Maꞈtehˬ 26:70 - Akha

⁷⁰ Aˬ yawꞈ maꞈ dawˬ tawˆ luꞈ-euˬ mehˬ shi Beˬtuˆluˆ tsawˇ pyehˇ pyehˇ-awˇ ehˇ-eu, “Nawˇ ehˇ-eu gaˇ kawˆ teu ngaˇ maˬ siˬ nya nya.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷⁰ Beqtuvluv, aqyawfmaf dawqtawv luf-euq maeqshi pyaer-eu, “Nawr aqjeq ngaeqluf-eu laer ngaq-anr maq siqlar nya.”

Maꞈtehˬ 26:70 ပူးပေါင်းရင်းမြစ်များ

Dawqdaq 28:26

Yawˬ ha-euˬ nui noeˬ-ahˇ gʼoe-awˇ dehꞈ-eu tsawˇ haˬ aˬ dzawˬ aˇ gah meh. Yaw gahˇ gahˇ-ehˇ noeˬ-awˇ, zaˬ siˬ tsawˇ gahˇ ahˇ-eu deuˬ neh mehˬ taˬ yaꞈ-euˬ dawˬ-ahˇ gʼoe-awˇ dehꞈ-awˬ.

Dawqdaq 29:23

Nui ma huiˬ-eu mahˇ-eu jeˬ nawˬ-ahˇ laˆ shaˬ-awˇ, nui nahˬ nui yu ahˇ naˇ, aˬ cawˬ nawˬ-ahˇ yaw zeu baw tehꞈ-a.

Dawqdaq 29:25

Tsawˇ haˬ zaˬ neh maˬ bi noeˬ doeˇ ni dehꞈ-eu jeˬ guˆ kʼaˇ za-awˇ, Sahˬpaˬ Miˬyehˇ-euˬ nui kʼahˇ dehꞈ byah-eu jeˬ nui saˇ oꞈ-eu meh.

Iˇsaˬyaˇ 57:11

Sahˬpaˬ Miˬyehˇ heu loꞈ-ehˇ ehˇ-eu meh. “Naw maꞈ ngaˬ-ahˇ jaˬ myawꞈ myawꞈ-awˇ ngehˇ byoˆ coeˇ ni, naw maꞈ-ahˇ laˆ guˆ-eu miˬyehˇ kʼoeˇ deuˬ aˬ suˇ gʼaˬ-a. Ngaˇ ciˬ cuˇ ni jawˇ myahˇ laꞈ-euˬ miˇ neh, naw maꞈ ngaˬ-ahˇ maˬ paˇ taˬ huiˬ ma loˇ.

Yeˬlaˬmiˇ 17:9

Tsawˇ haˬ zaˬ-euˬ nui ma aˬ suˇ gʼaˬ siˬ nya ta. Nui ma loꞈ-ehˇ laꞈ gʼoꞈ baw-eu tiˬ jeˬ-iˬ maˬ jaˆ-a. Yaw cawˆ myaˬ-eu miˇ neh maˬ laˆ muiˬ geuꞈ nya-a.

Maꞈtehˬ 26:51

Yeˬsuˇ nehˬ-ehˇ jawˇ luꞈ-eu tiˬ gʼaˬ mi cehˇ gʼawˇ doˆ-awˇ, Piˇ ma Yaw huiˬ gʼaˬ-euˬ zaˬ kʼaˆ-ahˇ coeˇ-awˇ, naˬ paꞈ coeˇ tsehˆ-euˬ meh.

Maꞈtehˬ 26:56

Ehˇ kʼawꞈ, Miˬyehˇ gʼaˇ duˬ ngehˬ dah-eu deuˬ neh Jaˇliꞈ laꞈ kʼoeˇ kʼaˇ boꞈ taˬ-euˬ loꞈ-ehˇ byah laˇ ni, heu loꞈ-ehˇ bi pyeuꞈ laˇ-euˬ meh.” Kʼoeˇ ngeh, zaˬ lahˇ dawˬ tawˆ luꞈ, aˬ yawꞈ-ahˇ byehˇ dzeh yaꞈ-awˇ cehˆ jiˇ-euˬ meh.

