Maꞈtehˬ 27:19 - Akha

¹⁹ Yaˇ kʼaˬ daˇ-eu nuiˇ mahˬ kʼoeˇ taˆ sahˬ paˬ Piˇlaˆ nuiˇ luꞈ ngeh, aˬ yawꞈ-euˬ nymˇ dahˬ heu loꞈ-ehˇ dawˬ tsaꞈ tsaꞈ ahˇ leꞈ-euˬ meh. “Iˬ baˇ maˬ ahˇ-eu tsawˇ haˬ kʼoeˇ gʼaˬ-ahˇ tiˬ jeˬ-iˬ taˬ jahˇ. Miˇ ciꞈ ngaˇ yuꞈ maˆ maˆ-eu laꞈ kʼoeˇ, aˬ yawꞈ baˬ da neh shaˬ zahˬ mˇ dui dui-euˬ ma.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ Pirlav yarkhaq dar-eu nuirmanq-anr nuirluf ngae, aqyawf-euq nymrdanq dawqtsaf heulof-aer tsafanr lef-euq mae, “Nawr, tsaq-awr dawr-eu tsawrhaq teughaq-anr tiqjeq-iq taqjanr. Iqnan ngar yufmav mav-eu lafkhoer, aqyawf-euq baqda’nae shaqzanq yadaq duidui-euq ma.”

Maꞈtehˬ 27:19 ပူးပေါင်းရင်းမြစ်များ

Aˇ dahˬ 31:11

Yuꞈ maˆ maˆ-eu laꞈ kʼoeˇ, Miˬyehˇ gʼaˬ kʼehˇ ngaˬ-ahˇ kuˇ le-awˇ, ngaˇ oˬ toˬ nehˬ-euˬ ma.

Aˇ dahˬ 31:24

Kʼoeˇ ngeh miˇ, yuꞈ maˆ laꞈ kʼoeˇ Laˬbaˬ jawˇ gaˇ Miˬyehˇ oe-awˇ, “Tiˬ jeˬ gʼeh-awˇ neh-iˬ Yaˬkoˆ-ahˇ maˬ ya laˆ guˆ-eu gʼaˇ duˬ, yaw kʼaˆ kʼaˆ-ehˇ yahˇ-awˬ” lehˇ ehˇ nehˬ le-euˬ meh.

Aˇ dahˬ 31:29

Nymˬ-mˇ poˆ jawˇ-aˬ, ngaˇ nawˬ-ahˇ yehˬ bawˬ-ehˇ jahˇ nehˬ mawꞈ law nmˇ-aˬ, jahˇ nya ma. Ehˇ kʼawꞈ, ‘Tiˬ jeˬ gʼeh-awˇ neh-iˬ nawˬ-ahˇ taˬ laˆ guˆ nehˬ’ lehˇ, nawˬ da-euˬ Miˬyehˇ miˇ ciꞈ ngaˬ-ahˇ ehˇ le-euˬ meh.

Dawqdaq 29:1

Ngehˬ-ehˇ mehˬ naˇ ngehˬ-ehˇ nui ma huiˬ-eu tsawˇ haˬ, tiˬ nah ya shaˬ byoˆ leꞈ tehꞈ-a.

Iˇsaˬyaˇ 53:11

Shaˬ-eu zahˬ-euˬ jeˬ-ahˇ aˬ yawꞈ dehꞈ dzeuˇ gʼaˬ ngeh, nui saˇ oꞈ-eu laꞈ kʼoeˇ paˇ ya dehꞈ-awˇ, shaˬ-eu zahˬ-eu jeˬ-ahˇ ya daˬ-euˬ kʼoeˇ, yawˬ ngehꞈ maˬ ngeuˇ-a lehˇ ya siˬ tehꞈ-a. Ngaˇ nui kʼahˇ shiˇ-eu ngaˬ-euˬ zaˬ kʼaˆ-aˬ, tsawˇ haˬ gʼawˬ mya gʼaˇ duˬ kʼehˬ-eu kʼaˆ-eu jeˬ-ahˇ daˬ-awˇ, aˬ yawꞈ baˬ da neh tsawˇ haˬ kʼoeˇ deuˬ-ahˇ ngaˇ iˬ baˇ pyehˬ ma.

