Maꞈtehˬ 26:29 - Akha

²⁹ Ngaˬ Da-euˬ Miˇkʼahˬ laꞈ kʼoeˇ, naw maꞈ nehˬ-ehˇ aˬ gaꞈ dzaˇ uiˇ yaw shuiꞈ ya dawˇ taꞈ-eu aˇ nah maˬ keuˆ laˇ kʼoeˇ keuˆ ni, aˬ gaꞈ dzaˇ uiˇ heu ngaˇ maˬ paˇ dawˇ ma lehˇ, naw maꞈ-ahˇ ngaˇ ehˇ-eu ma.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁹ Ngar, nawmaf-anr aernaeq nyar, ngaqDa uvlanr-eu jeq-euq lafkhoer, ngar, nawmaf naeq-aer tiqkawv lof-aer aqgaf dzaruir yawshuif yadawr taf-eu arnan maq keuvlar-euq khoerkeuvni, ngar, aqgaf arsiq-euq dzaruir maqpar dawr ma.”

Maꞈtehˬ 26:29 ပူးပေါင်းရင်းမြစ်များ

Jaceuq 104:15

Tsawˇ haˬ zaˬ-euˬ nui ma-ahˇ laˬ kʼaˬ bi cehˇ-eu gʼaˇ duˬ aˬ gaꞈ dzaˇ uiˇ doˆ laˇ ni maˬ ehˇ, tsawˇ haˬ zaˬ-euˬ gʼawˇ mawˇ laˆ saˆ-eu gʼaˇ duˬ saˬ loˬ tsiˇ doˆ laˇ ni maˬ ehˇ, tsawˇ haˬ zaˬ dzaˬ-awˇ gʼaˬ bi ahˇ-eu gʼaˇ duˬ kaˬ muˇ doˆ laˇ ni maˬ ehˇ, nawˇ kʼoeˇ loꞈ-ehˇ jahˇ nehˬ-euˬ meh.

Jaceuq 4:7

Dzaˬla gʼo cehˇ, aˬgaꞈdzaˇuiˇ, za dui dui le-euˬbaˬda neh, yawꞈmaꞈlaˬkʼaˬcehˇ-eu kʼoeˇ-aˬ, nawˬneh ngaˬ-ahˇ biꞈnehˬlaꞈ-euˬ, laˬkʼaˬcehˇ-eu jeˬmaˬtawˬ-a.

Jaceuq 40:3

Yawꞈ-ahˇceuˬ-eu caˇdawˬyaw shuiꞈ, yawꞈngaˬ-ahˇmehˬnehˬlaꞈ-euˬmeh. Ya gaˬya mawˇ-eu tsawˇhaˬdeuˬ, guˆ-eu nui ma ahˇ-eu laꞈkʼoeˇ, SahˬpaˬMiˬyehˇ-ahˇgʼoe tehꞈ-a.

Dawˬ caˇ 5:1

Ngaˬ-euˬ yaˇ kmˇ-ahˇ ngaˇ oe-euˬ ma. Ngaˇ gaˬ-eu ngaˬ-euˬ zaˬ kʼaˬ jawˇ gaˇ ngaˇ oe-euˬ ma. Muˇ laˬ hawˇ-eu tsiˇ yaw saw jeˬ ngaˇ yuˇ uiˬ luꞈ-eu ma. Ngaˬ-euˬ byaˬ byaˬ uiˇ hawˇ-eu byaˬ yaˆ ngaˇ dzaˬ luꞈ-eu ma. Ngaˬ-euˬ aˬ gaꞈ dzaˇ uiˇ hawˇ-eu mawˇ neˇ aˬ coeˇ ngaˇ dawˇ luꞈ-eu ma. Gaˬ-eu cawˬ deuˬ-oˇ, dzaˬ-awˬ dawˇ-awˬ. Dzaˬ yehꞈ dawˇ yehꞈ ngeh keuˆ ni, dzaˬ boˆ dawˇ boˆ boˆ-awˬ.

Iˇsaˬyaˇ 25:6

Ziˇoˬ gawˬ jawˬ heu jawˬ kʼoeˇ taˆ, miˇ tsaˬ tsawˇ jeuˬ dawˬ tawˆ luꞈ gʼaˇ duˬ, Baoˬ huiˬ-eu Sahˬpaˬ Miˬyehˇ hawˬ byawˇ laˆ dawˆ tehꞈ-a. Muiˬ dui dui-eu dzaˬ dzaˬ dawˇ dawˇ deuˬ hawˇ-eu, kuiˇ dui dui-eu aˬ gaꞈ dzaˇ uiˇ aˬ yawꞈ lehˬ hmˬ tehꞈ-a.

