Maꞈtehˬ 27:32 - Akha

³² Aˬ yawꞈ maꞈ doˆ-iˇ luꞈ ngeh, Kuˇleˬniˬ meuˬ-ahˇ jawˇ-eu Siˇmoˬ lehˇ myahˇ-euˬ tsawˇ haˬ tiˬ gʼaˬ-ahˇ aˬ yawꞈ maꞈ ya mawˇ-awˇ, yehˇ kʼoeˇ deuˬ neh aˬ yawꞈ-ahˇ nyehꞈ tehˬ-awˇ, Yeˬsuˇ-euˬ laꞈ yaꞈ bi baꞈ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³² Aqyawfmaf dov-ir luf ngae, Kurleqniq-anr jawr-eu Sirmoq laer kur-eu tiq ghaq-anr mawr-awr, aqyawf-anr katir-awr nae, Yeqsur-euq lafyaq bibaf-euq mae.

Maꞈtehˬ 27:32 ပူးပေါင်းရင်းမြစ်များ

1 Sahˬpaˬ 21:10

Tsawˇ haˬ yaw haiˬ tiˬ gʼaˬ nyiˬ gʼaˬ-ahˇ kʼehˇ-awˇ, Miˬyehˇ hawˇ-eu sahˬ paˬ aˬ nyaꞈ-ahˇ Naˬboˆ neh yaˬ kʼehˇ yaˬ-euˬ meh lehˇ jaˬ myawꞈ bi myawꞈ-awˬ. Kʼoeˇ naˇ, aˬ yawꞈ-ahˇ meuˬ laꞈ nyiˇ sheuˬ doˆ gʼeh-awˇ, kʼaˬ lo biˬ sehꞈ-awˬ.”

1 Sahˬpaˬ 21:13

“Miˬyehˇ hawˇ-eu sahˬ paˬ-ahˇ Naˬboˆ neh yaˬ kʼehˇ yaˬ-euˬ meh” lehˇ, tsawˇ haˬ heu myaˆ ni gʼeh-eu mehˬ shi haiˬ-eu tsawˇ haˬ kʼoeˇ nyiˬ gʼaˬ saˇ kiˇ kamˬ-euˬ meh. Kʼoeˇ ngeh, Naˬboˆ-ahˇ meuˬ laꞈ nyiˇ sheuˬ doˆ gʼeh-awˇ, kʼaˬ lo neh biꞈ sehꞈ-euˬ meh.

Uˬ duˬ 4:12

Sehˬ gʼawˆ-euˬ laꞈ nyiˇ paw kʼaˬ lehˇ tawˆ dzeh-eu muiˬ-eu shawˇ-eu jawˇ duˬ-ahˇ aˬ yawꞈ yuˇ gʼeh-awˇ, miˬ dzaˬ ya dzah puiˆ meh.

Uˬ duˬ 4:21

Kʼoeˇ naˇ, aˬ yawꞈ-euˬ iˬ baˇ gʼaˇ duˬ lawˇ-euˬ mawˇ neˇ mawˇ gaw kʼoeˇ mawˇ-ahˇ dzah puiˆ-euˬ loꞈ-ehˇ, heu mawˇ-ahˇ kʼawꞈ, Sehˬ gʼawˆ laꞈ nyiˇ yuˇ doˆ-awˇ, ya dzah puiˆ meh. Heu-aˬ, Iˇsaˬleˬlaˆ tsawˇ haˬ aˇ maꞈ aˇ muˇ deuˬ-euˬ iˬ baˇ yuˇ dzeh-eu gʼaˇ duˬ lawˇ-eu jeˬ pyeuꞈ-eu meh.

Uˬ duˬ 4:3

Piˇ ma yaw huiˬ gʼaˬ iˬ baˇ mˇ-awˇ, Iˇsaˬleˬlaˆ tsawˇ haˬ deuˬ kʼoeˇ taˆ iˬ baˇ keuˆ le naˇ, maˇ byawꞈ maˬ baw-eu mawˇ neˇ mawˇ gaw zaˬ tiˬ mawˇ aˬ yawꞈ tsahˇ laꞈ-awˇ, aˬ yawꞈ-euˬ iˬ baˇ gʼaˇ duˬ, Sahˬpaˬ Miˬyehˇ-ahˇ ya lawˇ meh.

Maꞈtehˬ 16:24

Kʼoeˇ naˇ, zaˬ lahˇ deuˬ-ahˇ Yeˬsuˇ heu loꞈ-ehˇ ehˇ nehˬ-euˬ meh. “Tsawˇ haˬ aˬ geu gʼaˬ maˬ kaˬ, ngaˬ-euˬ mehˬ nah caw teh laˇ mawꞈ naˇ, yawˬ ha-euˬ nui kʼahˇ ya byehˇ dzeh-eu uˬ taꞈ, yawˬ ha-euˬ laꞈ yaꞈ baꞈ-awˇ, ngaˬ-euˬ mehˬ nah ya laˇ meh.

Maꞈtehˬ 5:41

Tsawˇ haˬ tiˬ gʼaˬ na nawˬ-ahˇ kʼaˆ gʼaˬ-awˇ, tiˬ laˇ kaˬ gaˇ keuˆ ni bi caw teh le mawꞈ naˇ, nyiˬ laˇ kaˬ gaˇ keuˆ ni caw teh nehˬ-awˬ.