Maꞈtehˬ 26:58

Beˬtuˆluˆ-aˬ, naˇ kʼah paw ui cuiˆ gaˇ mahˇ kaˬ gaˇ cah-awˇ, Piˇ ma Yaw huiˬ gʼaˬ-euˬ nymˇ-ahˇ gawˬ lahˇ taˬ-euˬ laꞈ kʼoeˇ paw keuˆ ni caw teh keuˆ gʼeh-euˬ meh. Aˬ yawꞈ lahˇ laꞈ kʼoeˇ uˇ leˇ-awˇ, Yeˬsuˇ-ahˇ aˬ cawˬ aˬ joˆ-ehˇ jahˇ nehˬ-eu tiˬ saˬ tiˬ li haw-eu gʼaˇ duˬ, kʼoeˇ gaˇ loꞈ piˇ-eu yehˇ deuˬ nehˬ-ehˇ ga dzuˇ leˇ-euˬ meh.

Maꞈtehˬ 26:69

Nymˇ tiˬ jawˬ lahˇ gawˬ taˬ-euˬ laꞈ kʼoeˇ, gaˇ dzeˇ paw Beˬtuˆluˆ nuiˇ luꞈ ngeh, zaˬ miˬ zaˬ zaˬ kʼaˆ tiˬ gʼaˬ aˬ yawꞈ jawˇ gaˇ oe-awˇ ehˇ-eu, “Nawˇ jiˇ, Gaˬliˬlehˇ tsawˇ haˬ Yeˬsuˇ nehˬ-ehˇ jawˇ-euˬ tsawˇ haˬ meh.”

Maꞈtehˬ 26:71

Kʼoeˇ naˇ, lahˇ laꞈ kʼoeˇ uˇ leˇ-eu gʼoˆ kʼehˬ dawˬ peh aˬ yawꞈ cehˆ jiˆ-iˇ-awˇ jawˇ-euˬ meh. Zaˬ miˬ zaˬ zaˬ kʼaˆ tiˬ gʼaˬ aˬ yawꞈ-ahˇ paˇ mawˇ-awˇ, kʼoeˇ gaˇ jawˇ-eu tsawˇ haˬ kʼoeˇ deuˬ-ahˇ ehˇ-eu, “Teu gʼaˬ Naˬzaˬlehˇ tsawˇ haˬ Yeˬsuˇ nehˬ-ehˇ jawˇ-euˬ tsawˇ haˬ meh.”

Luˇkaꞈ 22:57

Ehˇ kʼawꞈ, Beˬtuˆluˆ tsawˇ pyehˇ pyehˇ-awˇ ehˇ-eu, “Aˬ buˇ-oˇ, aˬ yawꞈ-ahˇ ngaˇ maˬ siˬ nya nya.”

Lormav 11:20

Naw maꞈ ehˇ-eu tsaˬ meh. Aˬ yawꞈ maꞈ-aˬ, maˬ jah-eu miˇ neh bi deuˆ tsehˆ dzeh-euˬ meh. Naw maꞈ-aˬ, jah-eu miˇ neh ziꞈ luꞈ meh. Ehˇ kʼawꞈ, nui ma taˬ huiˬ. Yahˇ yahˇ-ehˇ dehꞈ-awˬ.

1 Gawˇliˬtu 10:12

Ziꞈ dah ni yawꞈ luꞈ ma lehˇ noeˬ-eu tsawˇ haˬ aˬ geu gʼaˬ maˬ kaˬ, maˬ ya coˬ-iˇ ni yahˇ-eu tsaˬ tehꞈ-a.

Panmaeq 21:8

Ehˇ kʼawꞈ, guˆ-eu nui ma ahˇ-eu tsawˇ haˬ, saˇ jaˇ puiˬ-eu tsawˇ haˬ, yaw jawꞈ jeˬ mˇ-eu tsawˇ haˬ, tsawˇ haˬ sehꞈ-eu tsawˇ haˬ, maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu tsawˇ haˬ, mah loˬ ja maw zmˬ-eu tsawˇ haˬ, tahˬ pahˬ aˬ ma mawˇ kawˇ-ahˇ uˬ duˬ tahˬ-eu tsawˇ haˬ, jaˬ myawꞈ mehˇ shuiˇ shuiˇ-eu tsawˇ haˬ, heu loꞈ-ehˇ gʼeh-eu deuˬ-ahˇ oꞈ-eu jawˇ duˬ-aˬ, nyiˬ poˆ tiˬ poˆ shiˇ-eu jeˬ pyeuꞈ-eu, miˬ dzaˬ hawˇ-eu miˬ dzaˇ dzaˇ shuiˇ doꞈ luꞈ-eu lah kʼoeˇ lah meh.