Maꞈtehˬ 26:24 - Akha

²⁴ Tsawˇhaˬ-euˬ Zaˬmaˇ-aˬ, Jaˇliꞈ laꞈ kʼoeˇ ehˇ taˬ-euˬ loꞈ-ehˇ ya shiˇ tehꞈ-a. Ehˇ kʼawꞈ, Tsawˇhaˬ-euˬ Zaˬmaˇ-ahˇ ahˬ dzaˬ-euˬ kʼoeˇ gʼaˬ ya noeˬ shaˬ dui dui tehꞈ-a. Aˬ yawꞈ maˬ dehꞈ le-euˬ law nmˇ-aˬ, aˬ yawꞈ gʼaˇ duˬ muiˬ dzehˬ tehꞈ-a.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁴ Tsawrhaq-euq Zaqyo-aq, Yaerbof-euq lafkhoer aqyawf-euq garkawv boftaq-euq lof-aer ya ghofler-eu mae. Aerkhawf, Tsawrhaq-euq Zaqyo-anr anqdzaq-euq ghaq-aq, ghawqshar shaq-aer ya ghaesaef taef-a. Khoerghaq maq daefle-euq lawnmr-aq, aqyawf-euq gharduq muiqdzaeq-eu mae.”

Maꞈtehˬ 26:24 ပူးပေါင်းရင်းမြစ်များ

Aˇ dahˬ 3:15

Nawˇ hawˇ-eu zaˬ miˬ zaˬ naw nyaꞈ yaw kaˬ, tiˬ gʼaˬ tiˇ gʼaˬ muiˇ ni ngaˇ jahˇ ma. Aˬ yawꞈ-euˬ zaˬ deuˬ hawˇ-eu nawˬ-euˬ zaˬ deuˬ, aˬ myah luꞈ tiˬ gʼaˬ tiˇ gʼaˬ muiˇ tehꞈ-a. Aˬ yawꞈ-euˬ zaˬ deuˬ nawˬ-euˬ uˬ duˬ nawˬ pyehˆ-awˇ, aˬ yawꞈ maꞈ-euˬ aˬ kuiˇ kuiˇ nuiꞈ-ahˇ nawˇ toˆ tehꞈ-a” lehˇ ehˇ nehˬ-euˬ meh.

Jaceuq 55:15

Ngaˬ-ahˇ muiˇ-eu deuˬ aˇ yamˬ maˬ keuˆ laˇ mi naˆ-ehˇ shiˇ luꞈ-uˇ. Shiˇ-eu miˇ kʼahˬ-ahˇ yaw dehꞈ-ehˇ iˇ byoˆ gʼeh luꞈ-uˇ. Aˬ yawꞈ maꞈ-euˬ nui ma hawˇ-eu nymˇ jiˇ laꞈ kʼoeˇ, yaw haiˬ jeˬ byah luꞈ-eu meh.

Jaceuq 55:23

Ehˇ kʼawꞈ Sahˬpaˬ Miˬyehˇ nawˇ-aˬ, tsawˇ haˬ-ahˇ sehꞈ-eu deuˬ hawˇ-eu jaˬ myawꞈ mehˇ shuiˇ deuˬ-ahˇ, saꞈ maˬ gʼawˇ tsehˆ mi naˆ-ehˇ lmˬ bymˇ-ahˇ bi uˇ-iˇ tehꞈ-a. Ehˇ kʼawꞈ, ngaˇ-aˬ, nawˬ-ahˇ gʼoe ma.

Daˬyeˬlaˇ 9:26

Aˇ yamˬ kʼoeˇ yamˬ aˇ saˬ saˬ laˇ ngeh, Miˬyehˇ neh tseˇ doˆ-awˇ bi uˆ lahˇ-euˬ tsawˇ haˬ kʼoeˇ gʼaˬ, maˬ tsaˬ maˬ dawˇ-eu laꞈ kʼoeˇ bi sehꞈ tehꞈ-a. Baoˬ huiˬ-eu uˆ lahˇ-eu tsawˇ haˬ tiˬ gʼaˬ-euˬ guiˇ maꞈ uˇ le-awˇ, meuˬ hawˇ-eu Uˬ duˬ tahˬ nymˇ nymˇ ma-ahˇ laˆ cawˆ tehꞈ-a. Aˇ saˬ saˬ-eu aˇ nah aˇ yamˬ iˇ jeuˬ jeuˬ-eu loꞈ-ehˇ keuˆ le-awˇ, Miˬyehˇ neh lehˬ hmˬ taˬ-euˬ guiˇ deuˆ-eu jeˬ hawˇ-eu laˆ luˬ laˆ seˇ-eu jeˬ hehˇ ahˇ leꞈ tehꞈ-a.

