Maꞈtehˬ 26:63 - Akha

⁶³ Ehˇ kʼawꞈ, Yeˬsuˇ dawˬ maˬ ngehˬ ni ciˬ cuˇ ni jawˇ-eu meh. Piˇ ma Yaw huiˬ gʼaˬ dawˬ tiˬ poˆ paˇ ehˇ-eu, “Dehꞈ luꞈ-eu Miˬyehˇ-euˬ tsawˇ myahˇ uˬ moˆ, ngaˇ nawˬ-ahˇ heu loꞈ-ehˇ bi kamˬ-eu ma. Nawˇ, Ka li lehˇ ehˇ-eu Miˬyehˇ-euˬ Zaˬmaˇ ngeuˇ ma loˇ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶³ Aerkhawf, Yeqsur ciqcurni jawr-euq mae. Khoerngae, pirma yawhuiq ghaq, aqyawf-anr par narhaq-eu, “Daefluf-eu Miqyaer-euq tsawrmyanr-euq uqmov ngar, nawq-anr bikamq ma. Nawr, Miqyaer-euq Zaqyo, Kali laer kur-eu khoerghaq ma lor laer nga’maf-anr aernaeq laf-awq!”

Maꞈtehˬ 26:63 ပူးပေါင်းရင်းမြစ်များ

1 Sahˬpaˬ 22:16

Ehˇ kʼawꞈ, Aˬhaˆ ehˇ-eu, “Sahˬpaˬ Miˬyehˇ-euˬ tsawˇ myahˇ uˬ moˆ nawˇ ngaˬ-ahˇ dawˬ ngehˬ cawˬ ngeh, dawˇ coe ni ngehˬ-awˬ tmˇ-awˬ lehˇ ngaˇ nawˬ-ahˇ aˇ myaˆ poˆ ya ehˇ nehˬ nmˇ.”

2 Laˬsaˬbaˬ 18:15

Ehˇ kʼawꞈ, Aˬhaˆ ehˇ-eu, “Sahˬpaˬ Miˬyehˇ-euˬ tsawˇ myahˇ uˬ moˆ nawˇ ngaˬ-ahˇ dawˬ ngehˬ cawˬ ngeh dawˇ coe ni ngehˬ-awˬ tmˇ-awˬ lehˇ ngaˇ nawˬ-ahˇ aˇ myaˆ poˆ ya ehˇ nehˬ nmˇ.”

Jaceuq 42:2

Iˇcuꞈmehꞈdui dui-eu loꞈ-ehˇ, dehꞈluꞈ-eu ngaˬ-euˬMiˬyehˇ-ahˇ, ngaˬ-euˬsaꞈlaˇmehꞈluꞈ-eu ma. Nawˬ-euˬmehˬshi ngaˇle keuˆ-awˇ, aˬmyah uˬduˬya tahˬleˇnmˇ.

Dawqdaq 29:24

Smˇ kʼoeˬ nehˬ-ehˇ cawˬ cawˬ-eu tsawˇ haˬ yawˬ haˇ yawˬ ha muiˇ gaˇ duˇ-eu meh. Dawˇ coe ni ehˇ doˆ naˇ, kʼehˬ-eu kʼaˆ-eu jeˬ-ahˇ ya daˬ-awˇ, maˬ ehˇ doˆ ni zaꞈ byoˆ naˇ, Miˬyehˇ neh yaˬ kʼehˇ yaˬ-euˬ jeˬ-ahˇ ya daˬ-eu meh.

Iˇsaˬyaˇ 53:7

“Kʼaˆ dui dui-eu kʼehˬ-eu jeˬ-ahˇ aˬ yawꞈ ya daˬ-euˬ kʼawꞈ, dawˬ gʼoꞈ maˬ doˆ ni daˬ-euˬ meh. Bi diˬ sehꞈ-eu lehˇ tsahˇ taˬ-euˬ yawˇ zaˬ hawˇ-eu, caꞈ hm bi tehˬ geuꞈ-eu lehˇ gʼeh-eu yawˇ loꞈ-ehˇ, aˬ yawꞈ dawˬ gʼoꞈ tiˬ pawꞈ-iˬ maˬ doˆ-a.

