Maꞈtehˬ 27:17 - Akha

¹⁷ Tsawˇ haˬ aˇ maꞈ maꞈ ma uiˬ laˇ-awˇ jawˇ ngeh, sahˬ paˬ Piˇlaˆ ehˇ-eu, “Naw maꞈ ngaˬ-ahˇ tsawˇ haˬ aˬ geu gʼaˬ bi pyehˬ nehˬ mawꞈ-eu nya. Yeˬsuˇ Baˬlaˬbaˇ lehˇ kuˇ-eu kʼoeˇ gʼaˬ loˇ. Maˬ ngeuˇ naˇ, Ka li lehˇ kuˇ-eu Yeˬsuˇ kʼoeˇ gʼaˬ loˇ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ Tsawrhaq armaf mafma uiqlar-awr jawr-eu gar, Pirlav, aqyawf maf-anr narhaq-eu, “Nawmaf, ngaq nae aqgeu ghaq-anr bi pyaeqnaeq mawf-eu nya? Baqlaqbar-anr lor? Maqngeur nar-aq, Kali laer kur-eu Yeqsur-anr laq?”

Maꞈtehˬ 27:17 ပူးပေါင်းရင်းမြစ်များ

1 Sahˬpaˬ 18:21

Tsawˇ haˬ kʼoeˇ deuˬ jawˇ gaˇ Eˇliˇyaˆ le-awˇ, “Naw maꞈ-euˬ nui ma laꞈ kʼoeˇ nyiˬ jeˬ noeˬ noeˬ-ehˇ aˇ myah keuˆ ni jawˇ-eu gʼeh te. Sahˬpaˬ Miˬyehˇ-aˬ, Miˬyehˇ pyeuꞈ-eu meh lehˇ ngeuˇ naˇ, aˬ yawꞈ-ahˇ uˬ duˬ tahˬ-awˬ. Ehˇ kʼawꞈ, Baˬlaˇ miˬ yehˇ-aˬ, Miˬyehˇ pyeuꞈ-eu meh lehˇ ngeuˇ naˇ kʼawꞈ, aˬ yawꞈ-ahˇ uˬ duˬ tahˬ-awˬ” lehˇ ehˇ kʼawꞈ, tsawˇ haˬ kʼoeˇ deuˬ dawˬ tiˬ dawˬ-iˬ maˬ ngehˬ-a.

Maꞈtehˬ 1:16

Yaˬkoˆ-euˬ aˬ li Yoˇsehˆ meh. Ka li lehˇ myahˇ-euˬ Yeˬsuˇ-euˬ zaˬ baw aˬ ma Maˬliˇ-aˬ, Yoˇsehˆ-euˬ nymˇ dahˬ meh.

Maꞈtehˬ 27:16

Kʼoeˇ ngeh, Yeˬsuˇ Baˬlaˬbaˇ lehˇ myahˇ-euˬ yaw haiˬ mˇ-eu tsawˇ myahˇ doˆ dui dui-eu tsawˇ haˬ tiˬ gʼaˬ tawˬ-ahˇ uˇ-eu meh.

Maꞈtehˬ 27:18

Yuˇdaˆ tsawˇ haˬ aˬ yuiꞈ aˬ tsu deuˬ Yeˬsuˇ-ahˇ myaˆ naˆ-eu miˇ neh, aˬ yawꞈ jawˇ gaˇ nyehꞈ ha laˇ-euˬ gaˇ kawˆ sahˬ paˬ Piˇlaˆ siˬ duˬ taˬ-euˬ meh.

Yoˇhaˬ 19:15

Aˬ yawꞈ maꞈ guˇ-eu, “Aˬ yawꞈ-ahˇ sehꞈ-awˬ. Aˬ yawˬ-ahˇ sehˬ-awˬ. Laꞈ yaꞈ kʼoeˇ taˆ taꞈ sehꞈ-awˬ.” Sahˬ paˬ Piˇlaꞈ aˬ yawꞈ maꞈ-ahˇ ehˇ nehˬ-eu, “Naw maꞈ-euˬ sahˬ paˬ-ahˇ laꞈ yaꞈ kʼoeˇ taˆ taꞈ sehꞈ-awˬ loˇ.” Piˇ ma aˬ yuiꞈ deuˬ ehˇ-eu, “Nga maꞈ-euˬ sahˬ paˬ-aˬ sahˬ paˬ Gehˇsaˬ tiˬ gʼaˬ tehꞈ ma.”

Yoˇhaˬ 4:25

Zaˬ miˬ zaˬ kʼoeˇ gʼaˬ ehˇ-eu, “(Ka li lehˇ kuˇ-eu) Meˬsiˇya oe meh lehˇ ngaˇ siˬ nya ma. Aˬ yawꞈ oe keuˆ ngeh, aˬ dui-ahˇ yawˬ jeˬ na luꞈ ehˇ mehˬ nehˬ laꞈ tehꞈ-a.”

Yawˇshuˆ 24:15

Aˬ yawꞈ-ahˇ naw maꞈ uˬ duˬ maˬ tahˬ mawꞈ te lehˇ ngeuˇ naˇ, aˬ geu gʼaˬ-ahˇ uˬ duˬ tahˬ nmˇ lehˇ iˬ nah noeˬ tsehˆ-awˬ. Maˬsoˬpoˬtaˬmiˇ miˇ kʼahˬ-ahˇ naw maꞈ-euˬ aˬ poeˬ aˬ bawˇ deuˬ uˬ duˬ tahˬ-euˬ miˬ yehˇ deuˬ-ahˇ uˬ duˬ tahˬ nmˇ loˇ. Maˬ ngeuˇ naˇ, iˬ nah naw maꞈ jawˇ luꞈ-eu miˇ kʼahˬ-ahˇ jawˇ-eu Aˬ mawˇ liˆ tsawˇ haˬ deuˬ-euˬ miˬ yehˇ deuˬ-ahˇ uˬ duˬ tahˬ nmˇ loˇ lehˇ noeˬ tsehˆ-awˬ. Ngaˇ hawˇ-eu ngaˬ-eu miˬ sawˇ zaˬ deuˬ law nmˇ-aˬ, Sahˬpaˬ Miˬyehˇ-ahˇ uˬ duˬ tahˬ ma.”