Maꞈtehˬ 26:55 - Akha

⁵⁵ Kʼoeˇ naˇ, tsawˇ haˬ aˇ maꞈ kʼoeˇ maꞈ-ahˇ Yeˬsuˇ heu loꞈ-ehˇ ehˇ nehˬ-euˬ meh. “Smˇ kʼoeˬ tahˇ joe-ahˇ nyehꞈ-eu loꞈ-ehˇ, naw maꞈ mi cehˇ hawˇ-eu daˇ kawˬ baꞈ-awˇ ngaˬ-ahˇ ya nyehꞈ le ta loˇ. Uˬ duˬ tahˬ nymˇ nymˇ ma laꞈ kʼoeˇ ngaˇ yawˬ nah na luꞈ nuiˇ-awˇ mehˬ nehˬ tsoˆ nehˬ luꞈ kʼawꞈ, naw maꞈ ngaˬ-ahˇ maˬ nyehꞈ le-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵⁵ Khoerngae yamq-anr, Yeqsur, tsawrhaq-euq baqmaf khoermaf-anr heulof-aer aernaeq-euq mae, “Nawmaf, tanrjoe-anr nyaef-ir-eu lof-aer micaer baf-awr darkawq gheu-awr ngaq-anr nyaefle-euq le lor? Ngar yawqnan navluf uqduq tanqnymr nymrma-euq lafkhoer nuir-awr maeqnaeq tsovnaeq-eu khawf, nawmaf, ngaq-anr maqnyaef-a.

Maꞈtehˬ 26:55 ပူးပေါင်းရင်းမြစ်များ

Maꞈtehˬ 21:23

Yeˬsuˇ Uˬ duˬ tahˬ nymˇ nymˇ ma-ahˇ gʼoꞈ uˇ leˇ-awˇ mehˬ luꞈ tsoˆ luꞈ ngeh, piˇ ma aˬ yuiꞈ deuˬ hawˇ-eu aˬ yuiꞈ aˬ tsu deuˬ aˬ yawꞈ jawˇ gaˇ laˇ-awˇ ehˇ-eu, “Nawˇ aˬ gaˇ-euˬ baoˬ-ahˇ gʼoe-awˇ teu loꞈ-ehˇ mˇ te. Aˬ suˇ gʼaˬ neh nawˬ-ahˇ baoˬ biꞈ laꞈ taˬ.”

Maꞈtehˬ 26:47

Yeˬsuˇ dawˬ ngehˬ gʼaˬ-eu maˬ dah ni, zaˬ lahˇ tseˇ nyiꞈ gʼaˬ laꞈ kʼoeˇ ahˇ-eu Yuˇdaˆ lehˇ myahˇ-euˬ gʼaˬ oe keuˆ-euˬ meh. Mi cehˇ hawˇ-eu daˇ kawˬ baꞈ luꞈ-eu tsawˇ haˬ aˇ maꞈ maꞈ ma tiˬ maꞈ, aˬ yawꞈ nehˬ-ehˇ oe-euˬ meh. Piˇ ma aˬ yuiꞈ deuˬ hawˇ-eu aˬ yuiꞈ aˬ tsu geuꞈ-eu deuˬ neh aˬ yawꞈ maꞈ-ahˇ kʼehˇ gʼeh leꞈ-euˬ meh.

Maˬkuˆ 10:1

Kʼoeˇ naˇ, jawˇ duˬ kʼoeˇ tsahˇ-ahˇ neh Yeˬsuˇ doˆ-iˇ-awˇ, Yuˇdaˆ miˇ kʼahˬ-ahˇ iˇ-awˇ, Yawˇdaˬ lawˇ baˬ tsehˆ-euˬ meh. Tsawˇ haˬ aˇ maꞈ maꞈ ma aˬ yawꞈ jawˇ gaˇ uiˬ le-awˇ, aˬ yawꞈ aˬ myah myah mehˬ-euˬ loꞈ-ehˇ, aˬ yawꞈ maꞈ-ahˇ mehˬ nehˬ tsoˆ nehˬ-euˬ meh.

Maˬkuˆ 12:35

Yeˬsuˇ Uˬ duˬ tahˬ nymˇ nymˇ ma laꞈ kʼoeˇ mehˬ nehˬ tsoˆ nehˬ luꞈ ngeh, heu loꞈ-ehˇ ehˇ-eu meh. “Ka li-aˬ, Daˬbiˇ-euˬ zaˬ meh lehˇ Zahˇ dawˬ kʼoꞈ dawˬ mehˬ-eu saˬ laˬ deuˬ aˬ joˆ-ehˇ ehˇ nya ta.