Daˬyeˬlaˇ 3:16

Shaˬdaˬlaˆ, Meˬshaˆ, Aˬbeˬdaˬneˬgoˬ aˬ ha smˇ gʼaˬ heu loꞈ-ehˇ ehˇ-eu meh. “Sahˬ paˬ-oˇ, gaˇ kawˆ heu-ahˇ taꞈ leˇ-awˇ, nawˬ-ahˇ nga maꞈ dawˬ poˆ maˬ paˇ poˆ ma.

Uˬ duˬ 5:1

Laꞈ oˆ paw ehˇ taˬ-euˬ gaˇ kawˆ heu deuˬ pyeuꞈ doˆ laˇ ngeh, iˬ baˇ shawˇ-eu lawˇ-eu jeˬ ya lawˇ meh. Tsawˇ haˬ tiˬ gʼaˬ na, yawˬ ha neh kʼaˇ ya gaˬ kʼaˇ ya mawˇ-euˬ jeˬ, yaˇ kʼaˬ daˇ-eu nymˇ-ahˇ saˇ kiˇ geuꞈ-awˇ ya ngehˬ ya tmˇ doˆ jiˇ meh lehˇ ehˇ taˬ-euˬ kʼawꞈ, yawˬ ha neh ya mawˇ-euˬ loꞈ-ehˇ maˬ ngehˬ maˬ tmˇ ni jawˇ naˇ, iˬ baˇ ya pi meh.

Maꞈtehˬ 16:16

Siˇmoˬ Beˬtuˆluˆ ehˇ-eu, “Nawˇ-aˬ, Dehꞈ luꞈ-eu Miˬyehˇ-euˬ Zaˬmaˇ pyeuꞈ-eu Meˬsiˇya meh.”

Maꞈtehˬ 26:62

Kʼoeˇ ngeh, Piˇ ma Yaw huiˬ gʼaˬ tuˇ laˇ-awˇ ehˇ-eu, “Tsawˇ haˬ teu nyiˬ gʼaˬ nawˬ-ahˇ teu loꞈ-ehˇ ehˇ laˇ gaˇ, nawˇ ehˇ kʼoꞈ nehˬ-eu dawˬ maˬ jaˆ loˇ.”

Maꞈtehˬ 27:12

Ehˇ kʼawꞈ, piˇ ma aˬ yuiꞈ deuˬ hawˇ-eu aˬ yuiꞈ aˬ tsu deuˬ aˬ yawꞈ-ahˇ yaw lehˬ poˆ-awˇ ehˇ laˇ gaˇ, aˬ yawꞈ dawˬ maˬ tmˇ ni ciˬ cuˇ ni jawˇ-euˬ meh.

Maꞈtehˬ 27:14

Ehˇ kʼawꞈ, Yeˬsuˇ dawˬ tiˬ dawˬ-iˬ maˬ tmˇ gaˇ sahˬ paˬ kʼoeˇ gʼaˬ zahˬ dui dui leˇ-euˬ meh.

Maꞈtehˬ 27:40

Aˬ yawꞈ maꞈ ehˇ-eu, “Uˬ duˬ tahˬ nymˇ nymˇ ma-ahˇ deh pyaˆ deh shaˆ jiˇ-awˇ, smˬ nah laꞈ kʼoeˇ tsoˆ kʼoꞈ nya-eu gʼaˬ-oˇ, yawˬ haˇ yawˬ ha ka kʼoꞈ-awˬ tawˇ. Nawˇ Miˬyehˇ-euˬ Zaˬmaˇ ngeuˇ-eu jeˬ maˇ-iˬ, laꞈ yaꞈ kʼoeˇ taˆ neh zaꞈ ka le-awˬ tawˇ.”

Maꞈtehˬ 27:43

Aˬ yawꞈ Miˬyehˇ-ahˇ jah-awˇ, Miˬyehˇ-euˬ Zaˬmaˇ ma lehˇ yawˬ haˇ yawˬ ha ehˇ-eu meh. Miˬyehˇ aˬ yawꞈ-ahˇ ka kʼoꞈ nehˬ mawꞈ ngaˇ-a loˇ lehˇ haw kaˇ-euˇ.”

