˆ kaˬ nyiˬ paˆ paˆ-iˇ-euˬ meh.

Luˇkaꞈ 23:47

Kʼoeˇ loꞈ-ehˇ pyeuꞈ laˇ-euˬ gaˇ, yehˇ kʼoeˇ deuˬ kʼoeˇ taˆ aˬ yuiꞈ geuꞈ-eu gʼaˬ ya mawˇ ngeh, Miˬyehˇ-euˬ guiˬ lahˬ-ahˇ ja ceuˬ-awˇ, “Tsawˇ haˬ heu gʼaˬ aˬ diˇ aˬ maˇ iˬ baˇ maˬ ahˇ law hawˇ ngaˬ” lehˇ ehˇ-eu eh.

HeˬByehˇ 6:19

Saˇ baoˬ maˬ bi luˆ-iˇ nya ni shmˇ kuˆ seuˬ seuˬ ma neh gʼeu tehˬ taˬ-euˬ loꞈ-ehˇ, aˬ dui dehꞈ-eu jeˬ maˬ poˆ maˬ paˇ laˇ nya ni, aˬ dui-euˬ noeˬ tmˬ-eu jeˬ kʼoeˇ aˬ dui-ahˇ ziꞈ dah ni bi jaˆ-eu meh. Noeˬ tmˬ-eu jeˬ kʼoeˇ aˬ dui-euˬ nui ma-ahˇ ziꞈ dah ni bi pyeuꞈ laˇ-awˇ, aˬ dui noeˬ tmˬ taˬ-euˬ gʼaˬ pyeuꞈ-eu Yeˬsuˇ-aˬ, mˬ kʼoeˇ taˆ jaˆ-eu uˬ duˬ tahˬ nymˇ nymˇ ma-ahˇ taw taˬ-euˬ saˬ paˇ lawˆ kaˬ le dzeuˇ-awˇ, muiˬ-eu shawˇ-eu jawˇ duˬ-ahˇ uˇ keuˆ leˇ-eu meh.

HeˬByehˇ 9:3

Lawˆ kaˬ saˬ paˇ nyiˬ hmˬ tiˬ hmˬ-euˬ naˇ kʼah paw, Muiˬ dui Shawˇ dui dui-eu Jawˇ duˬ lehˇ kuˇ-eu Sehˬgʼawˆ paˇ jaˆ-eu meh.

Panmaeq 11:13

Kʼoeˇ ngeh kʼaˆ tseuˆ ni, miˇ luˆ yaw kʼaˆ-ehˇ luˆ laˇ-euˬ baˬ da neh, meuˬ kʼoeˇ meuˬ-euˬ tseˇ bymˇ tiˬ bymˇ cawˆ-iˇ-awˇ, tsawˇ haˬ shiꞈ heˇ gʼaˬ shiˇ-euˬ meh. Dzeˇ-eu tsawˇ haˬ deuˬ guˆ dui dui-iˇ-awˇ, mˬ taˆ Miˬyehˇ huiˬ dui mahˇ dui dui gaˇ ja ceuˬ tehꞈ-a.

Panmaeq 11:19

Mˬ taˆ jaˆ-eu Miˬyehˇ-euˬ uˬ duˬ tahˬ nymˇ nymˇ ma pah taˬ-awˇ, Dawˬ ma saˇ jaˇ Bahˬ keuˆ mawˇ laˇ-eu meh. Kʼoeˇ ngeh, mˬ myawꞈ myawꞈ-awˇ, teˇ saˇ gʼawˬ mya jeˬ hawˇ-eu mˬ jeˬ jeˬ-eu teˇ saˇ gaˬ le-eu uˬ taꞈ, miˇ luˆ yaw kʼaˆ-ehˇ luˆ-awˇ, uˬ yehˇ aˇ siˬ ga dui dui-eu meh.