Maꞈtehˬ 27:41 - Akha

⁴¹ Piˇ ma aˬ yuiꞈ deuˬ, Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu, aˬ yuiꞈ aˬ tsu deuˬ kʼawꞈ, aˬ yawꞈ-ahˇ heu loꞈ-ehˇ naˬ gʼa-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴¹ Pirma aqyuif deuq, zanr maeq-eu deuq hawr-eu aqyuif aqtsu deuq khawf, aqyawf-anr khoerlof-aer aqjaf jafjaf-aer aer-eu,

Maꞈtehˬ 27:41 ပူးပေါင်းရင်းမြစ်များ

Yawˇbaˆ 13:9

Miˬyehˇ naw maꞈ-ahˇ yaw muiˬ paˬ-ehˇ pyehˆ tseˇ haw naˇ, yaw muiˬ tiˬ jeˬ na-ahˇ aˬ yawꞈ ya mawˇ tehꞈ-a loˇ. Tsawˇ haˬ zaˬ-ahˇ mehˇ shuiˇ shuiˇ-eu loꞈ-ehˇ Miˬyehˇ-ahˇ shuiˇ dzaˬ nya ma lehˇ noeˬ te loˇ.

Jaceuq 35:26

Ngaˇshaˬgaˇlaˬkʼaˬcehˇ-eu deuˬ, daˬga-awˇshaˬzahˬnaꞈluꞈ-uˇ. Ngaˬ-ahˇjahˇgʼeh haw-eu kʼoeˇdeuˬ, shaꞈdawˇ-eu jeˬ ya dm luꞈ-uˇ.

Iˇsaˬyaˇ 28:22

Ngaˇ ehˇ gaˇ cehꞈ lehꞈ taˬ ka. Naw maꞈ maˬ dzeuˇ-iˇ nya ni ya shaˬ nmˬ-mˇ. Miˇ kʼahˬ kʼahˬ lah ni laˆ cawˆ-eu gʼaˇ duˬ, Baoˬ huiˬ-eu Sahˬpaˬ Miˬyehˇ noeˬ tsehˆ taˬ-euˬ gaˇ kawˆ, ngaˇ ya gaˬ gʼaˬ-euˬ ma.

Iˇsaˬyaˇ 49:7

Aˬ cawˬ noeˬ teˬ gaˇ ya daˬ-awˇ, miˇ kʼahˬ tsawˇ jeuˬ deuˬ bye dui dui-eu gʼaˬ pyeuꞈ-eu, sahˬ paˬ sahˬ ma deuˬ-euˬ zaˬ kʼaˆ pyeuꞈ-eu gʼaˬ-ahˇ, Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ luꞈ-eu ka kʼoꞈ-eu gʼaˬ heu loꞈ-ehˇ ehˇ nehˬ-euˬ meh. “Nawˇ buˬ-iˇ gaˇ sahˬ paˬ deuˬ ya mawˇ-awˇ, tuˇ-awˇ nawˬ-ahˇ yaw zeu ya baw tehꞈ-a. Sahˬ paˬ zaˬ yo deuˬ kʼawꞈ nawˬ-ahˇ mawˇ ngeh, awˆ byaˆ-awˇ taˬ huiˬ tehꞈ-a.” Sahˬpaˬ Miˬyehˇ aˬ yawꞈ-euˬ zaˬ kʼaˆ-ahˇ tseˇ doˆ nehˬ-euˬ miˇ neh, kʼoeˇ loꞈ-ehˇ ya pyeuꞈ laˇ tehꞈ-a. Iˇsaˬleˬlaˆ-euˬ muiˬ-eu shawˇ-eu Miˬyehˇ-aˬ, aˬ yawꞈ-euˬ saˇ jaˇ dawˬ-ahˇ ziꞈ-eu meh.