Iˇsaˬyaˇ 53:11

Shaˬ-eu zahˬ-euˬ jeˬ-ahˇ aˬ yawꞈ dehꞈ dzeuˇ gʼaˬ ngeh, nui saˇ oꞈ-eu laꞈ kʼoeˇ paˇ ya dehꞈ-awˇ, shaˬ-eu zahˬ-eu jeˬ-ahˇ ya daˬ-euˬ kʼoeˇ, yawˬ ngehꞈ maˬ ngeuˇ-a lehˇ ya siˬ tehꞈ-a. Ngaˇ nui kʼahˇ shiˇ-eu ngaˬ-euˬ zaˬ kʼaˆ-aˬ, tsawˇ haˬ gʼawˬ mya gʼaˇ duˬ kʼehˬ-eu kʼaˆ-eu jeˬ-ahˇ daˬ-awˇ, aˬ yawꞈ baˬ da neh tsawˇ haˬ kʼoeˇ deuˬ-ahˇ ngaˇ iˬ baˇ pyehˬ ma.

Zeˬpaˬniˇ 3:17

Sahˬpaˬ Miˬyehˇ nawˬ nehˇ jawˇ-awˇ, gʼaˬ leˇ-eu baoˬ biꞈ laꞈ tehꞈ-a. Aˬ yawꞈ nawˬ-ahˇ nui kʼahˇ shiˇ-awˇ, nawˬ-ahˇ gaˬ-eu jeˬ baˬ da neh, yaw shuiꞈ bi dehꞈ paˇ laꞈ tehꞈ-a. Aˬ yawꞈ nawˬ-ahˇ nui ma tsaˬ-eu, laˬ kʼaˬ cehˇ-eu caˇ dawˬ caˇ-awˇ,

Zaˬkaˬliˇ 9:17

Aˬ yawꞈ-euˬ miˇ kʼahˬ kʼoeˇ kʼahˬ-aˬ, aˇ naˆ haw muiˬ-eu miˇ kʼahˬ nga. Dzaˬ la gʼo cehˇ aˬ gaꞈ dzaˇ uiˇ, zaˬ guˬ aˬ lmˬ bi mehˇ tehꞈ-a.

Maꞈtehˬ 13:43

Kʼoeˇ ngeh, Miˬyehˇ-euˬ tsawˇ haˬ deuˬ-aˬ, aˬ yawꞈ maꞈ-euˬ Aˬda-euˬ Miˇkʼahˬ laꞈ kʼoeˇ, nahˇ ma loꞈ-ehˇ yaw shehꞈ bya tehꞈ-a. Naˬ bawˇ kʼaˇ tsoꞈ-eu deuˬ naˇ haˬ-awˬ.

Maꞈtehˬ 16:28

Heu gaˇ jawˇ luꞈ-eu tsawˇ haˬ tiˬ paˆ na deuˬ maˬ shiˇ dzeuˇ mi naˆ-ehˇ, Tsawˇhaˬ-euˬ Zaˬmaˇ sahˬ paˬ geuꞈ-awˇ oe gaˇ ya mawˇ tehꞈ-a lehˇ, ngaˇ naw maꞈ-ahˇ maˇ jawˆ ni ehˇ-eu ma.”

Maꞈtehˬ 18:20

Aˬ jeˬ miˇ neh ehˇ naˇ, ngaˬ-euˬ tsawˇ myahˇ uˬ moˆ tsawˇ haˬ nyiˬ gʼaˬ smˇ gʼaˬ kʼaˇ uiˬ leˇ ngeh, aˬ yawꞈ maꞈ-euˬ gʼahˇ ceh ngaˇ jawˇ ma.”

Maꞈtehˬ 25:34

Kʼoeˇ naˇ, aˬ yawꞈ-euˬ aˇ maˇ paw jawˇ-eu tsawˇ haˬ deuˬ-ahˇ Sahˬ paˬ heu loꞈ-ehˇ ehˇ nehˬ tehꞈ-a. ‘Ngaˬ Da neh guiˬ lahˬ biꞈ taˬ-euˬ tsawˇ haˬ deuˬ-oˇ, laˇ-awˬ. Mˬ beh miˇ beh ngeh neh naw maꞈ gʼaˇ duˬ lehˬ hmˬ taˬ-euˬ miˇ kʼahˬ-ahˇ jawˇ laˇ-awˬ.