Maꞈtehˬ 27:54

Yeˬsuˇ-ahˇ loꞈ luꞈ-eu yehˇ kʼoeˇ deuˬ hawˇ-eu yehˇ kʼoeˇ deuˬ-ahˇ uˆ lahˇ-eu yaw huiˬ gʼaˬ, miˇ luˆ luˆ-eu hawˇ-eu kʼaˇ pyeuꞈ laˇ-euˬ yawˬ jeˬ na luꞈ-ahˇ ya mawˇ ngeh, guˆ dui dui laˇ-awˇ, “Tsawˇ haˬ heu gʼaˬ maˇ maˇ ni Miˬyehˇ-euˬ Zaˬmaˇ ngaˇ” lehˇ ehˇ-eu meh.

Maꞈtehˬ 4:3

Kʼoeˇ ngeh, Nehꞈ sahˬ paˬ aˬ yawꞈ jawˇ gaˇ oe-awˇ ehˇ-eu, “Nawˇ Miˬyehˇ-euˬ Zaˬ maˇ pyeuꞈ-eu ngeuˇ naˇ, kʼaˬ lo heu deuˬ-ahˇ kaˬ muˇ pyeuꞈ laˇ-awˬ lehˇ dawˬ biꞈ-awˬ tawˇ.”

Maˬkuˆ 14:61

Ehˇ kʼawꞈ, Yeˬsuˇ dawˬ maˬ tmˇ-ehˇ ciˬ cuˇ ni jawˇ-euˬ meh. Piˇ ma Yaw huiˬ gʼaˬ Yeˬsuˇ-ahˇ tiˬ poˆ paˇ naˇ haˬ-eu, “Guiˬ lahˬ huiˬ-eu Miˬyehˇ-euˬ Zaˬmaˇ pyeuꞈ-eu Ka li lehˇ ehˇ-eu kʼoeˇ gʼaˬ nawˇ ma loˇ.”

Yoˇhaˬ 1:34

Kʼoeˇ loꞈ-ehˇ pyeuꞈ laˇ-euˬ gaˇ ngaˇ ya mawˇ gʼaˬ-euˬ miˇ neh, aˬ yawꞈ Miˬyehˇ-euˬ Zaˬmaˇ meh lehˇ saˇ kiˇ kamˬ-eu ma.”

Yoˇhaˬ 1:49

Naˬdaˬneˬlaˇ ehˇ-eu, “Saˬ laˬ-oˇ, nawˇ-aˬ, Miˬyehˇ-euˬ Zaˬ maˇ ngaˇ. Iˇsaˬleˬlaˆ tsawˇ jeuˬ-euˬ Sahˬ paˬ ngaˇ.”

Yoˇhaˬ 10:24

Kʼoeˇ ngeh, Yuˇdaˆ tsawˇ haˬ deuˬ aˬ yawꞈ jawˇ gaˇ uiˬ le-awˇ ehˇ-eu , “Nawˇ nga maꞈ-ahˇ kʼaˇ ngeuˇ-eu loꞈ-ehˇ maˬ ehˇ mehˬ nehˬ laꞈ ni, aˇ myah keuˆ ni nyi naˬ-eu gʼeh te. Nga maꞈ-ahˇ dawˇ coe ni ehˇ nehˬ laꞈ sheˇ. Nawˇ Meˬsiˇya ngeuˇ ma loˇ.”

Yoˇhaˬ 10:30

Aˬda hawˇ-eu ngaˇ-aˬ, aˬ yawꞈ tiˬ gʼaˬ ma.”

