Maꞈtehˬ 26:40 - Akha

⁴⁰ Kʼoeˇ naˇ, zaˬ lahˇ kʼoeˇ smˇ gʼaˬ jawˇ gaˇ aˬ yawꞈ gʼoꞈ-iˇ ngeh, yuꞈ kʼaˆ taˬ-euˬ gaˇ ya mawˇ-euˬ meh. Aˬ yawꞈ Beˬtuˆluˆ-ahˇ ehˇ nehˬ-eu, “Nawˬ ha smˇ gʼaˬ naˬ liˬ tiˬ laꞈ byah ni tehꞈ-ehˇ kʼawꞈ ngaˬ nehˬ-ehˇ maˬ loꞈ caw nya ni aˬ joˆ-ehˇ gʼeh ta.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁰ Aqyawf, zaqlanr deuq jawr-eu gar ghoflar ngae, aqyawfmaf yufkhav taq-euq gar ya’mawr-awr, Beqtuvluv-anr heulof-aer aernaeq-euq mae, “Nawmaf, ngaq naeq-aer naqliq tiq laf taef-aer khawf yawbeur beur-aer maq lofcoer nya lor?

Maꞈtehˬ 26:40 ပူးပေါင်းရင်းမြစ်များ

1 Sahˬpaˬ 20:11

Aˬhaˆ ehˇ-eu, “Maˇ maˇ ni gʼeh-eu yehˇ tiˬ gʼaˬ-aˬ, guiˇ maˬ deuˆ mi naˆ-ehˇ kʼahˬ sehˇ jeˬ huˬ maˬ jehˆ-aˇ. Guiˇ deuˆ gʼaˬ miˇ tsa hawˇ-eu kʼahˬ sehˇ jehˆ nmˇ lehˇ sahˬ paˬ Beˬhaˬdaˇ-ahˇ ehˇ nehˬ leˇ-awˬ.”

Dawˬ caˇ 5:2

Ngaˇ yuꞈ kʼaˆ luꞈ kʼawꞈ, ngaˬ-euˬ nui ma yaw noeˬ nya. Ngaˇ gaˬ-eu gʼaˬ laˇ gʼoˆ-ahˇ kʼoˆ luꞈ gaˇ yuꞈ maˆ maˆ mawˇ-euˬ ma. Ngaˇ gaˬ-eu gʼaˬ-oˇ, ngaˬ-ahˇ bi uˇ laˇ nehˬ laꞈ sheˇ. Ngaˇ gaˬ dui dui-eu ngaˬ-euˬ zaˬ kʼaˬ, muiˬ dui dui-eu gʼaˬ-oˇ, bi uˇ laˇ nehˬ laꞈ sheˇ. Ngaˬ-euˬ uˬ duˬ-ahˇ ceuˬ ga aˬ-awˇ, ngaˬ-euˬ uˬ duˬ tsehˇ kahˇ jaˇ yoe ni miˇ-a.

Maꞈtehˬ 25:5

Miˬ zaˬ sheuˬ le-eu kʼaˬ dzeˇ zaˬ kʼoeˇ gʼaˬ yaw kawˇ-ehˇ maˬ oe keuˆ-eu miˇ neh, aˬ buˇ zaˬ guˬ kʼoeˇ deuˬ yuꞈ yoeˇ ngeuˇ laˇ-awˇ, yuꞈ kʼaˆ-euˬ meh.

Maꞈtehˬ 26:35

Beˬtuˆluˆ ehˇ-eu,“Ngaˇ nawˬ nehˬ-ehˇ ya shiˇ paˬ-ehˇ tsaˬ laˇ kʼawꞈ, ‘Nawˬ-ahˇ ngaˇ maˬ siˬ’ lehˇ tiˬ jawˇ-iˬ maˬ ehˇ.” Zaˬ lahˇ dawˬ tawˆ luꞈ kʼawꞈ, kʼoeˇ loꞈ-ehˇ ehˇ-eu meh.

Maꞈtehˬ 26:38

Aˬ ha smˇ gʼaˬ-ahˇ aˬ yawꞈ ehˇ nehˬ-eu, “Ngaˬ-euˬ nui ma shaˬ zahˬ mˇ-eu shiˇ taw tehˬ ni miˇ-a. Heu gaˇ jawˇ-awˇ, ngaˬ nehˬ-ehˇ loꞈ tawˬ-awˬ.”

Maꞈtehˬ 26:41

Muˇ juˇ juˇ-eu mehˬ nah naw maꞈ maˬ ya caw teh gʼeh ni, guiˬ lahˬ shaˇ-awˇ yaw beuˇ beuˇ-ehˇ jawˇ-awˬ. Nui ma keuˆ kʼawꞈ, gʼawˇ mawˇ gʼaˬ baˬ meh.”

Maꞈtehˬ 26:43

Aˬ yawꞈ tiˬ poˆ paˇ gʼoꞈ le ngeh, zaˬ lahˇ kʼoeˇ smˇ gʼaˬ myaˆ nuiˆ maˬ byeh diˇ coeˇ-ehˇ yuꞈ kʼaˆ taˬ-euˬ gaˇ paˇ ya mawˇ-euˬ meh.

Maˬkuˆ 14:37

Kʼoeˇ naˇ, zaˬ lahˇ kʼoeˇ smˇ gʼaˬ jawˇ gaˇ aˬ yawꞈ gʼoꞈ le ngeh, yuꞈ kʼaˆ jiˇ taˬ-euˬ gaˇ ya mawˇ-euˬ meh. Beˬtuˆluˆ-ahˇ aˬ yawꞈ ehˇ nehˬ-eu, “Siˇmoˬ-oˇ. Nawˇ yuꞈ kʼaˆ teˬ loˇ. Naˬ liˬ tiˬ laꞈ tehꞈ-ehˇ kʼawꞈ maˬ yuꞈ ni maˬ dawˬ keuˆ coeˇ nya loˇ.”

Luˇkaꞈ 22:45

Aˬ yawꞈ guiˬ lahˬ shaˇ luꞈ-eu tuˇ laˇ-awˇ, zaˬ lahˇ deuˬ jawˇ gaˇ gʼoꞈ-iˇ ngeh, noeˬ shaˬ dui dui-awˇ gʼaˬ doeˇ doeˇ-eu miˇ neh, yuꞈ kʼaˆ taˬ-euˬ gaˇ ya mawˇ-euˬ meh.

Luˇkaꞈ 9:32

Beˬtuˆluˆ aˬ ha maꞈ yuꞈ kʼaˆ jiˇ taˬ-euˬ meh. Aˬ yawꞈ maꞈ noeˬ laˇ ngeh, Yeˬsuˇ-euˬ yaw shehꞈ kʼahˬ sehˇ-ahˇ maˬ ehˇ, aˬ yawꞈ nehˬ-ehˇ yawꞈ luꞈ-eu tsawˇ haˬ nyiˬ gʼaˬ-ahˇ maˬ ehˇ, ya mawˇ-euˬ meh.

Yaˇ kʼaˬ daˇ 9:33

Kʼoeˇ naˇ, uˬ shawˬ paw nahˇ ma doˆ laˇ ngeh yamˬ-ahˇ tuˇ laˇ-awˇ, meuˬ-ahˇ ja pyuˬ ni guiˇ deuˆ le-awˬ. Gaˬlaˆ hawˇ-eu aˬ yawꞈ-euˬ tsawˇ haˬ deuˬ nawˬ-ahˇ guiˇ deuˆ le-eu lehˇ doˆ le ngeh, haw-awˇ neh jahˇ nehˬ-awˬ.”