Maꞈtehˬ 25:6 - Akha

⁶ “‘Miˬ zaˬ sheuˬ le-eu gʼaˬ oe keuˆ-euˬ meh. Ha laˬ laˇ-awˬ’ lehˇ guˇ doˆ laˇ ngeh, sehˇ gʼahˇ ceh laˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ “Saerghanr caelar ngae, aqcawq gur-eu, ‘Yoshuif oekeuv-euq ngar-a, nawmaf, aqyawf-anr halaq lar-awq!’

Maꞈtehˬ 25:6 ပူးပေါင်းရင်းမြစ်များ

Jaceuq 96:13

Sahˬpaˬ Miˬyehˇ miˇ tsaˬ-ahˇ uˆ lahˇ le ngeh, kʼoeˇ loꞈ-ehˇ guˇ tehꞈ-a. Miˇ tsaˬ zaˬ dawˬ tawˆ luꞈ-ahˇ yaw tsaˬ yaw dawˇ laꞈ kʼoeˇ uˆ lahˇ-awˇ, dawˇ coe ni yaˇ kʼaˬ daˇ nehˬ tehꞈ-a.

Jaceuq 98:9

Aˬ jeˬ miˇ neh ehˇ naˇ, miˇ tsaˬ-ahˇ aˬ yawꞈ uˆ lahˇ le-euˬ meh. Miˇ tsaˬ zaˬ deuˬ-ahˇ dawˇ coe ni aˬ yawꞈ uˆ lahˇ tehꞈ-a.

Iˇsaˬyaˇ 25:9

Kʼoeˇ loꞈ-ehˇ pyeuꞈ laˇ ngeh, tsawˇ haˬ yawˬ gʼaˬ na luꞈ heu loꞈ-ehˇ ehˇ tehꞈ-a. “Aˬ yawꞈ-aˬ, aˬ dui-euˬ Miˬyehˇ ma. Aˬ yawꞈ-ahˇ aˬ dui gʼoe-euˬ loꞈ-ehˇ, aˬ dui-ahˇ aˬ yawꞈ ka kʼoꞈ nehˬ laꞈ-euˬ meh. Aˬ yawꞈ-aˬ, aˬ dui-euˬ Sahˬpaˬ Miˬyehˇ meh. Aˬ yawꞈ-ahˇ aˬ dui gʼoe-euˬ loꞈ-ehˇ, nymˬ-mˇ aˬ dui laˬ kʼaˬ cehˇ nui saˇ za-eu ma. Aˬ jeˬ miˇ neh ehˇ naˇ, aˬ dui-ahˇ aˬ yawꞈ neh ka kʼoꞈ nehˬ laꞈ-euˬ meh.”

Aˬmoˆ 4:12

“Kʼoeˇ miˇ neh, Iˇsaˬleˬlaˆ miˇ kʼahˬ-ahˇ jawˇ-eu tsawˇ haˬ deuˬ-oˇ, naw maꞈ-ahˇ ngaˇ kʼehˬ nehˬ kʼaˆ nehˬ-eu lehˇ gʼeh-eu ma. Ngaˇ kʼoeˇ loꞈ-ehˇ kʼehˬ-eu kʼaˆ-eu lehˇ lehˬ hmˬ taˬ-euˬ miˇ neh, ngaˬ neh yaˇ kʼaˬ daˇ-euˬ gaˇ daˬ-eu gʼaˇ duˬ naw maꞈ yaw muiˬ paˬ-ehˇ lehˬ hmˬ taˬ-awˬ.”

Maꞈtehˬ 24:31

Daˇ heh baw-eu teˇ saˇ yaw kʼaˆ-ehˇ mahˇ doˆ laˇ-awˇ, aˬ yawꞈ-euˬ mˬ taˆ gʼaˬ kʼehˇ deuˬ-ahˇ miˇ ma oeˬ coeˇ oeˬ pyawˬ-ahˇ aˬ yawꞈ pyehˬ gʼeh-awˇ, mˬ dzeˇ miˇ dzeˇ heu coeˇ kʼoeˇ coeˇ doˆ ni jawˇ luꞈ-eu aˬ yawꞈ neh tseˇ doˆ-euˬ tsawˇ haˬ deuˬ bi sheuˬ uiˬ laꞈ tehꞈ-a.

Maꞈtehˬ 24:44

Kʼoeˇ miˇ neh, naw maꞈ aˬ myah luꞈ lehˬ hmˬ dah taˬ-awˬ. Aˬ jeˬ miˇ neh ehˇ naˇ, naw maꞈ maˬ noeˬ maˬ duˬ-ehˇ jawˇ luꞈ ngeh, Tsawˇhaˬ-euˬ Zaˬmaˇ oe tehꞈ-a.

Maꞈtehˬ 25:1

“Aˇ nah aˇ yamˬ kʼoeˇ yamˬ keuˆ le ngeh, Mˬtaˆ Miˇkʼahˬ-aˬ, heu loꞈ-ehˇ duˇ tehꞈ-a. Miˬ zaˬ sheuˬ le-eu kʼaˬ dzeˇ zaˬ-ahˇ ha laˬ leˇ-eu gʼaˇ duˬ, aˬ buˇ zaˬ guˬ tseˇ gʼaˬ yawˬ ha-euˬ tsiˇ kʼmˬ ciˬ-awˇ le-euˬ meh.

