Maꞈtehˬ 25:5 - Akha

⁵ Miˬ zaˬ sheuˬ le-eu kʼaˬ dzeˇ zaˬ kʼoeˇ gʼaˬ yaw kawˇ-ehˇ maˬ oe keuˆ-eu miˇ neh, aˬ buˇ zaˬ guˬ kʼoeˇ deuˬ yuꞈ yoeˇ ngeuˇ laˇ-awˇ, yuꞈ kʼaˆ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Yoshuif oemya-euq mirnae, aqyawfmaf dawqtawvluf yufyoer ngeurlar-awr yufkhav-euq mae.

Maꞈtehˬ 25:5 ပူးပေါင်းရင်းမြစ်များ

Dawˬ caˇ 3:1

Aˬ yawꞈ miˇ yawꞈ ngaˬ-euˬ yuꞈ zaˇ-ahˇ ngaˇ yuꞈ-awˇ, ngaˇ gaˬ-eu gʼaˬ-ahˇ tehꞈ-ehˇ noeˬ luꞈ ma. Aˬ yawꞈ-ahˇ ngaˇ poˆ kʼawꞈ, maˬ poˆ mawˇ nya nya.

Dawˬ caˇ 5:2

Ngaˇ yuꞈ kʼaˆ luꞈ kʼawꞈ, ngaˬ-euˬ nui ma yaw noeˬ nya. Ngaˇ gaˬ-eu gʼaˬ laˇ gʼoˆ-ahˇ kʼoˆ luꞈ gaˇ yuꞈ maˆ maˆ mawˇ-euˬ ma. Ngaˇ gaˬ-eu gʼaˬ-oˇ, ngaˬ-ahˇ bi uˇ laˇ nehˬ laꞈ sheˇ. Ngaˇ gaˬ dui dui-eu ngaˬ-euˬ zaˬ kʼaˬ, muiˬ dui dui-eu gʼaˬ-oˇ, bi uˇ laˇ nehˬ laꞈ sheˇ. Ngaˬ-euˬ uˬ duˬ-ahˇ ceuˬ ga aˬ-awˇ, ngaˬ-euˬ uˬ duˬ tsehˇ kahˇ jaˇ yoe ni miˇ-a.

Dawˬ caˇ 5:3

Ngaˇ mehˬ tsoeˬ lehˆ dzeh gʼaˬ jiˇ taˬ-euˬ, aˬ joˆ-ehˇ paˇ dm kʼoꞈ nmˇ. Ngaˬ-euˬ aˬ kuiˇ dzuiꞈ shawˇ gʼaˬ jiˇ-euˬ, aˬ joˆ-ehˇ paˇ nawˬ jawꞈ nmˇ.

Haˬbaˬkuˆ 2:3

Ngaˇ pah mehˬ-eu jeˬ keuˆ le-eu, aˇ yamˬ maˬ tsaˬ laˇ-euˬ miˇ neh, boꞈ doˆ-awˇ tiˬ kʼehˬ dawˬ tawˬ siˬ. Ngaˇ pah mehˬ-eu jeˬ keuˆ le-eu, aˇ yamˬ dawˬ peh peh laˇ-euˬ meh. Yaw kawˇ maˬ keuˆ le gaˇ duˇ kʼawꞈ, tiˬ kʼehˬ dawˬ-awˇ haw tsoˆ taˬ yawˬ. Gʼawˬ myahˇ ni maˬ paˇ nyi naˬ ni, keuˆ le luꞈ-eu yaw duˬ baw meh.

Maꞈtehˬ 24:48

Ehˇ kʼawꞈ, aˬ yawꞈ maˬ muiˬ-eu zaˬ kʼaˆ pyeuꞈ lawˬ naˇ, ‘Ngaˬ-euˬ baw leˬ yaw awˬ awˬ-ehˇ maˬ gʼoꞈ le-aˇ’ lehˇ, yawˬ haˇ yawˬ ha ehˇ tehꞈ-a.

Maꞈtehˬ 25:19

“Aˇ nah aˇ yamˬ myahˇ laˇ ngeh, zaˬ kʼaˆ kʼoeˇ deuˬ-euˬ baw leˬ gʼaˬ gʼoꞈ keuˆ laˇ-awˇ, zaˬ kʼaˆ kʼoeˇ deuˬ nehˬ-ehˇ pyuˇ sawˇ tsaˬ-euˬ meh.

Maꞈtehˬ 25:4

Noeˬ dahˇ doe-eu kʼoeˇ ngaˬ gʼaˬ-aˬ, tsiˇ kʼmˬ ciˬ gʼeh-awˇ, tsiˇ maˇ tsaꞈ kʼawꞈ ciˬ gʼeh-euˬ meh.

Maꞈtehˬ 25:6

“‘Miˬ zaˬ sheuˬ le-eu gʼaˬ oe keuˆ-euˬ meh. Ha laˬ laˇ-awˬ’ lehˇ guˇ doˆ laˇ ngeh, sehˇ gʼahˇ ceh laˇ-euˬ meh.

Maꞈtehˬ 26:40

Kʼoeˇ naˇ, zaˬ lahˇ kʼoeˇ smˇ gʼaˬ jawˇ gaˇ aˬ yawꞈ gʼoꞈ-iˇ ngeh, yuꞈ kʼaˆ taˬ-euˬ gaˇ ya mawˇ-euˬ meh. Aˬ yawꞈ Beˬtuˆluˆ-ahˇ ehˇ nehˬ-eu, “Nawˬ ha smˇ gʼaˬ naˬ liˬ tiˬ laꞈ byah ni tehꞈ-ehˇ kʼawꞈ ngaˬ nehˬ-ehˇ maˬ loꞈ caw nya ni aˬ joˆ-ehˇ gʼeh ta.