Luˇkaꞈ 19:47

Yawˬ nah na luꞈ, Uˬ duˬ tahˬ nymˇ nymˇ ma laꞈ kʼoeˇ Yeˬsuˇ mehˬ nehˬ tsoˆ nehˬ-euˬ meh. Piˇ ma aˬ yuiꞈ deuˬ, Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu, miˇ kʼahˬ zaˬ-euˬ aˬ yuiꞈ aˬ tsu deuˬ, aˬ yawꞈ-ahˇ sehꞈ mawꞈ-eu meh.

Luˇkaꞈ 20:1

Tiˬ nah-aˬ, Yeˬsuˇ Uˬ duˬ tahˬ nymˇ nymˇ ma laꞈ kʼoeˇ mehˬ-awˇ tsoˆ-awˇ, Laˬ kʼaˬ cehˇ-eu Guiˬ lahˬ dawˬ mehˬ luꞈ ngeh, piˇ ma aˬ yuiꞈ deuˬ, Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu, aˬ yuiꞈ aˬ tsu deuˬ aˬ yawꞈ jawˇ gaˇ laˇ-awˇ ehˇ-eu,

Luˇkaꞈ 4:20

Kʼoeˇ naˇ, sahˬ boꞈ kʼoeˇ yoˆ kʼoꞈ-awˇ, uˬ duˬ tahˬ nymˇ-ahˇ sheuˬ gʼeh-eu gʼaˬ-ahˇ biꞈ kʼoꞈ nehˬ-awˇ nuiˇ-euˬ meh. Uˬ duˬ tahˬ nymˇ laꞈ kʼoeˇ kʼaˇ jawˇ-eu tsawˇ haˬ dawˬ tawˆ luꞈ, aˬ yawꞈ-ahˇ haw tsoˆ taˬ-euˬ meh.

Yoˇhaˬ 7:14

Bawˬ-iˬ gʼeh-eu aˇ nah aˇ yamˬ tiˬ paˆ jiˇ leˇ ngeh, Yeˬsuˇ Uˬ duˬ tahˬ nymˇ nymˇ ma-ahˇ le-awˇ mehˬ nehˬ tsoˆ nehˬ leˇ-euˬ meh.

Yoˇhaˬ 7:28

Yeˬsuˇ Uˬ duˬ tahˬ nymˇ nymˇ ma laꞈ kʼoeˇ mehˬ nehˬ tsoˆ nehˬ luꞈ ngeh, teˇ saˇ yaw kʼaˆ-ehˇ heu loꞈ-ehˇ ehˇ-eu meh. “Ngaˇ aˬ suˇ gʼaˬ pyeuꞈ-awˇ aˬ gaˇ neh oe-euˬ naw maꞈ siˬ duˬ ma loˇ. Ngaˇ ngaˬ-euˬ nui noeˬ oe-euˬ maˬ ngeuˇ. Ngaˬ-ahˇ kʼehˇ gʼeh leꞈ-euˬ gʼaˬ-aˬ, yaw tsawˬ yaw dawˇ meh. Naw maꞈ aˬ yawꞈ-ahˇ maˬ siˬ nya-a.

Yoˇhaˬ 8:2

Yawˬ nah yawˬ uˬ shawˬ yaw naꞈ-ehˇ Uˬ duˬ tahˬ nymˇ nymˇ ma-ahˇ aˬ yawꞈ le-euˬ meh. Tsawˇ haˬ dawˬ tawˆ luꞈ aˬ yawꞈ jawˇ gaˇ uiˬ laˇ-awˇ, aˬ yawꞈ nuiˇ-awˇ aˬ yawꞈ maꞈ-ahˇ mehˬ nehˬ tsoˆ nehˬ-euˬ meh.

Yoˇhaˬ 8:20

Yeˬsuˇ-aˬ, Uˬ duˬ tahˬ nymˇ nymˇ ma laꞈ kʼoeˇ jaˆ-eu pyuˇ daˬ bahˬ keuˆ deuˬ baꞈ taˬ-euˬ lawˆ-ahˇ jawˇ-awˇ, gaˇ kawˆ kʼoeˇ deuˬ mehˬ nehˬ tsoˆ nehˬ-euˬ meh. Ehˇ kʼawꞈ, tsawˇ haˬ tiˬ gʼaˬ-iˬ aˬ yawꞈ-ahˇ maˬ nyehꞈ-a. Aˬ jeˬ miˇ neh ehˇ naˇ, aˬ yawꞈ-euˬ aˇ yamˬ maˬ keuˆ laˇ-euˬ miˇ neh meh.