Maꞈtehˬ 27:45 - Akha

⁴⁵ Nah loˆ ceh laˇ ngeh, miˇ kʼahˬ kʼoeˇ kʼahˬ kʼahˬ lah-ehˇ zahˇ tsui ni pyeuꞈ-iˇ-awˇ, yaw zahˇ kʼoeˇ naˬ liˬ smˇ laꞈ byah ni jaˆ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁵ Nanlov caelar ngae nae, uqciftaw naqliq smr laf-anr keuvni, mirtsaq dawqtawvluf zanrtsuini pyeuf-ir-euq mae.

Maꞈtehˬ 27:45 ပူးပေါင်းရင်းမြစ်များ

Iˇsaˬyaˇ 50:3

Shiˇ-euˬ tsawˇ haˬ gʼaˇ duˬ tsawˇ ngoeˇ ngoeˇ-eu loꞈ-ehˇ, mˬ zahˇ tsui ni bi pyeuꞈ-iˇ ni ngaˇ jahˇ nya ma.”

Aˬmoˆ 8:9

Nah loˆ ceh ngeh nahˇ ma ga ahˇ-awˇ, nah gʼahˇ nah gaˆ-ahˇ zahˇ tsui ni ngaˇ bi pyeuꞈ laˇ-eu aˇ yamˬ peh le luꞈ meh lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.

Maˬkuˆ 15:25

Aˬ yawꞈ maꞈ aˬ yawꞈ-ahˇ laꞈ yaꞈ kʼoeˇ taˆ taꞈ tehˬ ngeh, uˬ shawˬ paw naˬ liˬ gʼoeˬ laꞈ byah laˇ-euˬ meh.

Yoˇhaˬ 19:14

Kʼoeˇ ngeh nah-aˬ, Baˬsaˬkaˬ Bawˬ-iˬ gʼeh-eu gʼaˇ duˬ lehˬ hmˬ-eu aˇ nah pyeuꞈ-awˇ, nah loˆ ceh laˇ mawꞈ laˇ-euˬ meh, Tsawˇ haˬ kʼoeˇ deuˬ-ahˇ Sahˬ paˬ Piˇlaˆ ehˇ nehˬ-eu, “Naw maꞈ-euˬ sahˬ paˬ-ahˇ haw sheˇ.”

Gʼaˬkʼehˇ 3:1

Tiˬ nah-aˬ, guiˬ lahˬ shaˇ yamˬ pyeuꞈ-eu uˬ ciꞈ uˬ taw paw naˬ liˬ smˇ laꞈ kʼoeˇ yamˬ-ahˇ, Beˬtuˆluˆ hawˇ-eu Yoˇhaˬ aˬ nyaꞈ Uˬ duˬ tahˬ nymˇ nymˇ ma-ahˇ le-euˬ meh.

Panmaeq 8:12

Kʼoeˇ naˇ, mˬ taˆ gʼaˬ kʼehˇ oeˬ gʼaˬ tiˬ gʼaˬ daˇ heh baw ngeh, nahˇ ma smˬ paˆ tiˬ paˆ, ba la smˬ paˆ tiˬ paˆ hawˇ-eu, aˬ guiˇ smˬ bymˇ tiˬ bymˇ-ahˇ zaw leˇ-awˇ, nahˇ ma, ba la , aˬ guiˇ kʼoeˇ deuˬ-euˬ yaw shehꞈ smˬ bymˇ tiˬ bymˇ teˬ-iˇ-euˬ meh. Nah gʼahˇ smˬ bymˇ tiˬ bymˇ hawˇ-eu, uˬ ciꞈ smˬ bymˇ tiˬ bymˇ yaw bya maˬ bya ni pyeuꞈ-iˇ-euˬ meh.

Panmaeq 9:2

Aˬ guiˇ kʼoeˇ siˬ maˬ li-iˇ nya-eu duˬ kʼahˬ-ahˇ pah dzeh-euˬ meh. Kʼoeˇ ngeh, miˬ dzaˬ tsawˬ bu bu ma-ahˇ uˬ kʼoeˬ doˆ laˇ-eu loꞈ-ehˇ, duˬ kʼahˬ kʼoeˇ kʼahˬ uˬ kʼoeˬ du doˆ luꞈ-eu meh. Maˬ li-iˇ nya-eu duˬ kʼahˬ-euˬ uˬ kʼoeˬ kʼoeˇ, nahˇ ma yaw shehꞈ hawˇ-eu jaˬ lehˇ-ahˇ zahˇ tsui ni bi pyeuꞈ-iˇ-euˬ meh.