Zaˬkaˬliˇ 9:9

Ziˇoˬ tsawˇ haˬ laˬ kʼaˬ cehˇ-awˬ. Yeˬluˇsaˬlehˬ meuˬ-euˬ tsawˇ haˬ, laˬ kʼaˬ cehˇ-awˇ guˇ dui dui-awˬ. Naw maꞈ-euˬ sahˬpaˬ oe luꞈ meh. Aˬ yawꞈ baoˬ kʼahˬ sehˇ huiˬ-eu kʼawꞈ, nui nahˬ nui yu ahˇ-eu laꞈ kʼoeˇ, mahˬ tahˬ laˆ zaˬ-ahˇ dziˬ-eu meh.

Bawˇtsahˬ 12:6

Sahˬpaˬ Miˬyehˇ ehˇ-eu, “Ngaˇ ehˇ gaˇ naˇ haˬ-awˬ. Naw maꞈ laꞈ kʼoeˇ Miˬyehˇ gʼaˇ duˬ ngehˬ dah-eu deuˬ jawˇ naˇ, yaw sahˇ laꞈ kʼoeˇ aˬ yawꞈ maꞈ-ahˇ ngaˇ pah mehˬ nehˬ-awˇ, yuꞈ maˆ maˆ-eu laꞈ kʼoeˇ ngaˇ dawˬ ngehˬ cawˬ ma.

Maꞈtehˬ 1:20

Kʼoeˇ loꞈ-ehˇ shaˇ noeˬ luꞈ-eu aˇ yamˬ-ahˇ, aˬ yawꞈ yuꞈ maˆ maˆ-eu laꞈ kʼoeˇ, Sahˬpaˬ Miˬyehˇ-euˬ mˬ taˆ gʼaˬ kʼehˇ tiˬ gʼaˬ aˬ yawꞈ jawˇ gaˇ doˆ le-awˇ, heu loꞈ-ehˇ ehˇ-eu meh. “Daˬbiˇ-euˬ aˬ li Yoˇsehˆ-oˇ, Maˬliˇ-ahˇ sheuˬ-eu gaˇ kawˆ taˬ noeˬ shaˬ. Aˬ yawꞈ zaˬ tsehˆ leˇ-euˬ-aˬ, Muiˬ-eu shawˇ-eu Yaw sahˇ Miˬyehˇ baˬ da neh meh.

Maꞈtehˬ 2:19

Heˬloˆ shiˇ dzeuˇ ngeh jawˇ, Iˇjiˇtuˆ miˇ kʼahˬ-ahˇ Yoˇsehˆ yuꞈ maˆ maˆ-eu laꞈ kʼoeˇ, SahˬpaˬMiˬyehˇ-euˬ mˬ taˆ gʼaˬ kʼehˇ tiˬ gʼaˬ aˬ yawꞈ jawˇ gaˇ doˆ le-awˇ ehˇ-eu,

Maꞈtehˬ 2:22

Ehˇ kʼawꞈ, Heˬloˆ-euˬ dah zaˇ aˬ yawꞈ-euˬ aˬ li Aˬgeˬlaˇ gʼaˬ Yuˇdaˆ miˇ kʼahˬ-euˬ sahˬ paˬ geuꞈ luꞈ-eu Yoˇsehˆ ya gaˬ ngeh, kʼoeˇ gaˇ maˬ gʼoꞈ leˇ peuˬ-a. Yuꞈ maˆ maˆ-eu laꞈ kʼoeˇ aˬ yawꞈ-ahˇ tiˬ poˆ paˇ mehˬ gahˇ nehˬ-euˬ loꞈ-ehˇ, Gaˬliˬlehˇ miˇ kʼahˬ-ahˇ le-euˬ meh.

Maꞈtehˬ 27:18

Yuˇdaˆ tsawˇ haˬ aˬ yuiꞈ aˬ tsu deuˬ Yeˬsuˇ-ahˇ myaˆ naˆ-eu miˇ neh, aˬ yawꞈ jawˇ gaˇ nyehꞈ ha laˇ-euˬ gaˇ kawˆ sahˬ paˬ Piˇlaˆ siˬ duˬ taˬ-euˬ meh.

