Maꞈtehˬ 27:40 - Akha

⁴⁰ Aˬ yawꞈ maꞈ ehˇ-eu, “Uˬ duˬ tahˬ nymˇ nymˇ ma-ahˇ deh pyaˆ deh shaˆ jiˇ-awˇ, smˬ nah laꞈ kʼoeˇ tsoˆ kʼoꞈ nya-eu gʼaˬ-oˇ, yawˬ haˇ yawˬ ha ka kʼoꞈ-awˬ tawˇ. Nawˇ Miˬyehˇ-euˬ Zaˬmaˇ ngeuˇ-eu jeˬ maˇ-iˬ, laꞈ yaꞈ kʼoeˇ taˆ neh zaꞈ ka le-awˬ tawˇ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁰ Aqyawfmaf aer-eu, “Uqduq tanqnymr nymrma pyavdzae-awr, smq nan-euq lafkhoer tsovparkhof ma laer aer-eu ghaq-or! Yawqhar yawqha bibuq-ir-awq lawr. Nawr, Miqyaer-euq Zaqyo ngeur nar-aq, lafyaq-anr nae zafkale sher-eq.”

Maꞈtehˬ 27:40 ပူးပေါင်းရင်းမြစ်များ

Maꞈtehˬ 16:4

Iˬ nah aˇ yamˬ-ahˇ dehꞈ luꞈ-eu tsawˇ haˬ deuˬ, zahˇ sahˇ kʼoꞈ maˬ baw ni aˇ naˆ ni haiˬ-eu nga. Kʼaˆ jeˬ-ehˇ gʼeh-eu jeˬ mˇ mehˬ nehˬ laꞈ lehˇ, naw maꞈ ngaˬ-ahˇ ehˇ-eu meh. Yawˇnaˆ-euˬ gaˇ kawˆ zahˬ leˇ paˬ-ehˇ gʼeh-eu kʼoeˇ maˬ ngeuˇ naˇ, naw maꞈ-ahˇ ngaˇ nui jeˬ maˬ mehˬ nehˬ.” Kʼoeˇ naˇ, aˬ yawꞈ maꞈ jawˇ gaˇ neh aˬ yawꞈ doˆ-iˇ-euˬ meh.

Maꞈtehˬ 26:61

Aˬ yawꞈ nyaꞈ ehˇ-eu, “Tsawˇ haˬ teu gʼaˬ, Miˬyehˇ-euˬ Uˬ duˬ tahˬ nymˇ nymˇ ma-ahˇ deh pyaˆ dzeh jiˇ-awˇ, smˬ nah laꞈ kʼoeˇ paˇ tsoˆ kʼoꞈ nya ma lehˇ ehˇ-eu meh.”

Maꞈtehˬ 27:41

Piˇ ma aˬ yuiꞈ deuˬ, Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu, aˬ yuiꞈ aˬ tsu deuˬ kʼawꞈ, aˬ yawꞈ-ahˇ heu loꞈ-ehˇ naˬ gʼa-eu meh.

Maꞈtehˬ 27:42

“Aˬ yawꞈ aˬ cawˬ-ahˇ ka kʼoꞈ nya-euˬ kʼawꞈ, yawˬ haˇ yawˬ ha maˬ ka kʼoꞈ nya law hawˇ ngaˬ laˬ. Aˬ yawꞈ Iˇsaˬleˬlaˆ tsawˇjeuˬ-euˬ sahˬ paˬ maˬ ngeuˇ-a loˇ. Nymˬ-mˇ aˬ yawꞈ laꞈ yaꞈ kʼoeˇ taˆ neh zaꞈ ka le nya law nmˇ-aˬ, aˬ dui maꞈ aˬ yawꞈ-ahˇ jah tehꞈ-a tawˇ.

Maꞈtehˬ 27:54

Yeˬsuˇ-ahˇ loꞈ luꞈ-eu yehˇ kʼoeˇ deuˬ hawˇ-eu yehˇ kʼoeˇ deuˬ-ahˇ uˆ lahˇ-eu yaw huiˬ gʼaˬ, miˇ luˆ luˆ-eu hawˇ-eu kʼaˇ pyeuꞈ laˇ-euˬ yawˬ jeˬ na luꞈ-ahˇ ya mawˇ ngeh, guˆ dui dui laˇ-awˇ, “Tsawˇ haˬ heu gʼaˬ maˇ maˇ ni Miˬyehˇ-euˬ Zaˬmaˇ ngaˇ” lehˇ ehˇ-eu meh.

Maꞈtehˬ 4:3

Kʼoeˇ ngeh, Nehꞈ sahˬ paˬ aˬ yawꞈ jawˇ gaˇ oe-awˇ ehˇ-eu, “Nawˇ Miˬyehˇ-euˬ Zaˬ maˇ pyeuꞈ-eu ngeuˇ naˇ, kʼaˬ lo heu deuˬ-ahˇ kaˬ muˇ pyeuꞈ laˇ-awˬ lehˇ dawˬ biꞈ-awˬ tawˇ.”

Maꞈtehˬ 4:6

Aˬ yawꞈ ehˇ-eu, “Nawˇ Miˬyehˇ-euˬ Zaˬ maˇ pyeuꞈ-eu ngeuˇ naˇ, heu gaˇ neh tsawˬ ka haw sheˇ. ‘Miˬyehˇ neh aˬ yawꞈ-euˬ mˬ taˆ gʼaˬ kʼehˇ deuˬ-ahˇ kʼehˇ-awˇ, nawˬ-euˬ aˬ kuiˇ kʼaˬ lo-ahˇ maˬ bi ga zaw ni nawˬ-ahˇ bi ciˬ le tehꞈ-a’ lehˇ Jaˇ liꞈ laꞈ kʼoeˇ boꞈ taˬ-euˬ jaˆ meh.”

Luˇkaꞈ 16:31

Ehˇ kʼawꞈ, Aˬbyaˬhaˬ ehˇ-eu, ‘Moˇseˬ hawˇ-eu Miˬyehˇ gʼaˇ duˬ ngehˬ da-eu deuˬ-euˬ dawˬ-ahˇ aˬ yawꞈ maꞈ maˬ naˇ haˬ naˇ, shiˇ-euˬ tsawˇ haˬ gʼoꞈ dehꞈ laˇ-awˇ ehˇ nehˬ-iˇ kʼawꞈ, aˬ yawꞈ maꞈ maˬ jah-aˇ.”’

Panmaeq 11:10

Aˬ yawꞈ nyaꞈ shiˇ-euˬ baˬ da neh miˇ tsaˬ zaˬ deuˬ laˬ kʼaˬ cehˇ tehꞈ-a. Aˬ yawꞈ maꞈ bawˬ-iˬ gʼeh-awˇ, tiˬ gʼaˬ tiˇ gʼaˬ laꞈ sawˬ biꞈ ha tehꞈ-a. Aˬ jeˬ miˇ neh ehˇ naˇ, Miˬyehˇ gʼaˇ duˬ ngehˬ dah-eu kʼoeˇ nyiˬ gʼaˬ neh miˇ tsaˬ zaˬ deuˬ kʼoeˇ taˆ shaˬ dui zahˬ dui dui-eu jeˬ bi keuˆ le-euˬ meh.