Maꞈtehˬ 26:58 - Akha

⁵⁸ Beˬtuˆluˆ-aˬ, naˇ kʼah paw ui cuiˆ gaˇ mahˇ kaˬ gaˇ cah-awˇ, Piˇ ma Yaw huiˬ gʼaˬ-euˬ nymˇ-ahˇ gawˬ lahˇ taˬ-euˬ laꞈ kʼoeˇ paw keuˆ ni caw teh keuˆ gʼeh-euˬ meh. Aˬ yawꞈ lahˇ laꞈ kʼoeˇ uˇ leˇ-awˇ, Yeˬsuˇ-ahˇ aˬ cawˬ aˬ joˆ-ehˇ jahˇ nehˬ-eu tiˬ saˬ tiˬ li haw-eu gʼaˇ duˬ, kʼoeˇ gaˇ loꞈ piˇ-eu yehˇ deuˬ nehˬ-ehˇ ga dzuˇ leˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵⁸ Beqtuvluv-aq, pirma yawhuiq ghaq-euq nymr-euq povka keuvni, Yeqsur-euq maeqnan ardzaeq-aer maqkaq-eu gar cantae luf-eu mae. Arsaq aqjox-aer saqlar-eu nga laer haw-eu gharduq, povka urler-awr, khoergar, lofpir-eu kuirlaf deuq naeq-aer nuirluf-eu mae.

Maꞈtehˬ 26:58 ပူးပေါင်းရင်းမြစ်များ

Maꞈtehˬ 26:3

Kʼoeˇ naˇ, piˇ ma aˬ yuiꞈ gʼaˬ hawˇ-eu miˇ kʼahˬ zaˬ-euˬ aˬ yuiꞈ aˬ tsu deuˬ, Piˇ ma Yaw huiˬ gʼaˬ pyeuꞈ-eu Gaˬyaˬpaˇ-euˬ nymˇ-ahˇ uiˬ leˇ-euˬ meh.

Maꞈtehˬ 5:25

Nawˬ-ahˇ yaˇ kʼaˬ ja-eu tsawˇ haˬ nehˬ-ehˇ yaˇ kʼaˬ daˇ-eu nymˇ-ahˇ le luꞈ ngeh, naw nyaꞈ yaw kaˬ yaw kawˇ-ehˇ laˆ tsaꞈ geuꞈ-awˬ. Yaw kawˇ-ehˇ maˬ laˆ tsaˬ geuꞈ naˇ, tsawˇ haˬ kʼoeˇ gʼaˬ nawˬ-ahˇ yaˇ kʼaˬ daˇ-eu gʼaˬ-euˬ laꞈ-ahˇ aˬ nehˬ tehꞈ-a. Yaˇ kʼaˬ daˇ-eu gʼaˬ kʼawꞈ, nawˬ-ahˇ paˬ kuˆ-ahˇ haw-eu gʼaˬ-euˬ aˬ laꞈ laꞈ kʼoeˇ a nehˬ-awˇ, paꞈ kuˆ-ahˇ bi dawˆ tehꞈ-a.

Luˇkaꞈ 22:54

Kʼoeˇ naˇ, aˬ yawꞈ maꞈ Yeˬ suˇ-ahˇ nyehꞈ-awˇ, Piˇ ma Yaw huiˬ gʼaˬ-euˬ nymˇ-ahˇ sheuˬ gʼeh-euˬ meh. Beˬtuˆluˆ-aˬ, naˇ kʼah paw ui cuiˆ gaˇ mahˇ kaˬ gaˇ cah-awˇ caw teh luꞈ-eu meh.

Yoˇhaˬ 18:25

Beˬtuˆluˆ-aˬ, kʼoeˇ gaˇ yawꞈ-awˇ yaw gaˆ lmˇ luꞈ-eu meh. Aˬ cawˬ a yawꞈ-ahˇ naˇ haˬ-eu, “Nawˇ gʼeh tsawˇ haˬ kʼoeˇ gʼaˬ-euˬ zaˬ lahˇ maˬ ngeuˇ loˇ.” Beˬtuˆluˆ tsawˇ pyehˇ pyehˇ-awˇ ehˇ-eu, “Ngaˇ maˬ ngeuˇ.”

Yoˇhaˬ 19:6

Piˇ ma aˬ yuiꞈ deuˬ hawˇ-eu Yuˇdaˆ tsawˇ haˬ deuˬ aˬ yawꞈ-ahˇ ya mawˇ ngeh, “Laꞈ yaꞈ kʼoeˇ taˆ taꞈ sehꞈ-awˬ. Laꞈ yaꞈ kʼoeˇ taˆ taꞈ sehꞈ-awˬ” lehˇ guˇ-eu meh. Sahˬ paˬ Piˇlaˆ aˬ yawꞈ maꞈ-ahˇ ehˇ nehˬ-eu, “Toˆ-ehˇ ngeuˇ naˇ, naw maꞈ aˬ yawꞈ-ahˇ sheuˬ gʼeh-awˇ laꞈ yaꞈ kʼoeˇ taˆ taꞈ sehꞈ-iˇ-awˬ. Ngaˇ aˬ yawꞈ-euˬ yaw lehˬ maˬ poˆ mawˇ nya nya.”

Yoˇhaˬ 7:32

Tsawˇ haˬ aˇ maꞈ kʼoeˇ loꞈ-ehˇ ja kʼoeˬ luꞈ gaˇ Paˬliˬsehˇ deuˬ ya gaˬ-euˬ meh. Kʼoeˇ miˇ neh, piˇ ma aˬ yuiꞈ deuˬ hawˇ-eu Paˬliˬsehˇ deuˬ bawˬ dzaˬ-awˇ, Yeˬsuˇ-ahˇ bi nyehꞈ-eu gʼaˇ duˬ kʼehˇ gʼeh-euˬ meh.

Yoˇhaˬ 7:45

Yehˇ kʼoeˇ deuˬ gʼoꞈ keuˆ leˇ ngeh, piˇ ma aˬ yuiꞈ deuˬ hawˇ-eu Paˬliˬsehˇ deuˬ ehˇ-eu, “Aˬ jeˬ miˇ neh naw maꞈ aˬ yawꞈ-ahˇ maˬ nyehꞈ laꞈ teˬ.”

Gʼaˬkʼehˇ 5:22

Ehˇ kʼawꞈ, miˇ kʼahˬ gaˇ mˇ-eu yaw huiˬ yaw mahˇ deuˬ oe keuˆ ngeh, gʼaˬ kʼehˇ deuˬ tawˬ-ahˇ maˬ paˇ jawˇ-euˬ gaˇ ya mawˇ-awˇ, Baꞈ dzah-ahˇ paˇ gʼoꞈ leˇ-awˇ, heu loꞈ-ehˇ tsaꞈ gaˬ leˇ-euˬ meh.

Gʼaˬkʼehˇ 5:26

Yaw huiˬ yaw mahˇ kʼoeˇ gʼaˬ aˬ yawꞈ-euˬ tsawˇ haˬ deuˬ sheuˬ-awˇ, gʼaˬ kʼehˇ deuˬ-ahˇ sheuˬ laˬ-iˇ-euˬ meh. Tsawˇ haˬ aˇ maꞈ kʼoeˇ deuˬ aˬ yawꞈ maꞈ-ahˇ kʼaˬ lo biˬ laˇ gaˇ guˆ-eu miˇ neh, gʼaˬ kʼehˇ deuˬ-ahˇ yehˬ bawˬ sehˇ lu-ehˇ maˬ jahˇ ni sheuˬ laꞈ-euˬ meh.