Maꞈtehˬ 25:31

“Tsawˇhaˬ-euˬ Zaˬmaˇ mˬ taˆ gʼaˬ kʼehˇ deuˬ sheuˬ-awˇ, Sahˬ paˬ loꞈ-ehˇ zaꞈ le ngeh, aˬ yawꞈ-euˬ dzoeˬ dzaˬ nuiˇ mahˬ kʼoeˇ taˆ nuiˇ le tehꞈ-a.

Maꞈtehˬ 25:5

Miˬ zaˬ sheuˬ le-eu kʼaˬ dzeˇ zaˬ kʼoeˇ gʼaˬ yaw kawˇ-ehˇ maˬ oe keuˆ-eu miˇ neh, aˬ buˇ zaˬ guˬ kʼoeˇ deuˬ yuꞈ yoeˇ ngeuˇ laˇ-awˇ, yuꞈ kʼaˆ-euˬ meh.

Maꞈtehˬ 25:7

Aˬ buˇ zaˬ guˬ kʼoeˇ tseˇ gʼaˬ noeˬ laˇ-awˇ, yawˬ ha-euˬ tsiˇ kʼmˬ yawˬ ha laˆ nyehˆ-euˬ meh.

Luˇkaꞈ 12:20

Ehˇ kʼawꞈ, aˬ yawꞈ-ahˇ Miˬyehˇ ehˇ nehˬ-eu, ‘Aˬ dzawˬ aˇ gah-oˇ, nymˇ ciꞈ neh nawˬ-euˬ saꞈ laˇ ngaˇ yuˇ kʼoꞈ ma. Nymˬ-mˇ poˆ jawˇ-aˬ, nawˬ neh poˆ uiˬ taˬ-euˬ myawˬ gahˬ deuˬ aˬ suˇ gʼaˬ-euˬ pyeuꞈ-iˇ nmˇ.’

Luˇkaꞈ 12:46

tiˬ nah keuˆ laˇ ngeh, zaˬ kʼaˆ kʼoeˇ gʼaˬ maˬ noeˬ maˬ duˇ-ehˇ jawˇ gaˇ, baw leˬ gʼaˬ gʼoꞈ keuˆ le tehꞈ-a. Kʼoeˇ ngeh, baw leˬ gʼaˬ zaˬ kʼaˆ kʼoeˇ gʼaˬ-ahˇ shiˇ taw tehˬ ni diˬ-awˇ, saˇ jaˇ maˬ ziꞈ-eu zaˬ kʼaˆ deuˬ nehˬ-ehˇ tiˬ kawˆ loꞈ-ehˇ bi jawˇ tehꞈ-a.

1 Teˇsaˬloˇni 4:16

Miˬyehˇ guˇ-awˇ dawˬ biꞈ-eu teˇ saˇ maˬ ehˇ, mˬ taˆ gʼaˬ kʼehˇ yaw huiˬ gʼaˬ-euˬ teˇ saˇ maˬ ehˇ, Miˬyehˇ-euˬ daˇ heh teˇ saˇ maˬ ehˇ, ya gaˬ-awˇ, Sahˬpaˬ Yeˬsuˇ mˬ-ahˇ neh zaꞈ le tehꞈ-a. Kʼoeˇ ngeh, Ka li-ahˇ jah jah-ehˇ shiˇ-euˬ tsawˇ haˬ deuˬ aˬ hu gʼoꞈ dehꞈ laˇ tehꞈ-a.

2 Beˬtuˆluˆ 3:10

Ehˇ kʼawꞈ, Miˬyehˇ-euˬ Aˇnah-aˬ,smˇ kʼoeˬ tahˇ joe oe-eu loꞈ-ehˇ keuˆ leh tehꞈ-a. Aˇ nah kʼoeˇ nah keuˆ le ngeh, teˇ saˇ yaw kʼaˆ-ehˇ mahˇ laˇ-awˇ, mˬ byoˆ-iˇ leꞈ tehꞈ-a. Nahˇ ma, ba la, aˬ guiˇ dawˬ tawˆ luꞈ puiˆ byoˆ guiˇ byoˆ jiˇ tehꞈ-a. Miˇ tsaˬ heu hawˇ-eu miˇ tsaˬ kʼoeˇ taˆ kʼaˇ jawˇ kʼaˇ jaˆ-eu jeˬ daw tawˆ luꞈ bi puiˆ dzaˬ jiˇ tehꞈ-a.

Panmaeq 16:15

“Naˇ haˬ-awˬ. smˇ kʼoeˬ tahˇ joe oe-eu loꞈ-ehˇ ngaˇ oe luꞈ-eu ma. Neˇ myawˆ ni maˬ ya cah-ehˇ aˬ cawˬ mehˬ shi maˬ ya shaꞈ dawˇ ni, yaw beuˇ beuˇ-ehˇ dehꞈ-awˇ mehˬ tsoeˬ yaw muiˬ-ehˇ dm gʼoeˬ-eu tsawˇ haˬ guiˬ lahˬ huiˬ-eu meh.”