Maꞈtehˬ 27:24

Aˬ yawꞈ neh ehˇ-euˬ dawˬ-ahˇ aˬ yawꞈ maꞈ maˬ naˇ haˬ geuꞈ-eu uꞈ taꞈ, miˇ kʼahˬ zaˬ deuˬ luiˬ gʼa laˇ-awˇ suˬ saˬ laˇ-eu gaˇ ma dahˇ gaˇ sahˬ paˬ Piˇlaˆ haw mawˇ ngeh, iˇ cuꞈ ciˬ-awˇ tsawˇ haˬ aˇ maꞈ maꞈ ma mehˬ shi aˬ laꞈ dzuiˬ dzeh-awˇ ehˇ-eu, “Tsawˇ haˬ heu gʼaˬ ya shiˇ-eu gaˇ kawˆ heu ngaˬ-ahˇ tiˬ jeˬ-iˬ maˬ taꞈ. Naw maꞈ neh mˇ-euˬ gaˇ meh.”

Maꞈtehˬ 27:4

Aˬ yawꞈ ehˇ-eu, “Iˬ baˇ maˬ ahˇ-eu tsawˇ haˬ-ahˇ bi sehꞈ-eu lehˇ ahˬ dzaˬ-euˬ ngaˬ-euˬ yaw lehˬ heu, iˬ baˇ huiˬ dui dui nya.” Aˬ yawꞈ maꞈ ehˇ-eu, “Gaˇ kawˆ teu nga maꞈ-ahˇ tiˬ jeˬ-iˬ maˬ taꞈ. Nawˬ-euˬ gaˇ kawˆ nawˇ tehꞈ meh.”

Luˇkaꞈ 23:41

Aˇ nyaꞈ-aˬ, mˇ bahˬ-euˬ miˇ neh oꞈ-eu geuˇ-eu loꞈ-ehˇ ya daˬ luꞈ-eu ma. Ehˇ kʼawꞈ, tsawˇ haˬ heu gʼaˬ tiˬ jeˬ-iˬ mˇ bahˬ taˬ-euˬ maˬ jaˆ-a.”

Luˇkaꞈ 23:47

Kʼoeˇ loꞈ-ehˇ pyeuꞈ laˇ-euˬ gaˇ, yehˇ kʼoeˇ deuˬ kʼoeˇ taˆ aˬ yuiꞈ geuꞈ-eu gʼaˬ ya mawˇ ngeh, Miˬyehˇ-euˬ guiˬ lahˬ-ahˇ ja ceuˬ-awˇ, “Tsawˇ haˬ heu gʼaˬ aˬ diˇ aˬ maˇ iˬ baˇ maˬ ahˇ law hawˇ ngaˬ” lehˇ ehˇ-eu eh.

Yoˇhaˬ 19:13

Dawˬ kʼoeˇ dawˬ-ahˇ sahˬ paˬ Piˇlaˆ ya gaˬ ngeh, Yeˬsuˇ-ahˇ laꞈ nyiˇ sheuˬ doˆ leꞈ-awˇ, “Kʼaˬ lo kʼawˬ taˬ-euˬ jawˇ duˬ” lehˇ kuˇ gaˇ jaˆ-eu yaˇ kʼaˬ daˇ-eu nuiˇ mahˬ-ahˇ nuiˇ le-euˬ meh. Kʼaˬ lo kʼawˬ taˬ-euˬ jawˇ duˬ-ahˇ, Heˬbyeˇ dawˬ “Gaˬbaˬdaˬ” lehˇ ehˇ-eu meh.

Gʼaˬkʼehˇ 12:21

Ngehˬ cawˬ taˬ-euˬ aˇ nah keuˆ laˇ ngeh, Heˬloˆ-aˬ, sahˬ paˬ-euˬ dm gʼaˬ dm lmˇ dm-awˇ, aˬ yawꞈ-euˬ dzoeˬ dzaˬ nuiˇ mahˬ kʼoeˇ taˆ nuiˇ-awˇ, miˇ kʼahˬ zaˬ deuˬ-ahˇ dawˬ ngehˬ nehˬ-euˬ meh.

Gʼaˬkʼehˇ 18:12

Gaˬliˬoˬ lehˇ kuˇ-eu gʼaˬ, Aˬgaˬyaˇ miˇ kʼahˬ-ahˇ uˆ lahˇ luꞈ ngeh, Yuˇdaˆ tsawˇ haˬ deuˬ gm leˇ-awˇ Pawˇluˆ-ahˇ nyehꞈ-awˇ, yaˇ kʼaˬ daˇ-eu saˇ naˇ-ahˇ sheuˬ gʼeh-euˬ meh.

