Maꞈtehˬ 26:31 - Akha

³¹ Kʼoeˇ naˇ, aˬ yawꞈ maꞈ-ahˇ Yeˬsuˇ heu loꞈ-ehˇ ehˇ nehˬ-euˬ meh. “Nymˇ ciꞈ naw maꞈ dawˬ tawˆ luꞈ ngaˬ-ahˇ byehˇ dzeh-awˇ cehˆ tehꞈ-a. Aˬ jeˬ miˇ neh ehˇ naˇ, ‘Yawˇ bo-eu yaw sahˇ-ahˇ Miˬyehˇ sehꞈ-awˇ, yawˇ yawˇ maꞈ cehˆ byaˆ jiˇ tehꞈ-a’ lehˇ, Jaˇliꞈ laꞈ kʼoeˇ ehˇ taˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³¹ Khoerngae, Yeqsur, aqyawf maf-anr heulof-aer aernaeq-euq mae, “Nymrcif nawmaf yawqghaq navluf, ngaq-euq baqda’nae sanqtiftif taef-a. Aqjeq mirnae aernar-aq, Yaerbof-euq lafkhoer heulof-aer boftaq-euq mae, ‘Ngar, yawr bo-eu ghaq-anr diq ngae, Yawrmaf-euq yawrdeuq caevbyavjir taef-a.’ (Zkl 13:7)

Maꞈtehˬ 26:31 ပူးပေါင်းရင်းမြစ်များ

Jaceuq 38:11

Maˇcuˬmaˇlu lu-eu miˇneh, cawˬyaw gʼoeˇdeuˬmaˬlaˇpeuˬ-ehˇ, ngaˬ-euˬnymˇkʼahˬzaˬ-ahˇkeuˆni, dawˬpeh maˬlaˇni yahˇ-eu meh.

Jaceuq 69:20

Aˬ cawˬ-euˬ dawˬ doeˇ ngaˬ-euˬ nui ma-ahˇ zaw dui dui laˇ-awˇ, nui ma cawˆ dui dui luꞈ-eu ma. Ngaˬ-ahˇ gʼawˬ shaˬ gaˬ nehˬ laꞈ gaˇ noeˬ tmˬ kʼawꞈ, gʼawˬ shaˬ gaˬ nehˬ laꞈ-eu tiˬ gʼaˬ-iˬ maˬ jawˇ-a. Gʼaˬ biꞈ nehˬ laꞈ gaˇ noeˬ tmˬ kʼawꞈ, gʼaˬ biꞈ nehˬ laꞈ-eu tiˬ gʼaˬ-iˬ maˬ jawˇ-a.

Jaceuq 88:18

Gʼoeˇ dui dui-eu cawˬ deuˬ ngaˬ-ahˇ byehˇ dzeh ni nawˇ jahˇ-awˇ, ngaˬ-euˬ gʼaˇ duˬ dzeˇ luꞈ-eu cawˬ-aˬ, zahˇ tsui ni gʼeh-eu jeˬ tehꞈ ma.

Iˇsaˬyaˇ 53:10

Sahˬpaˬ Miˬyehˇ ehˇ-eu, “Shaˬ-eu zahˬ-eu jeˬ-ahˇ aˬ yawꞈ daˬ-eu gʼaˇ duˬ, ngaˇ nui ma tsaˬ-eu ma. Aˬ yawꞈ ya shiˇ-euˬ gaˇ kawˆ-aˬ, iˬ baˇ gʼaˇ duˬ lawˇ dah nehˬ-eu jeˬ meh. Kʼoeˇ miˇ neh aˬ yawꞈ-euˬ zaˬ deuˬ uˆ deuˬ-ahˇ aˬ yawꞈ ya mawˇ-awˇ, aˬ yawꞈ ziˇ baw ziˇ za tehꞈ-a. Aˬ yawꞈ laꞈ kʼoeˇ ngaˬ neh noeˬ taˬ-euˬ jeˬ byah laˇ tehꞈ-a.