Maꞈtehˬ 26:43

Aˬ yawꞈ tiˬ poˆ paˇ gʼoꞈ le ngeh, zaˬ lahˇ kʼoeˇ smˇ gʼaˬ myaˆ nuiˆ maˬ byeh diˇ coeˇ-ehˇ yuꞈ kʼaˆ taˬ-euˬ gaˇ paˇ ya mawˇ-euˬ meh.

Luˇkaꞈ 1:21

Kʼoeˇ ngeh, laꞈ nyiˇ paw Zaˬkaˬliˇ-ahˇ dawˬ luꞈ-eu tsawˇ haˬ deuˬ, Uˬ duˬ tahˬ nymˇ nymˇ ma laꞈ kʼoeˇ aˬ yawꞈ kʼoeˇ myah myah-ehˇ ga-iˇ-euˬ gaˇ zahˬ leˇ-euˬ meh.

Luˇkaꞈ 12:45

Ehˇ kʼawꞈ, zaˬ kaˆ kʼoeˇ gʼaˬ ‘Ngaˬ-eu baw leˬ yaw awˬ awˬ-ehˇ maˬ gʼoꞈ laˇ-aˇ’ lehˇ yawˬ haˇ yawˬ ha ehˇ-awˇ, kʼaˬ dzeˇ zaˬ zaˬ kʼaˆ deuˬ hawˇ-eu zaˬ miˬ zaˬ zaˬ kaˆ deuˬ-ahˇ diˬ diˬ-ehˇ, dzaˬ yehꞈ dawˇ yehꞈ-awˇ jawˇ naˇ,

Luˇkaꞈ 18:8

Aˬ yawꞈ maꞈ-euˬ gʼaˇ duˬ aˬ yawꞈ yaw kawˇ-ehˇ yaˇ kʼaˬ daˇ tehꞈ-a lehˇ, naw maꞈ-ahˇ ngaˇ ehˇ-eu ma. Ehˇ kʼawꞈ, Tsawˇhaˬ-euˬ Zaˬmaˇ zaꞈ le ngeh, miˇ tsaˬ kʼoeˇ taˆ jah-eu jeˬ jaˆ luꞈ gaˇ ya mawˇ tehꞈ-a loˇ.”

Luˇkaꞈ 20:9

Kʼoeˇ naˇ, tsawˇ haˬ kʼoeˇ deuˬ-ahˇ yaw jeˬ ma jeˬ heu hmˬ Yeˬsuˇ ja mehˬ nehˬ-euˬ meh. “Tsawˇ haˬ tiˬ gʼaˬ aˬ gaꞈ gaꞈ yaˇ tiˬ yaˇ yaˇ-awˇ, yaˇ kmˇ mˇ-eu deuˬ-ahˇ mˇ paˆ bi paˆ yaꞈ-awˇ, yawˬ kʼahˬ yawˬ miˇ yawˬ-ahˇ gʼawˬ myahˇ ni jawˇ-iˇ-euˬ meh.

Lormav 13:11

Naw maꞈ kʼoeˇ loꞈ-ehˇ ya mˇ meh. Aˬ jeˬ miˇ neh ehˇ naˇ, yuꞈ kʼaˆ taˬ-euˬ noeˬ laˇ-eu aˇ yamˬ tsaˬ laˇ-euˬ meh lehˇ naw maꞈ siˬ nya meh. Miˬyehˇ aˬ dui-ahˇ ka kʼoꞈ-eu aˇ yamˬ-aˬ, aˬ dui jah dahˬ beh ngeh naˆ maˬ tseˇ nymˬ-mˇ peh dzehˬ laˇ-euˬ meh.

Eˇpeˇsu 5:14

Aˬ jeˬ miˇ neh ehˇ naˇ, bya cehˆ ni bi mawˇ duˬ laˇ-eu yawˬ jeˬ na luꞈ yaw shehꞈ pyeuꞈ-eu meh. Kʼoeˇ miˇ neh, heu loꞈ-ehˇ ehˇ taˬ-euˬ jaˆ-eu meh. “Yuꞈ kʼaˆ taˬ-euˬ deuˬ noeˬ laˇ-awˇ, shiˇ-euˬ gʼoꞈ dehꞈ laˇ-awˬ. Ka li yaw shehꞈ biꞈ laꞈ tehꞈ-a.” lehˇ ehˇ taˬ-euˬ jaˆ-eu meh.

1 Beˬtuˆluˆ 5:8

Yaw beuˇ beuˇ-ehˇ dehꞈ-awˇ, yaw zoˇ zoˇ-ehˇ haw tsoˆ taˬ-awˬ. Naw maꞈ-ahˇmuiˇ-eu Nehꞈ sahˬ paˬ-aˬ, tsawˇ haˬ-ahˇ kawꞈ sehꞈ dzaˬ-eu lehˇ joeˬ joeˬ-ehˇ cah-eu aˇ laˬ jaˬ shiˇ loꞈ-ehˇ naw maꞈ-ahˇ shahˇ luꞈ meh.

Panmaeq 2:25

Ehˇ kʼawꞈ, ngaˇ oe ngeh keuˆ ni naw maꞈ kʼaˇ jaˆ luꞈ-eu jeˬ-ahˇ ziꞈ dah ni tuˆ tehˬ taˬ-awˬ.