Maꞈtehˬ 26:28

Heu-aˬ, tsawˇ haˬ gʼawˬ mya ni-euˬ iˬ baˇ bi buˬ bi law-iˇ-eu gʼaˇ duˬ yoeˇ le-euˬ, Miˬyehˇ-euˬ dawˬ ma saˇ jaˇ-ahˇ taꞈ-eu ngaˬ-euˬ shiˬ ma.

Maꞈtehˬ 26:30

Kʼoeˇ naˇ, aˬ yawꞈ maꞈ ja ceuˬ-eu caˇ dawˬ tiˬ bymˇ caˇ gʼaˬ-awˇ, Saˬloˬ gawˬ jawˬ-ahˇ le-euˬ meh.

Maꞈtehˬ 28:20

Ngaˬ neh naw maꞈ-ahˇ dawˬ kʼaˇ biꞈ taˬ-euˬ yawˬ jeˬ na luꞈ, aˬ yawꞈ maꞈ naˇ haˬ-awˇ caw teh ni mehˬ nehˬ tsoˆ nehˬ-awˬ. Miˇ tsaˬ heu aˇ saˬ saˬ ngeh keuˆ ni, naw maꞈ nehˬ-ehˇ aˬ myah luꞈ ngaˇ jawˇ ma.”

Maˬkuˆ 14:25

Miˬyehˇ Miˇkʼahˬ laꞈ kʼoeˇ aˬ gaꞈ dzaˇ uiˇ yaw shuiꞈ-ahˇ ngaˇ ya dawˇ-eu aˇ nah maˬ keuˆ laˇ kʼoeˇ keuˆ ni, aˬ gaꞈ dzaˇ uiˇ heu ngaˇ maˬ paˇ dawˇ ma lehˇ, naw maꞈ-ahˇ ngaˇ ehˇ-eu ma.”

Luˇkaꞈ 12:32

“Nyiˇ dui dui-eu yawˇ yawˇ maꞈ-oˇ, taˬ guˆ. Aˬ jeˬ miˇ neh ehˇ naˇ, naw maꞈ-ahˇ Miˇkʼahˬ biꞈ-eu gʼaˇ duˬ naw maꞈ-euˬ Aˬda nui ma tsaˬ-eu meh.

Luˇkaꞈ 15:32

Laˬ kʼaˬ tiˬ cehˇ dzaˬ taꞈ dawˇ taꞈ-eu heu-aˬ, jahˇ paˬ-ehˇ gʼeh-eu tiˬ jeˬ meh. Aˬ jeˬ miˇ neh ehˇ naˇ, nawˬ-euˬ aˬ nyiˇ heu gʼaˬ shiˇ-euˬ kʼawꞈ, nymˬ-mˇ paˇ gʼoꞈ dehꞈ laˇ-euˬ meh. Aˬ yawꞈ byoˆ-iˇ-euˬ kʼawꞈ, nymˬ-mˇ paˇ mawˇ kʼoꞈ-euˬ ma.”’

Yoˇhaˬ 15:11

Ngaˬ-euˬ laˬ kʼaˬ cehˇ-eu jeˬ naw maꞈ laꞈ kʼoeˇ ahˇ-awˇ, naw maꞈ laˬ kʼaˬ cehˇ-eu jeˬ byah laˇ ni, naw maꞈ-ahˇ ngaˇ heu loꞈ-ehˇ ehˇ nehˬ-euˬ jeˬ pyeuꞈ-eu ma.

Yoˇhaˬ 16:22

Naw maꞈ kʼawꞈ, kʼoeˇ gaˇ duˇ-eu meh. Nymˬ-mˇ naw maꞈ ya noeˬ shaˬ-eu meh. Ehˇ kʼawꞈ, naw maꞈ-ahˇ ngaˇ paˇ haw mawˇ le ngeh, naw maꞈ laˬ kʼaˬ cehˇ dui dui tehꞈ-a. Kʼoeˇ ngeh jawˇ, naw maꞈ laˬ kʼaˬ cehˇ-eu jeˬ-ahˇ tiˬ gʼaˬ-iˬ maˬ paˇ lu doˆ geuꞈ gʼeh nya-aˇ.