Zaˬkaˬliˇ 11:8

Yawˇ bo-eu yaw sahˇ smˇ gʼaˬ nehˬ-ehˇ ngaˇ maˬ tsaˬ leˇ-ehˇ, ba la tiˬ siˬ laꞈ kʼoeˇ aˬ yawꞈ maꞈ-ahˇ ngaˇ byehˇ dzeh-euˬ ma.

Maꞈtehˬ 27:40

Aˬ yawꞈ maꞈ ehˇ-eu, “Uˬ duˬ tahˬ nymˇ nymˇ ma-ahˇ deh pyaˆ deh shaˆ jiˇ-awˇ, smˬ nah laꞈ kʼoeˇ tsoˆ kʼoꞈ nya-eu gʼaˬ-oˇ, yawˬ haˇ yawˬ ha ka kʼoꞈ-awˬ tawˇ. Nawˇ Miˬyehˇ-euˬ Zaˬmaˇ ngeuˇ-eu jeˬ maˇ-iˬ, laꞈ yaꞈ kʼoeˇ taˆ neh zaꞈ ka le-awˬ tawˇ.”

Maꞈtehˬ 27:42

“Aˬ yawꞈ aˬ cawˬ-ahˇ ka kʼoꞈ nya-euˬ kʼawꞈ, yawˬ haˇ yawˬ ha maˬ ka kʼoꞈ nya law hawˇ ngaˬ laˬ. Aˬ yawꞈ Iˇsaˬleˬlaˆ tsawˇjeuˬ-euˬ sahˬ paˬ maˬ ngeuˇ-a loˇ. Nymˬ-mˇ aˬ yawꞈ laꞈ yaꞈ kʼoeˇ taˆ neh zaꞈ ka le nya law nmˇ-aˬ, aˬ dui maꞈ aˬ yawꞈ-ahˇ jah tehꞈ-a tawˇ.

Luˇkaꞈ 18:32

Aˬ yawꞈ-ahˇ aˬ cawˬ tsawˇ jeuˬ-euˬ aˬ laꞈ laꞈ kʼoeˇ a nehˬ-awˇ, bi naˬ gʼa-awˇ, yehˬ bawˬ sehˇlu-ehˇ bi gʼeh-awˇ, duˬ kʼaˬ bi kʼa daˆ tehꞈ-a.

Luˇkaꞈ 22:52

Kʼoeˇ naˇ, piˇ ma aˬ yuiꞈ deuˬ, Uˬ duˬ tahˬ nymˇ nymˇ ma-ahˇ loꞈ piˇ-eu guiˇ maꞈ deuˬ kʼoeˇ taˆ uˆ lahˇ-eu yaw huiˬ yaw mahˇ deuˬ hawˇ-eu, Uˬ duˬ tahˬ nymˇ nymˇ ma laꞈ kʼoeˇ aˬ yuiꞈ aˬ tsu geuꞈ luꞈ-eu deuˬ -ahˇ, Yeˬ suˇ heu loꞈ-ehˇ ehˇ nehˬ-eu meh. “Smˇ kʼoeˬ tahˇ joe-ahˇ nyehꞈ-eu loꞈ-ehˇ, mi cehˇ hawˇ-eu daˇ kawˬ baꞈ-awˇ naw maꞈ ngaˬ-ahˇ ya nyehꞈ laˇ ta loˇ.

Luˇkaꞈ 23:35

Tsawˇ haˬ gʼawˬ mya ni kʼoeˇ gaˇ yawꞈ-awˇ haw luꞈ ngeh, Yuˇdaˆ tsawˇ haˬ aˬ yuiꞈ aˬ tsu deuˬ Yeˬsuˇ-ahˇ naˬ gʼa naˬ gʼa-ehˇ ehˇ-eu, “Aˬ yawꞈ aˬ cawˬ-ahˇ ka kʼoꞈ-euˬ meh. Aˬ yawꞈ-aˬ, Miˬyehˇ neh Tseˇ doˆ-euˬ Gʼaˬ lehˇ ehˇ-eu Ka li ngeuˇ naˇ, yawˬ haˇ yawˬ ha ka kʼoꞈ luꞈ-uˇ.”