Zaˬkaˬliˇ 12:10

“Daˬbiˇ-euˬ zaˬ deuˬ uˆ deuˬ hawˇ-eu, Yeˬluˇsaˬlehˬ meuˬ-ahˇ jawˇ-eu tsawˇ haˬ nui deuˬ-ahˇ, gʼawˬ shaˬ gaˬ-eu nui ma hawˇ-eu uˬ duˬ tahˬ-eu nui ma bi ahˇ ma. Aˬ yawꞈ maꞈ neh tsawˆ sehꞈ-euˬ tsawˇ haˬ-ahˇ aˬ yawꞈ maꞈ haw-awˇ, zaˬ tiˬ gʼaˬ tehꞈ-ehˇ jawˇ-eu bi shiˇ-euˬ loꞈ-ehˇ tsawˇ ngoeˇ ngoeˇ nehˬ tehꞈ-a. Dehꞈ beh beh le-euˬ aˬ li bi shiˇ-euˬ loꞈ-ehˇ, tsawˇ ngoeˇ ngoeˇ dui dui tehꞈ-a.

Zaˬkaˬliˇ 13:7

Sahˬpaˬ Miˬyehˇ Baoˬ huiˬ-eu gʼaˬ, heu loꞈ-ehˇ dawˬ biꞈ nehˬ-euˬ meh. “Mi cehˇ-oˇ, noeˬ laˇ-awˇ tuˇ-awˬ. Ngaˬ-euˬ yawˇ bi bo-euˬ tsawˇ haˬ, ngaˬ-euˬ dawˬ peh yawꞈ-eu gʼaˬ-ahˇ, sehꞈ-eu gʼaˇ duˬ yaw kawˇ tuˇ-awˬ. Yawˇ deuˬ cehˆ byoˆ cehˆ laˆ jiˇ ni, Yawˇ bo-eu gʼaˬ-ahˇ deuˆ sehꞈ-awˬ. Yawˇ zaˬ deuˬ-ahˇ ngaˇ kʼehˬ-eu ma.”

Maꞈtehˬ 18:7

Tsawˇ haˬ zaˬ-euˬ jah-eu nui ma byoˆ-iˇ ni jahˇ-eu gʼawˬ mya jeˬ jaˆ-eu baˬ da neh, miˇ tsaˬ tahˬ kʼawˇ heu aˇ naˆ ni guˆ laˇ paˬ-ehˇ gʼeh-eu nga. Kʼoeˇ loꞈ-ehˇ gʼeh-eu jeˬ aˬ myah luꞈ jaˆ luꞈ meh. Ehˇ kʼawꞈ, kʼoeˇ loꞈ-ehˇ gʼeh-eu jeˬ bi doˆ laˇ ni mˇ-eu tsawˇ haˬ deuˬ ya noeˬ shaˬ dui dui tehꞈ-a.

Maꞈtehˬ 26:31

Kʼoeˇ naˇ, aˬ yawꞈ maꞈ-ahˇ Yeˬsuˇ heu loꞈ-ehˇ ehˇ nehˬ-euˬ meh. “Nymˇ ciꞈ naw maꞈ dawˬ tawˆ luꞈ ngaˬ-ahˇ byehˇ dzeh-awˇ cehˆ tehꞈ-a. Aˬ jeˬ miˇ neh ehˇ naˇ, ‘Yawˇ bo-eu yaw sahˇ-ahˇ Miˬyehˇ sehꞈ-awˇ, yawˇ yawˇ maꞈ cehˆ byaˆ jiˇ tehꞈ-a’ lehˇ, Jaˇliꞈ laꞈ kʼoeˇ ehˇ taˬ-euˬ meh.

Maꞈtehˬ 26:54

Ehˇ kʼawꞈ, kʼoeˇ loꞈ-ehˇ jahˇ naˇ, heu loꞈ-ehˇ pyeuꞈ laˇ meh ehˇ taˬ-euˬ Jaˇliꞈ dawˬ kawˬ kʼoeˇ aˬ joˆ-ehˇ byah laˇ nya nmˇ.”

