Maꞈtehˬ 27:29 - Akha

²⁹ Aˬ yawꞈ maꞈ aˬ gah ciˇ ni neh sahˬ paˬ kʼoˆ-eu shuiˇ uˬ kʼoˆ loꞈ-ehˇ jahˇ-awˇ, Yeˬsuˇ-ahˇ bi kʼoˆ-euˬ meh. Aˬ yawꞈ-euˬ aˇ maˇ laꞈ-ahˇ aˇ toꞈ tiˬ kahˬ bi yuˇ-euˬ meh. Kʼoeˇ naˇ, aˬ yawꞈ-euˬ mehˬ shi pawˬ tsuiꞈ pawˬ dmˬ dmˬ-awˇ, “Yuˇdaˆ sahˬ paˬ ziˇ baw ziˇ za luꞈ-uˇ” lehˇ naˬ gʼa-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁹ Aqyawfmaf, aqgan cirni nae uqdzanq lof-aer dzeuf-awr, aqyawf-euq uqduq-anr bikhov-euq mae. Aqyawf-euq armar laf-anr artof-euq arkanq tiq kanq bi tuvtaeq-awr, aqyawf-euq maeqshi pawqtsuif pawqdmq dmq-awr aqjaf jafjaf-aer aer-eu, “Yurdav tsawrhaq-euq Sanqpaq zirbaw zirza luf-ur.”

Maꞈtehˬ 27:29 ပူးပေါင်းရင်းမြစ်များ

Jaceuq 69:7

Nawˬ-euˬ dah zaˇ dawˬ doeˇ ngaˇ daˬ-awˇ, myaˆ pyawˬ naˇ mehˇ maˬ jaˆ ni shaˬ luꞈ-eu ma.

Iˇsaˬyaˇ 49:7

Aˬ cawˬ noeˬ teˬ gaˇ ya daˬ-awˇ, miˇ kʼahˬ tsawˇ jeuˬ deuˬ bye dui dui-eu gʼaˬ pyeuꞈ-eu, sahˬ paˬ sahˬ ma deuˬ-euˬ zaˬ kʼaˆ pyeuꞈ-eu gʼaˬ-ahˇ, Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ luꞈ-eu ka kʼoꞈ-eu gʼaˬ heu loꞈ-ehˇ ehˇ nehˬ-euˬ meh. “Nawˇ buˬ-iˇ gaˇ sahˬ paˬ deuˬ ya mawˇ-awˇ, tuˇ-awˇ nawˬ-ahˇ yaw zeu ya baw tehꞈ-a. Sahˬ paˬ zaˬ yo deuˬ kʼawꞈ nawˬ-ahˇ mawˇ ngeh, awˆ byaˆ-awˇ taˬ huiˬ tehꞈ-a.” Sahˬpaˬ Miˬyehˇ aˬ yawꞈ-euˬ zaˬ kʼaˆ-ahˇ tseˇ doˆ nehˬ-euˬ miˇ neh, kʼoeˇ loꞈ-ehˇ ya pyeuꞈ laˇ tehꞈ-a. Iˇsaˬleˬlaˆ-euˬ muiˬ-eu shawˇ-eu Miˬyehˇ-aˬ, aˬ yawꞈ-euˬ saˇ jaˇ dawˬ-ahˇ ziꞈ-eu meh.

Iˇsaˬyaˇ 53:3

Aˬ dui aˬ yawꞈ-ahˇ maˬ haw nahˇ-ehˇ byehˇ dzeh-euˬ ma. Shaˬ zahˬ dawˬ tawˆ luꞈ-ahˇ aˬ yawꞈ awˆ daˬ-euˬ meh. Tsawˇ haˬ tiˬ gʼaˬ-iˬ aˬ yawꞈ-ahˇ maˬ haw cawˬ nehˬ-a. Tiˬ jeˬ-iˬ gaˇ dahˇ maˬ tsoeˬ-eu tsawˇ haˬ loꞈ-ehˇ, aˬ yawꞈ-ahˇ aˬ dui yaw zeu maˬ baw-aˬ.

Yeˬlaˬmiˇ 20:7

Sahˬpaˬ Miˬyehˇ-oˇ, nawˇ ngaˬ-ahˇ mehˇ shuiˇ shuiˇ-awˇ, ngaˇ nawˬ-euˬ mehˇ shuiˇ shuiˇ duˬ ma. Ngaˇ naˆ maˬ tseˇ nawˇ gʼaˬ kʼaˆ-awˇ, ngaˬ-ahˇ zuiˆ gʼaˬ-eu meh. Yawˬ gʼaˬ na luꞈ ngaˬ-ahˇ cehꞈ lehꞈ ka-awˇ, nah doˆ le ngeh naˬ gʼa-eu meh.

Maꞈtehˬ 20:19

Kʼoeˇ naˇ, Miˬyehˇ-ahˇ maˬ siˬ nya-eu aˬ cawˬ tsawˇ jeuˬ-euˬ aˬ laꞈ laꞈ kʼoeˇ a nehˬ-awˇ, aˬ yawꞈ-ahˇ yehˬ bawˬ sehˇ lu-ehˇ bi ehˇ niˇ gʼa-awˇ, yahˬ caˆ neh bi juiꞈ-awˇ, laꞈ yaꞈ kʼoeˇ taˆ bi taꞈ sehꞈ tehꞈ-a. Ehˇ kʼawꞈ, smˬ nah byah laˇ naˇ, Miˬyehˇ aˬ yawꞈ-ahˇ paˇ bi gʼoꞈ dehꞈ laˇ tehꞈ-a.”

Maꞈtehˬ 26:49

Yuˇdaˆ-aˬ, Yeˬsuˇ jawˇ gaˇ dawˇ coe ni iˇ-awˇ, “Saˬ laˬ-oˇ, nawˬ-ahˇ nui saˇ oꞈ luꞈ-uˇ” lehˇ ehˇ-awˇ, mehˬ cuˇ cuˇ nehˬ-euˬ meh.

Maꞈtehˬ 27:37

“Tsawˇ haˬ heu gʼaˬ Yuˇdaˆ tsawˇ haˬ-euˬ sahˬ paˬ pyeuꞈ-eu Yeˬsuˇ meh” lehˇ boꞈ taˬ-euˬ, aˬ yawꞈ-ahˇ yaw lehˬ no-euˬ dawˬ kʼoeˇ dawˬ, aˬ yawꞈ-euˬ uˬ duˬ kʼoeˇ taˆ paw dzeˇ taꞈ myahˬ taˬ-euˬ meh.

Maˬkuˆ 15:17

Aˬ yawꞈ maꞈ Yeˬsuˇ-ahˇ neˇ naˆ naˆ-eu pehˇ kʼahˬ pehˇ mahˇ nyehꞈ dm nehˬ-awˇ, aˬ gah ciˇ ni neh shuiˇ uˬ kʼoˆ loꞈ-ehˇ daˇ kʼahˇ kʼahˇ-awˇ, aˬ yawꞈ-euˬ uˬ duˬ-ahˇ nyehꞈ kʼoˆ nehˬ-euˬ meh.

Maˬkuˆ 15:18

Kʼoeˇ naˇ, aˬ yawꞈ maꞈ aˬ laꞈ baꞈ diˇ-awˇ, aˬ yawꞈ-ahˇ yaw zeu baw nehˬ-eu loꞈ-ehˇ jahˇ niˇ gʼa-awˇ, “Yuˇdaˆ tsawˇ haˬ-euˬ sahˬ paˬ ziˇ baw ziˇ za luꞈ-uˇ” lehˇ ehˇ niˇ gʼa-eu meh.