Gʼaˬkʼehˇ 18:16

Kʼoeˇ loꞈ-ehˇ ehˇ gʼaˬ ngeh, aˬ yawꞈ maꞈ-ahˇ yaˇ kʼaˬ daˇ-eu nymˇ laꞈ nyiˇ paw teh doˆ nehˬ-euˬ meh.

Gʼaˬkʼehˇ 18:17

Kʼoeˇ ngeh, aˬ yawꞈ maꞈ ga uiˬ-awˇ uˬ duˬ tahˬ nymˇ-ahˇ aˬ yuiꞈ geuꞈ luꞈ-eu Suˇdeˬ-ahˇ nyehꞈ-awˇ, yaˇ kʼaˬ daˇ-eu nymˇ-euˬ mehˬ shi diˬ-euˬ meh. Ehˇ kʼawꞈ, Gaˬliˬoˬ-aˬ, gaˇ kawˆ kʼoeˇ aˬ yawꞈ-ahˇ tiˬ jeˬ-iˬ maˬ taꞈ-eu loꞈ-ehˇ jawˇ-euˬ meh.

Gʼaˬkʼehˇ 25:10

Pawˇluˆ ehˇ-eu, “Sahˬpaˬ Gehˇsaˬ-euˬ yaˇ kʼaˬ daˇ-eu nymˇ-ahˇ ngaˇ yawꞈ luꞈ-eu ma. Ngaˬ-ahˇ heu gaˇ yaˇ kʼaˬ ja-eu tsaˬ meh. Nawˇ siˬ luꞈ-eu loꞈ-ehˇ, Yuˇdaˆ tsawˇ haˬ deuˬ kʼoeˇ taˆ ngaˬ neh mˇ lehˬ taˬ-euˬ tiˬ jeˬ-iˬ maˬ jaˆ.

Gʼaˬkʼehˇ 25:17

Aˬ yawꞈ maꞈ heu gaˇ oe keuˆ ngeh, ngaˇ aˇ yamˬ jiˆ jiˆ-ehˇ maˬ jawˇ ni yawˬ nah yawˬ yaˇ kʼaˬ daˇ-eu nymˇ-ahˇ nuiˇ leˇ-awˇ, tsawˇ haˬ kʼoeˇ gʼaˬ-ahˇ bi sheuˬ laˬ-iˇ-eu gʼaˇ duˬ dawˬ biꞈ-euˬ ma.

Gʼaˬkʼehˇ 25:6

Sahˬ paˬ Beˬtuˇ aˬ yawꞈ maꞈ nehˬ-ehˇ gʼoeˬ nah tseˇ nah byah ni paˇ jawˇ-awˇ, Gehˇsaˬliˇ meuˬ-ahˇ gʼoꞈ ka-iˇ-euˬ meh. Yawˬ nah yawˬ yaˇ kʼaˬ daˇ-eu nymˇ-ahˇ aˬ yawꞈ nuiˇ-awˇ, Pawˇluˆ-ahˇ kʼoeˇ gaˇ bi sheuˬ uˇ laꞈ-euˬ meh.

1 Beˬtuˆluˆ 2:22

Aˬ yawꞈ iˬ baˇ tiˬ pawꞈ-iˬ maˬ mˇ haw-aˬ. Aˬ yawꞈ-euˬ kʼaˬ meh-ahˇ jaꞈ myawꞈ myawꞈ-eu dawˬ tiˬ dawˬ-iˬ ma ngehˬ doˆ leꞈ haw-aˬ.

1 Yoˇhaˬ 2:1

Ngaˇ gaˬ dui dui-eu zaˬ deuˬ-oˇ, naw maꞈ iˬ baˇ maˬ bi mˇ-eu gʼaˇ duˬ, gaˇ kawˆ heu deuˬ naw maꞈ jawˇ gaˇ ngaˇ boꞈ ahˇ laꞈ-eu jeˬ pyeuꞈ-eu ma. Ehˇ kʼawꞈ, tsawˇ haˬ tiˬ gʼaˬ na iˬ baˇ mˇ lawˬ naˇ, aˬ dui-euˬ dah zaˇ Aˬda Miˬyehˇ-ahˇ tahˬ shaˇ leˇ-eu gʼaˬ jawˇ ma. Kʼoeˇ-aˬ, yaw tsaˬ yaw dawˇ tsawˇ haˬ pyeuꞈ-eu Yeˬsuˇ Ka li meh.