Ngoeˇ dawˬ 1:19

“Nui ma gm-euˬ deuˬ-ahˇ kuˇ kʼawꞈ, ngaˬ-ahˇ byehˇ dzeh nehˬ laꞈ-euˬ meh. Piˇ ma deuˬ hawˇ-eu aˬ yuiꞈ deuˬ, yawˬ ha maˬ shiˇ tiˬ pyaˬ jeuˬ-awˇ, dzaˬ-eu dawˇ-eu jeˬ poˆ poˆ-ehˇ, meuˬ-euˬ laꞈ kʼoeˇ shiˇ jiˇ-euˬ meh.

Zaˬkaˬliˇ 13:7

Sahˬpaˬ Miˬyehˇ Baoˬ huiˬ-eu gʼaˬ, heu loꞈ-ehˇ dawˬ biꞈ nehˬ-euˬ meh. “Mi cehˇ-oˇ, noeˬ laˇ-awˇ tuˇ-awˬ. Ngaˬ-euˬ yawˇ bi bo-euˬ tsawˇ haˬ, ngaˬ-euˬ dawˬ peh yawꞈ-eu gʼaˬ-ahˇ, sehꞈ-eu gʼaˇ duˬ yaw kawˇ tuˇ-awˬ. Yawˇ deuˬ cehˆ byoˆ cehˆ laˆ jiˇ ni, Yawˇ bo-eu gʼaˬ-ahˇ deuˆ sehꞈ-awˬ. Yawˇ zaˬ deuˬ-ahˇ ngaˇ kʼehˬ-eu ma.”

Maꞈtehˬ 11:6

Ngaˬ-ahˇ jah-eu nui ma poˆ poˆ laˆ laˆ-ehˇ maˬ gʼeh-eu tsawˇ haˬ deuˬ guiˬ lahˬ huiˬ tehꞈ-a.”

Maꞈtehˬ 26:24

Tsawˇhaˬ-euˬ Zaˬmaˇ-aˬ, Jaˇliꞈ laꞈ kʼoeˇ ehˇ taˬ-euˬ loꞈ-ehˇ ya shiˇ tehꞈ-a. Ehˇ kʼawꞈ, Tsawˇhaˬ-euˬ Zaˬmaˇ-ahˇ ahˬ dzaˬ-euˬ kʼoeˇ gʼaˬ ya noeˬ shaˬ dui dui tehꞈ-a. Aˬ yawꞈ maˬ dehꞈ le-euˬ law nmˇ-aˬ, aˬ yawꞈ gʼaˇ duˬ muiˬ dzehˬ tehꞈ-a.”

Maꞈtehˬ 26:56

Ehˇ kʼawꞈ, Miˬyehˇ gʼaˇ duˬ ngehˬ dah-eu deuˬ neh Jaˇliꞈ laꞈ kʼoeˇ kʼaˇ boꞈ taˬ-euˬ loꞈ-ehˇ byah laˇ ni, heu loꞈ-ehˇ bi pyeuꞈ laˇ-euˬ meh.” Kʼoeˇ ngeh, zaˬ lahˇ dawˬ tawˆ luꞈ, aˬ yawꞈ-ahˇ byehˇ dzeh yaꞈ-awˇ cehˆ jiˇ-euˬ meh.

Yoˇhaˬ 16:32

Naw maꞈ dawˬ tawˆ luꞈ bi teh byaˆ jiˇ-awˇ, yawˬ ha-euˬ nymˇ-ahˇ yawˬ ha cehˆ gʼoꞈ jiˇ-awˇ, ngaˬ-ahˇ tehꞈ-ehˇ byehˇ dzeh yaꞈ-eu aˇ yamˬ keuˆ le luꞈ meh. Aˇ yamˬ kʼoeˇ aˬ diˇ keuˆ le taˬ-euˬ meh. Ehˇ kʼawꞈ, ngaˇ-aˬ, tiˬ gʼaˬ tehꞈ maˬ ngeuˇ. Aˬ jeˬ miˇ neh ehˇ naˇ, Aˬda ngaˬ nehˬ-ehˇ jawˇ ma.