Maꞈtehˬ 27:14 - Akha

¹⁴ Ehˇ kʼawꞈ, Yeˬsuˇ dawˬ tiˬ dawˬ-iˬ maˬ tmˇ gaˇ sahˬ paˬ kʼoeˇ gʼaˬ zahˬ dui dui leˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Aerkhawf, Yeqsur, aqyawf-anr dawq tiq dawq taef-aer khawf maq aerkhof naeq-a. Khoermirnae, meuqsanr khoerghaq zanq duidui ler-euq mae.

Maꞈtehˬ 27:14 ပူးပေါင်းရင်းမြစ်များ

Jaceuq 71:7

Nawˇ ngaˬ-ahˇ yaw muiˬ paˬ-ehˇ ngehˬ gʼeh dah teˬ nehˬ laꞈ-euˬ miˇ neh, ngaˇ yaw dehꞈ dehꞈ-eu aˬ cawˬ dzaw geuꞈ duˬ pyeuꞈ-eu meh.

Iˇsaˬyaˇ 8:18

Sahˬpaˬ Miˬyehˇ neh ngaˬ-ahˇ biꞈ laꞈ-euˬ zaˬ deuˬ nehˬ-ehˇ ngaˇ jawˇ luꞈ-eu ma. Ziˇoˬ gawˬ jawˬ kʼoeˇ taˆ nuiˇ luꞈ-eu Baoˬ huiˬ-eu Sahˬpaˬ Miˬyehˇ-aˬ, Iˇsaˬleˬlaˆ tsawˇ haˬ deuˬ jawˇ gaˇ, dehꞈ luꞈ-eu dawˬ kawˬ deuˬ loꞈ-ehˇ nga maꞈ-ahˇ pyehˬ gʼeh leꞈ-euˬ meh.

Zaˬkaˬliˇ 3:8

Piˇ ma yaw huiˬ gʼaˬ pyeuꞈ-eu Yawˇshuˆ hawˇ-eu, Yawˇshuˆ-euˬ gaˇ mˇ cawˬ pyeuꞈ-eu Yawˇshuˆ mehˬ shi nuiˇ luꞈ-eu piˇ ma deuˬ naˇ haˬ sheˇ. Naw maꞈ- aˬ, mehˬ hu paw yaw muiˬ jeˬ keuˆ le-eu gaˇ kawˆ, saˇ kiˇ pyeuꞈ-eu meh. Aˇ bawˇ uˬ pyaˬ lehˇ myahˇ-euˬ ngaˬ-euˬ zaˬ kʼaˆ, naw maꞈ-ahˇ ngaˇ mehˬ nehˬ ma.

Maꞈtehˬ 26:63

Ehˇ kʼawꞈ, Yeˬsuˇ dawˬ maˬ ngehˬ ni ciˬ cuˇ ni jawˇ-eu meh. Piˇ ma Yaw huiˬ gʼaˬ dawˬ tiˬ poˆ paˇ ehˇ-eu, “Dehꞈ luꞈ-eu Miˬyehˇ-euˬ tsawˇ myahˇ uˬ moˆ, ngaˇ nawˬ-ahˇ heu loꞈ-ehˇ bi kamˬ-eu ma. Nawˇ, Ka li lehˇ ehˇ-eu Miˬyehˇ-euˬ Zaˬmaˇ ngeuˇ ma loˇ.”

Maꞈtehˬ 27:12

Ehˇ kʼawꞈ, piˇ ma aˬ yuiꞈ deuˬ hawˇ-eu aˬ yuiꞈ aˬ tsu deuˬ aˬ yawꞈ-ahˇ yaw lehˬ poˆ-awˇ ehˇ laˇ gaˇ, aˬ yawꞈ dawˬ maˬ tmˇ ni ciˬ cuˇ ni jawˇ-euˬ meh.

Maꞈtehˬ 27:13

“Aˬ yawꞈ maꞈ nawˬ-ahˇ teu naˆ naˆ-ehˇ ehˇ luꞈ-eu nawˇ maˬ gaˬ te loˇ” lehˇ, sahˬ paˬ Piˇlaˆ aˬ yawꞈ-ahˇ naˇ haˬ-euˬ meh.

Maˬkuˆ 15:5

Ehˇ kʼawꞈ, Yeˬsuˇ dawˬ maˬ tmˇ ni ciˬ cuˇ ni jawˇ-eu miˇ neh, sahˬ paˬ Piˇlaˆ zahˬ leˇ-euˬ meh.

Luˇkaꞈ 23:9

Kʼoeˇ miˇ neh, aˬ yawꞈ Yeˬsuˇ-ahˇ dawˬ gʼawˬ mya dawˬ naˇ haˬ-euˬ meh. Ehˇ kʼawꞈ, Yeˬsuˇ tiˬ dawˬ-iˬ maˬ ngehˬ kʼoꞈ nehˬ-a.

Yoˇhaˬ 19:9

Aˬ yawꞈ hawˇ nymˇ laꞈ kʼoeˇ paˇ gʼoꞈ kʼoꞈ-iˇ-awˇ, “Nawˇ aˬ gaˇ neh oe teˬ” lehˇ, Yeˬsuˇ-ahˇ naˇ haˬ-euˬ meh. Ehˇ kʼawꞈ, Yeˬ suˇ dawˬ maˬ tmˇ-a.

1 Gawˇliˬtu 4:9

Mˬ taˆ gʼaˬ kʼehˇ dawˬ tawˆ luꞈ hawˇ-eu miˇ tsaˬ zaˬ dawˬ tawˆ luꞈ bi haw niˇ gʼa-eu gʼaˇ duˬ, Miˬyehˇ-euˬ gʼaˬ kʼehˇ pyeuꞈ-eu nga maꞈ-ahˇ miˇ kʼahˬ zaˬ mehˬ shi bi sehꞈ-eu lehˇ, Miˬyehˇ neh aˬ cawˬ jeˬ nah nah saˬ bi jawˇ laꞈ-euˬ jeˬ nga lehˇ noeˬ miˇ-a.