Maꞈtehˬ 26:56

Ehˇ kʼawꞈ, Miˬyehˇ gʼaˇ duˬ ngehˬ dah-eu deuˬ neh Jaˇliꞈ laꞈ kʼoeˇ kʼaˇ boꞈ taˬ-euˬ loꞈ-ehˇ byah laˇ ni, heu loꞈ-ehˇ bi pyeuꞈ laˇ-euˬ meh.” Kʼoeˇ ngeh, zaˬ lahˇ dawˬ tawˆ luꞈ, aˬ yawꞈ-ahˇ byehˇ dzeh yaꞈ-awˇ cehˆ jiˇ-euˬ meh.

Maˬkuˆ 14:21

Tsawˇhaˬ-euˬ Zaˬmaˇ-aˬ, Jaˇliꞈ laꞈ kʼoeˇ ehˇ taˬ-euˬ loꞈ-ehˇ ya shiˇ tehꞈ-a. Ehˇ kʼawꞈ, Tsawˇhaˬ-euˬ Zaˬmaˇ-ahˇ ahˬ dzaˬ-eu kʼoeˇ gʼaˬ ya noeˬ shaˬ dui dui tehꞈ-a. Aˬ yawꞈ maˬ dehꞈ le-euˬ law nmˇ-aˬ, aˬ yawꞈ gʼaˇ duˬ muiˬ dzehˬ tehꞈ-a.”

Maˬkuˆ 9:12

Yeˬsuˇ ehˇ-eu, “Yawˬ jeˬ na luꞈ lehˬ hmˬ laˆ saˆ le-eu gʼaˇ duˬ, Eˇliˇyaˆ jeˬ huˬ ya oe tehꞈ-a. Ehˇ kʼawꞈ, Tsawˇhaˬ-euˬ Zaˬmaˇ-aˬ, gʼawˬ mya jeˬ-ahˇ ya daˬ-awˇ, aˬ cawˬ neh bi byehˇ dzeh tehꞈ-a lehˇ, Jaˇliꞈ laꞈ kʼoeˇ aˬ jeˬ miˇ neh ehˇ taˬ ta.

Luˇkaꞈ 22:22

Tsawˇ haˬ-euˬ Zaˬmaˇ-aˬ, Miˬyehˇ neh noeˬ tsehˆ taˬ-euˬ loꞈ-ehˇ ya shiˇ tehꞈ-a. Ehˇ kʼawꞈ, aˬ yawꞈ-ahˇ ahˬ dzaˬ-euˬ gʼaˬ ya noeˬ shaˬ dui dui tehꞈ-a.”

Luˇkaꞈ 24:46

Kʼoeˇ naˇ, aˬ yawꞈ maꞈ-ahˇ heu loꞈ-ehˇ ehˇ nehˬ-euˬ meh. “Jaˇliꞈ laꞈ kʼoeˇ heu loꞈ-ehˇ boꞈ taˬ-euˬ meh. Ka li-aˬ, sehꞈ gaˇ ya daˬ-awˇ, smˬ nah byah laˇ naˇ, Miˬyehˇ neh paˇ bi gʼoꞈ dehꞈ laˇ tehꞈ-a.

Yoˇhaˬ 17:12

Ngaˇ aˬ yawꞈ maꞈ nehˬ-ehˇ jawˇ luꞈ ngeh, nawˬ neh ngaˬ-ahˇ biꞈ laꞈ-euˬ tsawˇ myahˇ kʼoeˇ myahˇ-euˬ baoˬ neh aˬ yawꞈ maꞈ-ahˇ haw lahˇ-euˬ ma. Jaˇliꞈ laꞈ kʼoeˇ ehˇ taˬ-euˬ loꞈ-ehˇ byah laˇ ni byoˆ-iˇ-euˬ kʼoeˇ tiˬ gʼaˬ maˬ ngeuˇ naˇ, aˬ yawꞈ maꞈ tiˬ gʼaˬ-iˬ maˬ bi byoˆ-iˇ ni ngaˇ haw lahˇ-euˬ ma.