Yoˇhaˬ 17:13

Nymˬ-mˇ nawˇ jawˇ gaˇ ngaˇ gʼoꞈ laˇ-eu lehˇ gʼeh-eu ma. Aˬ yawꞈ maꞈ-euˬ nui ma laꞈ kʼoeˇ ngaˬ-euˬ laˬ kʼaˬ cehˇ-eu jeˬ tiˬ byah ni za-eu gʼaˇ duˬ, ngaˇ miˇ tsaˬ kʼoeˇ taˆ jawˇ luꞈ ngeh heu loꞈ-ehˇ ehˇ-eu ma.

Gʼaˬkʼehˇ 10:41

Ehˇ kʼawꞈ, tsawˇ haˬ dawˬ tawˆ luꞈ-ahˇ bi mawˇ le-euˬ maˬ ngeuˇ-a. Gaˇ kawˆ heu saˇ kiˇ bi kamˬ-eu gʼaˇ duˬ yaw duˬ duˬ-ehˇ bi mawˇ duˬ-eu lehˇ, yaw beh neh Miˬyehˇ neh tseˇ doˆ taˬ-euˬ tsawˇ haˬ deuˬ pyeuꞈ-eu nga maꞈ heu myaˆ gʼaˬ-ahˇ bi mawˇ laꞈ-euˬ tehꞈ meh. Aˬ yawꞈ gʼoꞈ dehꞈ laˇ gʼaˬ miˇ tsa, nga maꞈ aˬ yawꞈ nehˬ-ehˇ dzaˬ taꞈ dawˇ taꞈ-euˬ ma.

HeˬByehˇ 12:2

Aˬ dui-euˬ myaˆ nuiˆ Yeˬsuˇ-ahˇ haw tsoˆ taˬ kaˇ-euˇ. Aˬ dui Miˬyehˇ-ahˇ aˇ dahˬ beh ngeh neh aˇ saˬ saˬ ngeh keuˆ ni jah-euˬ-aˬ, aˬ yawꞈ baˬ da neh ma. Laꞈ yaꞈ baˬ da neh aˬ yawꞈ nui ma maˬ cawˆ-a. Aˬ yawꞈ-euˬ mehˬ shi jaˆ luꞈ-eu laˬ kʼaˬ cehˇ-eu jeˬ baˬ da neh, laꞈ yaꞈ kʼoeˇ taˆ ya shiˇ-eu daˬ ga dui dui-eu jeˬ-ahˇ aˬ yawꞈ kʼahˬ maˬ lahˇ-a. Nymˬ-mˇ aˬ yawꞈ Miˬyehˇ-euˬ dzoeˬ dzaˬ nuiˇ mahˬ-euˬ aˇ maˇ paw nuiˇ luꞈ-eu meh.

Panmaeq 14:3

Tsawˇ haˬ tiˬ seh oeˬ muiˇ oeˬ heˇ gʼaˬ kʼoeˇ-aˬ, dzoeˬ dzaˬ nuiˇ mahˬ, dehꞈ luꞈ-eu jeˬ zaˬ kʼoeˇ oeˬ mawˇ hawˇ-eu, aˬ yuiꞈ aˬ tsu kʼoeˇ deuˬ-euˬ mehˬ shi yawꞈ luꞈ-eu meh. Aˬ yawꞈ maꞈ-aˬ, aˬ cawˬ maˬ caˇ nya-eu caˇdawˬ yaw shuiꞈ tiˬ bymˇ caˇ luꞈ-eu meh. Tsawˇ haˬ zaˬ dawˬ tawˆ luꞈ laꞈ kʼoeˇ, aˬ yawꞈ maꞈ tehꞈ-ehˇ ka kʼoꞈ-eu jeˬ za-euˬ meh.

Panmaeq 7:17

Aˬ jeˬ miˇ neh ehˇ naˇ, dzoeˬ dzaˬ nuiˇ mahˬ-euˬ gʼahˇ ceh nuiˇ luꞈ-eu Yawˇzaˬ-aˬ, aˬ yawꞈ maꞈ-ahˇ bo-eu yawˇ bo-eu yaw sahˇ pyeuꞈ-awˇ, dehꞈ-eu saꞈ laˇ lawˇ gawˆ-ahˇ aˬ yawꞈ maꞈ-ahˇ sheuˬ gʼeh tehꞈ-a. Aˬ yawꞈ maꞈ-euˬ myaˆ biˇ dawˬ tawˆ luꞈ-ahˇ Miˬyehˇ siˆ shawˇ nehˬ tehꞈ-a.