Yoˇhaˬ 10:36

Ngaˬ-ahˇ maˇ diˇ-aˬ, Aˬda neh tseˇ doˆ-awˇ miˇ tsaˬ kʼoeˇ taˆ kʼehˇ gʼeh leꞈ-euˬ meh. Toˆ-ehˇ ngeuˇ naˇ, ngaˇ-aˬ, Miˬyehˇ-euˬ Zaˬmaˇ ma lehˇ yawˬ haˇ yawˬ ha ehˇ gaˇ, ngaˇ Miˬyehˇ-ahˇ yehˬ bawˬ sehˇ lu-ehˇ ehˇ-eu nga lehˇ naw maꞈ aˬ joˆ-ehˇ ehˇ nya te.

Yoˇhaˬ 18:37

Kʼoeˇ ngeh, sahˬ paˬ Piˇlaˆ aˬ yawꞈ-ahˇ naˇ haˬ-eu, “Nawˇ sahˬ paˬ ngeuˇ ma loˇ.” Yeˬsuˇ ehˇ-eu, “Ngaˇ sahˬ paˬ nga lehˇ ehˇ-euˬ-aˬ, naw maꞈ meh. Ngaˇ miˇ tsaˬ heu kʼoeˇ taˆ zaꞈ le-awˇ dehꞈ le-euˬ-aˬ, yaw tsaˬ yaw dawˇ jeˬ ngehˬ le tmˇ le-euˬ tehꞈ ma. Yaw tsaˬ yaw dawˇ jeˬ-ahˇ kʼaˇ taꞈ-eu tsawˇ haˬ-aˬ, ngaˬ-euˬ dawˬ naˇ haˬ geuꞈ-eu meh.”

Yoˇhaˬ 19:7

Tsawˇ haˬ aˇ maꞈ ehˇ-eu, “Nga maꞈ-euˬ zahˇ dawˬ kʼoꞈ dawˬ tiˬ dawˬ-ahˇ gʼoe-awˇ ya ehˇ naˇ, yawˬ haˇ yawˬ ha Miˬyehˇ-euˬ Zaˬmaˇ ma lehˇ ehˇ-eu baˬ da neh aˬ yawꞈ shiˇ-eu tsaˬ meh.”

Yoˇhaˬ 19:9

Aˬ yawꞈ hawˇ nymˇ laꞈ kʼoeˇ paˇ gʼoꞈ kʼoꞈ-iˇ-awˇ, “Nawˇ aˬ gaˇ neh oe teˬ” lehˇ, Yeˬsuˇ-ahˇ naˇ haˬ-euˬ meh. Ehˇ kʼawꞈ, Yeˬ suˇ dawˬ maˬ tmˇ-a.

Yoˇhaˬ 20:31

Ehˇ kʼawꞈ, heu gaˇ kʼaˇ boꞈ taˬ-euˬ heu deuˬ-aˬ, Yeˬsuˇ-aˬ Meˬsiˇya hawˇ-eu Miˬyehˇ-euˬ Zaˬmaˇ pyeuꞈ-eu naw maꞈ jah laˇ ni maˬ ehˇ, naw maꞈ aˬ yawꞈ-ahˇ jah-eu laꞈ kʼoeˇ dehꞈ-eu jeˬ za nya ni maˬ ehˇ, boꞈ taˬ-euˬ jeˬ pyeuꞈ-eu ma.

Yoˇhaˬ 6:69

Nawˇ-aˬ, Miˬyehˇ jawˇ gaˇ neh oe-euˬ Muiˬ-eu Shawˇ-eu Gʼaˬ meh lehˇ nga maꞈ siˬ duˬ jah duˬ gʼaˬ-euˬ ma.”

Yoˇhaˬ 8:25

Aˬ yawꞈ maꞈ ehˇ-eu, “Nawˇ aˬ suˇ gʼaˬ te.” Yeˬsuˇ ehˇ-eu, “Aˇ dahˬ beh ngeh neh naw maꞈ-ahˇ ngaˇ ehˇ nehˬ gʼaˬ-euˬ ma.

2 Gawˇliˬtu 1:19

Siˬlaˆ hawˇ-eu Tiˆmoˇseˬ ngaˬ ha smˇ gʼaˬ naw maꞈ-ahˇ mehˬ luꞈ-eu Miˬyehˇ-euˬ Zaˬmaˇ Yeˬsuˇ Ka liˬ-aˬ, “Ngeuˇ-eu” hawˇ-eu “Maˬ ngeuˇ-eu” nui ma nyiˬ jeˬ pi luꞈ-eu maˬ ngeuˇ-a. Aˬ yawꞈ laꞈ kʼoeˇ aˬ myah luꞈ “Ngeuˇ-eu” jeˬ tehꞈ-ehˇ ahˇ-eu meh.