Yoˇhaˬ 19:24

Yehˇ kʼoeˇ deuˬ tiˬ gʼaˬ tiˇ gʼaˬ ehˇ-eu, “Pehˇ kʼahˬ heu kahˇ maˬ cehˬ paˆ ni, aˬ geu gʼaˬ geuꞈ-eu tsaˬ nga lehˇ, pyuˇ maˇ byaˆ dzeh diˇ-awˇ tsaˬ geuꞈ kaˇ-euˇ.” Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ jeˬ byah laˇ ni, kʼoeˇ loꞈ-ehˇ pyeuꞈ laˇ-euˬ meh. “Ngaˬ-euˬ dm gʼaˬ dm lmˇ deuˬ-ahˇ, aˬ yawꞈ maꞈ yaw kaˬ biˇ geuꞈ-awˇ, laꞈ kʼoeˇ dm-eu pehˇ kʼahˬ pehˇ mahˇ, pehꞈ sa dzeh-awˇ tsaˬ geuꞈ-euˬ meh” Yehˇ kʼoeˇ deuˬ mehˬ tsoeˬ biˇ geuꞈ-euˬ kʼoeˇ-aˬ, Jaˇliꞈ laꞈ kʼoeˇ ehˇ taˬ-euˬ gaˇ tsaˬ-eu meh.

Yoˇhaˬ 19:28

Nymˬ-mˇ poˆ jawˇ, yawˬ jeˬ na luꞈ byah laˇ gʼaˬ-euˬ gaˇ kawˆ Yeˬsuˇ siˬ nya-euˬ meh. Jaˇliꞈ laꞈ kʼoeˇ ehˇ taˬ-euˬ loꞈ-ehˇ byah laˇ ni, “Iˇ cuꞈ mehꞈ nya” lehˇ Yeˬsuˇ ehˇ-eu meh.

Gʼaˬkʼehˇ 2:23

Miˬyehˇ-aˬ, yaw beh neh aˬ yawꞈ neh lehˬ hmˬ taˬ-euˬ loꞈ-ehˇ, Yeˬsuˇ-ahˇ naw maꞈ-euˬ aˬ laꞈ laꞈ kʼoeˇ a nehˬ-eu gʼaˇ duˬ, naꞈ ngeh neh noeˬ tsehˆ taˬ gʼaˬ-euˬ meh. Kʼoeˇ naˇ, iˬ baˇ mˇ-eu tsawˇ haˬ deuˬ neh laꞈ yaꞈ kʼoeˇ taˆ bi taꞈ tehˬ-eu laꞈ kʼoeˇ, naw maꞈ aˬ yawꞈ-ahˇ sehꞈ-euˬ meh.

Gʼaˬkʼehˇ 28:23

Kʼoeˇ naˇ, aˬ yawꞈ maꞈ aˇ nah tiˬ nah laˆ duˬ-awˇ, aˇ nah kʼoeˇ nah keuˆ laˇ ngeh, tsawˇ haˬ gʼawˬ mya ni Pawˇluˆ jawˇ gaˇ uiˬ laˇ-euˬ meh. Uˬ shawˬ paw neh uˬ ciꞈ paw keuˆ ni, Pawˇluˆ neh aˬ yawꞈ maꞈ-ahˇ Miˬyehˇ Miˇkʼahˬ gaˇ kawˆ ja mehˬ-awˇ, Moˇseˬ-euˬ Zahˇ dawˬ kʼoꞈ dawˬ hawˇ-eu Miˬyehˇ gʼaˇ duˬ ngehˬ dah-eu deuˬ neh boꞈ taˬ-euˬ gaˇ kawˆ-ahˇ gʼoe gʼoe-ehˇ, Yeˬsuˇ-euˬ gaˇ kawˆ-ahˇ jah laˇ ni leh jeh-awˇ mehˬ nehˬ-euˬ meh.

Gʼaˬkʼehˇ 4:28

Nawˬ-euˬ baoˬ hawˇ-eu nawˬ-euˬ nui kʼahˇ-ahˇ gʼoe-awˇ bi pyeuꞈ laˇ-eu gʼaˇ duˬ aˇ hu ba neh nawˬ neh noeˬ tsehˆ taˬ-euˬ yawˬ jeˬ na luꞈ keuˆ le ni mˇ-eu lehˇ aˬ yawꞈ maꞈ uiˬ leˇ-euˬ meh.

1 Gawˇliˬtu 15:3

Ngaˬ neh za taˬ-euˬ huiˬ dui dui-eu gaˇ kawˆ naw maꞈ-ahˇ ngaˇ biꞈ nehˬ-euˬ ma. Kʼoeˇ-aˬ, Jaˇliꞈ laꞈ kʼoeˇ boꞈ taˬ-euˬ loꞈ-ehˇ, aˬ dui-euˬ iˬ baˇ gʼaˇ duˬ Ka li shiˇ-euˬ gaˇ kawˆ hawˇ-eu,