Maˬkuˆ 15:21

Aˬ yawꞈ maꞈ gaˇ pehˇ le luꞈ ngeh, pu paw neh meuˬ-ahˇ laˇ luꞈ-eu Siˇmoˬ lehˇ myahˇ-euˬ gʼaˬ-ahˇ mawˇ-awˇ, yehˇ deuˬ neh aˬ yawꞈ-ahˇ nyehꞈ-awˇ, Yeˬsuˇ-euˬ laꞈ yaꞈ bi baꞈ-euˬ meh. (Siˇmoˬ-aˬ, Kuˇleˬniˬ meuˬ-ahˇ jawˇ-eu meh. Aˬleˬsaˬduˇ hawˇ-eu Luˇpuˇ-euˬ aˬ da meh.)

Luˇkaꞈ 23:26

Aˬ yawꞈ maꞈ aˬ yawꞈ-ahˇ sheuˬ gʼeh luꞈ ngeh, pu paw neh meuˬ-ahˇ laˇ luꞈ-eu Kuˇleˬniˬ meuˬ-ahˇ jawˇ-eu Siˇmoˬ-ahˇ nyehꞈ-awˇ, laꞈ yaꞈ baꞈ daˆ nehˬ-awˇ, Yeˬsuˇ-euˬ mehˬ nah bi cah-euˬ meh.

Yoˇhaˬ 19:17

Aˬ yawꞈ-aˬ yawˬ ha-euˬ laꞈ yaꞈ baꞈ-awˇ Uˬ duˬ kʼmˬ lehˇ kuˇ-eu jawˇ duˬ-ahˇ le keuˆ-euˬ meh. Jawˇ duˬ kʼoeˇ tsahˇ-ahˇ, Heˬbyehˇ dawˬ Gawˇlaˬgawˇda lehˇ kuˇ-eu meh.

Gʼaˬkʼehˇ 11:20

Ehˇ kʼawꞈ, Guˇbaˬluˇ iˇ jaw lahˇ hawˇ-eu Kuˇleˬniˬ miˇ kʼahˬ-ahˇ jawˇ-eu jah-eu tsawˇ haˬ tiˬ deuˬ-aˬ, Aˬdiˇawˬ meuˬ-ahˇ le-awˇ, Yuˇdaˆ tawˇ haˬ maˬ ngeuˇ-eu deuˬ-ahˇ kʼawꞈ guiˬ lahˬ dawˬ mehˬ-awˇ, Sahˬpaˬ Yeˬsuˇ Ka li gaˇ kawˆ Laˬ kʼaˬ cehˇ-eu Guiˬ lahˬ dawˬ ja mehˬ-euˬ meh.

Gʼaˬkʼehˇ 13:1

Aˬdiˇawˬ Ka li zaˬ aˇ muˇ laꞈ kʼoeˇ, Miˬyehˇ gʼaˇ duˬ ngehˬ dah-eu deuˬ hawˇ-eu mehˬ-eu tsoˆ-eu saˬ laˬ deuˬ jawˇ-eu meh. Tsawˇ haˬ kʼoeˇ deuˬ-aˬ, Baˬnaˬbaˇ, Niˇgaˬ lehˇ kuˇ-eu Suˇmoˬ, Kuˇleˬniˬ miˇ kʼahˬ-ahˇ neh laˇ-euˬ Luˇgiˇ, sahˬ paˬ Heˬloˆ nehˬ-ehˇ tiˬ kawˆ loꞈ-ehˇ huiˬ laˇ-euˬ Maˬneˬ hawˇ-eu, Sawˇluˆ aˬ ha maꞈ meh.

Gʼaˬkʼehˇ 2:10

Puˬgiˇ miˇ kʼahˬ, Paˬbuˇliˇ miˇ kʼahˬ, Iˇjiˇtuˆ miˇ kʼahˬ, Kuˇleˬniˬ miˇ kʼahˬ dawˬ peh jaˆ-eu Liˆbyaˇ miˇ kʼahˬ, heu deuˬ doe ni tiˬ paw tiˬ gʼaˬ-ehˇ jawˇ-eu tsawˇ haˬ deuˬ ma. Aˬ dui tiˬ paˆ na deuˬ-aˬ, Loˇmaˆ meuˬ-ahˇ jawˇ-eu oe taˬ-euˬ meh.

Gʼaˬkʼehˇ 6:9

Kuˇleˬniˬ meuˬ hawˇ-eu Aˬleˬsaˬduˇ meuˬ-ahˇ jawˇ-eu Yuˇdaˆ tsawˇ haˬ deuˬ ahˇ leˇ taˬ-euˬ, Buˬ-iˇ-euˬ tsawˇ haˬ deuˬ -euˬ uˬ duˬ tahˬ nymˇ lehˇ ehˇ-eu aˇ muˇ kʼoeˇ muˇ-ahˇ taꞈ-eu tsawˇ haˬ deuˬ hawˇ-eu, Giˇliˇciˆ miˇ kʼahˬ hawˇ-eu Aˬshaˆ miˇ kʼahˬ-ahˇ jawˇ-eu Yuˇdaˆ tsawˇ haˬ tiˬ paˆ na deuˬ tuˇ laˇ-awˇ, Saˬteˬpaˬ-ahˇ tsawˇ pyehˇ pyehˇ-euˬ meh.

Gʼaˬkʼehˇ 7:58

Kʼoeˇ naˇ, aˬ yawꞈ-ahˇ meuˬ laꞈ nyiˇ biˬ doˆ-awˇ, kʼaˬ lo neh biˬ-euˬ meh. Saˇ kiˇ geuꞈ-awˇ haw le-euˬ tsawˇ haˬ deuˬ-aˬ, aˬ yawꞈ maꞈ-euˬ pehˇ kʼahˬ lehˆ taˬ yaꞈ-awˇ, Sawˇluˆ lehˇ kuˇ-eu zaˬ guˬ tiˬ gʼaˬ neh bi haw yaꞈ-euˬ meh.