1 Beˬtuˆluˆ 2:23

Aˬ cawˬ aˬ yawꞈ-ahˇ dawˬ doeˇ ngehˬ daˆ nehˬ-euˬ kʼawꞈ, aˬ yawꞈ yaw doeˇ maˬ ehˇ kʼoꞈ nehˬ haw-aˬ. Aˬ cawˬ kʼehˬ nehˬ kʼaˆ nehˬ gaˇ aˬ yawꞈ ya daˬ ngeh, aˬ cawˬ-ahˇ guˆ tsiˬ nyehꞈ-eu dawˬ aˬ yawꞈ maˬ ngehˬ-ehˇ, dawˇ coe ni yaˇ kʼaˬ daˇ-eu gʼaˬ pyeuꞈ-eu Miˬyehˇ-euˬ aˬ laꞈ laꞈ kʼoeˇ aˬ yawꞈ-euˬ gʼawˇ mawˇ a nehˬ-euˬ meh.

1 Saˬmeuˬlaˆ 14:24

Kʼoeˇ ngeh nah, Iˇsaˬleˬlaˆ tsawˇ haˬ deuˬ hawˬ mehꞈ laˇ-awˇ, gʼaˬ baˬ dui dui-eu meh. Aˬ jeˬ miˇ neh ehˇ naˇ, “Iˬ nah uˬ ciꞈ uˬ taw paw keuˆ ni ngaˬ-ahˇ muiˇ-eu deuˬ-ahˇ ngaˇ laꞈ poˆ maˬ poˆ gʼaˬ mi naˆ-ehˇ, tiˬ jeˬ paˬ kʼaˇ dzaˬ-eu tsawˇ haˬ aˬ geu gʼaˬ maˬ kaˬ, yaˬ kʼehˇ yaˬ-eu jeˬ-ahˇ ya daˬ luꞈ-uˇ” lehˇ, Sawˇluˆ saˇ jaˇ dawˬ ngehˬ taˬ-euˬ miˇ neh meh. Kʼoeˇ miˇ neh, yawˬ gʼaˬ na luꞈ tiˬ jeˬ-iˬ maˬ dzaˬ ni nah ga-ehˇ dzahˬ-euˬ meh.

1 Saˬmeuˬlaˆ 14:26

Sahˬ kʼaˆ kʼaˆ lah-ehˇ byaˬ byaˬ uiˇ jaˆ byah taˬ-euˬ gaˇ aˬ yawꞈ maꞈ ya mawˇ kʼawꞈ, tiˬ gʼaˬ-iˬ maˬ dzaˬ peuˬ-a. Aˬ jeˬ miˇ neh ehˇ naˇ, Sawˇluˆ neh yaˬ kʼehˇ yaˬ taˬ-euˬ dawˬ-ahˇ aˬ yawꞈ maꞈ dawˬ tawˆ luꞈ guˆ-eu meh.

1 Saˬmeuˬlaˆ 14:28

“Nga maꞈ dawˬ tawˆ luꞈ hawˬ mehꞈ-awˇ gʼaˬ baˬ dui dui nya. Ehˇ kʼawꞈ, ‘Iˬ nah tiˬ jeˬ paˬ kʼaˇ dzaˬ-euˬ tsawˇ haˬ kʼoeˇ taˆ yaˬ kʼehˇ yaˬ-eu jeˬ keuˆ le tehꞈ-a’ lehˇ, nawˬ da neh nga maꞈ-ahˇ ehˇ taˬ-euˬ dawˬ jaˆ-eu miˇ neh maˬ dzaˬ peuˬ nya” lehˇ, tsawˇ haˬ tiˬ gʼaˬ Yawˇnaˆshaˬ-ahˇ ehˇ-eu meh.